Doux (已結業)

招牌甜品 - Ruby peach 主體係 fondant ruby peach mousse 桃味慕絲蛋糕，蛋糕中間(果核部份)係酸酸甜甜桃味的流心。蛋糕旁邊仲放咗peach liqueur jelly, 和mint & rye crumble裝飾，令成個擺盤更加美觀。Berry's同Ruby Peach不同，Berry外表是士多啤梨，但實際是white cheese mousse，反而裝飾的 balsamic strawberry和wild strawberry granite才是由士多啤梨。餐廳有落地大玻璃，食住甜品睇日落，好正。Dessert Menu…查看更多

好似好耐無出旺角luuu 所以都特登揾左間小店😄😀哩間係食西式的甜品都係gimmick嚟的喔🤩😍黑松露薯條 真係好好食🤤😋啲薯條都算粗又長 炸得都幾好 配埋個醬真係無得輸🍟👍🏽龍蝦明太子意粉🦞🍝隻龍蝦都幾唔錯 肉質都唔錯下 啲意粉都好Creamy啵🤩😍麵質都好彈牙🦷同埋都🈶️好多明太子的喔😄😀整體都好吃RubyPeach 🍑甜品都非常出色又好吸睛👀✨🤩😍小妹表示🈶️加分喔😃😀甜品都真係幾有桃味 唔會太甜 味道適中 Nice‼️‼️…查看更多

朋友book咗這間餐廳慶祝生日， 因為好近佢公司， 唔夠六點就可以開餐～餐廳位於彌敦道726食厦18 樓， 算係居高臨下高樓層，飽覽一下 旺角嘅夜景～餐廳情調 十分足夠， 燈光柔和偏暗。晚餐價位百多至二百多， 已包括餐湯和沙律。是日餐湯唔記得這款湯嘅材料，不過有好香嘅薯仔同豆蓉， 冬日之下飲個暖湯很舒服！煙三文魚沙律唔錯，蔬菜新鮮伴以橄欖油烤虎蝦鹹蛋黃，櫻花蝦乾意大利飯平時很少吃意大利飯， 因為好怕忌廉或個汁會好膩。 但今晚选了意大利飯因為見佢嘅配料，做法 相當特別。 意大利飯真係非常美味，汁唔太稠， 融入了鹹蛋黃嘅香， 但卻不見鹹蛋黃嘅蹤影和油分， 配合大量嘅櫻花蝦，帶點蝦乾嘅香， 非常回味！！ 飯的份量啱啱好，唔會太多。蝦虎蝦也煎得 恰到好處，蝦殼夠脆， 蝦肉則剛剛熟， 鮮味絕倫！！西西里開邊牛油龍蝦意粉在我回味之際，朋友也同時間大讚佢嘅龍蝦意粉。 忍唔住分享了一點， 果然單看外表已聞到 香氣撲鼻， 意粉軟硬度適中， 個醬汁充滿龍蝦嘅精華， 再配合茄香，蒜香。 熱辣辣即叫即做， 好吃得令人融化～～芒果香橙茶 味道很清新，唔太甜。Ruby Peach點解招牌嘅甜品， 好特別外表仙一個粉紅色嘅柑， 裏面係moouse 同薄薄嘅蛋糕組合， 配合切開後裏面嘅果醬， 味道酸中帶甜， 是不錯的飯後甜品。吃得很滿足， 室內裝修 唔算豪華精緻， 但佢嘅食物令人留有深刻印象而且做得很出色非常美味， 難得兩款嘅套餐 都超讚！！…查看更多

