龍年祝大家大吉大利,今期推介喺天后同尖沙咀均有分店嘅「黑木亭」,呢期有多種優惠,詳情如下。
![](https://www.openrice.com/userphoto/CMSContent/0/8D/001NKL46CB637746B947D5j.jpg)
同場一定要mark實埋半價-象拔蚌$198,只係$198就有即日飛機運到原隻日本象拔蚌。冬天想食鍋物,又有IGable愛滿心玫瑰A5和牛鍋 配和歌山赤糖蕃茄豚骨湯,$398食120g日本A5和牛鍋物,加埋情侶首選嘅愛心玫瑰,絕對值回票價。
【秋冬鍋物優惠】
愛滿心玫瑰A5和牛鍋
配和歌山赤糖蕃茄豚骨湯 7折$398 (原價$568)
新年期間想提早同親友食好D,可以揀呢道玫瑰A5和牛鍋。扇型排列A5和牛好有霸氣,連埋滿滿野菜絕對夠兩個人share。
![](https://www.openrice.com/userphoto/CMSContent/0/8D/001NK05BC1FB0073B018A8j.jpg)
扇型排列A5和牛好有霸氣。
打卡白玫瑰則係零味精豚骨湯,開動前將5粒花花放入和歌山赤糖蕃茄湯中,就會自製出蕃茄豚骨湯啦~食到咁上下叫員工加湯後,可以放埋最後一粒玫瑰花入去,咁就唔怕越滾越淡啦。
![](https://www.openrice.com/userphoto/CMSContent/0/8D/001NK1C58C0AE15276BA5Bj.jpg)
白玫瑰係零味精豚骨湯,將花花放入和歌山赤糖蕃茄湯中,自製出蕃茄豚骨湯。
熊の降臨豆乳豬骨鍋 5折378 (原價$540)
推出至今一直人氣高企嘅熊仔鍋,好啱新年飯局打卡影相。可愛熊仔冰原個上枱,之後可以自行將豬骨湯倒落熊仔冰啦~少女心都跟住熊仔冰融化呀。
![](https://www.openrice.com/userphoto/CMSContent/0/8D/001NK236FBC9AF0E948985j.jpg)
熊仔冰係天然豆乳,絕無色素,健康可愛。
其實熊仔冰真身係天然豆乳~淺啡色熊仔冰絕無色素,因為豆乳雪凍後就會自然變啡色啦。而熱湯則係零味精豬骨湯底,「黑木亭」自家用豬骨筒、豬肉等熬10幾個鐘,好乳白濃郁㗎。而當熊仔冰隨熱湯融化後,就可以開動滾煮鍋物—M7澳洲和牛、帆立貝、豬腩片、野菜等等,相當豐富。
椰皇壽喜燒A5宮崎+M7澳洲和牛寶盒
7折$398 (原價$569)
過年對自己好啲,唔只想食靚牛,係想食好多款靚牛呀!! 呢個和牛寶盒就集合咗A5宮崎和牛、M7澳洲和牛、牛肩脊,同場仲有大蝦、日本福袋等,只係$398咋。而和牛寶盒最驚喜係椰子水+壽喜燒湯底,原來兩者嘅清甜、濃郁撞埋係咁夾。肉味會特別濃郁,甜甜地又好解膩,完全估佢唔到。
![](https://www.openrice.com/userphoto/CMSContent/0/8D/001NK3404221A8D8348F75j.jpg)
椰子水+壽喜燒湯底,兩種截然不同嘅甜味撞埋一齊好有驚喜。
海上鮮海鮮鮮魚湯鍋 配秘製沖繩菠蘿蓉甜汁
(聚會珍寶盒/3-4人份) 7折$698 (原價$997)
海鮮大拼盤真係多到爆滿!! 節日vibe就係要食到咁先有儀式感~有日本鮮魚、鱔片、蠔、鮑魚、蜆肉、虎蝦同福袋,豐富又好意頭。日本鮮魚骨湯係自家用魚骨熬製,奶白湯底好綿滑,用嚟淥海鮮更加鮮美。特配兩款醬汁,當中師傅親自調製嘅菠蘿柚子醬,香香甜甜同海鮮好夾。
日本鮮魚骨湯係自家用魚骨熬製,奶白湯底好綿滑,用嚟淥海鮮更加鮮美。特配兩款醬汁,當中師傅親自調製嘅菠蘿柚子醬,香香甜甜同海鮮好夾。
![](https://www.openrice.com/userphoto/CMSContent/0/8D/001NK418498DAAA60A5917j.jpg)
多到爆滿嘅海鮮大拼盤,好有儀式感。
【抵食刺身 半價象拔蚌 / 海膽$198】
![](https://www.openrice.com/userphoto/CMSContent/0/8D/001NK5443D958057618D8Dj.jpg)
身為海膽控見到呢個抵食刺身真係雙眼發光!$198有成40g海膽,仲有日本原條直送象拔蚌都係$198,一枱限叫一份咋!!
