楚撚記大排檔

今日就同朋友到荃灣人氣餐廳楚撚記吃晚飯。店員安排好座位就諗下食咩好。懷舊既裝修真係有feel。今日點了楚撚記原隻脆皮炸豬手，香煎黑松露手打蓮藕墨魚餅，芫茜皮蛋鯇魚片濃湯浸時蔬。楚撚記原隻脆皮炸豬手：豬手炸得皮脆香口肉嫩。肉質唔會好柴又嫩滑，脆皮夠香 香煎黑松露手打蓮藕墨魚餅：黑松露味唔會過濃搶晒其他味道又保留到香味 蓮藕墨魚餅冇多餘既油之外又夠香口。口感彈牙一流。芫茜皮蛋鯇魚片濃湯浸時蔬：鯇魚片岩岩好熟，魚肉肉質嫩滑可口。選了白菜仔，最驚白菜仔有沙今日就冇依個問題了。皮蛋加上芫茜配起湯非常可口。仲有糖水送椰汁西米露，清心爽。糖水都有水準，唔會太甜又夠香。…Read More

老公嘅男友人NT約請老公喺21-11-2024 (Thur)食生日飯，我問佢有冇idea食邊間？佢搵搵，佢搵到江湖小棧，我就記得想試好耐嘅呢間，佢最後都揀呢間，佢打電話嚟話冇得book位，要wall in。咁我放工嚟攞定位先啦，嚟到時都係話冇得book，不過可以留電話，到有位時call我，ok啊。不過我都問，係咪要人齊至入得？佢答唔係，不過用餐時間係1.5個鐘，一入座就開始計。啊，咁我等埋佢哋嚟到先啦。喺等嘅時候，都唔少客嚟到，我就問職員，我係第嘅第組客？佢就答我7點鬆啲會有枱。咁我繼續等，等到人齊，我就入去攞位，職員話等一陣，叫我哋上樓梯坐住先，有位會嗌我。咁等咗一陣就有位，我哋上到去坐低睇完menu，就要：3. $25.00嘅楚撚豬油撈飯（碗）都好細碗，豬油，豉油，蔥花同芫荽碎都分開上，要趁豬油仍係液體狀態時淋落白飯喥，淋完同加蔥花芫荽碎食得。呢個幾好味，唔太膩，不過都係少食多滋味。4.5分5. $92.00嘅飛天通菜煲NT好想食，所以點呢個，呢個用蝦醬炒，有少少辣。4分2. $76.00嘅黃金椒鹽粟米咁有創意嘅菜色點可以唔叫？嚟到都拿拿淋食，金沙蛋黃包住甜美多汁粟米，係有突破，不過我唔多食到椒鹽味。4.5分4. $88.00嘅鳳尾蝦多士（6件）呢個正常冇問題。3分1. $118.00嘅香煎黑松露手打蓮藕墨魚餅一客8件，每件都唔大件，食落有唔太濃嘅黑松露味，口感係正常爽口，鹹淡亦適中。4分6. 送嘅糖水有芋頭西米同綠豆清心丸揀，我哋清一色揀咗後者，因為想清熱。呢個係凍嘅，有好多綠豆，口感冇乜問題，成個都唔甜。2.8分最後老公同NT各飲一支汽水，每支$15.00。價錢：冇加一亦冇茶錢。2.3分…Read More

哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣，份量仲幾大碟，仲有糖水送💜 紅豆沙中嘅陳皮味香濃，食落仲好沙，超正😍 性價比超高👍🏻…Read More

電話預訂後，還有條理地用短訊再確認。由開市起，分幾輪取位，晚上5:30，7:00 ，8:30，10:15，限時吃90 分鐘，好似最後一輪不限時的。不達$500 不能用信用卡，但可用八達通。環境裝飾是懷舊大排檔色彩，行樓梯上約二樓，地磚是以前的紙皮石款式，有特色。本人吃5:30那輪，全場約15 張枱，全場爆滿，食物中規中矩，所有員工非常有善，有問有答，地方、枱面非常乾淨，值得一讚，有糖水送👍最後還請你填意見書。…Read More