今晚約了在旺角返工的朋友，上openrice 看看附近有什麼餐廳好介紹。見到Duox甜品賣相很靚，一於訂位試試。餐廳位於彌敦道726號，太子及旺角中間，18樓全層，整幢大廈也是食肆，外望旺角市景。我們點了二個晚餐，'西西里牛油龍蝦意粉'($198)，配上蜆肉周打魚湯及煙三文魚蘋果沙律。龍蝦有半隻連蝦Xx，蕃茄味香濃，配上咸咸的芝士碎片，龍蝦有很多膏，意粉煮得軟硬適中。湯很creamy, 濃郁的忌廉味，有很多蜆肉。沙律入面的煙三文魚很新鮮，配上青蘋果及蔬菜，口味青新。😋另外點了'輕煎北海道帶子黑松露野菌意大利飯'($178)，帶子很大隻，只輕微的煎一煎成半熟，入口軟淋，鮮味十足。意大利飯混上忌廉、野菌，加上黑松露特別的味道，是我的至愛。👍飲品我叫了'熱Doux水果茶'，上檯用蒸餾機加熱，苿莉清香加上百香果甜味，在寒冷的日子飲下特別舒服溫暖。朋友點了'椰子菠蘿薄荷冰'，香濃椰子味配上菠蘿的甜味，加上淡淡的薄荷，口味清新。最後，當然要試下甜品，每個賣相都好靚，經待應介紹後，我們選擇了Ruby peach ($98)，從外觀看好像桃子，內裏完全猜不透是什麼來的😅。切開內裏是流心桃蓉，用滑滑的mouse包著，最多面是薄薄的粉紅色朱古力，整體不太甜，食後感覺甜蜜🥰🥰這裏氣氛唔錯，傾計一流，價錢合理，我最欣賞像是工藝品的甜品，下次要再試其他口味。😚😚…查看更多

今日小妹約左幾個好朋友食飯，想搵個地方傾下計，之前有朋友介紹係旺角鬧市中坐得舒服，食物又高質既西餐廳。位於旺角彌敦道726號，棟大廈全部都係餐廳，呢間餐廳就位置18樓。餐廳裝修簡約但擺設精緻，放滿不同既啤酒樽做擺設。首先叫個沙律醒下胃，見到有我最鐘意食既羽衣甘藍，仲要配上新鮮煎起既北海道帶子再配上幾款嘅果仁乾果，好適合一啲健康人士。北海道帶子甘藍沙律$128跟住就叫個小食拼盤，有芝士薯條，魚手指，炸蝦，炸雞件。全部都有濃濃既芝士鋪面。啲芝士配上熱辣辣既炸物，鐘意芝士既朋友一定要試下。小食拼盤$138跟住再叫左個黑松露雜菌貝殼粉，黑松露味好重配上忌廉汁簡直係絕配，佢個特點係用左貝殼粉，比起普通意粉長通粉特別。黑松露雜菌貝殼粉$108黎到呢間餐廳既重頭戲就係甜品同飲品，甜品佢有好多唔同既款式，賣相仲要非常特別。今次我地叫左個 Ruby Peach，佢外表係一個桃既形狀，外邊係一層軟林林嘅蛋糕，入面包住桃味既流心醬同啫喱，味道相當出色。甜品伴碟都唔馬虎，襯托得好好。Ruby Peach $98飲品方面，我地4位各叫左一杯，見到隔離枱叫左杯熱既水果茶，賣相好特別，甜度都好適中，但我更加推介我飲既凍水果茶，入面充滿住不同嘅生果，生果味配合茶味簡直係一流。呢間餐廳真係好推介，下次一定會再黎的。…查看更多

