好燒式串燒專門店 (砵蘭街)

話說今日同個老best去旺角行街，跟住就上open rice睇吓有咩好嘢食。老best就話想食燒嘅嘢食。一坐低，店員誠意邀請我哋點鹽燒大眼雞。厚燒玉子，個玉子燒真係天花板，燒到金黃色，加咗一層蜜糖，甜度剛剛好，外脆內軟，軟硬適中，剛剛燒好就上菜，熱辣辣，食到停唔到。燒菠蘿，本身個菠蘿好新鮮，燒完啲糖份出晒黎，形成好似焦糖咁，有好淡嘅酸味，甜而不膩，食完好舒服好開胃。😋頂級安格斯牛小排，我哋叫咗七成熟。牛肉味好重，好香，配合芥末醬同埋啲greens，一啖一口牛，口感好豐滿。黎呢度一定要叫海鮮，我哋叫咗三款海鮮，全部好新鮮，再加埋燒烤技巧純熟，全部都剛剛好，講食物嘅鮮味發揮得淋漓盡致。蒜蓉燒聖子王，蒜蓉味好香，配合金菇墊底吸收埋啲海鮮味，除咗口感豐富做，食得出聖子嘅嗰種鮮甜。蒜蓉燒扇貝 首先扇貝好大隻，調味調得好好食，除咗蒜蓉佢仲加咗有三文魚子，夾埋一齊食好新鮮好甜。另外食咗咁多燒嘢、叫咗枝竹蔗茅根下下火鹽燒大眼雞真係無點錯，唔好講笑。賣相好得，個皮燒到好脆唔油，食落口有微微嘅魚香味，跟住啲魚肉好滑，好鮮味，真係好好食。隨後朋友話食燒烤點可以唔叫雞翼，隻雞中翼外脆內軟得嚟keep到肉汁，燒到啱啱好熟。最後個蒜蓉燒茄子 （原條）蒜香味好出，茄子熟透得嚟個皮唔會燶哂，軟硬度啱啱好，鍾意食淋身少少嘅茄子如我，一定食到停唔到口。蒜頭好足夠，仲有孜然粉調味，我哋就自己再加少少辣粉，如果唔係嗌得太多嘢都想encore。店裏都算坐得舒服，不得不提，佢哋好好服務，因應我哋食嘢嘅速度而上菜，等啲食物可以keep住溫度👍👍食咗咁多海鮮同埋安格斯都只係6百幾，真係好抵食😋…Read More

同朋友喺旺角行完街去左附近一間港式串燒店，串燒款式豐富，即叫即燒，全店滿座，店內氛圍輕鬆熱鬧。蒜蓉燒扇貝扇貝超大隻，肉質鮮嫩，蒜蓉香氣濃郁，提升海鮮的鮮味。蒜蓉燒聖子王聖子王新鮮，肉質結實，蒜蓉香氣與海鮮鮮甜味交織，放左金菇一齊燒，口感豐富。燒日本雞泡魚乾雞泡魚乾得香脆，帶有獨特既鹹香味，油脂清香，拈上沙律醬食好滋味。鹽燒牛舌芯牛舌芯厚身，鹽燒調味帶出牛舌天然鮮味，口感彈牙。燒日本芝士年糕外層烤至微焦，內裡軟綿綿，口感黏糯，芝士味道濃郁。厚燒玉子玉子質感細膩，帶有淡淡的甜味，每一口都能感受到雞蛋既鮮香。蒜蓉燒茄子原條茄子上面放左超多蒜蓉，茄子口感軟綿綿，蒜香味濃郁，非常惹味。低溫去骨燒乳鴿乳鴿切成細細件，好方便，低溫烹調既方法保留左乳鴿鮮味，皮脆肉嫩，肉汁豐富。芝士煙肉焗大啡菇煙肉洋蔥釀左係大啡菇🍄‍🟫，再鋪上芝士，芝士烤至熔化，味道濃郁，加上煙肉嘅鹹香味，推介大家一定要食。…Read More

