鮨一 (厚福街)

朋友鍾意食日本料理，所以就揀咗呢間餐廳🍴打電話去book位嘅時候有提及朋友生日，就提議我哋可以點「火山卷」，佢哋會幫我加上Happy birthday字牌。上菜嘅時候真係冇令我哋失望😍喺疊高嘅小卷上面鋪滿大大塊嘅海膽、晶凝通透嘅三文魚籽同矜貴嘅金薄🤩每一口都好滿足🥰

火山卷

火山卷

「薄切真明鰹」即係日本䱽魚🐟師傅刀工好好，每一片都晶瑩通透，魚肉嘅質地有少許彈性但又唔係爽口嗰種。上面放咗微酸嘅和風汁+新鮮紫菜+海膽，捲起嚟食真係好開胃，加上油脂味，真係會食唔停口😆

薄切真明鰹

「日本蘋果沙律」清爽香甜，好清爽能解膩😌

日本蘋果沙律

「辣酒煮廣島蠔🦪」蠔肉大大隻又肥美，配上微辣嘅湯好惹味。

辣酒煮廣島蠔

「辣味噌煮和牛腹」係厚切的，每一口都嚐到香濃嘅牛油脂味🐮

辣味噌煮和牛腹

「蟹肉蟹羔手卷」蟹膏份量都唔少，而且味道香濃。

蟹肉蟹羔手卷

「明太子雞翼」已經切開左，更方便進食。

明太子雞翼

「鹽燒三文魚腩」外皮燒得香脆，肉質嫩滑油脂味重。

鹽燒三文魚腩

今次我哋坐吧枱，可以睇到師傅準備食物。見到餐牌上嘅Omakasa一啲都唔貴，下次可以試吓😉