The Market

親友當中有不少榴槤愛好者，時常會交換榴槤飲食情報。The Market的自助餐以榴槤甜品作為賣點，早就成為親友們的必食之選。即使沒有榴槤的號召，Hotel Icon的出品仍是讓人期待的。貴為城中最熱的自助餐，一位難求實屬意料中事。透過酒店網上系統預訂，比想像中快捷方便。平日的下午自助餐收費為$338，與城中其他大熱酒店自助餐看齊，屬合理的價位。即使是平日，The Market也是座無虛席，受歡迎程度可見一斑。餐廳分為三個用餐區域，前方跟自助餐桌靠得最近，中間有園林景致和充沛日光，後方離自助餐桌最遠也較昏暗。最初我們被安排至後方位置，除了不方便取食外，這邊感覺亦較為悶熱，對長者來說不太合適。反映過後，侍應立即安排另一位置，服務細心周到。順帶一提Hotel Icon是理工大學的教學酒店，當中有年輕的實習生，服務態度親切有禮，表現不輸其他五星酒店。海鮮，是眾人的目標首選。必食的有長脚蟹，鮮甜彈牙、海水味足，少有能嚐到如此高質素。東風螺個頭不小，爽脆味鮮。龍蝦鉗啖啖肉，爽彈肉甜。青口肥美，大蝦鮮甜，整體來說是水準之上，令人滿意。刺身區供應醋鯖魚、甜蝦、八爪魚、三文魚、呑拿魚，新鮮之餘選擇也不少

聽人講The Market好好食，重叫我一定要去試吓，個幾月前訂咗位同老公興祝生日。俗語有云: "希望越大、失望越大"，期待已久的自助餐，款式可以，但不外如事，質素一般，不值這個價錢。可能D朋友好早期去食，新開張水準可能會真係好高都唔定。但係我食完這餐自助餐，感覺就像被騙。環境 ~ 迫、迫、迫......，基本上可以話隔離枱講咩我都聽哂。牛扒、羊架賣相唔太吸引，味道一般、好韌。龍蝦可以媲美牛扒，夠哂煙韌。龍蝦湯好好味，好味到好似罐頭湯。馬肉刺身好特別，但口感就試一次就.......一試無妨。日式刺身都係嗰幾款，無特別，新鮮度可以，帶子刺身算係最好食。印度菜叫做最有水準，咖哩汁、薄餅都好味，羊肉同雞都唔老。咖啡味道唔係我杯茶，唔好飲。最大驚喜，有原隻火龍果、奇異果供應。總括來說，試一次就夠，如果未試，可以不試。

上兩篇食評都係寫緊BUFFET, 咁一於繼續嚟多幾篇關於Buffet的, 給想去食自助餐的食家作參考之用.  過往寫食自助餐計計埋埋都應該有十幾篇, 但一直無寫過超大熱的"The Market", 並非本人無去過, 只是去了好幾次但因為寫極都未寫完我想寫的餐店, 唯有繼續排住先。　我要寫的首先通常都是俾'笑臉'好想推介的; 繼而是'喊面'想提示大家的, 'OK'的呢, 排其後因為寫以上的都未寫晒手頭上有影相未出post的, 何況那些’OK’店?    The Market 是其一. 其實呢篇都唔係我最初去The Market那次，第一次是最好吃的，　之後的食物質素介乎中上與普通之間，　但第一次那些因為太耐了，　寫其後的事但一次吧，　反正都有相在檔案匣內，　好，　前言都咁多口水，　不如睇相啦~   Let's Go, go go go~嚟得The Market, 當然是要食傳說中的巨型珍寶帶子刺身啦；　而食刺身前，　整碗熱湯暖暖胃好似感覺對個胃好啲咁～　由於本人好鍾意飲湯，　中湯／西湯都照殺可也 刺身當然是要食幾round，　三文魚夠肥，　蝦好食今次唔腥，　所以是晚的刺身質素尚算唔錯，