每次來食都總是懷著興奮心情，這裡的美食特別吸引，皆因燒得好食又足料，選擇多之餘，性價比又高，難怪吸引好多食客幫襯。店子地方雖少，但不減我們的食慾。港式日式西式泰式樣樣食D，沒有一碟令人失望。廚子用心做係食得出的，值得推介，經過旺角不妨食下。炸池魚 $48池魚大條肉厚，魚肉鮮美，口感酥脆炸粉薄，唔錯。頂級安格斯牛小排 $158牛小排７成熟，預先切成一小片，食得方便。肉質軟嫩細緻，牛味濃高質，伴有黃芥末醬。黑松露菌蝦多士 $68蝦多士四件，相當大件，多士厚身，內裡挖空填滿蝦滑，好足料。多士外層香脆，白芝麻香口，內裡蝦膠彈牙，加上芳香黑松露醬，十分滋味，做得非常出色。蒜蓉燒茄子 $40茄子軟腍，輕易拉起長長茄肉，佈滿蒜蓉，蒜香味濃，大條抵食。厚燒玉子 $22玉子厚身口感軟彈，甜甜地幾好味。 燒菠蘿 $20菠蘿清甜又多汁，好味。串燒豆腐 $22豆腐皮香脆，內裡軟嫩，口感有層次，加上美味醬汁，正。陰公豬 $28冬陰公味的豬腩肉幾有特式，肉質鮮嫩，酸酸辣辣幾刺激。煙肉燒蠔、白汁芝士燒蠔 $36/隻蠔肉飽滿多汁，唔會燒到乾晒，配料有煙肉碎惹味，白汁芝士唔會好膩，芝味十足。芝士煙肉焗大啡菇 $50芝士厚厚，煙肉過份太多，食起有點咸，大啡菇厚肉多汁，好味。…Read More

是日與友好到旺角好燒式專門店吃晚餐。每人點少少野先，是日點了蘇格蘭聖子皇，清酒煮沙白，龍蝦汁大蝦意粉，頂級安格斯牛小排，多春魚，雞中翼，西班牙黑毛豬肋串，鹽燒白鱔，特式蒜蓉包，蒜蓉燒茄子，菠蘿，七味魚翅，蒜芯，燒日本甜心蕃薯，雞腎串，豬仔脾，朝日啤酒，青島啤酒，竹蔗茅根。蘇格蘭聖子皇-聖子新鮮配合蒜蓉金菇除了帶出鮮味外，還將聖子鮮味帶到金菇中。清酒煮沙白-新鮮材料加上清酒煮令到沙白入味。龍蝦汁大蝦意粉-意粉炒得乾身再加上龍蝦汁蕃茄仔炒起來。大蝦肉質良好實肉。頂級安格斯牛小排-肉質良好，燒起來牛香味十足，有咬口。多春魚-魚春香，多春魚唔會太乾。雞中翼-皮脆內嫩，肉質好。西班牙黑毛豬肋串-肉質好，肉汁鎖住在內。鹽燒白鱔-肥美鱔香，燒得外脆內嫩。特式蒜蓉包-原粒蒜蓉燒起來香口，好似搽牛油咁令到蒜蓉包更加香蒜蓉味。蒜蓉燒茄子-新鮮茄子絕對係串燒必食之食品。蒜蓉加在其中燒提昇茄子美味度。菠蘿-燒菠蘿清甜，外皮脆口。七味魚翅-魚乾燒得乾身魚香十足，加上七味粉用黎配合啤酒真係一流。蒜芯-新鮮蔬菜燒起來甜味十足。燒日本甜心蕃薯-好甜既蕃薯。雞腎串-咬口十足肉質好。豬仔脾-除了肉質好外，夠晒入味仲好有咬口。朝日啤酒，青島啤酒，竹蔗茅根-串燒必須有既就係飲品，啤酒清涼。…Read More

今日到旺角同朋友食串燒，大熱天氣梗係叫野飲啦。今日叫左蘇格蘭聖子王，清酒煮沙白，七味魚翅，龍蝦汁大蝦意粉，鹽燒白鱔，特式蒜蓉包，蒜蓉燒茄子，蒜芯，菠蘿，燒日本甜心蕃薯，頂級安格斯牛小排，多春魚，雞中翼，西班牙黑毛豬肋串，雞腎串，豬仔脾，竹蔗茅根，朝日啤酒，青島啤酒。蘇格蘭聖子王：蒜蓉金菇底完美吸左聖子鮮甜味道，聖子新鮮好味道。清酒煮沙白：沙白冇沙夠鮮味。七味魚翅：魚乾燒得香口，配合七味粉岩岩好味道。龍蝦汁大蝦意粉：好香龍蝦汁，加上炒意粉，大蝦味道鮮好味道。鹽燒白鱔：燒得剛剛好，鱔香十足。特式蒜蓉包：主角係燒左既原粒蒜蓉，搽落蒜蓉包食更加好味道。蒜蓉燒茄子：茄子開邊加大量蔥同蒜蓉去燒，味道好好。蒜芯：燒得香口仲保到蔬菜汁。菠蘿：外脆內充滿菠蘿汁，香口好味道。燒日本甜心蕃薯：甜甜既蕃薯，味道好。頂級安格斯牛小排：牛小排香牛味道。多春魚：外脆內熱，香口好味道。雞中翼：燒得岩岩好，香口好味道。西班牙黑毛豬肋串：燒得香口，味道好。雞腎串：味道入味燒得香口。豬仔脾：揸住食，燒得香口味道好。竹蔗茅根：食串燒飲清熱。朝日啤酒，青島啤酒：串燒飲啤酒係絕配。…Read More

