宴．鐡板燒 (蔡氏大廈) (已結業)

🔖位於亨環天后24樓「宴」 主打日式鐵板燒 師傅即席喺客人面前亨調食物擺盤 讓用餐體驗更具互動性 餐廳仲有一個小露台 飽覽維港夜景 非常適合打卡拍照📸特選和牛套餐原價💰1380 依家做緊Promotion💰$880 有齊晒刺身/鮑魚/龍蝦/鵝肝/和牛 認真抵食‼️❥ 自家製醬汁煮南非鮑魚口感嫩滑有彈性 配上特製醬汁 味道層次豐富❥ 季節刺身3款油甘魚 鯛魚 拖羅 由淡至濃食 入口即化 非常新鮮 鯛魚刺身搭配咗淡雪鹽🧂&白鬆露油 口感特別💛❥ 金鎗魚楠手卷魚蓉肥美 口感豐富 底層嘅雪魚片脆脆的 一啖食落去非常滿足😌❥ 海鮮茶碗蒸滑嫩嘅蒸蛋 搭配海鮮嘅鮮甜 讓傳統嘅料理喺味覺上呈現出新嘅驚喜😍❥ 季節吸物奶白色嘅蜆肉湯 好鮮甜 完美開胃🤤❥ 野生生猛龍蝦龍蝦肉Q彈👏🏻重點係以龍蝦膏做醬汁調味一齊炒 味道濃郁 非常惹味❥ 香煎鵝肝伴自家制醬汁鵝肝外脆內嫩 搭配自家製黑醋汁 食落唔會覺得肥膩☺️❥ 日本宮崎和牛口感一流 每啖都充滿肉香 油脂和肉質嘅比例恰到好處 配埋炸蒜&岩鹽 唔同嘅風味❥ 煙肉香蒜炒飯炒飯粒粒分明🍚加上煙肉🥓香蒜嘅搭配 香口又惹味❥ 炒什菜炒椰菜&日本芽菜 口感爽脆消滯❥ 是日精選甜品 - 抹茶布甸🍵布甸creamy嫩滑 抹茶味道超濃郁唔苦唔甜 保留咗牛奶&抹茶各自嘅醇香…查看更多

.天后· 高空維港靚景嘆高質超抵鐵板燒.宴．鐡板燒📍天后電氣道54號亨環‧天后24樓.➰今日到訪的餐廳位於天后的亨環，餐廳位於24樓高層，踏出電梯已見不少酒藏，更令人驚喜的是餐廳可以直觀維港靚景，非常出色。.餐廳主打鐵板燒，就座後店員亦有簡單介紹餐廳特色及推介了最新的優惠鐵板燒套餐，超高性價比可盡享和牛·鮑魚及龍蝦，而且鐵板燒的海鮮會直接在魚缸即撈即處理，非常新鮮，裝潢分面以石木系為主調，鐵板燒區為吧枱位置，而想看維港靚景或與朋友親近交流的朋友亦可選擇卡座，可同時供應多位客人。.➰宴 特選和牛套餐  💲880/1.𖥕 自家製醬汁煮南非鮑魚 ⭐️4.3/5⭐️𖥕 季節刺身3款 ⭐️4.1/5⭐️(另以優惠價追加 生蠔 💲100/1隻 · 海膽刺身💲280/1份·新鮮象拔蚌刺身 💲430/1份)✥ 金鎗魚腩手卷 ⭐️4.2/5⭐️✥ 海鮮茶碗蒸 ⭐️4.1/5⭐️✥ 季節吸物 ⭐️4.2/5⭐️❀ 野生生猛龍蝦 ⭐️4.2/5⭐️❀ 香煎鵝肝伴自家制醬汁 ⭐️4.2/5⭐️❀ 日本官崎和牛 or 西班牙黑毛豬 ⭐️4.3/5⭐️✥ 煙肉香蒜炒飯 ⭐️4.1/5⭐️✥ 炒什菜 ⭐️4.1/5⭐️✥ 是日精選甜品·紅豆抹茶布甸 ⭐️4.1/5⭐️.