今個星期是我家的紀念日，一心就想帶家人去食一下西餐。不過今次就定下了一個目標給大家，就是要找一間既既好食，而Budget 在每人 $200至$250之內的西餐廳。於是就當然在網上找一些熱門的看看，很快我就拿下主意，去這間位於旺角的 ‘DOUX’ 。我們訂了晚上7點半，去到已經有不少人在內用膳，而且聽到他們都是慶祝生日或其他紀念日的，場內非常開心。而且餐廳內裡空間非常寬敞，令人坐得很舒適。播放著最新又流行的英文歌，我和家人就開始看看今晚食什麼。💓 1.      輕煎北海道帶子甘藍沙律母親就最喜歡食羽衣甘藍沙律，一來營養值超高，可以整腸通便、抗老美肌、增強免疫力等，二來味道獨特兼且平時在家煮飯比較少食，所以母親就特別喜愛。羽衣甘藍配北海道帶子認真不錯，帶子經過微微煎香，入口即溶，不用太多咀嚼。💓 2.      小食拼盤四個人，就叫一碟小食拼盤吧。當中有: 鮮炸薯條、香炸芝士雞肉、吉烈蝦餅、芝士。特別好食的就是香炸芝士雞肉，炸得來又不會太老，食落仍然非常鮮嫩，值得一讚。我有一個小提議，如果小食拼盤不是全部炸物，效果可能會更好。💓 3.      經典漢堡漢堡的材料不花巧，用上經典的配菜及Sauce。重點仍然是其漢堡牛肉，DOUX以House Steak來製做，非常之有牛肉味，以及容易入口。漢堡亦配上薯條，份量充裕。💓 4.      黑松露什菌蝴蝶粉很久都未食過蝴蝶粉，加上黑松露和什菌煮成，散發出陣陣菌味。而且Sauce亦調製得剛好，不會過稠又不會過淡。健康得來又好食，主食來計，這份值得推薦。💓 5.      Ruby Peach最後，當然要點一份甜品作為結尾。DOUX的甜點每份都做得非常精緻，而且是以水果作為主題，於是我們就選了水蜜桃 – Ruby Peach來試試。賣相絕對值滿分，這個 ‘桃’ 包含Fondant Ruby Peach Mousse, Peach Liqueur Jelly, Mint & Rye Crumble。簡單來說，就是有桃味Mousse、桃花露酒果凍，薄荷和黑麥金寶。所以口感非常軟淋淋，而且不會太甜，非常好食!飲品方便，我們點了三杯飲品💓 6.      DOUX水果茶 (熱)💓 7.      日本青梅西瓜梳打💓 8.      Vedett Extra Blond  (Beer)今餐食得非常盡興，DOUX環境舒適，食物質素非常高，而且價錢亦符合我們預算之內，平均每人$230左右。下次與另一半或朋友聚會時，必定會考慮再來DOUX。…查看更多

第一次嚟呢度食飯，撞正食飯時間，所以都要等一陣先搭到lift上去。坐定定就開始睇下食咩同飲咩啦！首先上嘅喺輕煎北海道帶子甘藍沙律，蔬菜好新鮮，平時沙律除咗菜之外都有其他配料，今次除咗蕃茄仔同果乾之外，仲有核桃，加埋黑醋，好開胃呀！而主食就揀咗經典漢堡同烤伊比利亞黑毛豬鞍配法式黑醋蜜糖汁。漢堡嘅牛肉質感夠滑仲有肉汁呢~而豬鞍肉質嫩滑，忍唔住一直食呢~ 最後又喺甜品時間，我哋叫咗Ruby Peach，因為平時都好鍾意食桃味嘅糖同飲品，見到有桃味甜品緊喺要試下。睇落同桃一樣，其實入面喺Mousse同Jelly嚟架，有少少酸嘅果醬味，但喺就有幾種唔同口感，好清新！…查看更多

女性朋友生日想食西餐為咗方便大家，就揀喺旺角區食揀呢間最主要原因係俾個signature甜品嘅賣相吸引住用黎打卡呃like一流上到去，地方唔算好大店員服務都幾周到Dinner menu食物選擇唔算多因為朋友唔食海鮮嘅關係揀左幾款非海鮮類嘅菜式三個人每人叫咗一杯特飲左： 日本青梅西瓜梳打中： 芒果香橙冰茶右： 草莓荔枝蘋果醋梳打三杯味道都幾清新Appetizer揀咗煙三文魚沙律賣相唔錯 沙律分量十足 值得一提係個黑醋汁 味道酸酸甜甜好醒胃亦可以中和返紫生菜嘅苦澀味鵝肝法蔥意大利飯忌廉白汁煮嘅意大利飯好好味飯嘅口感軟硬適中配搭埋鵝肝非常好食朋友們都讚不絕口雜菌配pasta絕對係不敗之選黑松露味好香貝殼粉係大大粒嗰種 口感軟硬適中黑毛豬份量唔算好大肉質又鮮嫩配搭埋黑醋汁 味道非常夾 去到壓軸出場 當然唔少得女士們最期待嘅甜品位啦一共叫咗兩款share包括signature嘅Ruby Peach同Honey Comb兩款賣相靚到唔捨得食 擺盤好精美 影相打卡一流至於味道方面 mousse cake部分偏甜 整體配搭上絕對睇得又食得因為今次慶祝朋友生日特別喺落單嗰陣request咗喺甜品加生日牌店員仲多次同主角講生日快樂朋友都好開心總括而言呢度無論環境、食物質素、服務都上佳旺角區嚟講真係值得推介嘅好地方好適合三五知己聚首傾下計或者慶祝生日紀念日咁…查看更多