係旺角附近行完街，同幾個朋友去咗間串燒店，性價比高，氣氛輕鬆，店內擺設簡單但溫馨，啱哂同朋友一齊嚟放鬆吓。芝士燒龍蝦開店10周年做緊優惠（$78/半隻），即刻點咗芝士燒龍蝦，龍蝦肉質細嫩而彈牙，融化既芝士微微鹹香味，增添濃郁而順滑口感。南非鮑魚肉質堅實且有彈性，上枱已經切成片狀，好方便，伴碟番薯肉加牛奶質感綿滑，帶有自然甜味。低溫去骨燒乳鴿乳鴿經過低溫烹調，肉質夠均勻地加熱，肉質嫩滑多汁，去骨後方便食用。墨西哥薄餅芝士雞肉薄餅微微有韌性，配合芝士既鹹香味與雞肉既鮮嫩，別有風味。🔸串燒🔸🔹蒜蓉燒茄子（原條）：茄子口感柔軟，撒上蒜蓉燒好惹味。🔹燒雞髀：外皮烤至酥脆，雞脾肉入口柔嫩而多汁。🔹安格斯牛肋串：脂肪紋理完美，質地柔軟而多汁，肉香味濃郁。🔹西班牙黑毛豬肋串：脂肪分佈均勻，肉質的柔嫩。🔹豬頸肉串：肉質細膩，肉香味豐富，充滿住豬油脂香。🔹煙肉蘆筍卷：煙肉燒至微脆，蘆筍清脆，層次分明。🔹蟹籽丸：一咬開，蟹籽既鹹鮮味散發出來。🔹厚燒玉子：口感細膩，柔軟綿密，帶有淡淡既甜味。…Read More

係旺角尋找小店，random 發現呢間串燒，網上reviews 都唔差。蒜蓉炒蟶子-蟶子肉質爽口彈牙-配上豐富的蒜蓉醬汁，好食！日式燒汁魷魚筒-魷魚非常新鮮， 燒烤味十足，入口不會過韌，燒汁的味道亦非常濃郁。日本和牛串-和牛肉質鮮嫩多汁, 牛味濃郁-燒烤後的外層微焦, 香口厚燒玉子-蛋香味非常濃郁， 入口甜甜地， 十分鬆軟雞軟骨-口感十分爽脆雞腎-厚切，彈牙，材料新鮮羊肉-肉質細嫩，入口味道不會過騷，啖啖肉 。燒菠蘿-甜味十足，非常開胃蒜蓉燒茄子-茄子肉質柔軟. 大量蒜蓉同香葱，幾乎每枱都有叫！烤蠔-姐最歡喜的一碟！蠔身飽滿大粒，肥美-完美冇overcook, 一啲都唔韌黑松露雜菇墨西哥薄餅-帶有濃郁的黑松露香氣， 中間夾住雜菇， 配合非常creamy嘅芝士，加上墨西哥薄餅的酥脆口感，十分有驚…Read More

