鮨一 (厚福街)

今晚同朋友試咗間幾有驚喜嘅日本餐廳「特上錦繡刺身」拼盤，一共8款，每款兩切，賣相夠晒大方真鯛肉質爽甜，吞拿魚三重奏包括大拖羅、中拖羅同赤身，大拖羅油脂甘香入口即化，中拖羅平衡咗油香同魚味，赤身就紮實啲但唔會韌。油甘魚魚油豐富，海膽鮮甜唔腥，帶子同赤蝦都夠晒鮮味，整體嚟講刺身質素對得住價錢，新鮮度夠高。  前菜:海葡萄番茄沙律幾開胃，海葡萄咬落卜卜聲，番茄清甜，酸酸哋幾醒胃。什錦天婦羅炸得唔錯，粉漿薄脆，蝦同蔬菜都保持到水分，唔會油淋淋。辣酒煮廣島蠔味道濃郁，蠔肉飽滿，辣酒湯底唔會嗆，辣味好溫和，最驚喜反而係配角蘿白炆得又淋又入味吸曬蠔肉及湯底的精華，暖身又夠味。鹽燒油甘魚鮫係驚喜之作，外皮燒得香脆，魚肉嫩滑又多汁，蘸少少酸汁更惹味。整體嚟講，呢餐飯幾高質，份量適中，適合同三五知己慢慢歎。如果鍾意食刺身同埋日式小菜，呢度值得一試。…查看更多

閨蜜約食生日飯，揀咗去厚福街嘅日本餐廳。店內氣氛濃厚，坐喺吧枱前面，側邊係窗望落去心曠神怡，點菜重任就交俾閨蜜。日本蘋果沙律底層沙律菜，上面係爽脆蘋果絲、蟹柳絲、一坨蟹籽，撈勻嚟食清新開胃。炸澤蟹口感脆脆的，是上佳嘅下酒小食。活海膽係日本馬糞海膽，入口細膩軟滑，鮮味滿滿。十貫目2個人分著吃，食材新鮮配上赤醋飯，好味😋中拖羅油潤無筋帶子爽中帶糯🥰碟魚邊嫩滑荷魚口味清新什錦天婦羅有炸蝦3隻、南瓜、茄子、青椒和蕃薯新鮮熱辣，外脆內軟，點埋加咗白蘿蔔蓉嘅醬汁，更加好味。扇形炸物材料原來係素麵辣酒烹煮廣島蠔隻隻飽滿肥美，蠔肉鮮美，微微嘅辣更添風味。好滿足啊，謝謝啦。…查看更多

前排朋友話帶我去tst食日本野，估唔到發現間咁高cp值嘅日本餐廳，仲有好精緻刺身丼杯，可以打卡之餘味道又幾好！❣️日式料理款式非常多，而且每款都幾用心，值得一去❣️推介精緻刺身丼杯，刺身多到爆出來，超吸睛，食落又有層次感。🐟日本鮟鱇魚肝$168 （推介）- 粒粒都肥美厚切，口感軟嫩香口。個人好鍾意底下個醋香汁，好醒胃🥗鮨一沙律$128- 大大個番茄同沙律菜撈上好多魚生，有八爪魚、油甘魚等，幾特別。✨蘭$158 （推介）- 鋪滿海膽超級吸引，海膽幾鮮甜creamy，配上吞拿魚蓉、火炙左口魚、三文魚、超多三文魚子粒粒， 蝦刺身、北寄貝粒粒，撈埋江戶前傳統壽司飯，超有層次感✨ 梅$158- 同樣超多刺身款，蟹鉗鮮甜，配上粒粒蟹肉、肥美新鮮蝦刺身（連蝦頭都滿滿鮮味），甜甜的好滿足❤️🦀️軟殼蟹天婦羅$75- 炸到超級脆口但唔油膩，軟殼蟹有肉有膏，味道幾好🦪辣酒煮廣島蠔$88（推介）- 湯底非常特別，滿滿蠔嘅清甜味道，夾上刺激嘅辣味。難得嘅係粒粒蠔都好肥美鮮甜，仲有蘿蔔夠醒胃。ps 蠔都幾多粒的！🐔明太子雞翼(兩隻）$48- 外皮夠脆，入面粒粒明太子，口感幾好🐔雞尾尖$35- 第一次食，估唔到好脆皮 juicy ，滿滿油脂香🐔華味鳥雞皮串$35- 煎到脆皮無曬油脂，多多都唔怕食了😂下次再約朋友來！…查看更多