店內裝潢都圍繞著懷舊大排檔為主題，由一進入店門一直行上樓梯，沿途周圍都佈置得很懷舊，大排檔吊燈，地下更有綠白色瓷磚，裝修充滿港式風味，亦比舊式大排檔乾淨整潔，而且冷氣充足亦坐得舒適，店員態度亦很殷勤有禮。餐廳主打港式小炒菜式，菜牌上提供的選擇都不少，除了港式小炒及懷舊小菜，餐廳亦將新潮食材加入傳統大排檔小炒中，例如:香煎黑松露蓮藕墨魚餅及黃金粟米等。【香爆黑椒牛仔骨煲】(HK$113)揭開煲蓋，新鮮滾熱辣的還冒著煙，牛仔骨肉質軟淋，黑椒味道香辣濃郁，伴菜的紅椒、青椒及洋蔥吸收了醬汁很入味，口味偏重，送飯就最適合不過。【香煎黑松露手打蓮藕墨魚餅】(HK$108)煎得金黃色很香口，熱騰騰入口陣陣黑松露香味，墨魚餅彈牙而且有蓮藕粒粒，墨魚餅口感扎實又足料。【豆漿杞子鮮腐竹浸時蔬】(HK$86)有幾款時蔬可以選擇，我們選了通菜，很大的一碟豆漿湯底，豆漿味道有點像維他奶，配上鮮腐竹，感覺吃得健康。【楚撚豬油撈飯】(HK$46)豬油撈飯熱騰騰時加入豉油、蔥花及芫荽，令平平無奇的「白飯倍添滋味，沒有想像中的油膩感，很香，記得要趁熱吃。【糖水】(免費)〔綠豆清心丸〕微暖溫度入口比較清，淡淡的綠豆味道加上清心丸，味道不錯。〔蕃薯糖水〕熱辣辣薑味十足，蕃薯帶點粉，而且入口不太甜。【可樂】【忌廉】(各HK$13)雪得冰凍的玻璃樽裝可樂及忌廉，解渴又降溫，夏天喝就最消暑，爽。〔楚撚記〕@chor_land香港新界荃灣川龍街118號百悅坊地下-1樓G/F-1/F, Optimall, 118 Chuen Lung Street, Tsuen Wan, N.T., Hong Kong…Read More

👫🏽~ 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 ~👫🏽【 懷舊港式大排檔·豬油撈飯好出色 】#beerpig荃灣 #beerpig中式 💖想睇更多美食 & 日常分享？快啲Follow @Beerpig.Foodie 留意有咩推介啦🌟—#🍻🍖 質素：🍲 啫啫唐生菜煲啫啫雞煲就食得多，啫啫生菜煲都係第一次食🫢但原來幾好食一上枱生菜煲係滋滋聲，熱氣騰騰，每塊生菜都索到好大量既啫啫汁，非常入味，咸香味濃郁🧆香煎黑松露手打蓮藕墨魚餅小編同豬生都勁❤️呢款小菜每件墨魚餅都係岩岩煎起，太急食落口真係會燙親嘴，每一啖都充斥住黑松露香，墨魚餅幾彈牙，又有啲蓮藕粒咬下，脆脆地好有口感👍🏻🍲 楚撚記原隻脆皮炸豬手炸豬手好香脆，豬手肉質比較彈牙，小編比較中意配甜酸醬食，可以大大減低油膩感🍚 楚撚豬油撈飯又係小編同豬生勁推薦❤️豬油·豉油·蔥·芫荽都係自由加配落飯撈，可以自己控制個份量比例，豬油香氣濃郁而唔會騷，配埋豉油同蔥，帶點咸香味，呢個豬油撈飯令小編食到上曬癮，添完再添🥤支裝汽水｜可樂·芬達｜食大排檔緊係要叫啲汽水gur gur佢，一人一支唔洗爭～—🍻 #楚撚記大排檔 🍖📍荃灣川龍街118號百悅坊地下-1樓—#BeerPig · #啤酒豬 · #酒肉朋友#hkFoodie #hkfood #foodblog #相機食先#foodie #foodporn #hkfoodblogger #香港美食 #美食 #好吃 #食評 #香港食評#荃灣 #荃灣美食 #大排檔 #中式 #港式…Read More