今天放工後來與同事一起到旺角吃晚飯，選擇了串燒店可以慢慢聊天😎除了串燒之外還有很多特色小食菜式等等，選擇好多讓人眼花瞭亂，店員很熱情地介紹海鮮食品的時價以及有甚麼時令海鮮，原來他們部份海鮮是空運到港，另外也有的是即日上午選購，因此並不是每款海鮮都能每天供應，要配合空運的時機以及當天早上海鮮新鮮與否，才有機會吃得到呢😝店員也會推薦一些較受客人歡迎的選項，讓我們不用心大心細😂首先上枱的是原條的蒜蓉燒茄子，將茄子切開攤平後充滿了整個盤子，份量十足！濃濃的蒜蓉香加上少許香料調味，燒茄子絕對是串燒店必吃之選🤤還附上夾子方便食用～再來的是我們被名字吸引到的墨西哥薄餅芝士雞肉🧀外層薄餅香脆，包著半溶的芝士﹑甜椒﹑雞肉粒，還有少量的青辣椒醬，香辣的口味中和了芝士的油膩感，推薦！😍串燒方面分別點了鹽燒牛舌串($30)以及雞軟骨($20)。牛舌烤得剛好，保留了一定厚度之餘又不會過韌，軟淋易咬開之外亦保留了口感。雞軟骨加上調味是非常惹味香口🤩黑松露菌蝦多士的蝦肉部份非常厚，而且十分彈牙！雖然是炸物但一點也不油膩，即是放了一段時間碟子也沒有泛油，配搭黑松露醬的香味令整件多士的香氣味道更豐富☺️雖然餐牌上寫的是花甲，但店員說因當天街市的花甲質素不佳所以轉入了沙白👍🏻沙白每一顆都很飽滿﹑鮮甜，清酒加上蒜片調味，令到底層的粉絲吸收了滿滿的精華，忍不住整碟全清了😆相比起串燒﹑炸物等較重口味的食物，吃這一道反而可以清新一下味蕾～整體而言是個非常適合與朋友食飯吹水﹑小酌兩杯的好地方😎…Read More

疫情開始穩定，終於放心出返街食好西！今日呢間好燒式平時好爆場，所以趁住放假book定位去試下佢。呢度食物選擇多過其他串燒店好多，除咗一定有嘅串燒肉類、蔬菜同海鮮之外，仲有意粉、小食同廚師推介嘅墨西哥薄餅同乳鴿之類。今次我同男朋友得兩個人，所以主要都係揀返串燒。店家亦都超貼心，填紙落單嘅時候有得揀返辣度同埋想要嘅調味。 每次去食串燒都必叫嘅雞泡魚乾，燒得啱啱好唔會太乾，香味十足。 呢度嘅蒜蓉包真係一啲都唔孤寒！啲蒜蓉係鋪滿包面，包你啖啖都食到，仲要另加跟埋個燒蒜頭，蒜蓉控係不能錯過！ 串燒肉類方面，我哋叫咗（左起）雞軟骨x2、牛脷、安格斯牛肋串同墨魚丸。所有串燒調味十足，燒得香口，值得一提係牛脷同牛肋串燒得嫩口又juicy、牛味香濃！之後到重頭戲海鮮！今次叫咗蒜蓉燒扇貝同蟶子皇，兩款都超高質！ 扇貝睇相都見到好厚肉，而且燒得恰到好處，嫩滑又鮮甜。 而蟶子超級新鮮，爽滑彈牙，都係必試之選！仲有原條燒茄子、韭菜同埋娃娃菜，我哋揀咗孜然粉，所以好惹味！原條茄子超大份！ 最後食到超滿足，埋單每人都係$300，高質又抵食，下次一定會再嚟！…Read More

很久沒有吃串燒了，於是今晚跟男友來到太子這間串燒店大飽口福。收銀枱有設置酒精消毒啫喱， 座位之間有板間隔，防疫措施有做足，注重衛生。餐廳不算大，但都坐得舒服。串燒的款式都很多，海鮮及肉類都有很多選擇。除了串燒之外，還有意粉及飯。首先我們點了泰式燒豚肉$39 ，炭燒牛舌串$28 ，雞軟骨串$18。三串串燒表面都燒得剛剛好，燒豚肉肉質滑嫩多汁。燒牛舌肉質軟淋淋，厚身。雞軟骨燒得卜卜脆，好香口。然後點了原條蒜蓉燒茄子，賣相非常可觀，濃烈的蒜香味撲鼻而來，吃落非常惹味，加了辣粉更加刺激。點餐時可以預先跟店員要求辣度。再來，我們點了芝士年糕$12 ，外表燒得乾身香脆，一口咬下去，芝士一湧而出，口感豐富。燒多春魚$21，魚骨煎酥，加上滿肚魚籽，十分鮮味。安格斯牛肋串$26，牛肉味香濃，肉質結實多汁，有咬口，吃得好滋味最後點了一碟大蝦意粉，原隻大蝦切開放上，賣相非常吸引，大蝦味道鮮甜。意粉軟硬適中，有彈性，味道酸酸甜甜，好吃…Read More