第一道頭盤先奉上汁煮南非鮑魚，餐廳以日式蒸煮手法加上大根一同烹煮，擺盤精緻，鮑魚入口非常軟稔，大根吸收了醬汁精華亦相當出色。.接著師傅奉上了深海池魚·拖羅及鯛魚，由淡至濃入口，在鯛魚刺身中更加入了白松露油及淡雪鹽，兩者結合創新融和，前菜已經很是新鮮滋味。接著一道金鎗魚腩手卷並不以紫菜包裹，而是則用了鱈魚乾替換紫菜，令口感提升，味道很是豐富。.終於來到主菜環節，師傅首先將今日的鐵板食材展現比我地，原隻由魚缸即撈上來的生猛龍蝦，鵝肝及牛柳等食材一一展現，我們坐下來欣賞師傅的鐵板手藝亦賞心悅目，第一道鐵板野生龍蝦以龍蝦膏作醬汁調味，還原最鮮甜的味道，非常惹味。然後香煎鐵板鵝肝的時候四溢的油脂香氣已令我們食指大動，入口理所當然的入口即溶，十分滋味。.然後到了肉類鐵板，選了日本官崎和牛，五成熟配上蒜片已經足夠惹味出色，最後當然少不了炒飯·什菜，最後甜品以紅豆抹茶布甸作結。.➰總結餐廳主打鐵板燒，更可以欣賞到維港美景，而且晚市鐵板套餐優惠更是超高性價比，食材亦亳不馬虎，整個用餐環境都非常愉悅，非常推薦依間高質鐵板燒比大家，相信絕對唔會令大家失望。➿➿➿#宴．鐡板燒#天后美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#宴特選和牛套餐#自家製醬汁煮南非鮑魚 #野生生猛龍蝦#香煎鵝肝伴自家制醬汁.…查看更多

想歎返餐好西？除左對野食質素既追求，環境對我黎講同樣重要。好似呢間「宴．鐡板燒」可以一路享受住席前師傅既功架外，仲有得獨覽維港景色，即刻打返個靚卡先啦！而且佢地有個 speical menu仲有85折優惠，性價比首選！👇🏻📌宴 · Dinner special set - $1,380/Head▪️ 季 節 前 菜 -  ▫️「日本溫室蕃茄」面頭蕃茄撞埋底部桂花啫喱，分別食到果甜同清甜混埋一齊，相當開胃；「鮟鱇魚肝」溝埋左d白松露mousse，連埋底部多士一齊食，食落鮮味十足。▪️ 季 節 刺 身 -▫️「北海道仙鳳趾真蠔」size相當驚人，口感厚肉得黎好juicy，面頭加左d青檸啫喱，相當有咬口。▫️「大池魚」油脂完全無需炙燒，入口都夠哂肥美；「火炙銀鱈魚BB」魚身邊位經火炙過，濃香惹味，肉質食落滑溜無比。▫️「燒右口魚邊身金槍魚腩手卷」中間夾雜住火燒鮫鰈魚邊，油香十足，底部再以炙燒過既鱈魚片，連埋大拖羅、wasabi、醬油、芝麻、蔥花一齊食，成個口感層次相當豐富，好好食。▪️ 鐵 板 燒 -▫️「帆立貝配海苔」用上北海道刺身級帶子，師傅將兩邊煎輕輕煎香，保留部份刺身口感，底部用鮮海苔連木魚煮左個清湯，入口帶有淡淡鹹鮮味，同帶子係極夾。