今天早收工同事便提議一起找好東西解決晚餐，在同事的建議下來到Doux試試。交通也很方便的，旺角B3出口上天橋過對面，下天橋轉彎就到。 一坐下服務員便拿了兩個箱子給我們放包包，讓我們舒舒服服地坐著吃大餐。先來個帶子沙律，輕煎的帶子又嫩又有水份，清甜中帶點黑椒味。沙律蔬菜全部很新鮮，點上黑醋，酸酸甜甜的很開胃，還有炸過的核桃，非常香脆可口。主菜是鵝肝醬意大利飯，鵝肝單面煎得脆口，入口即化。米粒大大顆，有粘性而且有裹口感。還有，青口香檳忌廉汁意粉，一碟意粉有很多隻小青口，每隻都飽滿的肉，而意粉熟得剛剛好。最後，當然要留點胃吃甜品啦，這間餐廳的甜品簡直賞心悅目，這個Ruby Peach切開的流心的，裡面是香香的桃味醬，口感又像雪糕又像蛋糕，軟綿綿的，吃完這個漂亮的甜品結束了今晚的聚餐。…查看更多

有次同朋友傾開有關甜品的話題，佢突然提起 DOUX 的甜品造型很美，食物同環境都不錯，再看一看佢當時所影的餐廳照片，便決定擇日約朋友去試下。餐廳位處十八樓，景觀開揚，室內燈光偏暗，配合深色傢俬，感覺恬靜舒服。輕煎北海道帶子甘藍沙律($128)主角刺身級帶子 ~~ 表層略為煮香，中間肉質剛剛熟，仍保留了刺身口感及鮮味。沙律當中有羽衣甘藍、沙律菜、蜜瓜粒、核桃、車厘茄、提子乾，拌與黑醋同吃最適合。鵝肝法蔥意大利飯 $178鵝肝煮得很香，內軟，不太油膩 ；大部份餐廳都愛將意大利飯煮得跟傳統一樣略硬，今次這碟意大利飯咬落稍軟身， 我覺得反而更配合味道挺濃芝士忌廉汁 ，飯的口感既煙韌又Creamy。法國活藍青口香檳忌廉汁意粉 $138活藍青口肉質嫩滑，雖然體積不算大，但就相當肥美肉厚，咀嚼時仍能吃出那淡淡的海水味以及青口的鮮甜味道；忌廉汁帶有香檳酒香，味道獨特，與意粉同吃簡直是一種享受。Ruby Peach  $98 甜品賣相仿如一幅顏色鮮艷，如夢如幻的童畫插圖一樣，真的不禁要欣賞多兩眼。桃的造型以及內層其實都相當似一個真實的桃，外層由白朱古力所造，內層是桃味的凍餅，中心是帶微酸的桃果醬，不太甜，好清新 ，充滿桃的清香。甜品同主菜餐廳都能夠投放咁多心機去構思擺位同裝飾 ，可見其對品質確有一份追求。…查看更多

