更多
2020-02-05
128 瀏覽
（按：立場有爭議之商家，自己衡量🙈）如果可以俾爆分，我真係會俾爆分呢間《去滾》火鍋店💯 首先上到去𨋢門一打開，就見到好多字體好秀麗嘅牌，轉入去就見到裝修好靚，佈滿霓虹光管，寫晒粵語歇後語；餐廳成晚嘅playlist都係八九十年代嘅廣東歌；菜式名統統都係取粵語phrases。好同聲同氣嘅感覺，所謂捍衛本土文化就係呢啲👏店內好多房間，而且仲有可以唱K嘅房，一班人嚟聚聚真係一流🤪侍應帶咗我哋去室外座位，少人啲清靜啲，俯視住香港景色打邊爐，確有一番風味。值得一讚嘅係侍應嘅服務，雖然我哋坐外面，但都招呼周到，唔會忽視咗室外嘅客人；而且每樣request都好快做到；態度仲好好添👍價錢同出面走中高級路線嘅火鍋店差唔多，嘢食賣相好睇，亦都好好食。韓國人蔘山藥烏雞湯 ($328)湯底叫咗呢個烏雞湯，好足料，有成隻烏雞、整條人蔘，湯亦都唔重味精味。營養豐富，感覺好補🤤金甲脆魚皮 ($88)呢個上碟個樣真係好鬼過癮🤣 18禁呀🔞🤭🤭脆魚皮面頭鋪上鹹蛋黃，就咁食同浸完湯食都好正！濟州黑豚腩肉 ($168)本身book咗二月尾去韓國，仲諗住可以食濟州最出名嘅黑豚豬⋯🥺行程因為武漢肺炎取消咗好可惜，不過嚟呢到都有
如果可以俾爆分，我真係會俾爆分呢間《去滾》火鍋店💯 
首先上到去𨋢門一打開，就見到好多字體好秀麗嘅牌，轉入去就見到裝修好靚，佈滿霓虹光管，寫晒粵語歇後語；餐廳成晚嘅playlist都係八九十年代嘅廣東歌；菜式名統統都係取粵語phrases。好同聲同氣嘅感覺，所謂捍衛本土文化就係呢啲👏
店內好多房間，而且仲有可以唱K嘅房，一班人嚟聚聚真係一流🤪
侍應帶咗我哋去室外座位，少人啲清靜啲，俯視住香港景色打邊爐，確有一番風味。值得一讚嘅係侍應嘅服務，雖然我哋坐外面，但都招呼周到，唔會忽視咗室外嘅客人；而且每樣request都好快做到；態度仲好好添👍
價錢同出面走中高級路線嘅火鍋店差唔多，嘢食賣相好睇，亦都好好食。
韓國人蔘山藥烏雞湯 ($328)湯底叫咗呢個烏雞湯，好足料，有成隻烏雞、整條人蔘，湯亦都唔重味精味。
營養豐富，感覺好補🤤
金甲脆魚皮
$88
34 瀏覽
0 讚好
0 留言
呢個上碟個樣真係好鬼過癮🤣 18禁呀🔞🤭🤭
脆魚皮面頭鋪上鹹蛋黃，就咁食同浸完湯食都好正！
濟州黑豚腩肉 ($168)本身book咗二月尾去韓國，仲諗住可以食濟州最出名嘅黑豚豬⋯🥺
行程因為武漢肺炎取消咗好可惜，不過嚟呢到都有濟州黑豚腩肉食😛
豬味濃郁，脂肪分佈平均，唔算肥😛
日本廣島蠔
$38
2 瀏覽
0 讚好
0 留言
日本廣島蠔
$38
8 瀏覽
0 讚好
0 留言
睇圖都見到有幾肥美同飽滿啦😍
食落仲好juicy，味道又夠鮮甜！
手打墨魚丸
$58
3 瀏覽
0 讚好
0 留言
呢個墨魚丸好食！！！
非常彈牙，咬落去仲有一粒粒墨魚粒，仲好夠鮮味添😋
長生不老（雜菌拼盤） ($88)雜菌拼盤可以自選3款菌類，份量都幾慷慨。
粟米 ($38)粟米夠甜🌽
家鄉番薯糖水 ($38)
打完邊爐就叫埋個糖水飲下啦～
好重薑味，夠晒驅寒！番薯都好足料🍠
-
Menu:
張貼