蘭賣相：🐧🐧🐧🐧🐧味道：🐧🐧🐧🐧🐧壽司杯造型非常搶眼，採用了多款新鮮魚生堆疊成山狀，再插上餐廳名字小旗幟，感覺華麗壯觀，打卡一流。壽司杯非常足料，內含鮮甜鹹香的海膽、焦香味甘的火灸左口魚裙邊、柔滑細嫩的拖羅魚蓉、鮮味十足的三文魚、赤海蝦和帆立貝粒粒，加上脆卜卜的三文魚籽，口感層次極出色，必點良選。菊賣相：🐧🐧🐧🐧🐧味道：🐧🐧🐧🐧🐧壽司杯同樣精美雅緻，厚切新鮮的刺身魚片整齊排好，當中白身魚更製成花形模樣，十分賞心悅目。刺身魚片鮮味滿滿，厚身肉感豐盈，滑嫩可口，與海水味濃的三文魚籽一起伴飯食用，滋味爆分。鮨一沙律賣相：🐧🐧🐧🐧🐧味道：🐧🐧🐧🐧🐧沙律由原個新鮮日本蕃茄配搭海量魚生粒粒組成，每一啖都充滿魚生的鮮嫩、蕃茄的清甜和沙律菜的清爽，非常足料又出色。吞拿魚牛油果手卷、三文魚親子手卷賣相：🐧🐧🐧🐧🐧味道：🐧🐧🐧🐧🐧手卷用料十足，特選赤醋飯作飯底，頂上鋪滿眾多新鮮魚生粒粒和配料，超級豐盛又吸引。吞拿魚牛油果手卷一啖入口，吞拿魚的油香滿溢，與清爽柔滑的牛油果十分合襯，滋味清新又美味。三文魚親子手卷中，油香鮮嫩的三文魚粒與脆口鹹香的三文魚籽互相糅合，盡現三文魚系列的精華，粉絲切勿錯過🥴 辣酒煮廣島蠔賣相：🐧🐧🐧🐧味道：🐧🐧🐧🐧🐧廣島蠔隻隻又大又肥美，盡吸辣酒湯底精華，食落辛辣鮮美，帶有淡淡的酒香，令人回味無窮。隨湯附上數塊白蘿蔔，食落清甜入味，爽口無渣，十分高質。日本蕃薯天婦羅賣相：🐧🐧🐧🐧🐧味道：🐧🐧🐧🐧🐧天婦羅特意採用日本蕃薯製作，口感更鬆更軟，香甜軟滑，甜度不會過高，經油炸後散發著誘人的油香，沾上天婦羅醬汁食用，味道更出眾。環境：🐧🐧🐧🐧🐧餐廳採用和式居酒屋風格設計，木系的桌椅、日式的裝橫，感覺和諧又舒適。餐廳設有普通餐桌和面向壽司師傅的吧枱座，各具特色符合不同客人需要。🐧❤️結語：壽司杯華美又豐盈，打卡享用誠意推薦。…查看更多