現在香港要食到性價比高有質素的餐廳， 必須要避開地舖， 從而節省租金成本。Doux 位於旺角中心，交通四通八達， 18樓全層 有不錯的景觀包圍， 內部裝修充滿情調， 令人有不其然的relax感覺。餐廳經理細心介紹 今天的 特色 菜式， 頭盤 先來一個帶子沙律 (128元)， 帶子雖然是輕煎 但內裏是熱辣辣的， 爽口有鮮味， 放在羽衣甘藍上 點上陳年黑醋， 簡直冇得彈。 要知道羽衣甘藍是貴價菜， 意大利陳年黑醋醇厚帶甜味， 這個前菜 真是令人回味三分。主菜方面，Ben爺不吃牛肉的， 所以給朋友點了一個 這裏的招牌菜 經典漢堡(128元)， 單看賣相已經叫人垂涎三分， 用叉輕輕壓一下 內裏的肉汁流出嚟， 朋友咬了一口便情不自禁地流露出滿足的表情， 朋友說 漢堡牛肉鮮嫩 有肉汁 混和了用陳醋醃製過的洋蔥， 酸甜感覺帶出了牛肉的鮮味， 比在紐約吃的漢堡包更好， 如果十分滿分的話這個便是十分!Ben爺點了黑松露雜菌貝殼粉(128元)， 貝殼粉 煙韌有口感 ，形狀像蝸牛， 內裏的空間足夠填滿了雜菌白汁， 本來想慢慢吃， 但是黑松露的香味令Ben爺情不自禁的一羹 一 羹吃下， 滿嘴白汁， 狼狽非常儀態盡失。最後來了一個這裏的經典甜品Ruby Peach (98元) ， 賣相精緻， 伴碟就像剛從泥土裏摘出來的 鮮桃， 用叉子把他分開一半， 內裏的仙桃汁便慢慢流出嚟， 桃的外表是用白朱古力 造成， 桃肉是mousse， 真的不捨得就這樣把牠吃下肚!總括來說這一餐非常滿足， 這個價錢吃到這樣的出菜， 簡直超值!…查看更多

最近看到朋友去了這間餐廳，無論環境和食物看似都不錯，就相約弟婦一齊去吃。餐廳門面簡約，放着各款的手工啤酒樽做擺設。點了幾道菜和飲料，首先來的是沙律。《Allgauer Helles Weissbie, German Wheat Beer》這款啤酒採用最高級的蒸漏方法，味道溫和輕身，清爽怡人，加上略帶果香味。《DOUX 水果茶》這款茶有冷熱兩種選擇，朋友說天氣熱所以想要喝冷的。《輕煎北海道帶子甘藍沙律》嘩~見到有羽衣甘藍一定要點，超級食物，對身體好的東西，還有車厘茄，蜜瓜，提子紅莓乾和兩顆煎到外面金黃內裏軟軟的帶子。不少得就是沙律醋，甜酸度適中，吃過後格外醒胃。《鵝肝法蔥意大利飯》這道菜賣相不錯，鵝肝煎得很好，表面金黃香脆，鵝肝味濃，意大利飯配半溶的芝士，加上特製醬汁，令這個飯的層次更多。《烤伊比利亞黑毛豬鞍配意式黑醋蜜糖汁》厚切豬鞍，切開後微微逞粉紅色，店員說上等的黑毛豬才會這樣。肉質鬆軟有咬口，一點都不靭，配黑醋蜜糖汁，甜甜酸酸的，很喜歡這個醬汁。另外還有不同蔬菜，有蕃茄仔，秋葵，粟米芯，紫薯和黃薯，烤得很香。《Ruby Peach》是日甜品，賣相相當吸引，顏色上的配搭也很搶眼。外面一層很薄，包住桃味的慕絲，裏面夾心是桃味的啫喱，口感層次都好豐富。就算伴碟都一絲不苟，用了黑麥做成的脆脆。…查看更多