如果有人問🐻嚟香港最緊要去食咩？大排檔一定係首選✨體驗正宗香港味道🇭🇰當中「楚撚記大排檔」係不二之選💕味道高質外，價錢亦非常可觀，性價比超高👍🏻.甫入門內，已經好似回到五六十代🇭🇰牆身掛滿舊式手寫菜式木牌、舊式磚地板、舊式綠鐵閘，周圍裝潢都充滿香港情懷☺️最重要冷氣搭夠，可以嘆住冷氣食小菜😆.🍴楚撚記原隻脆皮炸豬手💰$159外皮脆卜卜，咬落勁香脆😆肉質尚算軟嫩，唔會太乾😌而且都幾入味，加少少芥末食更惹味😋.🍴香煎黑松露手打蓮藕墨魚餅💰$108墨魚餅食得多，黑松露真係比較少見😌入口勁彈牙，中間仲有粒粒蓮藕，帶爽口感😚好香松露味，同墨魚味好夾😌兩個人食八塊啱啱好🤪.🍴七味黃金炸一口金磚豆腐💰$75金黃香脆炸皮內包裹著嫩滑豆腐✨本身加咗七味粉及椒鹽調味，蘸埋喼汁就啱啱好🤓.🍴楚撚豬油撈飯💰$23邪惡但又無法拒絕嘅美食😈將豬油及豉油倒入缽仔蒸飯，飯嘅熱力將豬油迅速滲透🍚再加入蔥花及香菜，入口香氣四溢🤤唔多地方有得食，必點之選🌟.想舒舒服服嘆大排檔美食？楚撚記絕對係好選擇👍🏻…Read More

A local place great for Hong Kongers💛, and even more outstanding to take foreign visitors here!坐得好舒服、乾淨又有冷氣既「大排檔」, 裝修仲好有香港情懷🇭🇰 門面已經有舊式戲院鋪排嘅大海報樓上雅座嘅霓虹燈模仿昔日舊報紙寫出楚撚記大排檔嘅歷史仲有模仿舊式大排檔嘅擺設模型, 從門口沿樓梯行上去已經有咁多打卡位餐具方面都會秉承懷舊嘅格調, 例如用雪凍左既戰鬥碗飲啤🍻又有豬油倒落去撈熱砵蒸飯🍚, 呢啲細節位做得好有心思食物方面味道係非常高水準, 炸/湯/煎全部都一流超卓🍖生炸豬手外皮脆到卜卜聲, 下面嘅用口又唔會炸到乾晒🥬時菜豆漿底濃🥛, 大量嘅鮮腐竹配豆漿令成碟素菜更有營養, 仲有紅棗同埋杞子調味, 食落去完全唔覺得單寡其中墨魚餅係必叫! 新鮮煎出黎好香口, 本身手剁墨魚餅已經好夠彈牙, 粒粒蓮藕增添口感, 加埋黑松露真心香🍄 最後仲有薑汁番薯糖水送, 好有人情味有咁高水準又有鑊氣嘅大排檔風味菜式, 價錢相宜之餘又乾淨企理, 店員仲好友善有禮, 唔怪得知平日都會爆曬場, 想食記得早啲訂位, 有用餐限時-楚撚記大排檔荃灣川龍街118號百悅坊地下&1樓西環石塘咀皇后大道西554-560號日富里百好大廈地下1號舖1730-0300土瓜灣馬頭圍道187號地下2及4號舖1730-2300…Read More