本身諗住食既餐廳要排隊，就馬上轉場試下好燒式。由左至右，豬頸肉串($18)我覺得最好食，肉味唔錯，爽口好有趙口，好味；日式雞柳串($16)友人覺得最好食，好有咬口，充滿燒烤風味，但我就覺得無乜特別；鴨胸串($18)我覺得幾好食，瘦肉同肥肉既比例係岩岩好，不過友人就覺得一般；雞肉腸($15)口感唔錯，食得出蜜糖味；煙肉金菇卷($18)尼個組合本身已經無得輸，口感好正。上述串燒點左小辣配蜜糖。可能唔係湯麵，而係直接將辣粉灑落串燒上，所以小辣我都覺得幾辣，如果有微辣選擇會更好(有下次的話，我會係餐紙上自己寫微辣?)。豬頸肉串(個人口味: 4+3.6/10)日式雞柳串(個人口味: 3+3.9/10)鴨胸串(個人口味: 3.4+3.2/10)雞肉腸(個人口味: 3.2+3.6/10)煙肉金菇卷(個人口味: 3.5+3.2/10)雞全翼($18)無寫孜然但聞到孜然味，辣度比第一碟串燒仲辣，對我而言就太辣，唔係好食得出好唔好食。不過友人就覺得雞翼燒得好脆，蜜糖燒雞翼好食。(個人口味: 3+4/10)蒜蓉燒茄子($32)燒得唔錯，好腍，蒜蓉再多d就更好食。(個人口味: 3+4/10)黑松露什菌包($48)擔心淨叫串燒會唔夠飽，就諗住叫個主食意粉，但去到串燒店無理由唔叫燒物架，就諗住叫蒜蓉包頂肚，但最後都係叫左感覺上無咁熱氣既黑松露什菌包。上菜既時候真係非常驚訝。因為，我地都以為，我地點既係麵包。可能係因為係小食欄見到蒜蓉包再望到什菌包就產生左麵包既錯覺(實在太好笑了！)。Anyway，尼個什菌包真係好大份，黑松露醬都幾多。友人覺得唔錯，但味道我就覺得一般般，原因係菇味本身已經好濃，再配埋黑松露醬，味道有衝突，唔係好食到黑松露味。不過以$48而言係算大份抵食既。(個人口味: 3+3.4/10)全部食物都係即叫即燒，燒物本身既素材都有水準。上菜時熱辣辣，要攤下先食，如果唔係真係非常熱氣。雖然用餐時間係120分鐘，但食住串燒慢慢吹水都係夠時間既，侍應態度亦都友善。惟餐枱同餐枱之間太近，基本上隔離枱講乜都聽到，傾計既時候都有少少尷尬，擔心人地聽到自己講乜。同埋餐廳大部分都係二人枱，根本無位擺個人物品，建議餐廳可以為客人提供竹籃放置個人物品，咁就坐得開心食得開心。(打完尼篇食評，發現今餐我同友人既口味都幾唔同。我覺得好食佢就覺得麻麻，我覺得麻麻佢就覺得好食。)…Read More

今天於旺角逛街，晚餐想吃串燒，就上網找一找，看見這家串燒店，有正餐，而且亦有不少好評，就walk in 一試。除了串燒外，食物選擇亦算多。年糕燒得不會太乾，軟糯煙韌但不會黏牙，芝士流心，好味我們點了數款串燒，火喉剛好，牛舌爽口，豆腐外脆內軟，雞翼皮脆肉嫩，軟骨串坊間少有，吃下有驚喜，順道補充鈣質。蒜蓉味濃郁撲鼻，我們喜歡整條燒，不切片，原汁原味，以夾撕開一片片來吃，份外滋味最後，當然要吃一點麵食來飽肚，這個意粉亦算岀色，份量大，野菌爽嫩，忌廉汁又夠creamy，混上黑松露醬，掛上意粉一起吃，令人食指大動，串燒來說，價錢尚算親民，下次會再幫襯。…Read More