2019.04.03 😊【吃得到藝術滋味】食在旺角乘坐電梯來到彌敦道一座商業大廈的18樓意想不到位於車水馬龍的旺角中心地帶有一間裝潢簡潔 充滿藝術氛圍的餐廳牆上掛上抽象油畫 配合上的燈光效果 吸引不少情侶到來慶祝👫早有聽聞小店主打由零開始創作的甜品雖然當晚不是即時創作 亦有一嚐他們家的小型「藝術作品」輕煎北海道帶子沙律 $128近期吃太多 是時候要還😂於是浪漫又優美的晚上 就由一道健康的沙律開始吧的確 上菜時已經被眼前的兩顆帶子吸引了不單是外表煎得金黃 而且又大又厚放入口中 口感不絕還有羽衣甘藍、車厘茄、黑橄欖、提子乾、藜麥、太陽花籽、椰菜等沙律🥗加上黑醋 酸酸甜甜是道不錯的開胃菜法國活青口香檳忌廉汁意粉 $138近期愛上青口 雖然外表丑丑的不像生蠔受歡迎 小妹卻被佢吸引青口數量算多 差不多有八隻🍝肉質厚而肥美 海水味鮮甜濃郁而忌廉汁濃稠度適中 意粉口感屬彈牙 值得一讚紐西蘭肉眼 $368不過整頓晚餐 最令人滿意不可不數肉眼的份要用出奇地高質來形容首先肉的肥瘦度適中 經過煎煮後油脂滲出 入口溶化其次廚師巧妙地用上「Rest」的動作進行「二次烹煮」🥩唯一可改善是上桌的木板過熱讓扒的表層些微焦掉DOUX 熱水果茶 $68芒果香橙冰茶 $58來到尾升部分 是時間來杯飲品休息休息看到菜單上的熱水果茶圖片 就決定了要一試這壺有趣的特飲🍹容器以虹吸裝置設計 有如中學時代上科學堂味道雖然談不上有果香 卻帶草木口味加入薰衣草、玄米、紅棗 有養生寧醒效後者故名思議 以芒果及香橙為主調顏色層層漸進 由黃至橙上面還襯上食用小花裝飾 惟口味較淡Ruby Peach $98「不單得到視覺上滿足外 亦能捉著食客們的甜品胃」說的就是小店甜品師的精美作品是日餐廳推薦以香桃為主題 果然名不虛傳有如一個小小星球 表面的粉色漸層是朱古力🌌包裹軟軟綿綿的慕絲蛋糕 切下時桃味的果汁如溶岩般滲出 略甜加上碟子上的心思擺盤 是不少情侶們慶祝之選DOUX 💌🍚 openrice: yee6192004…查看更多

又發掘到一間旺角高質西餐！呢座大廈黎過幾次食飯，但都冇留意呢間DOUX，今次想搵一間有情調又好味嘅西餐就俾我見到佢，加上有同事食過都大贊，更加有信心唔會中伏。餐廳係18樓，入去第一眼就留意到落地大玻璃，夜幕低垂望唔清窗外景色，但依然見到璀燦燈光，高樓底加上落地玻璃令空間感覺更開揚。裝修擺設以簡潔的深色調為主，有情調但唔會過於昏暗。餐牌選擇未算好多，不過頗精緻，一早睇定食評，冇咩考慮就點好。沙津份量幾大，夠兩個人Share。北海道帶子好厚肉，鮮甜軟滑。黑醋係成個沙津點精之處，減輕羽衣甘藍自帶的微微苦澀味同時令沙律味道更豐富，好開胃。貝殼粉 一入口已經覺得有驚喜！醬汁Creamy但唔油膩，貝殼粉彈牙，加上黑松露提香同雜菌增加口感，好味！今次又同「牛魔王」食飯所以點左紐西蘭鮮肉眼，5成熟的肉眼帶淡淡嘅粉紅，中間部位稍為過生但可以接受。牛扒肉汁豐盈，冇過多調味所以突顯到牛肉本身嘅香。牛肉汁味道帶甜，同牛肉味道幾夾。真心要讚一讚配菜，大家都將Focus放係牛扒嘅時候餐廳完全冇忽略配菜，蕃茄仔烤完後唔只好甜仲爆汁；栗米仔都細心烹調過，帶蒜香；紅薯同蕃薯一入口竟然帶微微薑汁味，好驚喜！呢度其中一樣主打甜品，幾乎每台都會點，望Menu每款都好靚，實物亦唔遜色。Ruby Peach外形似個桃，食落都充滿清新嘅桃香，中間嘅流心效果好靚，亦唔會過甜。用作裝飾嘅花同「泥」一樣食得，但就唔太岩我口味啦！總體黎講係一個睇得又食得嘅甜品！    我同朋友都唔太飲得酒，所以點左水果茶同梳打，味道唔算突出，好在水果係新鮮亦冇香精味。    今晚傾得盡情，亦食得滿足，由環境到食物質素都好滿意。開頭上菜較慢，但難得有舒服嘅環境又有時間傾下計，放低電話同工作好好放鬆下啦！…查看更多

