每到年尾，日本公司都會舉辦忘年會(ぼうねんかい)同員工一齊食飯飲酒。估唔到香港都有高質日本料理店，成為一眾居港日本人忘年會嘅熱門地點。細問現場日本客人，原來大家都慕松戶利雄先生的名而來。
隱世日本餐廳！前日本首相御廚參與開店
開業18年嘅「鮨處松戶」係隱世尖沙咀樓上店，當年由前日本首相(橋本龍太郎)國宴御廚—松戶利雄先生主理並駐場製作料理。雖然松戶先生現已退休，不過佢親自參與嘅裝潢設計依然保留，細心發現店名「鮨處松戶」都有松戶先生姓氏㗎。
「鮨處松戶」開業時，由松戶利雄先生主理及參與設計，而家繼續保留當年裝潢。
店內充滿日本氣氛，座位寬敞。
3間VIP房依日本傳統設日式敝門及榻榻米座位。
【一系列優惠選擇】激抵刺身/壽司半價
雖然松戶先生已經退休，但「鮨處松戶」依然堅持日本地道料理。每日飛機直送北海道、九州魚材，而且日本、香港兩地出入口都會測試輻射水平，絕對可以放心。而家更有一系列優惠選擇，魚生fans推薦「任選1款刺身/壽司半價」，最多減$415㗎！即刻睇埋其他優惠啦～
「鮨處松戶」限定優惠！
即日起，以下優惠任選1項
1) 任選1款刺身/壽司半價 2) 全部1.8L酒品享半價優惠 3) 每晚6時後，全單85折(不包括飲品) |
壽司雜錦(特上)$550足足11件壽司、吞拿魚卷同甜蛋，半價優惠只需$275。
刺身雜錦(特上)$660有吞拿魚腩、海膽、深海池魚等，半價優惠只需$330。
【人氣料理推介】
年尾梗係想食得有儀式感，除咗經典拖羅、海膽、海魚刺身外，唔少得食埋時令生蠔呀。師傅特別配上酸汁、青檸突出生蠔海水味。
店家定期引入時令生蠔，蠔身肥美、海水味濃郁。
「鮨處松戶」仲有多款鍋物好啱冬天食，當中日本人鍾意食嘅雞肉丸鍋，肉丸彈牙有肉汁，配埋掛湯粉絲一齊食好暖胃。同場仲有日本A4和牛壽喜燒(2人前)、海鮮鍋(鯛魚湯底·2人前)、相撲火鍋等。鍾意濃味啲，可以揀九州風味麵豉火鍋㗎。
日本人大愛雞肉丸鍋。雞肉丸彈牙juicy，粉絲好掛湯。
另外亦可以飲啖熱湯暖身，𩶘魚奶湯望落簡單，但係真材實料用鮮魚煮製。湯身奶白綿滑，仲食到滿滿𩶘魚、豆腐配料。
𩶘魚奶湯真材實料用鮮魚熬煮，奶白湯身好鮮甜。
店家話呢道蒜片雞肉南蠻漬好少香港人食，但日本人就好鍾意喇，想一試日本人口味絕對必食。日本嘅南蠻漬據說嚟自歐洲，及後傳到九州成為本土化料理。將炸雞配上唐辛子、醋等醃漬，又脆又酸酸甜甜好開胃㗎。
蒜片雞肉南蠻漬早年由歐洲傳入，現大受日本人歡迎，酸酸甜甜好開胃。
如果你鍾意食軟綿綿嘅鵝肝，都會鍾意呢道鮟鱇魚肝酢物。口感綿密依然，以醋調味後鹹香輕酸更有層次感。
日本地道料理鮟鱇魚肝酢物，鮟鱇魚肝以醋調味，鹹香輕酸更有層次感。
鮨處松戶
地址: 尖沙咀廣東道100號彩星集團大廈8樓
電話: 31064468