生日又到啦，今次屋企人就帶左我黎HOTEL ICON 食自助餐。一入到門口，我就知道今晚一定會滿載而歸。去食自助餐一定係食左凍海鮮先，依度晚海鮮都好多選擇，有龍蝦，青口，蝦，螺等等，仲配上泰式辣醬，簡直係最完美既組合。熱盤既種類就無咁多，但都足夠令係非常飽，亦非常美味。酒店級數既美食，真係不用擔心。（掛住食都唔記得影相）甜品方面，大多數都係用膠蛋殻裝住既唔蛋糕點，甜品亦係一流。另外既就係一啲金枕頭榴連甜品，但因為我唔食榴連就沒有試啦。但家人都話頂瓜瓜！

Hotel icon的自助餐人氣高企，除了其食物質素高及種類繁多，還有甜品都有高水準，所以大家想去一嘗就要留意，要100天前預約了。適逢父親生日，已經約了我去試這間酒店的自助餐，爸媽二人在這一年以來都試過兩次，今次已經是第三次來，向來對食物甚有要求的媽媽，肯在一年之內肯付款來第三次，已經證明這間酒店自助餐水準之高。菊花水：首先我未開始品評食物之前，我不得不讚嘆酒店管理層之細心，有一點我是不可不提，這間酒店的其中一個特點，並不是以清水款待客人，而是菊花水；香港人工作繁忙，加上壓力過大，容易睡眠不足，菊花水正好滋潤養生，又可清熱氣。各位下次會來到這間酒店吃自助餐，不要誤會職員為何給你一杯糖水給你。不過不愛好飲甜味過重的人，奉勸你大可可以要求職員換酒水給你。中西湯水：每一間酒店都會提供中西各一款的湯給客人選擇，西式方面有龍蝦湯，中式方面有淮山燉水魚湯。龍蝦湯味道不錯，味道濃郁，反而我更加欣賞的是燉水魚湯，味道濃郁之餘還不失清甜，多飲幾盅也完全沒問題，亦成為全場客人爭相去取的人氣食物之一。由於食物種類真是不少，所以我只好重點談及以下幾款必食推介：薑蔥龍蝦：龍蝦是我的最愛，可惜它不是巨大的龍蝦。

九月三日 (星期六)嚮往已久,不少出名的食家已來訪的"市集"...終於輪到我們了特別鳴謝六月小姐在個多月前已預訂老實說,這裡的食品種類與其他各大自助餐店相比偏少不過食物都做得精致,具有一定質素簡單來說-貴精不貴多說回頭,特色食品也不少好像燉奶,三文魚凍,冧酒啫喱等等最有印象的,莫過於兩款中西式湯品杞子圓肉水魚湯原盅燉製,真材實料龍蝦湯色香味俱全,"撈底"還可以找到豐富的龍蝦肉我喝了兩碗中湯,老公仔當仁不讓,喝了三大碗龍蝦湯海鮮方面,最值得吃的必數長腳蟹和翡翠螺尤其是翡翠螺,很細心的,一早為食客們去了其"內臟"大大隻,螺肉鮮香爽口,大家更可以配上惹味的酸辣醬,別有一番風味日式食品方面,着實款式不多三文魚,吞拿魚,八爪魚魚生不可少我們第一回取得腩位,質素真的很不錯不過整體質素卻是一般,可留位吃其他東西這裡的喇沙不可錯過尤其是那香香濃的椰香湯底配料選擇也多,一定找到心頭好特別推介這裡的三文魚凍三文魚經過輕輕煙燻,再製成三文魚凍有創意之餘,這小品在自助餐中也算是少見之作三文魚很新鮮,還有雙重口感,值得一試這裡肉類着實不多羊架算是較稱心的對老公仔來說,羶味還是不足肉質仍能保持鮮嫩幼滑不怕阻位的,