▫️「沙巴虎蝦」將蝦肉煎到金黃色，再將蝦頭拆出黎既蝦膏連埋蒜煎香，色澤呈橙紅色，連埋蝦肉一齊食，肉質爽彈得黎份外濃香入味。▫️「鵝肝多士」鵝肝入口油潤十足，面頭落左d自家製藍莓醬，做到酸甜解膩，連埋底部多士一齊食，口感係最fit；旁邊仲有d日本黑豆，又綿又甜，清清個味蕾就岩哂。▫️「美國牛柳」用厚燒同埋薄燒分開呢個美國安格斯牛肉，厚D果part用左牛柳部位，輕輕點上喜馬拉雅山岩鹽或者蒜片一齊食，而薄燒用上肉眼部位，包住蔥蒜一齊食，過足口癮。旁邊既冰菜點上和風沙律汁，相當冰涼爽口。▫️「黑松露蟹肉炒飯」蟹肉來自松葉蟹，加埋黑松露，師傅炒既過程一路都香噴噴，夠哂鑊氣，而且聽聞有客人生日，師傅仲會加埋隻日本蛋做禮物，幾有意頭呀！▫️「炒什菜」簡單用椰菜、甘荀、韭菜花、薑蔥炒埋，加埋個自家製既日式醬汁，惹味十足呀！ ▪️ 季 節 吸 物 -▫️「魚湯」上到枱熱辣辣，呢d天氣，入口暖胃真係好c服！▪️ 甜 品 -▫️「綠茶布甸」面頭有一粒黑豆，綿滑香甜，布甸夠滑溜，加埋旁邊既黑糖蕨餅，成個set都好滿足，認真抵食！…查看更多

源於日本的鐵板燒講究板前的料理美學，從食材、服務、氣氛都相當講究，今次就來到位於天后的宴．鐡板燒。餐廳裝潢結合西、日式風格，可眺望維港景色，入夜後璀燦迷人夜景盡入眼簾，感受香港的城市氣息。還可選擇坐在吧檯，親眼見證師傅精湛的廚藝，跟師傅直接交流。酒藏齊全多樣，備有多款日本清酒。今次就選擇尊貴澳龍刺身牛柳日式鐵板燒二人前晚餐，共10道菜，原價兩位$2588，優惠價只需兩位$1988，優惠只限週一至週四及週日。套餐集刺身及鐵板燒於一身，匯聚和食精粹。店內設有缸水清澈的大魚缸，保証吃到新鮮生猛的海產。開餐前可以先吃點漬物，提起食慾，秋季還特別加入日式糖漬栗子，甘甜又粉糯。季節前菜(3 點)前菜三點包括淮山素麵、富有柿蝦肉和汁煮黑梅貝，擺盤姿態典雅，貫徹和風料理的精髓。爽彈蝦肉沾上自家製黃芥末醬，富有柿有「柿中之王」的美譽，在十月下旬到十一月下旬為收穫季，糖度進一步增加，果肉特別清甜又多汁。黑梅貝屬​​秋季時令的貝類海產，肉質飽滿彈牙，汁煮方式保持食材的原汁原味。淮山素麵口感爽脆，刺破溫泉蛋後，裡面鮮黃色的蛋漿緩緩湧出，添上濃滑蛋香。澳洲龍蝦刺身原隻龍蝦一上枱就已是霸氣盡現，而且觸鬍仍在跳動，証明品質極之新鮮生猛。龍蝦肉潔白而富彈性，啖啖肉吃得滿足，刺身製法可盡享其纖細高雅的鮮甜味道，品嚐海洋最純粹的美味。緊接登場的是日式鐵板燒，全程不時傳來鐵板燒的滋滋聲響，香氣四溢。鐵板燒北寄貝秋冬季節是吃北寄貝的最佳時節，煮熟後呈現淺紅色澤，是日本料理中常用的高級食材之一。