突然之間好想食串燒，就同朋友訂檯試下。入到去先發現，原來除左串燒，仲有好多選擇都好吸引。先黎黑松露雜菇墨西哥薄餅，薄餅唔會太厚，食落好香好脆，而且用料好足，加上每一啖都有濃郁芝士，熱辣辣，不錯！再黎串燒豆腐，外皮香脆，豆腐嫩滑，食落甜甜辣辣的，好香口，好有口感。燒茄子切片，好入味，而且多汁唔會乾。芝士燒蠔，同樣一d都唔乾，加上大量芝士，非常好味！日本雞泡魚干，又香又脆。蒜蓉扇貝，帶子大大粒又多汁，加上香蔥，正！最後係安格斯西冷扒，5成熟，外皮脆，但肉質呈粉紅色，剛剛好，值得一試！…Read More

.呢度有燒豆腐 ($16) 雞翼 ($18/ 2隻)牛舌 ($26) 牛柳粒 ($17) 同雞軟骨 ($16) 😋😋😋全部都幾重孜然味(雖然係味粉 但我覺得港式串燒有呢種味先夠地道🤣)豆腐塗上一層燒汁 非常惹味雞翼唔會燒到乾哂 雞肉仲好滑牛舌牛柳粒好夠腍 牛舌帶點爽口雞軟骨偏細粒 但都有啲啲肉 軟骨夠腍整體上 呢度嘅串燒係做得幾出色嘅👍🏼👍🏼雖然佢有個泰式辣汁 但個人覺得唔洗點🙈價錢唔算好抵好抵 合宜啦～佢應該係宵夜店黎 開到好晏 大家想食宵夜可以去試🤪.燒日式芝士年糕 ($12)以前食放題都唔覺呢粒嘢咁好食今次食完直頭想encore🤣🤣佢表面燒得好乾身好脆 但內裡非常軟心 帶點煙韌除左食到芝士味仲有微微甜味😋😋.燒菠蘿($17)菠蘿用新鮮菠蘿🍍原條燒再切粒粒 成日覺得燒完嘅菠蘿有陣焦糖味🤪呢串好夠甜👍🏼👍🏼同樣地食物唔算抵食 但質素算係咁👍🏼👍🏼🍆蒜蓉燒茄子 ($32)港式串燒又點可以少得蒜蓉茄子試過喺屋企整 整唔到咁入味🙈蒜蓉味入哂啲茄子肉用筷子夾可以好容易地夾到一條條茄子肉出黎好腍好腍 不過可能因為要整腍佢 茄子偏油😕.墨西哥薄餅芝士雞肉 ($38)薄餅烘得好脆 好似外國嘅quesadilla咁 入面放左芝士 雞肉 少少青椒芝士都幾多 有拉絲😙😙😙原本想叫黑松露什菇 但叫錯左 相信黑松露什菇會更好食 因為雞肉始終會相對乾一啲😛…Read More

尋晚食完日式串燒，今晚想食下港式，同朋友大概7點入去已經坐滿哂人。見到餐紙好多野都好想食，但朋友比較簡飲擇食，而且唔食辣，所以我最想食果d都無叫到🤦🏻‍♀️，但唔緊要其他都幾好食。🌮墨西哥薄餅芝士雞肉 $38第一次食呢種薄餅，比相像中好味。烤得脆既餅皮夾滿芝士、雞肉、黑松露、彩椒等十分豐富。餅皮帶麥香味，芝士份量多有拉絲效果，重點係墨西哥青辣椒，食完真係齒頰留香。🍢炭燒牛舌串 $26比想像中大份，好抵食，肉質厚實，食落口感嫩滑、肉汁豐富。🍢煙肉金菇 $18呢個朋友叫，個人覺得普通。🍢串燒豆腐$16外皮微脆塗左鰻魚汁，裡面軟熟，香甜可口，好滋味，都係必食之選。🍢四季豆 $15爽口juicy～🍢泰國蘆荀 $19份量多，清甜爽脆。🍢虎皮尖椒 $15除左本身已有辣度外，仲有絲絲甜味。🍆蒜蓉燒茄子（切片）$32平時都係原條燒，第一次食一塊塊。蒜蓉香味重，好似食緊蒜蓉包甘，火喉控制剛好，保持多汁美味。🍫🍌朱古力香蕉 $18燒熟透既香蕉食落軟綿綿，絕對係一道唔錯既甜品。🍹綠茶、涼茶 $15食左熱氣野就梗係要飲返支涼茶啦～整體都燒得好好，唔會太乾，味道也不俗，奈何朋友唔食辣，少左食串燒既風味😝唯有下次同其他人再黎😭。…Read More