「鮨一」位於尖沙咀係食街裡面，地理位置好方便，地鐵站行過去好近。入到餐廳，店員安排我地坐bar枱，可以睇住師傅製作美食。餐廳食品種類多元化，其中有刺身、壽司、串燒同天婦羅等，店員都推介左招牌菜式比我地，態度友善。上錦繡刺身 (8款) $348刺身包括鰤魚・沙錐魚・伊佐木・赤蝦・帶子・三文魚・八瓜魚・北寄貝。每款刺身都新鮮肥美，厚切足料❤️推介鰤魚口感細膩，肉質甜美，脂膏豐腴；沙錐魚體形細長，味道鮮美；伊佐木味道鮮甜脂肪豐盈，肉質白裡透紅👍鮨一手卷 $98呢款係由吞拿魚蓉、海膽同三文魚籽組成嘅手卷，材料好豐富！吞拿魚蓉口感綿綿同埋吞拿魚脂香香濃；面層仲放左海膽同三文魚籽，多種鮮甜同時係口入面，口感層次相當豐富。鮮帶子海膽手卷 $98鮮甜嘅帶子肉質厚實，而海膽味道濃郁，口感豐富又creamy，將帶子同海膽一齊放入口裡面，兩種鮮味同時係口入裡，好美味！宮崎白粟米 $88粟米粒呈現象牙白的顏色，粟米粒粒飽滿，具有果香同清爽而強烈嘅甜味，真正香脆甘甜。辣酒煮廣島蠔 $88廣島蠔厚肉肥美，蠔嘅生熟度恰到好處， 入口滲出啖啖鮮甜嘅味道，配埋微辣嘅湯汁一齊食，好惹味。軟殼蟹天婦羅 $75外面嘅天婦羅衣酥脆，內裡軟殼蟹嘅蟹肉鮮嫩可口，炸出香脆而唔油膩嘅天婦羅。和牛粒串 $58一口和牛粒口感細膩軟腍，牛味濃郁，肉汁豐富，好惹味。煙肉帶子卷串 $52鹹香脆口的煙肉包裹著鮮甜的帶子，帶子鮮甜爽口彈牙，煙肉嘅油脂香味滲透入帶子，帶子鮮味提昇。…查看更多

餐廳裝修還原日式居酒屋格調，吧枱位置更能觀賞師傅工作，食物的種類很多，現場也有不少人慶祝生日，環境氣氛也非常好。特上十貫目 - $348中拖羅有恰到好處的魚油脂，魚香非常甘香；金目鯛甜香濃郁，肥而不膩；鰈魚清淡細膩；池魚王鮮嫩肥美，脂厚油香；日本鮮帶子肉厚鮮嫩；鰈魚裙邊炙燒後甘甜魚油滲出，入口即溶；目光魚魚身味道極濃；白魚肉質鮮美；赤蝦濃郁爽滑；海膽甘甜幼滑不腥。鰤魚刺身 - $188本身擁有飽滿的油脂，厚切更能品嚐到那柔嫩口感。秋刀魚刺身 - $168秋刀魚銀灰色的魚皮，紅潤的魚肉，富豐厚油脂，肉質好鮮美，沾醬汁更能提鮮。海葡萄番茄沙律 - $128一條條的海葡萄有點像三文魚籽，咬下去會爆漿的水份，味道鹹鹹的，好有大海味，而那番茄非常水潤多汁好清甜。辣酒煮廣島蠔 - $88鮮甜肥美的廣島蠔，蠔味濃郁兼且口感滑溜，微辣的酒汁更添鮮味，精華更滲透於白蘿蔔內。…查看更多

上次食完荃灣分店一直念念不忘，一個月後適逢周年紀念就帶女友去左尖沙咀厚福街既分店🥳尖沙咀分店一共三層，比起荃灣分店大得多。餐廳設有吧枱同適合多人聚餐既普通座位，我地選擇吧枱，因為可以近距離欣賞師傅既功架😎- 特上十貫目上次係荃灣食左十貫目，大部份壽司質素唔錯👍🏻，今次試左特上十貫目，壽司可謂全面升級，包括海膽壽司、拖羅壽司等等。醋飯加上新鮮嘅魚生，每一件都好味。- 鮨一沙律材料以沙律嚟講非常豪華，包括三文魚、八爪魚，而且切成一粒一粒，每一啖都食到所有魚生，另外中間既蕃茄甜到入心🥰- 日本白粟米原來粟米可以生食，自己亦第一次見到白色既粟米🤤。一咬落去爆曬汁，甜度比一般粟米更高👍🏻- 甲羅燒甲羅燒以蟹膏、蟹肉加上蛋黃為主。首先將蟹膏同蛋黃攪拌，然後再塗係香脆多士上面，味道非常濃郁。- 辣酒煮廣東蠔廣東蠔外表飽滿，酒完全帶出蠔既鮮甜，而且辣勁十足。- 鮨一手卷鮨一手卷包括海膽、吞拿魚蓉、三文魚籽同少少金箔，材料多到幾乎滿瀉。手卷並非一般雪糕筒形狀，每一啖既食材比較均勻，食到最後唔會只剩下紫菜跟壽司飯。- 香蔥吞拿魚腩手卷吞拿魚腩非常細膩，入口甘香，每一啖都充滿香濃既魚脂，非常滿足😝…查看更多

