Bubble Tree (成業工業大廈)

營業中

休息中

💛 #觀塘 @bubble.tree觀塘飯堂推薦🥳 我成日都去呢間喺成業街成業工業大廈二樓嘅「Bubble Tree」食飯，呢度食物款式又多又好味，食極都唔厭😋🐮 日本飛驒牛漢堡滑蛋蓋鐵板拌飯 （$85）飛驒牛好厚，肉汁豐富，鐵板燒到個邊有少少脆口，好香！ 個蛋蓋飯超香滑，好味😋！🍝 韓式辣汁海鮮意粉配刁草煙三文魚 （$60）呢個意粉個醬汁唔會太肥但又好好味！平時都好怕啲意粉汁太creamy太肥，但呢個就一啲都唔會🤩 少少香辣好開胃，仲有好多海鮮添💛#觀塘美食 #觀塘黃店

【Bubble Tree (成業工業大廈)】唔講你唔知，其實觀塘嘅工業大廈入面都有好多唔同嘅好野食架😚❕️今次就黎到 @bubble.tree 食番個dinner🍴啱曬上班族放工後可以有個落腳位☕️. 🥣番茄甘筍湯 - 💰5 (套餐加配)酸酸甜甜，好濃多番茄甘筍蓉，超級開胃🍅🥕 🍴韓式辣汁海鮮意粉配刁草煙三文魚 - 💰60玫瑰花形煙三文魚唔會太熟，韓式辣汁食到微微辣味 (個人覺得似Tabasco個隻辣)，都幾過癮，海鮮同意粉份量都算多，有蜆肉、魷魚等等❤️‍🔥 🍴烤焗丹麥原隻豬手配有機紅米飯 - 💰79呢碟真係食到超有意外驚喜🤩原隻豬手同紅米飯分開上。本身好怕會好硬咬唔開個仲感覺，點知肉質超級柔軟，多汁入味，口感非常豐滿，入口即融，烤焗得啱啱好，配埋有機紅米飯，中和油膩感🐷 🍴小食拼盤 - 💰128水牛城雞翼、Kara-age炸雞、薯條、墨西哥簿脆片、豬肉腸🧆雞翼同炸雞肉質鮮嫩，外脆內軟，薯條都一樣炸得好香口🐥墨西哥簿脆片食到有微微烘過暖暖地但一樣咁脆口，配埋牛油果、番茄同芝士碎一齊食，成件事好夾好開胃，會食唔停同食上癮🤗 🧋熱朱古力 + 玉桂 (12oz) - 💰8 (套餐加配)🧋凍綠茶鮮

今晚收工同媽媽食飯，觀塘超多平靚正嘅食物。今晚搵到呢間新開嘅工廈餐廳，不得了，免加一，價錢平得黎食物又大大份，由前菜沙律、餐湯，到主菜，仲有甜品，加飲品，全套加埋，人均$100都唔洗！完全係時光倒流價，實在值得支持！西蘭花藜麥薯仔沙律 $8 薯仔沙律本身有沙律醬，配合西蘭花即刻唔會覺得乾，味道唔錯。田園素菜沙律配牛油果 $8呢個係落沙律醋，牛油果份量唔算多，大概四分一個牛油果。沙律菜都夠爽脆。南瓜湯 $5、紫薯湯 $5南瓜湯打得好順滑，味道自然唔甜。紫薯湯就比較甜，不過係黎自紫薯嘅自然甜，呢個湯就感覺更有澱粉質嘅感覺。法式慢煮豬仔脾配有機紅米飯 $65豬仔脾超嫩滑，有兩大隻，醬汁係酸酸甜甜嘅味道，配合健康紅米飯，係幾健康嘅配搭。韓式辣汁海鮮意粉配刁草煙三文魚 $56意粉嘅海鮮有魷魚圈、八爪魚等，當然唔少得煙三文魚一塊。味道黎講唔算太辣，幾有韓式嘅辣中帶酸嘅味道。熱檸水 $5、泡沫咖啡 $10咖啡8oz同10oz只差$2，當然揀10oz，仲可以免費加調味，好似玉桂粉、榛子粉等，我就揀左加曲奇碎，賣相唔錯！不過作為泡沫咖啡，泡沫未免少左啲，整體比較貼近牛奶咖啡。咖啡味都幾濃郁，味道幾啱我。