加入牛油以精準火候燒香後，口感鮮嫩爽滑，甘甜鮮味倍增。西班牙紅蝦全身緋紅的西班牙紅蝦被譽為世界上最好吃的蝦，產量稀少，肉質鮮甜爽彈，鮮味比一般海蝦濃香數倍。挑出蝦頭的蝦汁蝦膏製成醬汁，蝦殼裡載滿菇菌，盡吸蝦鮮精華，就連蝦腳也是酥脆可口。有如Omakase的慣常順序，菜式是從清淡的口味走向濃郁，吃完海鮮後就到紅肉。美國頂級牛柳今次就自選牛柳厚燒或薄切各一，點了七成熟，師傅將火喉拿捏得準繩無誤，薄切牛柳脂肪比例油花分布均勻，肉質鬆軟富油香。厚燒牛柳燒得外層散發焦香，內裡仍是嫩紅色，保留著豐滿肉汁，肉味濃郁有層次。香煎鵝肝伴藍莓醬厚切鵝肝油脂豐腴，燒得表皮香脆並帶有焦香，內裡卻是軟綿順口，再以脆卜卜的牛油多士墊底。鵝肝入口即化，散發濃濃的鵝油甘香，加上酸酸甜甜的藍莓醬和日式蜜黑豆，中和肉食的油膩感。接近尾聲，當然有鐵板燒少不了的炒飯，師傅發揮快手功力，使用鐵鏟將材料拌炒均勻，粒粒黃金飽滿的飯粒在師傅鐵鏟揮舞之下，活潑生動的跳躍著。鐵板炒飯每一顆飯粒接觸到鐵板受熱並散發米香，粒粒分明，混合絲絲蟹肉，炒得甚有鑊氣之餘，飯粒乾身軟糯，富有鮮味與蛋香。自家製濃魚湯魚湯熬煮成乳白溫厚的湯頭，魚味特濃不寡淡，卻又完全沒有腥味。炒什菜連續吃完幾道肉食後，是時候來一個清淡一點的炒椰菜，椰菜炒得脆嫩清爽，也可混合旁邊的蒜茸脆脆，微辣惹味。甜品豆腐雪糕絲滑冰涼，帶有柔和豆香，清甜不膩。…查看更多

餐廳位於大廈的頂樓，有一卡位坐位，旁邊還有露台位置，可以看到迷人的維港海景景色，尤其黃昏特別美啊！而我們坐在吧枱位置，可以看到師傅整個的烹調過程。座位前還有一幅畫，畫有富士山和櫻花，可以一邊看一邊幻想自己在富士山下賞着櫻花品嚐美食呢～♡Dinner Special Set $1380per位•季節前菜(2款)螢光魷魚底下有用鯛魚魚籽做成的醬油漬，口感creamy～另一款是三重懸的黑梅貝螺，用竹籤挑了挑整件螺肉就出來了，口感彈牙，帶微微的辣，很惹味。•日本生蠔🦪蠔是來自長崎懸小長井的真蠔，蠔大隻新鮮，質感creamy，配上橘子啫喱和三文魚籽，帶有咸咸甜甜的味道，鮮味滿滿～好吃！•季節刺身(3款)師傅說由右邊吃起，是由淡味到濃味。首先是來自北海道的右口魚 ，還有經炙燒過的裙邊，油脂滲出，魚油味更為香濃啊！然後是來自鹿兒島的油甘魚腩，很厚切，口感細膩。最後是銀雪魚，用上柚子胡椒調味，調味很特別，旁邊有點海草伴碟。•燒右口魚邊身金槍魚腩手卷香脆的紫菜上放有右口魚邊、香葱和拖羅碎，很香的魚油味，味道充滿層次感。•沙巴虎蝦蝦肉有重量感，蝦頭膏很香濃，旁邊有雞冠草海草伴碟，並附有檸檬作調味。