令和之怪物 | 買一送一
日本令和之怪物生蠔,手掌咁大隻~而家買一送一優惠激抵食。同場仲有法國Les Huitres St Martin $48,蠔味濃郁、肉質豐潤;西班牙Castillo $128就好鮮甜,口感厚身creamy,又係另一種風味。
![](https://www.openrice.com/userphoto/CMSContent/0/8D/001NK6F9AAE0F6D84596EFj.jpg)
手掌咁大隻嘅日本令和之怪物生蠔,現買一送一。
【本月時令創意料理推介】
黃金片立鱗燒3件 5折$198(原價$396)
唔係所有魚嘅魚鱗都炸到金黃香脆,今次食到嘅立鱗燒就係用矜貴鮮魚今鯛製作。多數要喺幾千蚊一位嘅omakase先食到1件,而家一次過食3件立鱗燒只係$198,配埋師傅自製舞茸菇醬更有層次。
![](https://www.openrice.com/userphoto/CMSContent/0/8D/001NK9776A2A84F172F523j.jpg)
唔係所有魚都做到立鱗燒,特別矜貴。
時令白子紫蘇葉天婦羅(3件) 7折$198(原價$283)
秋冬係白子時令季節,口感滑嘟嘟,天婦羅煮法變得外脆內軟更有層次。
![](https://www.openrice.com/userphoto/CMSContent/0/8D/001NKA545935C4E8BEC944j.jpg)
當白子變成天婦羅,外脆內嫩口感好有層次。
仙境A5和牛密盒 7折$368(原價$526)
A5宮崎和牛西冷炙燒至5成熟,夾起牛肉見到入面仲係好粉嫩,一咬落去滲出肉汁又鬆軟,仙氣木盒影相仲好靚𠻹。
![](https://www.openrice.com/userphoto/CMSContent/0/8D/001NKBAC26905254AE1C6Cj.jpg)
仙氣木盒影相好靚。
![](https://www.openrice.com/userphoto/CMSContent/0/8D/001NKC1E01CA0E57F9F659j.jpg)
A5宮崎和牛西冷炙燒至5成熟,肉質依然粉嫩。
柚子醋澳洲和牛他他 7折$228(原價$326)
澳洲M7和牛一向軟嫩富肉汁,配埋微妙甜酸嘅柚子醋更突出肉味同開胃,好啱同朋友一齊share邊食邊飲酒。
![](https://www.openrice.com/userphoto/CMSContent/0/8D/001NKD74E1515B994C87B6j.jpg)
澳洲M7和牛配上柚子醋,好啱一齊share邊食邊飲酒。
滿享A5和牛三味 7折$188(原價$269)
儼如甜品精緻嘅A5和牛三味,每件最中餅內都有滿滿A5和牛+海膽、吞拿魚、鵝肝,做出三種矜貴口味。
![](https://www.openrice.com/userphoto/CMSContent/0/8D/001NKEE624F8C4FD2F6E66j.jpg)
儼如甜品般精緻,內餡足料豐富。
【午市定食】
「黑木亭」午市都幾抵食,喺尖沙咀返工絕對要mark實。而家午市定食低至$78;單點餐牌85折。
拖羅三色丼
午餐一次過食晒青蔥拖羅蓉丼、燒汁和牛粒丼、鰻魚玉子丼,味蕾滿足感真係會開心全日,特別係拖羅蓉真係堆到滿晒呀!!