餐廳推薦👨🏻‍🍳📝楚撚記大排檔📍荃灣川龍街118號百悅坊地下-1樓食過最好食既大排檔🙈真系好高質🤤🍽麻辣韭菜鴨血煲熱辣辣！！滾的😆好惹味🤤鴨血大大塊好有口感🍽楚撚沙拉骨👌🏻🍽香煎黑松露手打蓮藕墨魚餅好有口感😻小小黑松露味🍽飛天通菜煲好夠味，通菜好青不會老🤤🍽燕麥金沙蝦球um..淺嚐可以🤣🍽楚撚豬油撈飯傳說中既豬油撈飯😭一碗真系吾夠😿❤️#餐廳推薦 #香港大排檔推薦 #香港大排檔 #楚撚記 #撚記大排檔…Read More

Bookmark咗呢間餐廳好耐，好彩有訂檯先有得食，weekend嚟walk in可能無得食，想嚟嘅最好訂定檯先嚟。豉椒鵝腸，鵝腸好肥美，又夠晒爽口，配菜都炒得好入味菠蘿拔絲咕嚕肉，外脆內軟，拔絲真係拉到一絲絲，真係好考功夫呀超級邪惡同時懷舊嘅豬油撈飯，豬油同豉油可以按個人口味淋落飯到椒鹽九肚魚，無散晒，同無出水，抵讚香煎黑松露手打蓮藕墨魚餅，黑松露味夠晒香濃，唔會煎到乾晒老火菜乾煲豬肺湯，係媽媽煲湯嘅味道呀，豬肺洗得好乾淨，細嘅都裝夠四碗下次再嚟食真係要叫多啲朋友呀，仲有好多餸想試呀…Read More

荃灣一向多美食，多年前食過位於土瓜灣的楚燃記大排檔，竟然在荃灣都開了分店，今次好彩特地早啲book枱，門口聽到侍應話要2星期BOOK～雖然係一樓要行樓梯，但係沿途有打卡位😎📸 時光倒流幾十年前大排檔的情景。室內裝修同佈置都用心設計到昔日大排檔格局，連全晚音樂都係爸媽年代的經典金曲，我竟然全部都認得曬 🤣打開餐牌簡直花多眼亂，有好多招牌燃手小菜，更有一些創新菜式。第一道菜 【蜜椒薯仔牛柳粒】份量幾大，有青紅椒、薯仔、洋蔥、牛柳粒等，中式爆炒配蜜糖，意外地將這些材料融合一體，特別鍾意薯仔外脆內鬆化配上蜜糖的味道令我食到停唔到手，當然黑椒牛柳粒都鮮嫩惹味，絕對係我每次必叫首選！第二道菜【香煎黑松露手打蓮藕墨魚餅】這道中西FUSION菜一上菜就有陣陣黑松露的香氣，食落去又唔會蓋過墨魚餅的鮮味，咬下去仲食到粒粒蓮藕及墨魚的質感，非常有口感，而且沒有想像中那麼油膩。第三道菜 【豉汁蒸大鱔】呢個魚是我出街食小菜必叫，因為街市買都唔平，而且自己整都複雜。見到碟大鱔好大份，仲啖啖鱔肉，豆豉同個汁都好惹味，完全帶出大鱔的鮮甜，十分推介。另外試了杞子龍眼菊花蜜及清熱五花茶，都是自家製的飲品，杞子龍眼菊花蜜較甜，但有杞子龍眼可以一路飲一路食下，杯底仲有好多粒菊花，都幾真材實料煲成；而五花茶唔甜，味道清爽香濃，好適合食完煎炸野飲番一杯。埋單時送了2個糖水，好窩心呢～有蕃薯糖水仲有清保涼，擁有第2個胃的我們當然食得落糖水🤣🤣 都夠足料，可惜只有凍的選擇太多食物想試了，下次要起碼四個人先可以試多啲野…Read More

