去滾

營業中

休息中

終於鼓起勇氣，兩個女仔一齊去滾… 真爽😚😚😚這間火鍋店，裝修很特別，非常之土炮, 果然是正宗陀地；有很多懷舊的霓虹燈裝飾 ，枱凳擺設，燈籠…… 也有兩間VIP房可以唱k ，很適合一班人去滾 , 還有露台，認真夠chill🥳 另外掛著很多盞鬼金句/ 掛畫，令你一路滾一路諗 🫣 還有全場播放地道廣東歌，真的很親切，打卡一流❣️ 清酒煮卜卜蜆湯 $298很回味這個湯底，材料有大量蜆 / 清酒 / 蔥 / 蒜 / 芫荽/辣椒/ 洋蔥 …由專人負責，首先爆香配料，然後再灑酒，已經香味撲鼻，再加蜆即有煙火效果，像看表演值回票價啦；此外，湯底清甜絕不油膩，而且酒味突出加上微辣，真的可以淨飲**很喜歡他們的自家製泰式酸辣汁，無論點海鮮/ 肉都很惹味🔸 特級即日新鮮牛頸背（100g）$268🔸手打墨魚丸四粒$68🔸手打蝦滑$98🔸桂花蚌$138🔸鮮蝦雲吞$58🔸萵筍片 $55🔸Hoeggarden $99🔸Stella Artois $89❣️繽紛鮮果涼粉鍋$108這個鍋仙氣十足 ， 煙霧加上色彩繽紛的生果又是打卡之選，有紅色西瓜肉、橙色芒果肉、白色火龍果肉、加上黑色涼粉，味道豐富，酸甜涼加起來也是火鍋的良

去滾，一睇個名就知係打邊爐啦。去滾位於銅鑼灣登龍街，餐廳裝修懷舊風，牆身有一大幅霓虹光管，甚為耀眼，餐廳設有卡座和VIP房，供客人享用聚餐。亦設有戶外座位，可邊滾邊欣賞維港景色。原個椰子雞湯(半隻)大大鍋椰子雞湯，鍋底有竹笙、馬蹄、椰青肉和半隻雞。職員會喺你面前將雞和椰青水倒入鍋，仲會挖埋椰青肉。湯一滾好職員會先幫每人𢳂碗湯飲，湯底清甜濃郁雞湯味。順德脆肉鯇魚腩脆肉鯇魚腩厚切，啖啖肉，肉質真的超級爽脆。手打墨魚丸(四隻)手打墨魚丸有4大隻，墨魚丸新鮮彈牙，口感豐富。沙爹牛肉洋蔥餃(四隻)第一次食沙爹牛肉洋蔥餃，香濃沙爹與牛肉真係最佳配搭，好美味。金甲脆魚皮脆魚皮微辣，分量多，大大塊魚皮脆卜卜好香口。繽紛鮮果涼粉鍋外型似70年代嘅炭爐火鍋袖珍版，鍋內放滿西瓜粒、火龍果粒、芒果粒，還有涼粉。入口清涼，即使打邊爐好飽都依然食得晒！

靜雞雞帶朋友一齊「去滾」🤭餐廳主打特中式古典風火鍋，配合搞笑食字同特色裝潢，風格獨特，吸引唔少客人黎打卡📸 連圍裙都整埋肚兜設計🤪有gimmick 🌀醬料🍶$27/位🌀香片🫖$38同朋友都唔想飲甜野，所以叫左一壺茶，解渴解膩🌀密密翻啅沙嗲湯🍲$168沙嗲湯底味道好濃郁惹味，入面有豬皮蘿蔔一齊滾，口感軟腍🌀頂級靚肥牛🐃$288 （120g）雪花紋理細緻分明，油脂平均，口感嫩滑，小灼數秒就可以起筷🌀冰豆腐🧊$72 豆腐表面光滑，吸晒湯汁好入味🤤🌀金甲脆魚皮🐠$98 魚皮炸到卜卜脆，淋上特製咸蛋黃汁，就好似披上黃金嘅戰衣🤩邪惡得黎又忍唔住係咁食，香口🌀菜灼鹽搞唔餃 菜苗餃🥟$58又係玩食字嘅菜式🤣餃子皮薄唔黏口，餡料都算多，粒粒飽滿，味道正常🌀手打墨魚丸🦑$68 （4粒）墨魚丸口感彈滑，仲食到裡面嘅粒粒墨魚肉🌀唔係椰菜花 椰香脆麻花🍯$48表面灑上椰絲同淋上香甜蜜糖，麻花炸到金黃香脆，如果蜜糖多啲仲正🤭🤭🌀繽紛鮮果涼粉鍋🥭$108打完邊爐再食涼粉清熱解毒👍🏻特別係夏天食勁消暑！有涼粉、芒果、西瓜、火龍果、花奶，另可以自行加配紅豆同椰絲。鍋中間加左乾冰有噴煙效果，相機食先✌🏻另外食完野仲可以行

（按：立場有爭議之商家，自己衡量🙈）如果可以俾爆分，我真係會俾爆分呢間《去滾》火鍋店💯 首先上到去𨋢門一打開，就見到好多字體好秀麗嘅牌，轉入去就見到裝修好靚，佈滿霓虹光管，寫晒粵語歇後語；餐廳成晚嘅playlist都係八九十年代嘅廣東歌；菜式名統統都係取粵語phrases。好同聲同氣嘅感覺，所謂捍衛本土文化就係呢啲👏店內好多房間，而且仲有可以唱K嘅房，一班人嚟聚聚真係一流🤪侍應帶咗我哋去室外座位，少人啲清靜啲，俯視住香港景色打邊爐，確有一番風味。值得一讚嘅係侍應嘅服務，雖然我哋坐外面，但都招呼周到，唔會忽視咗室外嘅客人；而且每樣request都好快做到；態度仲好好添👍價錢同出面走中高級路線嘅火鍋店差唔多，嘢食賣相好睇，亦都好好食。韓國人蔘山藥烏雞湯 ($328)湯底叫咗呢個烏雞湯，好足料，有成隻烏雞、整條人蔘，湯亦都唔重味精味。營養豐富，感覺好補🤤金甲脆魚皮 ($88)呢個上碟個樣真係好鬼過癮🤣 18禁呀🔞🤭🤭脆魚皮面頭鋪上鹹蛋黃，就咁食同浸完湯食都好正！濟州黑豚腩肉 ($168)本身book咗二月尾去韓國，仲諗住可以食濟州最出名嘅黑豚豬⋯🥺行程因為武漢肺炎取消咗好可惜，不過嚟呢到都有