•北海道帆立貝餐廳自家醃製的三文魚籽，浸泡在用新鮮紫菜做的湯，十分入味，吃完還可以把湯喝掉，很有風味且味道美味啊！•香煎鵝肝伴藍莓醬餐廳自家製的藍莓醬，配上香脆的麵包 ，口腔充滿香口的鵝肝油脂。表面放有日本黑豆，味道很特別，甜甜的。•美國牛柳我們點了五成熟，旁邊放有炸蒜片、鹽粒、洋蔥絲，有兩種烹調方法的牛，一款是牛柳粒，另一款是牛肉包住葱蒜，可以一次過嚐到兩種口味呢～•黑松露蟹肉炒飯飯粒炒得粒粒分明，而黑松露是由原粒松露打碎再加上炒飯。•炒什菜用上萬字脆脆醬作調味，由乾葱、炸蒜、芝麻、麻油調製而成的醬料，非常香濃的蒜香味，令本來清淡的蔬菜生色不少。•季節吸物是鮮淮山魚湯，味道十分濃郁，真材實料熬煮的感覺。•日本雪糕海鹽雪糕帶清新的微微咸味。•黑豆綠茶布甸蕨餅師傅說先吃蕨餅，再吃布旬。蕨餅沾滿黃豆粉，旁邊有香甜的黑糖醬汁，口感帶點煙韌。而綠茶布甸表面有黑豆作點綴，口感嫩滑，綠茶帶有回甘的味道，味道很高級呢！✔️餐廳設加一服務費…查看更多

今日又去食 OMAKASE,揀左天后依間靚景餐廳,一入去望住個海就好RELAX~好鐘意睇廚師煮野食,感覺好治癒,好似睇住佢煮都學識到多D野,因為同朋友兩個食,揀左 LUNCH SPECIAL SET< $448 PER PERSON, 可以試不同款啦,定好邊個SET 之後,廚師就會俾我地睇下一盤未整既食材,都幾得意。刺身:平靜、真鯛:新鮮,香濃魚味  壽司:幼雪、油甘魚:好出色既幼雪,係銀雪魚BB~沙巴虎蝦、北海道帆立貝同朋友每樣試下, 虎蝦香口,大大隻好有口感北海道帆立貝都燒得好好,而且配菜都整得好靚~  香煎鵝肝伴藍梅醬廚師特製既藍梅醬,再加上最後既黑豆, 廚師話可以解油膩,的確好正~ 美國牛柳 (厚燒、薄燒)兩種食法有兩種口感, 厚燒就牛味濃郁,入口就充滿住牛味, 薄燒加左蔥卷你中間,又真係幾特別。鐵板炒飯配海帶面豉湯睇廚師炒飯都係幾開心既,功夫係唔少,而且好有心機,好滿足既一餐~炒什菜:健康、炒得香口…查看更多

呢間餐廳提供唔同價位嘅日式鐵板燒，結合廚師發辦元素，提供精緻西日料理👨🏻‍🍳🥢宴Special Menu ($1280/ 位)💗季節前菜：1️⃣鮟鱇魚肝多士鮟鱇魚肝醬幼滑香醇，入口充滿魚肝香味，搭配酥脆多士🍞2️⃣富山灣瑩光魷魚瑩光魷魚爽脆鮮味，配上蛋黃醋🦑💗先付：北海道仙鳯趾真蠔肥厚水潤，以橘子啫喱、三文魚籽突顯鮮甜🦪💗季節刺身3款：1️⃣北海道銀鱈魚銀鱈魚經火炙後激發豐富魚油香，肉質肥美幼嫩🐟2️⃣縞鰺深海池魚王鮮嫩爽滑，魚肉鮮味且脂厚油香🐋3️⃣鮪魚赤身赤身腍滑纖細，魚肉味濃🦈💗燒右口魚邊身金槍魚腩手卷壽司醋飯上放上火炙右口魚邊，魚油豐腴四溢，再