Odelice! 由灣仔小店做起，法國人老闆想大家喺輕鬆氣氛下，一嚐地道法國料理。不賣花巧、價錢貼地，感覺就好似喺巴黎街頭casual 地行入小館用餐咁，唔侷促又唔驚out budget，試勻法國海鮮、油封鴨、法式可麗餅等傳統味道。而家香港已有多間分店，逢星期一、二(5:30pm - 9:00pm), 以及星期日全日，仲有特別優惠!
【星期一優惠】Steak UNLIMITED!
Monday 食靚扒，任食Bavette，超級親民價每位$268！
Bavette牛排取自牛腹腔，油脂平均，肉味香濃，絕對係牛扒控必食～
【星期二優惠】黑青口放題！
Tuesday 換青口位呵你! 青口迷福音呀～每位$258 就可任食3款黑青口—法式經典醬汁、摩洛哥風味、喇沙醬汁，總有一款啱你口味，仲要而家係青口旺季，隻隻青口都彈牙厚肉好吸引。
【星期日優惠】點生蠔! 即送法國白酒
邊個係Sunday? Sunday Order 正價生蠔6隻，即送2杯法國Chardonnay靚靚白酒，堅抵! 生蠔為法國Fine De Claire， 蠔殼修長輕薄，蠔肉略帶海水鹹味，肉質多汁，鮮甜爽口，口感柔軟，配法國Chardonnay白酒，清爽新鮮，丹寧度低，與生蠔為絕配。溫馨提示: 生蠔每星期空運到港，數量有限，記得預訂!
除左每星期三日抵食deal, 餐廳每日仲有優惠雙人套餐提供, 包含左 Odelice! 最熱賣菜式:
【馬賽龍蝦海鮮鍋】
海鮮鍋有半隻龍蝦、黑青口、大蜆、盲槽魚、魷魚; 一路豪食海鮮, 一路品嚐南法滋味。
【脆皮燒豬腩】
肉控面對燒豬腩真係好難抗拒，好欣賞主廚貼心搭配用西梅黎熬制醬汁, 酸甜鹹香淡淡肉，惹味至極。
豬腩好有油香，配羽衣甘藍同唔係太常見嘅side玉米糊，配搭相宜，唔會喧賓奪主，成個菜襯得好出色！
【法國油封鴨腿】
令人百食不厭嘅經典法國菜式！鴨腿焗至香脆，皮薄唔油膩。今次Odelice!揀左帶d甜味嘅砵酒汁，同鹹想嘅鴨肉互相發揮。
配菜有煙韌嘅薯糰丸子，增加成個菜式嘅層次，值得一試！
Odelice! 由灣仔法國小館做起，貼地法國菜吸引一眾粉絲。而家尖沙咀、將軍澳同荃灣分店都食到喇。
