旺角新開「粗店燒烤」同平時串燒店唔同，每張枱都有串燒烤爐㗎！店員會將熱辣辣串燒放上烤爐保溫，好方便一班朋友share，就算傾計慢食都唔怕放到凍晒啦。
早鳥優惠88折
「粗店燒烤」會不定期推出OpenRice訂座優惠，最近就有早鳥優惠88折，即睇詳情～
日期: 2022年12月16日 至 2022年12月23日 時間: 17:30—19:00 詳情: 逢星期五、六，經OpenRice訂座指定時間即享88折 (不包括酒水及服務費加一) |
一齊粗獷！
呢度之所以叫粗店，因為漢朝古人會用稱為「粗爐」嘅燒烤爐煮食。「粗」字代表烤爐外，嚟到現代更有一種簡單、放開束縛嘅感覺。店家就係想大家喺度同朋友暢快食串燒、飲酒，無包袱無拘束～
每張枱都有烤爐為串燒保溫，可以傾計慢慢食，為咗方便食客抽紙巾，每張枱都有懸掛紙巾好特別，幾有心思。
【燒肉串】不經醃製 一嚐原始肉味！
食串燒最怕啲肉太乾太鹹，呢度嘅肉串就不經醃製，現串現賣。特別係牛肉串、羊肉串都好食到原始肉味；另外個人最鍾意燒五花肉，入口勁有油香！
肉串真係原汁原味，有牛肉串、羊肉串、五花肉等。
人氣推介仲有燒到脆卜卜嘅雞中翼、雞軟骨、雞皮，同場豬手、椒鹽魷魚鬚都係飲酒一流㗎。
脆口串燒、炸物好啱飲酒。
【燒海鮮】必食新鮮生蠔·瀨尿蝦
海鮮燒物就有冬天必食秋刀魚，魚肉紮實略帶魚油；即開即燒新鮮生蠔，特別大隻脆嫩；最估唔到烤扇貝、瀨尿蝦都好厚肉，私心推介呀。
多款新鮮海鮮，生蠔、扇貝都好大隻！
【燒蔬菜】有辣有甜夠過癮
瘋狂吸入第一輪串燒後，可以食啲蔬菜串燒平衡膩感～燒粟米、烤茄子、烤韭菜、翠玉瓜、鮮冬菇等都有；鍾意惹味啲可揀虎皮尖椒，辣得好過癮；個人必點烤菠蘿好清甜多汁，當埋甜品食都得。
多款蔬菜串燒揀，特別係烤菠蘿好清甜多汁。
【鍋物】辣住飲啤酒
除咗一系列串燒，呢度嘅鍋物都好佐酒，特別係麻辣燙、甜麻雜貝真係有種粗獷感覺，食住流汗再飲啖啤酒幾正。
麻辣燙有好多爆湯配料—豆卜、粉絲、生菜等，入口香辣，後續又滲啲麻。
麻辣燙好多爆湯配料。
甜麻雜貝湯底係麻辣湯底+特調牛奶，中和辣度之餘更突出海鮮鮮甜，有多款新鮮直送貝類—沙白、蜆、青口。
甜麻雜貝有多款貝類，放到滿晒勁多料。
【過冷河】彈牙冷麵
食咗咁多燒物辣嘢，都可以叫碟粗店涼麵過吓冷河。
粗店涼麵
【拉絲濃郁】芝士撈丁
冬天食個熱辣辣芝士撈丁真係好有幸福感～呢度嘅雙重芝士拌一丁有車打芝士、芝士碎、蒜茸，上枱前仲會用火槍炙燒芝士表面，勁惹味creamy。
Photo
雙重芝士拌一丁，上枱前仲會炙燒芝士超拉絲。
粗店燒烤
地址: 旺角豉油街60-104號XX Arcade地下AB號舖
電話: 37051318