堆滿金槍魚腩蓉，底下配上脆脆鱈魚乾，口感非常豐富🍣💗香草牛油紐西蘭海螯蝦螯蝦肉質細嫩清甜，加上檸檬汁令蝦肉更鮮味🦐💗澳洲龍蝦(+$200/半隻)龍蝦肉厚爽彈，以龍蝦膏同香草牛油炒成，特別濃郁甘香🦞💗北海道帆立貝配三文魚籽帆立貝圓厚鮮嫩，加上香草牛油嘅香氣，特別加入紫菜湯同三文魚籽提升鮮味🐚💗法國鵝肝配自家製藍莓醬鵝肝香溢肥美，油脂齒頰留香，入口即化，以酸甜嘅藍莓醬中和油膩感，搭配酥脆多士，最後以甘露黑豆點綴🦆💗美國特選薄切牛肉及厚切牛肉薄切牛肉內包住蔥花同蒜片，層次更豐富；厚切牛肉較有口感，肉汁滿滿 ，配上炸蒜片同海鹽🥩最後伴上日本洋蔥沙律，清新爽口🥗💗黑松露蟹肉炒飯炒飯加入黑松露、鮮蟹肉、紅蘿蔔碎同蛋花，飯粒炒得粒粒分明，松露香充斥整個口腔🍳💗炒什菜以牛油炒高麗菜同雜菌，配搭特製蒜蓉脆脆醬，增添一份蒜香同芝麻香🥬💗吸物日本淮山鮮濃魚湯熬至奶白色，再加入昆布、豆腐粒煮成，魚鮮味美🍲💗甜品：1️⃣日本海鹽雪糕雪糕牛奶味極濃，帶淡淡海鹽咸味🍨2️⃣宇治抺茶布甸日式布甸滑溜溜，帶宇治抺茶回甘味🍵…查看更多

亨環天后匯集全天后最高質的食府，其中位於頂層的宴主打日式鐵板燒，店內寬敞的環境好舒適，一字排開的廚師吧枱可欣賞到師傅席前料理，更看到牆上櫻花富士山的油畫，坐近窗邊更能飽滿銅鑼灣一帶樓景海景，慶祝的不二之選。宴 Special Menu - $1280/位季節前菜(2款)、先付、刺身(3款)、手卷、鐵板燒(6款)、吸物、甜品另收加一服務費季節前菜北海道鱈魚白子即鱈魚的精巢，有很高的營養價值，是日本人的美顏補身。咬開如奶油般入口即化，自家製土佐啫喱酸酸甜甜，去腥好清新。自家製北海道鮟鱇魚肝自家製低溫慢煮的鮟鱇魚肝如鵝肝細滑豐腴，酥脆的多士解膩又添口感。先付北海道仙凰趾真蠔牛奶白色的蠔肉肥美飽滿，金屬味和海水味不重，反倒有著獨特的甜味，加上三文魚籽和土佐啫喱更清新。刺身季節刺身(3款)深海池魚王肉厚刺少的池魚王鮮嫩肥美，非常厚的魚脂有著甘香細膩的魚油，入口爽脆甜美。北海道銀鱈魚刺身級銀鱈魚較少見，肥美豐腴的魚油香，魚味好濃郁，入口細嫩滑溜。赤身色澤紅潤的赤身是吞拿魚無魚脂的部位，風味濃郁，細密的纖維入口彈牙緊致。燒右口魚邊身金槍魚腩手卷幼細香滑的吞拿魚腩蓉軟綿綿，配大蔥的微辛，加上火灸右口魚裙邊，逼出那豐溢的魚脂，入口超濃郁的甘香。鐵板燒香草牛油紐西蘭海蛪蝦香甜的海蛪蝦肉質緊實彈脆，鮮味滿溢，蝦頭有少少甘香的蝦膏，帶微微牛油香，絕不遜色於龍蝦。北海道帆立貝配三文魚籽肥厚鮮嫩帆立貝鮮味甘甜，口感極致細膩，鋪上一粒粒的三文魚籽，浸著紫菜湯好鮮甜，可直接飲用。