間唔中都想食下大排檔既鑊氣小炒，呢間楚撚記真係久仰大名，想食好耐，開業至今都人龍不斷，除左野食好味抵食之外，仲要係黃店黎🤩好少大排檔係黃店。今次黎嗌左幾款小菜，款款都冇令我失望，唔怪之得咁多人幫襯，不過記得黎食既話最好預先訂左位先，如果唔係黎到都唔知要排幾耐隊先有得食。  要注意呢度有限制用膳時間一個半鐘頭，如果係想慢慢食慢慢坐同朋友吹下水既話就未必啱la。不過呢度既野食真係覺得係高質過出面一般大排檔，價錢又唔算特別貴，仲要最後每人會送一碗糖水😍有得揀熱既蕃薯糖水或者凍既清補涼，食完啲煎炸炒既熱氣野，飲翻碗即刻感覺清熱左。1️⃣香煎黑松露手打蓮藕墨魚餅（$96）一咬落有少少汁，勁彈牙食到粒粒墨魚肉，仲有陣陣黑松露味🤤加埋一啲蓮藕粒粒增加成個墨魚餅既口感。呢個可以話係傳統既墨魚餅既進化版！其他地方都食唔到呢種味道。  2⃣️燕麥金沙蝦球（$98） 蝦全部剝曬殼，比鹹蛋黃包住，面頭仲有啲燕麥片，多一層脆脆既口感👍  3⃣️難忘漁港蝦醬骨（海山骨）（$98）第一次食呢到菜，其他地方好似冇乜見過。一食落口，真係驚呆左😳蝦醬味道真係諗唔到咁濃。而且豬扒炸完之後依然好juicy，肉質夠厚。  4⃣️蜜椒薯仔牛柳粒（$98）好惹味😌甜甜地配合埋黑椒既香味，入曬啲薯仔粒同埋牛柳粒到。牛柳粒唔會好韌，最驚喜都係啲薯仔粒，冇諗過可以炒得咁入味。  5⃣️飛天通菜煲（$78）夠鑊氣🔥炒個通菜既時候個煲仲有啲滋滋聲，熱辣辣果然最正！  6⃣️菠蘿拔絲咕嚕肉（梅頭）（$99）酸酸甜甜，而且醬汁真係好夠味，咕嚕肉大大件淡淡肉，而且冇骨！食多幾件都唔覺膩😋  7⃣️避風塘鮮魷（$95）呢個真係唔係大排檔既話點都食唔多咁有鑊氣既小炒🔥鮮魷大大隻仲幾滑身，配合埋面頭一堆炸蒜、椒鹽、辣椒，一啖食落口真係超熱氣但係真係超好食😋  8⃣️七味黃金炸一口金磚豆腐（$68）豆腐炸得好脆，入面好滑身好嫩。外層係真係一咬就斷開既，然後入面啲豆腐仲係熱辣辣勁軟滑😍暫時係我食過炸得最好食既一口豆腐。…Read More

應該我不用多介紹大家都認識的大排檔小炒，大名鼎鼎一直都很想試一下。前幾個月與朋友相約家中聚會叫了外帶，質素有水準，好吃。知道荃灣開了旗艦店後，今次帶家人一同前來慶生，嚐一下地道風味。Openrice訂座方便，由於是人氣店，當天早上訂座只剩5:30pm時段，要求6:45pm交枱。限時用餐的確有一點趕，但正因如此上菜速度很快！環境復古，比一般普通大排檔多了一份玩味，職員都偏向年青化。食物夠鑊氣，味道出色，部分食物屬於旗艦店限定，值得一試！＊－。－。－。－。－。－。－。－。－。－＊🔘楚撚記脆皮燒BB乳鴿 $58/隻🔘香濃南乳粗齋煲 $75 【荃灣旗艦店限定🌟】🔘楚撚原隻脆皮炸豬手 $138 (太好吃忘了拍照)🔘香煎黑松露手打蓮藕墨魚餅 $96🔘豉汁蒸大鱔 $152＊－。－。－。－。－。－。－。－。－。－＊…Read More