尖沙咀必試日本料理🍣星期六打算Book枱 但都full咗 要walk-in 大約18:30 去到 剛好仍有二人位到走19:30 個時已經大排長龍餐廳價錢合理店員服務態度好辣酒煮蠔🦪都不錯 不過真係有少少🤏辣蘿蔔都好甜 無渣軟殼蟹手卷🦀即叫即炸👍🏻鰻魚炒飯炒飯夠乾身 入味份量大 必食第一名鹽燒牛舌所有野都可以唔叫 但一定要叫依個牛舌夠淋 燒得岩岩好配上檸檬🍋汁 完美👏🏻👏🏻👏🏻鵝肝壽司🍣大大舊 熱辣辣鵝肝入口即溶😋必食第二名…查看更多

朋友鍾意食日本料理，所以就揀咗呢間餐廳🍴打電話去book位嘅時候有提及朋友生日，就提議我哋可以點「火山卷」，佢哋會幫我加上Happy birthday字牌。上菜嘅時候真係冇令我哋失望😍喺疊高嘅小卷上面鋪滿大大塊嘅海膽、晶凝通透嘅三文魚籽同矜貴嘅金薄🤩每一口都好滿足🥰「薄切真明鰹」即係日本䱽魚🐟師傅刀工好好，每一片都晶瑩通透，魚肉嘅質地有少許彈性但又唔係爽口嗰種。上面放咗微酸嘅和風汁+新鮮紫菜+海膽，捲起嚟食真係好開胃，加上油脂味，真係會食唔停口😆「日本蘋果沙律」清爽香甜，好清爽能解膩😌「辣酒煮廣島蠔🦪」蠔肉大大隻又肥美，配上微辣嘅湯好惹味。「辣味噌煮和牛腹」係厚切的，每一口都嚐到香濃嘅牛油脂味🐮 「蟹肉蟹羔手卷」蟹膏份量都唔少，而且味道香濃。 「明太子雞翼」已經切開左，更方便進食。 「鹽燒三文魚腩」外皮燒得香脆，肉質嫩滑油脂味重。今次我哋坐吧枱，可以睇到師傅準備食物。見到餐牌上嘅Omakasa一啲都唔貴，下次可以試吓😉…查看更多