法國鵝肝配自家製藍莓醬一大塊邪惡的鵝肝，那滿溢的鵝脂被酥脆的多士吸收，咬開紮實又綿密，入口帶化，酸甜的藍莓醬正好解膩。美國特選牛肉一份厚燒，另一份則薄燒，師傅很細心幫我們分好。大大片美國牛肉油脂分佈平均，剛巧五成熟的口感更軟嫩，包裹著炒香的炸蒜和香蔥，牛味好濃郁；而厚燒的牛味較突出，軟腍的牛柳粒帶微嚼勁；可配淡雪鹽或蒜片，柚子洋蔥沙律有助解膩。黑松露蟹肉炒飯每粒圓潤飽滿的日米珍珠米均勻染上蛋黃汁，變得金黃焦香，一粒粒黑松露散發飄香，絲絲的蟹肉香甜多汁，更有不少蔬菜粒，充滿鑊氣。炒什菜椰菜及紅蘿蔔絲等蔬菜以牛油炒香鮮嫩又香口。吸物日本淮山鮮濃魚湯真材實料的魚湯長時間熬製，表面凝結一層薄薄的魚油，鮮甜的魚味全無腥感，還有爽口的淮山、昆布等等。甜品日本雪糕是日為鹽味雪糕，日本雪糕特別幼滑細膩，海鹽那獨特的鹹香令甜味更突出，更中和雪糕的甜膩感。抹茶布甸超濃郁抹茶茶香，滑溜的布甸富蛋香，質感綿密細膩，少少黑糖甜而不膩。…查看更多

近期天氣晴朗 今次特別揀左呢間盡享超級無敵維多利亞海景 高質日本餐廳食午餐🤩呢間餐廳很有特色 有鐵板燒 刺身 壽司 👨🏼‍🍳由廚師發辦 坐係鐵板吧枱前 望住師傅親手製作 並會每道菜作介紹宴 · Sashimi · 鐵板燒🌟 宴· Lunch Special Menu 🌟✨季節前菜北海道鮟鱇魚肝 入口即溶 有啲似鵝肝醬口感但唔膩 配埋香脆多士 好正✨ 季節刺身（2款）🐟鰹魚 九州油甘魚刺身 厚切肥美 很有鮮甜味道✨本日精選壽司（2款）🍣金目鯛壽司 配北海道黃上海膽肉質嫩滑肥美 油香鮮味 配上鮮甜北海道黃上海膽 口感更豐富🍣黑鯥魚壽司黑鯥魚肥美帶甜 油質重無渣 有清新魚味 滑嫩鮮甜 ✨ 香草牛油帆立貝採用澳洲帆立貝🐚烹調後半生熟 肉質更嫩 加上清酒湯汁及自家三文魚籽漬 味道更加好吃✨鐵板銀鱈魚廚房發辦本身是鵝肝 但本人唔食鵝肝所以轉換了銀鱈魚🐟（需另加收費）魚煎至金黃 入口外脆內嫩 更感覺肉質嫩滑✨野生大虎蝦採用澳洲野生大虎蝦🦐 師傅係鐵板上先燒蝦頭再將蝦分開三切慢煎 食落更覺肉質紮實飽滿 有彈性✨米國頂級牛肉採用美國頂級牛肉🐮 師傅製作有厚燒及薄燒 厚切牛肉內包住蔥段 質感非常柔軟 牛味濃郁再搭配黑椒鹽 鹹香和味 炸蒜片配上日本洋蔥沙律 清新爽口 ✨鐵板炒飯配海帶面豉湯師傅係鐵板上炒到好有鑊氣 金黃色既炒飯加上櫻花蝦🌸炒得好香口 米飯粒粒分明 好有嘴嚼感✨炒什菜最後一道係炒什菜🥬 主要係雜菇加椰菜什菜配埋炒飯食 簡直完美一流既午餐全個用餐過程氣氛很好 經理同師傅都會談笑風生 還主動話幫我地影相 📸️又有海景露台打卡位影相 食物性價比高🎂👩🏻‍❤️‍💋‍👨🏻係慶生週年必選餐廳之一…查看更多