鏞鏞．藝嚐館

星期六想喺尖沙咀飲茶食點心。諗起K11有間開咗一輪既鏞記副線。一於去試吓。佢係K11頂層，裝修光鮮，又有個大露台望中環。可惜打風，座唔到露台。枱同枱之間空間充足。侍應都俾一般中式酒樓勤快有禮。不過注意-限時90分鐘。燒鵝脾-要三百三，本身有啲期望。不過感覺一般啦。唔算太脆皮，唔算太juice。只可以話佢冇其他地方既燒鵝咁死咸。蝦餃-正常發揮。鮮甜，仲要加啲貴氣喺面😅蝦腸-算係飽滿，鮮甜叉燒酥-好一般，唔夠酥脆荷葉飯-黎嗰陣時覺得嗰size只係一隻糯米雞。三個人食都每人有兩小碗既。睇個人囗味，我鐘意佢乾身，味道唔錯。童年大白兔糖奶凍是日highlight,呢個最好食。$58唔算太貴。做得幾精緻，有陣白兔糖味又唔會太甜。總結 - 環境好，坐得舒服。不過有限時所以唔適合一班人慢慢食慢慢傾。食物質素少少中間偏上，但係三個人食咗千二蚊既午餐，值唔值得就見仁見智啦⋯⋯…查看更多

今次的用餐體驗真係好差嚴格嚟講有好多唔同因素影響本來想像中的生日下午茶🫖會係一個令朋友開心嘅小驚喜 最後當然做唔到啦不過都係一個難忘嘅經歷 今次最錯嘅就係選擇咗坐在出面露台位置 原來一點都唔Chill因為又大風又曬 因為四圍的建築物都裝修中 更加談唔上景觀 今次我們散點食物 食物如下：其實都唔係太明白點解是黃色的 食落口感都算合格 價錢唔算貴 小小的一件放落口都幾好 燒賣上嘅黑松露 都係用作裝飾 味道都唔會太出 唔識欣賞 但都算合格 價錢和虾餃一樣 我都幾滿意 第三份點咗燒鵝例牌 本來想點燒鵝髀 最後都係覺得唔知點分 所以放棄 但好彩無選擇 唔係應該會好嬲呀本來想點皇子鴿 但職員話賣晒 好可惜 睇賣相應該幾好食 😋但都怕唔太飽 所以最後試咗鏞記出名嘅子畺皮蛋 睇賣相都正路 但食落去中央係苦味的 我同朋友講我呢個係苦味的 原因唔太明白 朋友話這即表示 皮蛋唔靚我好失望雖然價錢唔貴 但我相信佢哋應該會知咩叫靚貨囉最後送嚟嘅甜品 我已經一早安排好想有支小蠟燭🕯️佢哋都應承咗可以做到 但最後上桌就係未見 我問職員係咪遺留 佢哋話就算點咗都要吹熄 那你一早知道就應該一早講定 我朋友都好開心 但老實講我係有少少失望 講返嗰甜品 甜度適中真係好值得一試 經過今次之後 應該唔會再去 雖然服務態度唔差 但我本身留咗電話 明明有位又唔打返比嗰客 如果唔係我上去再問 佢哋都唔知會唔會唔打俾我 有好多細節位都唔係太體貼 如果真係想食靚燒鵝 都係返總店食會開心啲…查看更多

記憶中跟家人已沒有一年多在酒家吃飯，今次終於可以齊齊整整約會了，既熟悉又陌生的面孔返齊來，真是有點莫名的高興。。。首選是他們的叉燒叫上例牌HK$200.落單職員告知分為兩派，一派是肥一派是瘦，猶豫了15秒最終我還是要了後者,上枱顏色其實很漂亮，驟眼看燒得很盡量，不過咬在口中除了瘦削之外，還加了一種嚡的感覺，不夠鬆化～至於蝦餃HK$68.個人就感覺平平，沒有落差已經算贏～(燒鵝半隻)HK$480.平分為兩邊，肉質較為偏瘦但不算柴，肉香身旁伴着的(蠔油豆)是上世紀的美食，現在已很少在坊間看到，所以兩旁的蜜豆就差不多被本人掃清光～叉燒腸HK$65.自己就沒有食所以不作評論不過沒有拍照的另一段蝦腸自己就覺得腸粉較（粉）絕對有進步空間～啤梨的賣相的原來是鹹水角HK$55.，用來呃like絕對是最好不過，不過自己亦沒有吃所以在此也不作評論～一道蝦子扎蹄HK$110.應該可以試試，賣相亦都堆砌得不錯，咬在口中不會鬆散，味道亦都剛剛好，充足的蝦子被一層又一層的腐皮卷得很是漂亮～簡單一碟的層次分明迷你蛋撻HK$50.，在飲茶當中不可缺少～蟲草花灌湯餃HK$68我們總共叫了四籠，自己就較為喜歡他的湯汁，清鮮味香臨尾上場這一份白兔糖奶凍HK$58.，肥嘟嘟很可愛，閉上眼睛完全感受到白兔糖的味道，這份心思相信都要給師傅一個讚～另外一份楊枝甘露布甸HK$68.亦都是沒有給予評價因為當日自己實在太多美食所以遺漏了～★總括而言自己覺得質素中中平平，不過環境舒適度絕對是加分，家人難得共聚更是全餐中最要好的甜品。★…查看更多

第一次行這間新商場，和友人找地方坐低試下這間在尖沙咀的鏞記，服務態度真係好好，介紹食物專業，但價錢偏貴⋯⋯蝦反而最好吃😋去時人不多，環境算不錯！如果想試吓新嘢無妨。…查看更多