前幾日同朋友慶祝生日，我哋特意book咗係尖沙咀嘅黃店食生日飯🤤 估唔到第一次試呢間日本餐廳就咁有驚喜，特別係佢個日本海膽！😍打開Openrice，見到勁多人推薦呢個沙律，於是都嗌左一個嚟試下佢有幾好食🤨 估唔到勁多料，有各種唔同嘅刺身，三文魚、帶子、生蝦、八爪魚等等。但成個沙律最好食嘅都係佢個蕃茄，應該係日本蕃茄黎，食落超級鮮甜🤩刺身方面，店員介紹咗我哋食呢種蝦刺身，價錢都唔平🤔 上到嚟隻蝦頭仲識郁下郁下，超新鮮😳 食落口終於明佢點解咁貴，隻蝦超級爽口彈牙，仲有淡淡嘅鮮甜添，未試過嘅我哋都覺得好好食😋由於壽星最鍾意食海膽，於是我哋order咗一個由海膽同三文魚子組成嘅火山卷，估唔到餐廳仲好好咁準備咗生日牌比我哋慶生🥳 火山卷造型勁靚，仲有少少金箔係面，海膽係用咗日本海膽，食落超鮮甜😋 啲海膽同三文魚子仲要勁多，多到滿瀉，十分推介比鍾意食海膽嘅朋友仔😍食日本野當然唔少得甲羅燒，佢呢到嘅甲羅燒都幾多人嗌🤪 佢嘅蟹膏配咗隻超大隻嘅生蛋，撈勻之後再配埋烘過趣卜卜嘅多士仔食，好好味，不過如果撈飯食就仲正🤤我哋仲嗌咗一客雜錦天婦羅，有三條炸蝦天婦羅同一堆蔬菜天婦羅😬 蔬菜天婦羅有南瓜、茄子、青椒等，味道就正正常常，而個炸蝦就相當唔錯，炸粉好薄，但又炸得好脆🤓 入面嘅蝦大大條，一啲都唔故寒，好味👍🏻另外，我哋仲嗌咗兩款手卷，其中一個係三文魚加三文魚子。佢嘅手卷並非我哋平時食開嗰種造型，反而有少少似壽司🤣 入面有兩大舊肥美嘅三文魚腩，再加埋又係滿到瀉嘅三文魚子，口感非常豐富，好滿足☺️另一款就相對無咁出色啦，雖然佢面頭嘅料都唔少，特別係pat蟹膏🤪 但係佢上面加左唔同味嘅芝麻，令到食起上嚟反而少咗蟹膏原本嘅鮮味，不過由於啲蟹膏同蟹肉都好多，所以整體嚟講都算唔錯🙈呢個辣酒煮蠔都係其中一個我哋覺得好唔錯嘅菜式，事關佢啲蠔真係幾大隻幾creamy，連平時唔鍾意食蠔嘅朋友都覺得呢道菜好好味😋 配埋佢個辣辣哋嘅湯，同煮到腍哂嘅蘿蔔，食起上嚟好惹味，冬天食仲正🤩🔸 鹽燒牛小排串 $58最後，我哋明明食到好飽，但都想試試佢啲串燒🤣 呢個牛小排串牛味濃郁，可能係牛小排關係，口感比較有嚼勁，但又唔會好鞋好韌，點埋個芥末籽醬一齊食，非常夾😆🔸 豚肉露筍卷 $35而呢個就相對出色好多🤪 一黎佢嘅露荀非常嫩，我估用咗bb露荀，咬落仲好juicy，二黎佢個豚肉好腍下，食起上嚟一啲筋都無，配埋咁juicy嘅露荀一齊食，真係相當唔錯👍🏻總括而言，️呢間日本餐廳相對性價比都好高下，價錢相宜，而食物又非常唔錯，私心推介佢個火山卷同花竹蝦刺身😍 未試過花竹蝦嘅真係要試一次！…查看更多

🐰趁復活節5天連假 左挑右挑之下 揀左呢間💛日本餐廳🤗 💓幾鐘意佢地既食物好多元化🍻，有好多唔同款既刺身仲有熟食 性價比亦幾高💰雖然店舖有三層 但都好多人排隊 人流不絕 好彩我地等左一陣都有位🤩—————————————————————🐟刺身池魚王薄切刺身 $268鮮甜有水準👍🏽刺身魚切得厚度均一 肉質清爽 味偏清淡 精粹在於配上酸甜清香柚子醋汁 大大提升口味—————————————————————🍣 壽司特上十貫目 $348坐bar 枱就可以👀睇到👨‍🍳壽司師傅即場握壽司飯🔪切刺身。未食都覺得鮮味十足🤤🏅帆立貝爽口有彈性 好厚肉🦐蝦彈牙鮮甜，口感不俗💛最珍貴既拖羅當然放在最後 油脂最重 雖然唔係屬於最肥美既大拖羅 但中拖羅亦好岩我口味😋吃得滿口甘香💯遺憾既係太夜黎 海膽已經賣完 廚師問我地介唔介意轉三文魚子 我地就話無所謂 如果有海膽一定大滿足😋—————————————————————熟食1️⃣辣酒煮廣島蠔🦪(六隻) $88廣島蠔夠大隻 望落脹卜卜 無overcooked 煮得岩岩好💯啖啖肥美既肉 入口鮮甜！👏🏼👏🏼那個辣酒湯有驚喜 酒香微辣 加埋蘿蔔既甜味 唔覺唔覺飲左一大半 蘿蔔索哂湯既精華 好正☺️2️⃣🏅鹽燒三文魚腩 🐟$68🔥燒過既三文魚腩外皮脆卜卜 內裡魚油豐盛 魚肉細膩 入口嫩滑。廚師起哂主要既骨，所以可以大大啖品嘗😍。令人食唔停口既小食🤩。3️⃣辣味噌煮和牛腹🐮$98同行既👦🏻係牛精 Request 要點呢款幾特別既牛腹牛腹係帶有筋，肉，油花既肉塊，平時燒肉打邊爐都會用佢。加上用上日本和牛，成件事高級左🤩。肉質咬落韌中帶淋。呢款湯既辣度比上面既辣酒煮更高⭐️大家不防留意佢地黑板上寫既當天特別菜式—————————————————————好味指數👅：8/10 性價比💸：7.5/10 環境 ：7/10 回頭率👀：7.5/10…查看更多

