Outdark (H8)

營業中

休息中

食評之前先講講入座安排，真係非常差！一早打電話想book位，唔接受，冇所謂啦，walk in 都ok嘅。但等位嘅場地相當細同窄，而且又位於lift口位，加上人流愈來愈多，真係相當擠逼！行到有問題。空氣唔流通搞到好焗，就算拎左飛，都要呆企成粒鐘，呢個真係一個好大嘅考驗！希望店主盡快去解決安排入座問題之餘又可以疏導人流呢個問題，否則令客人因為等位而鼓燥，係件好得不償失嘅事。除安排入座問題外，店內環境幾舒適，加上燈光嘅配合，令人好放鬆。店員好nice好好笑容，由其幫我地落單嗰位oppa,so cute~餐牌食物款式唔多，嚟嚟去去都係得嗰幾款，但每款都可以俾到驚喜，係件好難得嘅成功！柚子米酒，酒精度唔高，同啤酒濃度差唔多，但相當易入口，完全唔覺得自己飲緊米酒，因為聞唔到強烈嘅酒精味，反而係好清香嘅柚子甜香，味道好出色，令人忍唔住一飲再飲！好正！！芝麻葉吞拿魚飯卷，一口一卷，甜甜地，唔錯！原味炸雞&蒜香炸雞，原味雞炸得啱啱好，外脆內軟，肉味調得啱啱好，而且唔會覺得油膩！可點附上嘅調味醬芥末、甜辣、醬油或沙爹，但我覺得就咁食亦可以，加點其他醬則有多幾番滋味。蒜香嗰款係意想唔到嘅，蒜味唔算太重，所以

坦白的說，韓國餐廳總給我服務麻麻的感覺。outdark令我改觀！當晚6點到達，lift門一開，staff便十分熱情歡迎。第一感覺：好似有啲over，有啲假？？因朋友未到，先拎籌號等候，只有1.5小時用餐時間嘛。燈光暗暗，播著音量剛好的kｰpop，氣氛頗好入座後，oppa下單，所有問題都樂意解答，感受到他的真誠！柚子米酒 ($120)staff會黎整碎啲冰，再倒入碗。其實個碗可以細啲精緻少少，而家個隻有啲似茶樓倒水個種。味道很清新，不會太甜，酒精味不重，喝到底有柚子果肉。推介！炸雞 ($175)原味、蒜味、辣味、甜、咖哩可選兩款。包括薯條、薯角、薯格、四款醬 (醬油、甜醬、咖哩、辣)炸雞炸得脆口，炸粉不會太厚，雞肉亦有肉汁，不錯。其他口味是原味炸雞淋上汁，蒜味太甜，醬汁亦降低炸雞的脆度。其他薯類炸物不會難吃吧，不過薯格只得一塊。部份薯角很巨大 😂推介原味炸雞！芝士肋骨 ($332)，可選芝士炒雞爐邊有：蛋、芝士忌廉粟米、蕃薯蓉、泡菜oppa來開爐，待芝士溶化後，便為我們送上肋骨捲芝士 😍肋骨可選正常辣、較辣肋骨鬆化，不太甜，辣味對版，如能接受辣，建議選較辣，因辣味和芝士意想不到地很配！肋

6點幾到，估唔到咁多人，開業兩個月已經有咁多人等，真係不得了~四個人，叫左兩款雞同芝士肋骨，都好夠飽。平時食開啲炸雞都大大盆，叫完已經食唔到其他，但呢到啲炸雞可揀兩款味，加埋四款薯條向上面，真係啱啱好！芝士肋骨啲芝士都好足，服務員好貼心幫我哋整埋，呢到啲服務真係好好，主動問我哋要唔要熱茶，熱水...到食飽要走嘅時候，先發覺個個都一叫一碗冰嘅嘢，原來我錯過左柚子米酒！下次一定要再去過~

見朋友推介，六點四人齊就入得，menu 得四頁，飲品一頁，酒為主，頭兩頁一頁係炸雞一頁係肋骨/雞，可揀嘅嘢，寥寥可數就叫咗第一&二頁第一頁嘅炸雞，辛辣拼原味，配四個醬加醃蘿蔔。醃蘿蔔，甜中只得少酸，最有創意係啲醬，點解mustard 都有甜味？炸雞配薯角，薯條，薯格，可能平時炸雞薯格都係KFC，真係食唔慣甜嘅薯格/條/角，四個人食到你眼望我眼。辛辣炸雞，堅辣，而且第一口唔辣但會慢慢散發。第二道，芝士肋骨（小辣），圍邊嘅配菜，除咗扮泡菜嘅極鹹菜，蕃薯球，蛋，都甜，芝士粟米就係難得係鹹嘅，主角芝士肋骨，肋骨啲醬又係甜，包咗芝士好少少士多啤梨米酒，似士多啤梨冰，冇乜乳酸味或酒味，易醉者要小心。總括黎講，所有嘢都偏甜，而且咩都橙色，空姐朋友話去韓國，啲嘢仲甜，呢間已經減咗甜最後張單，全韓文，連total 個字都冇，搞到俾錯錢，唔知有加一另外不得不提，可能店舖略細又多人等位，環境勁嘈，仲嘈過酒樓只能夠話自己大鄉里出城，韓風跟不上，一句到尾，冇下次