接觸法式甜品會被其香香甜甜溫和帶點浪慢的口感所欺騙，當知道吃多的時候就太遲了，低估了甜品的魔力，眼前景物耳中音樂皆美好，法式甜品去煩憂。是晚Doux挺享受的。同朋友想約訴訴苦...就選擇了位於旺角鬧市的Doux，因為它是一間空間感十足又就腳既高級餐廳，可以淨淨吐吐苦水。餐廳位於彌敦道638號18樓。最大吸引就是是窗口全是落地玻璃雖然晚上最難感受落地玻璃的威力，早上或黃昏應該好舒服但坐在落地玻璃旁心情也不錯。餐廳內裝修簡約,燈光暗暗地，以黑色為主題，設有bar枱和鄰近窗邊的梳化係幾有時尚感。最好的是開放式廚房沒有令餐廳充滿油煙味！抽風系統真不錯!!店內播放著歌曲，情調不錯，是晚客人都幾多，慢慢就熱鬧起來了。送上菜牌慢慢睇睇有咩岩食。餐廳以西餐為主，由前菜，小食，主菜，甜品到飲品的選擇亦不少。由於是一間高級甜品餐廳，所以都見到如圖畫般美麗的華麗甜品。好想快點開心地吃下甜品師的「設計」呢。🔹首先來一個北海道輕煎帶子泡菜蜆肉意大利飯 $138有泡菜就能打開一下胃口啦⋯一放下呢個飯陣陣傳來韓式香氣⋯成餐飯最驚喜我都估唔到係呢一個飯⋯入面材料有「泡菜、蜆肉、八爪魚，意大利飯」整個充斥著泡菜味，可能韓式汗較多所以每一口意大利米都重泡菜味。蜆肉同八爪魚正常但帶子好好食突別大粒又厚肉！煎得略略咁煎過顯得外脆內軟仲好彈牙，估唔到一會意大利飯有咁既質素！值得試下。🔹另一主食西西里開邊牛油龍蝦意粉 $158呢樣主菜都好食但論驚喜就不夠意大利飯吸引了，大大隻龍蝦躺在蕃茄意粉上，賣相已經贏得歡心，龍蝦足足有整隻碟大，肉質鮮甜不夠彈牙同多肉，不過佈滿龍蝦膏而且配上西西里汁都好入味。被覆蓋著既意粉，龍蝦的汁滲到其中，令兩種醬汁加埋意粉當中更加豐富。吃一口，麵條烹煮的時間拿捏得剛剛好，不會過軟，意粉惹味又濃郁，酸甜鹹鮮，挺喜歡，但真心說略帶油賺。因為兩樣野食味道都偏濃味所以點了兩樣野飲雖然餐廳供應很多款手工啤酒，但我都放棄它們選擇了Doux水果茶（熱）及竹炭朱古力奶蓋。.🔹Doux水果茶（熱）$68餐廳係用虹吸式壺去沖調，點火後下壺的茶會通上壺,整個外表適合打卡。到一定的時間店員會過來細心教你點樣飲用，到適當的時間，茶慢慢倒流返下壺，再倒出來飲。水果茶味道有淡淡嘅花果香味嘅茶⋯入面因爲有紅棗所以飲落去淡淡地但帶一點甜，而且趁熱飲仲會有啲曖身嘅感覺。唔錯！飛一般嘅水果茶同出面都幾唔同。🔹竹炭朱古力奶蓋  $58呢杯就跟預期一樣都係朱古力味好重！竹炭嘅味道係零，奶蓋味道都偏淡， 不過奶蓋比想像中幼滑，整體既話如果鍾意黑朱古力嘅朋友就會好鍾意呢一杯飲品。甜品不止要好味，賣相都非常重要⋯🔹Ruby Peach $98一款無論係賣相還是入口方面都好精緻的甜品， 「桃」像真度極高，成個係慕斯，外面脆脆的，一切開，酸酸甜甜像士多啤梨的果醬⋯入口蛋糕層軟滑，流心餡入口有水蜜桃清香。濃濃的蜜桃味連埋外層嗰一片嘅薄脆加伴碟嘅蛋白糖、燕麥餅一齊食口感好豐富好fresh！呢個甜點好食擺碟又靚，夠晒細緻！視覺效果唔錯喔。可以同朋友盡情有傾有笑，坐係一個咁舒服既環境可以身心放鬆吐苦水一流呀，壓力一掃而空。係18樓咁離地chiil一chill，又真係幾開心既。員工態度又夠細心，整體都唔錯。…查看更多