素聞尖沙咀出名多日式居酒屋,有時咁多間都唔知食邊間好,但今次去試左位於厚福街嘅 鮨一 絕對可以係你嘅選擇！.有成兩層都係佢就知有幾威,黎呢間唔可以唔試佢刺身！首先試嘅係 [千層海膽飯](細$198碗)雖然係細碗版,但海膽足料足足有三層,下底係吞拿魚蓉同壽司飯,表頭仲有啲金箔,好啱打卡🤓📸開頭可以先攞紫菜夾住海膽就咁食,之後中底層嘅海膽可以連吞拿魚蓉同飯一齊食,三種層次,三種味道交疊在一起,係幸福嘅味道🥰.另一推介係[簿切池魚刺身]($220)師傅以華麗嘅刀功,將刺身切到通透,簡直係藝術,而池魚會附上獨有醬料,食落去好新鮮,口感亦唔錯。而係佢後面嘅係帆立貝刺身同劍魚腩刺身,每款刺身都好新鮮,滿足💖.一品料理方面,推介呢個[辣酒煮廣島蠔]($88) 蠔大大隻 一碗起碼有成4/5 隻,重點係個湯加左少少辣加上蠔嘅鮮味,加上蘿蔔嘅甜味同索哂啲湯汁,飲落開胃又醒神,少少似冬蔭公嘅味道哈哈😄唯一要挑剔嘅係可能始終有限時堂食90分鐘,所以點完嘅菜一下子送哂上擡,變相串燒/湯品一定要趁熱食,俾人感覺有啲急趕😅.Any肥,以同價同區嘅居酒屋相比,呢間嘅食物質素都絕對數一數二,同朋友黎可以開返枝清酒,細細枝300ml $300以內都有選擇🍶慢慢嘆,同壽司/刺身絕配！…查看更多

朋友生日又帶朋友食好野，係openrice見到呢間日本料理好似好正咁，所以就訂定位同朋友黎試試!估唔到平日晚上餐廳都滿座，非常熱鬧!我們安排坐於bar枱，可以見到師博不停地切刺身!銀雪魚刺身，第一次食銀雪魚刺身，平時都係食西餐煎好果D。刺身非常厚切，一D都唔油，好香魚味，而且有種入口即溶的感覺!白子刺身，白子其實是魚的精巢，看上去好似魚腸咁，食落感覺有點幾特別，加入了柚子醬汁一齊食，感覺很fresh!G One Salad，這款沙律有一個鮮甜的蕃茄係面，有不同的刺身角切在沙律中包括三文魚、蝦、油甘魚等，而且粒粒都切得幾大粒，還有一些蟹籽，將刺身和沙律菜拌勻後，感覺像刺身還多過沙律菜，非常足料!子持香魚，這款魚是這個時間當造的魚，魚不是很大條，多骨但是內裡非常多魚春，魚肉都幾滑!外皮用上鹽燒，魚旗位置燒得脆卜卜，很惹味!辣酒煮廣島蠔，廣島蠔很飽滿而且鮮甜，一碗大概都有6大粒!除了廣島蠔，還有白蘿蔔，白蘿蔔吸了湯的味道，很入味!湯底其實是辣辣地的面豉湯，飲完非常暖胃!眼見壽司師傅整了很多不同款式又吸睛的食物，決定下次再黎試試!…查看更多