![](https://www.openrice.com/userphoto/CMSContent/0/8D/001NKF45D11808590F3265j.jpg)
午餐一次過食3款丼飯,滿足感可以開心全日。
火焰八貫壽司·細湯烏冬
下晝想食壽司又驚生冷嘢,呢道火焰壽司拼盤就啱喇,有澳洲和牛、左口魚邊、鰻魚、吉列炸蝦等,加埋個熱湯烏冬真係好幸福。
![](https://www.openrice.com/userphoto/CMSContent/0/8D/001NKG3475366E57FE56A7j.jpg)
午餐想食壽司又驚生冷,火焰壽司拼盤可以滿足願望。
【甜品】
熔岩梳乎厘+雪花刨冰 (尖沙咀限定)
「黑木亭」唔只有熊仔冰鍋物,更有熔岩梳乎厘、雪花刨冰滿足一眾少女心。熔岩梳乎厘上枱嗰陣,濃郁忌廉仲流緊落嚟,內裡梳乎厘又有空氣感。雪花刨冰則有黃鴨Oreo楊枝甘露冰、大熊乳酪芒果牛奶冰。刨冰好綿,入口慢慢融化好爽快。
![](https://www.openrice.com/userphoto/CMSContent/0/8D/001NKHC220A05C0113F3C9j.jpg)
熔岩梳乎厘
![](https://www.openrice.com/userphoto/CMSContent/0/8D/001NKI9B905C763EB92013j.jpg)
(左)黃鴨Oreo楊枝甘露冰,有黃鴨軟糖好可愛、(右)大熊乳酪芒果牛奶冰,乳酪儼如奶蓋般軟滑。
2024年「黑木亭」連環優惠!
2024連環優惠一覽
優惠1: 晚市單點餐牌88折 - 晚市單點餐牌88折(逢星期一至四、六、日) - 晚市單點餐牌9折(逢星期五)
優惠2: 限定版清酒 | 買一送一(低至$378/2支) - 北鹿 北秋田 濁酒$378/2支(720ml) - 本月特選 - 限量版$538/2支(720ml) - 作 惠乃智 純米吟釀$728/2支 (720ml) (全日供應,星期五除外)
優惠3: 任飲啤酒/紅白酒 低至$68 憑任何食品消費,即享最低優惠價+$68升級90分鐘無限暢飲指定啤酒及紅白酒
升級90分鐘無限暢飲時段: 12:00pm-8:59pm $98;9:00pm-9:30pm $68
*時間以入座起計 *必須整桌客人一同選擇 *星期五除外
優惠4: 午市單點餐牌85折 所有午市單點餐牌85折 (午市定食、所有套餐、本月推介 及 飲品除外)
優惠5: 生日玩大D優惠(正日前後一週內) - 訂位免切餅費 - 免費生日驚喜大燈牌 及 生日歌助慶/點播你心水歌曲 - 消費滿$1,500,即送指定甜品一份(附設免費寫名服務) - 8人以上預訂尖沙咀分店,免費升級VIP Private K房(必須電話及訂金確定) 指定甜品一份(附設免費寫名服務) VIP Private K房
以上優惠日期: 2024年1月15日 至 2024年3月30日 *如優惠時段相同,所有優惠可同時使用 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669
黑木亭居酒屋 (天后店) - 裝修中
地址: 天后清風街10號清風大廈地舖
電話: 26606373