最近太太聽朋友說他們常到這間茶餐廳食晚飯，說什麼「香到忍不住」，所以太太一直想去試試，卻發覺晚市經常要排隊，因此這個星期日我和太太便決定提早6時前入座位置（8/10）：餐廳位於楊屋道街市對面的百悅坊1樓，要走一段樓梯才能到達，或要轉到停車場位置才有電梯，對老友記來說挺辛苦。而百悅坊其實很近連接多個商場的荃新天地商場，由港鐵荃灣西站D出口步行約10分鐘環境（8/10）：充滿傳統茶餐廳的裝潢，營造懷舊的香港味道，因此很多上年紀的朋友也很喜歡前來，以茶餐廳來說頗光鮮及舒適服務（8/10）：入座後侍應會奉上熱茶及一碟前菜及辣椒油，席間更會主動幫忙換茶，而且沒收任何服務費或加一，而下單至上菜非常快速，可以想像回枱速度甚高食物（8/10）：餐廳以小菜及小炒為招徠，確實是頗有鑊氣，非常適合一家老幼來聚餐難得能和太太入座這間超人氣茶餐廳，當然想多試幾道太太喜歡的菜式，所以決定了不點白飯，最後點了以下四款：菠蘿拔絲咕嚕肉(梅頭) ~ $99上枱時很香很鮮艷，擺碟放上麥芽糖圈相當搶眼。咕嚕肉炸至外脆內嫩，口感很好；菠蘿味道夠鮮甜；醬汁酸甜適中，能做到少許拔絲效果香煎黑松露手打蓮藕墨魚餅 ~ $96蓮藕墨魚餅共有七件，煎至兩邊金黃色，香氣十足，味道略為清淡，但吃得出手打的彈牙感覺，而在中間加入蓮藕粒增加了不錯的口感蒜香骨 ~ $88有大量炒至金黃非常香的蒜粒，外觀相當吸引，排骨炸至肉質鬆化，配合蒜粒食味香而口感很好特式乾炒牛河 ~ $78乾炒牛河是其中一樣最考茶餐廳的菜式，這裡炒得有中上水準，有點油但夠香，牛肉嫩滑而河粉不會炒得太散總括來說，這間茶餐廳環境及食物味道都不錯, 而且性價比亦算高，可以解釋為何晚市總是會排隊入座，喜歡小菜的不妨一試🌺楚撚記大排檔🌺地址：荃灣川龍街118號百悅坊地下(正門)及一樓…Read More

📍荃灣 -#楚撚記大排檔——-香煎黑松露手打蓮藕墨魚餅 $95🦑-西檸煎軟雞 $85🐓-椒鹽九肚魚 $77🐟-竹蔗芧根紅蘿蔔馬蹄水 $68/一渣——即興同朋友落咗荃灣搵食,佢就帶咗我去楚撚記大排檔啦,可能係平日嘅關係 所以唔洗等位,不過我哋去到店員同我哋講冷氣壞咗得風扇🥲 問我哋介唔介意,我哋諗咗一陣,覺得就算熱嘅話叫杯凍飲,應該都無問題,所以我哋就入咗去啦.😂😂香煎黑松露手打蓮藕墨魚餅🦑佢嘅黑松露手打蓮藕墨魚餅兩面煎至金黃色,加咗蓮藕粒同黑松露整體口感更加豐富,咬落去十分香脆黑松露味好濃,十分特別嘅墨魚餅,推介大家要試呀👍🏻👍🏻👍🏻西檸煎軟雞🐓超好食嘅西檸煎軟雞,對於兩個人嚟講份量都幾大配白飯一流😋中意食酸甜汁嘅我嚟講,覺得佢個西檸汁整得好好食,啲雞件炸得啱啱好,就算啲汁倒落去雞件到,都唔會影響佢香脆嘅口感.👍🏻椒鹽九肚魚🐟個人覺得椒鹽九肚魚不過不失,無太大驚喜但係好食嘅,香脆可口😬竹蔗芧根紅蘿蔔馬蹄水最失望係竹蔗芧根紅蘿蔔馬蹄水……明明已經無冷氣,一心諗住叫凍嘅馬蹄水飲,點知飲落一啲都唔凍,好似冇雪凍過咁…完全係常溫👉🏻👈🏻不過值得一讚嘅係原來佢哋會送糖水,當日我揀咗清補涼飲.最驚喜係清補涼糖水超冰凍…飲完真係好涼爽🤣仲好飲過竹蔗芧根紅蘿蔔馬蹄水.——…Read More