今日有朋友生日，知佢鍾意食日本野，所以一早book定佢公司附近厚福街12號既鮨一日本料理好卡娃依呢☺仲發現到佢左面樽梅，自家釀製架日本海葡萄蕃茄沙律 - $128海葡萄味道略帶點咸味，而且爽爽地既口感，配埋新鮮蕃茄，更加能夠帶出果種微酸微甜既清新感覺，即時食指大動呀薄切真名鰹魚 - $220真名鰹，又名真魚鰹，師傅刀功細膩，薄切功夫非常了得，晶瑩剔透既薄切，配以海膽柚子汁，味道甘甜鮮美而清雅，是食刺生的最佳開場。原隻日本活海膽 - $168海膽之前食開都係一板板咁上，今次呢個非常特別，前一秒仲識郁既海膽，下一秒就被切開一半上碟，果種鮮味非筆墨能夠形容黑鯥（4切）- $298黑鯥鮮味十足，嫩滑魚肉鮮甜肥美，魚皮被輕輕火灸過，增添左口感活北寄貝 - $248呢款亦都係新鮮即開既北寄貝，因為冇經過急凍冷藏，所以鮮甜味十足，口感亦爽華味鳥雞皮串 - $28/串雞皮本來係好油膩既食物，但經過左長時間既燒烤，雞油已經出晒黎，留低左既係極脆極香既雞皮華味鳥雞腎串 - $32/串雞既內臟本身我唔係太喜歡，但佢呢度呢款雞腎的確燒得唔錯自家製免治雞肉串 - $32/串免治雞肉好香滑，加埋自家製醬汁非常惹味，沾一沾蛋漿更增添滑嫩口感辣酒煮廣島蠔 - $88廣島蠔係正常既味道冇咩驚喜，有驚喜既反而係浸住辣酒吸晒蠔鮮味既蘿蔔👍…查看更多

尖沙咀的鮨一，無論閒日定假日都非常旺場。閒日的晚上，近乎全院滿座！還好Bar枱剛好有兩位埋單走人，才得免卻等位之苦，Lucky被壽司吧師傅們純熟的手藝吸引了眼球，幾乎都忘記了要點菜！G One Salad $128以店名命名的沙律，做了幾十年人，頭一次見刺身沙律的刺身份量比蔬菜還多！蔬菜類夠冰涼爽脆，配上沾了刺身醬油的帶子、三文魚、油甘魚等，還有大量的蟹子提鮮和增強口感，呢碟沙律真係冇得輸！秋刀魚刺身 $168賣相一流！正值秋刀魚的當造期，魚肉內含一層皮下脂肪，油脂豐富，肉質嫩甜，配混有蔥花和薑蓉的特制醬油，非常滋味。沙甸魚小卷 $128有驚喜！紫菜緊緊卷著肥美的沙甸魚、蔥花和薑蓉。沙甸魚肉質非常軟滑之餘，仲充滿油香，一啲都唔腥，正到爆！一口氣來了三碟貝類刺身，場面何其壯觀！活帶子刺身 $128帶子屬於巨型的size，肥大肉厚，師傅劏得好乾淨，連裙邊都是雪白的。帶子鮮甜無比，果然新鮮。活北寄貝刺身 $248北寄貝也是頗巨型的，肉質爽甜，比熟北寄貝好吃一千倍以上。石垣貝刺身 $98口感較為綿滑的貝類，散發出陣陣貝類的鮮甜，新鮮就是王道！辣酒煮廣島蠔 $98肥大肉厚的廣島蠔配日本蘿蔔，令湯底又香又甜，一點點的辣味令整個湯更為惹味。燒銀鱈魚腩串 $45魚皮燒至香脆，魚肉含大量油脂，非常美味！燒銀鱈魚骨 $40很特別的一道小吃，魚骨燒至脆身，十分香口，師傳加上鹽花和七味粉，更添美味！蒲燒鰻魚 $105很大的一片鰻魚！醬汁不算特別多，換上的是山椒粉和芝麻，魚油緊鎖在裡面，比坊間的更香口和惹味！什錦天婦羅 $85八十幾蚊有三隻蝦，還有茄子、南瓜、青椒和蕎麥麵，真係抵到爛！當中蕎麥麵預先加入了鹽花調味，炸至卜卜脆，好玩又好食。甲羅燒 $98鮮味的蟹膏加入了生蛋、清酒和味醂等，味道更添濃郁，配麵包一同食用，簡直好食到停唔到！…查看更多