今個新年，想同親朋好友留喺屋企慶新春都可以食餐好！米芝蓮星級粵菜食府「明閣」匠心巧製「明閣新春開運盆菜」同「豐衣足食一品煲」，兩款都係以可循環再用陶瓷鍋或砂鍋奉上，返到屋企以明火或電磁爐加熱就食得，擺盤有體面又方便。「明閣新春開運盆菜」供8位用，4人家庭都可以揀「豐衣足食一品煲」！除左外賣自取之外，「明閣」仲會提供送遞服務添。
喺香港康得思酒店中嘅「明閣」，起岩岩公佈嘅港澳米芝蓮指南再度榮獲一星殊榮，計埋已經連續13年榮獲米芝蓮星級榮譽，總廚李悅發師傅一向搜羅世界各地頂級食材煮製多款經典廣東菜。今次盆菜當然無令人失望，先講「明閣新春開運盆菜」就有16款矜貴食材，包括原隻10頭鮑魚，仲有花膠、瑤柱、蠔豉、海參、海蝦等。
炆至軟腍嘅豬手、鵝掌、蓮藕、枝竹都好入味，最後一定要食吸滿湯汁精華嘅蘿蔔，清甜無渣，一咬滲出湯汁相當好食。
明閣新春開運盆菜(8位用) (港幣2,688元)
原隻鮑魚(10頭)、花膠、蠔豉、瑤柱、海參、海蝦、花菇、鵝掌、水雲、貴妃雞、燒鵝、元蹄、豬手、蓮藕、蘿蔔、枝竹
（盆菜以可循環再用的陶瓷鍋奉上，並可以明火或電磁爐加熱。）
疫情下，好多人都想簡簡單單一家四口食新年飯，所以「明閣」亦提供4位用嘅「豐衣足食一品煲」。雖然份量無盆菜咁多，但用料依然豐富矜貴—原隻10頭鮑魚、花膠、瑤柱、蠔豉、海參等全部都有。
豐衣足食一品煲 (4位用) (港幣1,328元)
原隻鮑魚(10頭)、花膠、海參、花菇、蠔豉、瑤柱、水雲、鵝掌、生菜
（一品煲以可循環再用的砂鍋奉上，並可以明火加熱。）
趁新年想食得豐富啲，食客都可以優惠價追加指定小菜或餐酒！推薦前菜包括「麻香核桃耳」、「芹香馬蹄海蜇頭」，又可以揀招牌名菜「至尊蜜汁叉燒」、「五香燒腩肉」或「臘味炒芥蘭」加餸。另外仲有三款餐酒可以優惠價追加，包括Taittinger Reserve, Brut 香檳、Clarence Hill Sliver Label, Chardonnay, Australia, 2019、Clarence Hill Sliver Label, Cabernet Sauvignon, 2019。
「明閣新春開運盆菜」同「豐衣足食一品煲」由2021年2月1日至2月21日供應，建議提前最少一小時預訂。客人可以喺每日早上10時半至晚上9時期間到明閣外賣自取。明閣亦提供送遞服務，收費由港幣70元起（視乎送遞地區而定），即日起訂購「明閣新春開運盆菜」並選用送遞服務可享港幣50元運費折扣，詳情可以聯絡明閣查詢。
明閣Openrice外賣自取網址: https://www.openrice.com/en/hongkong/menu/12120/takeaway
明閣
地址: 旺角上海街555號香港康得思酒店6樓
電話: 35523028
