情人節想享受吓二人時光，去東涌都係一個遠離人煙嘅好地方，食完飯仲可以沿海散步，睇吓飛機起飛嘅獨特風景。東涌有好多打卡餐廳，其中就有呢間黎巴嫩菜“Maison Du Mezze”，曾入圍國際餐飲設計大賽。
“Maison Du Mezze”設計一系列精緻菜式，成日都有驚喜㗎。
“Maison Du Mezze”以籐吊燈、乾草打造異國度假風，曾入圍國際餐飲設計大賽。
有駐場調酒師製作多款雞尾酒。
情人節套餐 | 海鮮·烤雞·羊腿
Valentine's Day Set Meal | Seafood - Roast Chicken - Lamb Shank
呢度會由世界各地引入食材，無論海鮮、肉類定蔬菜都特別鮮味。你會發覺單單食材原始味已經好好食，而唔會被大量調味料遮蓋。
“Maison Du Mezze”情人節套餐$580/人。
【熱湯】SOUP
中東海鮮湯(Middle Eastern Seafood Soup)
熱湯一上枱，就見到有咁多海鮮已經幾suprise，儼如一道迷你海鮮料理。好鍾意佢嘅湯身清澈，更突出海鮮鮮甜。
【前菜】STARTS
Seafood Kebbeh & Rocca Zaatar Salad
Kebbeh係中東傳統菜式，而大廚就將肉碎變成魚肉、蝦肉，並混入小麥炸到金黃色。外層香口，內裡又彈牙細膩。一定要蘸埋紅菜頭芝麻醬一齊食，輕甜解膩，係女生一定鍾意嘅味。
【主菜】MAIN
Chicken Musakhan
Musakhan係巴勒斯坦傳統煮法，當地人會將雞肉、洋蔥、酸汁放於麵包上。今次就將麵包變成脆片；烤雞亦加咗松子仁，連埋牛油果一齊食又軟又脆好吸引呀。
Lamb Mansaf
隻澳洲羊腿真係好！大！隻！呀～一放低已經忍唔住影張相先。雖然咁大隻，但羊肉一啲都唔韌呀。用隻叉一拮就肉骨分離，食落肉味仲好濃郁。私心大愛佢哋嘅發酵乳酪醬，獨特奶香同羊肉好夾。
【甜品】
Homemade Kunafa
Kunafa係好受當地人歡迎嘅中東甜品，同平時香港食到嘅軟軟滑滑甜品好唔同。Kunafa外層係脆脆地嘅酥皮碎，內裡就有Burrata芝士、凝脂奶油(Clotted Cream)、開心果，又脆又香又軟滑加埋一齊，完全係今次晚餐記憶點。
Maison Du Mezze
地址: 東涌怡東路9號灣景薈地下G10號舖
電話: 23300131