The Market

378
103
42
等級4
214
0
2016-04-25 8386 瀏覽
上兩篇食評都係寫緊BUFFET, 咁一於繼續嚟多幾篇關於Buffet的, 給想去食自助餐的食家作參考之用.  過往寫食自助餐計計埋埋都應該有十幾篇, 但一直無寫過超大熱的"The Market", 並非本人無去過, 只是去了好幾次但因為寫極都未寫完我想寫的餐店, 唯有繼續排住先。 我要寫的首先通常都是俾'笑臉'好想推介的; 繼而是'喊面'想提示大家的, 'OK'的呢, 排其後因為寫以上的都未寫晒手頭上有影相未出post的, 何況那些’OK’店?    The Market 是其一. 其實呢篇都唔係我最初去The Market那次,第一次是最好吃的, 之後的食物質素介乎中上與普通之間, 但第一次那些因為太耐了, 寫其後的事但一次吧, 反正都有相在檔案匣內, 好, 前言都咁多口水, 不如睇相啦~   Let's Go, go go go~嚟得The Market, 當然是要食傳說中的巨型珍寶帶子刺身啦; 而食刺身前, 整碗熱湯暖暖胃好似感覺對個胃好啲咁~ 由於本人好鍾意飲湯, 中湯/西湯都照殺可也 刺身當然是要食幾round, 三文魚夠肥, 蝦好食今次唔腥, 所以是晚的刺身質素尚算唔錯,
更多
上兩篇食評都係寫緊BUFFET, 咁一於繼續嚟多幾篇關於Buffet的, 給想去食自助餐的食家作參考之用. 

過往寫食自助餐計計埋埋都應該有十幾篇, 但一直無寫過超大熱的"The Market", 並非本人無去過, 只是去了好幾次但因為寫極都未寫完我想寫的餐店, 唯有繼續排住先。 我要寫的首先通常都是俾'笑臉'好想推介的; 繼而是'喊面'想提示大家的, 'OK'的呢, 排其後因為寫以上的都未寫晒手頭上有影相未出post的, 何況那些’OK’店?    The Market 是其一.

其實呢篇都唔係我最初去The Market那次,第一次是最好吃的, 之後的食物質素介乎中上與普通之間, 但第一次那些因為太耐了, 寫其後的事但一次吧, 反正都有相在檔案匣內, 好, 前言都咁多口水, 不如睇相啦~   Let's Go, go go go~

嚟得The Market, 當然是要食傳說中的巨型珍寶帶子刺身啦; 而食刺身前, 整碗熱湯暖暖胃好似感覺對個胃好啲咁~ 
龍蝦湯
26 瀏覽
0 讚好
0 留言
由於本人好鍾意飲湯, 中湯/西湯都照殺可也
椰子燉雞湯
21 瀏覽
0 讚好
0 留言
刺身當然是要食幾round, 三文魚夠肥, 蝦好食今次唔腥, 所以是晚的刺身質素尚算唔錯,帶子除了第一次來是肯定是珍寶Size, 其後的幾次只屬普通料, 叫人失望同降級了,因為這個Dinner Buffet去到這個價沒生蠔, 同級數的'珍品'就是珍寶帶子, 這是來The Market的Expectation吧! 故此這是我沒給笑臉的主因。  但嚟得, 雖則不是’極品’都要豪食排多幾次,平衡一吓心理o麻~  

雖然成晚都有條隊, 要讚的是清queue尚算快。 總之, 來The Market, 刺身counter是必須勤來多幾轉, 否則番唔到本呢!
刺身
34 瀏覽
0 讚好
0 留言
The Market另一樣和其他Buffet有少許分別的就是榴槤甜品是全年都有的, 其他酒店當作是’時令’之選, 而這兒就成了招牌貨, 長食長推長有, 而這個賣點又確實唔錯, 推薦品為貓山王雪糕, 真係好香甜。 
甜品區
49 瀏覽
0 讚好
0 留言
Movenpick!!!
71 瀏覽
0 讚好
0 留言
鐵觀音大菜糕
56 瀏覽
0 讚好
0 留言
樣樣都試吓咁~
27 瀏覽
0 讚好
0 留言
23 瀏覽
0 讚好
0 留言
今個食評唔夠全面不好意思因太久遠的關係, 搵唔番一啲相, 其實新鮮生果區亦是推介的一部份, 西瓜菠蘿都好甜,而且很多選擇, 有很多個庄的生果任取。 而長腳蟹同龍蝦都普普通通, 唔想嘥時間去剥壳的, 其實用呢啲時間去攞多次刺身仲實際。 

''The Market'在我來說並非像其他食家給予很高評價, 因為第一: 訂位特別麻煩, 真係訂過的就知咩事.  第二: 食物是很多, 基於隨年漸長, 其實食自助餐我都不是吃很多東西, 俾到七百幾蚊位(連加一)其實計落拉埋curve就只可叫OK。  第三: 坐唔算好坐, 除非有幸坐到某幾排的梳化位, 否則呢間餐廳好大部份啲位都頗迫又窄又嘈。 如果被安排到最入的區域那兩張大圓枱或梳化位, 成晚出出入入頭幾次都尚幾興致勃勃, 後來的十次八次已經唔太想再出去。 第四:服務只屬一般般, 快就一定講唔上叫快; 差又未至於。  第五: 餐廳安排唔好, 嚟到喇, 唔知點解埋去報到後再會俾張號碼紙仔你揸住又再等入座, 小姐呀, 我哋都俾咗deposit, 咁個安排係咪有點多餘咗? 好喇,我好人好姐等吓無問題; 但見到人家無論是長者又好、篤柺杖又好、 大肚婆又好,都唔會放人入去坐, 大家都係要出去番外面等候區等, 但真係無位坐。 呢度的Greeting 區那兩張木梳化夾埋得嗰十個八個位, 在Reception area 等咩, 一條長廊盞阻住人; 落番大堂咩, 亦唔多位,真係企又唔係/坐又唔係, 哎呀~ 於約會會準時或甚至早到之人係非常唔方便!! 
  知我者, 我約人十之八九有早無遲,家訓是也!  所以約6點半, 6點3/4嚟到係好正常,Respect!  但正正係咁,  建議各位來 The Market 千萬千萬不要早到!  只更不要準時18:30因為嚟到會見到一條極長龍在走廊以慢速等候入座!  又或者提議大家訂18:45 or 19:00吧! 。。。。。。。。。睇到呢度, 大家應該明我唔會俾好高評價呢度, 普普通通啦。

單獨就Buffet提供的食物而言, The Market當然是中上之選, 但結合其他各項, 以我一個咁手鬆俾'笑臉'的人都只能給一個OK, S o r r y~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2015-07-24
等候時間
10 分鐘 (堂食)
人均消費
$748 (晚餐)
推介美食
  • 榴槤雪糕