滿屋日本料理 (大鴻輝(荃灣)中心)

朋友生日，他指定要食日本菜，還一定要近他放工的荃灣區。好吧! 見是他的生日，否則我也不太想千里迢迢由將軍澳走入荃灣。一提到日本菜，我就想起放題，因為有超多選擇，總有多樣適合他。餐店地方好大，座位好多，設有多張四人卡座、多排長沙發座的二至四人枱等等， 可容納不少客人，廊位亦闊落，客人出入自助區都好方便。晚巿放題有A-D餐，每個餐所包的菜式不同，當然收費也不同。既然是生日飯，當然食豪一點，選了D餐極緻放題，公眾假期前夕自選2.5小時成人收費 ($598+10%)。極緻放題共有110品，重點是有大拖羅、加拿大海膽和鵝肝，高質之選!******************************開飯前先準備飲品，有幾個飲品凍櫃，選擇超多， 凍飲有啤酒、汽水、果汁和清涼茶等等，還有熱飲，包括多款茶、熱水和紙包熱飲。但我通通都沒有取，為何? 以日式的酒瓶盛載，配埋日式小酒杯，很有feel，喜歡!選了冰涼的梅酒，梅味都算突出， 甜度中等，很易入口，好合我口味。******************************先去自助區，有熱食、凍食、湯、炸物、沙律等。我取了豉椒鰻魚、沙嗲雞粒、蔬菜、中華沙律、海蜇等。 豉椒鰻魚最吸引我，嫩滑肥美，鹹香惹味，當然再encore。******************************D餐極緻放題菜單相當長，逐一睇都需要一些時間。先點刺身，有大拖羅、中拖羅、大赤蝦、希靈魚和，好滿足。大拖羅和中拖羅色澤粉紅，好新鮮高質，極之柔軟油潤，吃致滿口油香，正! 大大隻的赤蝦好鮮甜，微爽黏滑；希靈魚就啖啖爽脆，鮮甜美味。還有加拿大海膽，甘香鮮美，油潤豐膄，黏滿整個口腔，跟清爽的青瓜同吃，好夾。******************************好快又上壽司，揀了火炙三文魚芝士、鹽燒左口魚、火炙牛肉壽司、火炙醬燒廣島蠔、明太子大拖羅和黑松露中拖羅。各款經燒的壽司都油香滿舖，肉質油潤柔軟。最喜歡是鹽燒左口魚，甘香油潤，好正!  火炙牛肉壽司也好味，半生熟狀，好嫩滑，又有牛香。 明太子大拖羅和黑松露中拖羅當然更吸引，肥美油潤，啖啖魚油香，好正!******************************到點燒物、炸物和一品料理，點咗好多款，有芝士焗蟹蓋、鹽燒牛舌、燒羊鞍、燒新鮮菠蘿、蒲燒鰻魚、西京比目魚、焗扇貝、黑松露炒雜菇、鮑汁花膠盛宴、蟹棒天婦羅和溫室南瓜天婦羅。鹽燒牛舌挺爽口，燒至帶些焦香， 加入鹽和黑胡椒調味， 鹹香帶辣，味道不錯! 羊架肉厚，燒得焦香，肉嫩味濃，要encore；芝士焗蟹蓋和焗扇貝味道鹹香惹味，用料豐富，又是encore之選。燒新鮮菠蘿微暖，香甜多汁，相當新鮮。蒲燒鰻魚腍嫩肥美，沾滿甜甜地的鰻魚汁，不錯!  西京比目魚好有魚油香，亦好嫩滑，好味得很。黑松露炒雜菇好爽口，滿有黑松露香，好味! 鮑汁花膠盛宴 絕不欺場，大大件的花膠好黏滑入味，還有隻爽滑的花菇，正! 兩款天婦羅香脆可口，一點也不油淋淋。蟹棒天婦羅嫩口；溫室南瓜粉綿甜美，蘸些天婦羅汁更美味。******************************九成飽都要食甜品， 選擇都唔少。雪糕冰櫃放滿雪糕杯、甜筒、冰條和雪糕糯米糍， 各有不同口味添!而甜品凍櫃就有小蛋糕、慕絲、奶凍、泡芙等。我倆要咗兩杯雪糕就滿足。兩款品牌的雪糕都好好味，有movenpick焦糖布丁口味和Haagen Dazs朱古力馬卡龍口味，也香甜香滑，作為完美的總結，好滿足。------------------------------今晚揀了最貴那款放題慶生日，雖然真是幾豪，但壽星仔當非常滿意，而我也吃到高質的食物，那就別計吧! 人生最緊要對自己好。…查看更多

首先，嗰度啲嘢係好食嘅，刺身係新鮮嘅。果度都多人既，就算係平日星期三夜晚，都勁多人。但佢竟然可以張所有位都縮到勁！窄！勁！細！真係CLS咁都得，我真係唔知應該讚佢100%奉行香港地少人多既特色，定係話佢識善用資源好🫠我哋四個人，兩個男仔兩個女仔，我哋連兩個男人坐埋一邊都做唔到。一定要一男一女坐一邊先坐到，個座位仲要連個背囊都放唔到，要放喺地下明明好多位剩，但係竟然將四個人塞入一個正常西餐廳嘅二人座位。啲座位好窄，好難出入，臨走出去買單嗰陣，仲搞到我條頸巾比我逼到跌咗落地下😑 $4xx一條友，都未平到要我坐喺個d比大排檔仲要窄嘅位裏面食飯掛？然後嗰啲位靠背仲唔係固定喺地下！即係話你後面啲人坐低起身行嚟行去，你個座位就會俾人地郁到銀行銀下。🥲跟住唔知道係唔係佢比員工嘅人工太低定係工時太長，個個都黑口黑面，又成日唔應人，上菜仲超級無敵慢🙄Conclusion:1. 衛生環境一般2. 座位舒適度非常之差3. 服務態度差4. 食物幾好味要唔要去呢度食嘢你自己諗啦。如果你生得又矮又細粒嘅話可能會好啲嘅。我會建議外賣拎走。…查看更多

原來我和太太已有一年沒去過日式放題，便決定預訂兩間餐廳試試，第一間就是久違了荃灣大鴻輝中心10樓的滿屋✏️位置: 8/10✏️環境: 8/10✏️衛生: 8/10✏️服務: 7/10✏️食物: 8/10滿屋位於荃灣大鴻輝中心10樓，在荃灣區來說算是方便；餐廳面積不少，環境光鮮衛生；主要以掃碼下單，同時設飲品、熟食和甜品區；食物品質普遍不錯，亦不多漏單的情況🍱D極緻116品自選2.5小時 - 成人$588/位跟太太一起來，當然要給她最好的，選擇有松葉蟹腳、海膽、大拖羅等任食的D餐。由於食物選擇眾多，我們也沒一一試過，就簡單介紹一下：🌟回本之選首先肯定是松葉蟹腳，夠鮮甜新鮮，喜歡蟹腳的朋友必點。其次是兩款拖羅刺身，鮪•極品大拖羅及鮪•中拖羅，質素中上，味道鮮嫩然後是太太最愛的海膽，這裡有加拿大海膽及澳洲海膽，質素算不錯，有海水味顏鮮甜，建議別吃那片青瓜就是還有香煎鵝肝，油香十足，能吃又喜歡鵝肝的朋友不能不吃。最後是火炙大拖羅壽司，雖說有飯不能吃太多，但油香肥美的大拖羅還是火炙過及伴米飯味道更好🌟養顏養生之選有汁煮鮑魚、鮑魚花膠雞鍋、御品鮑汁燴花膠及竹笙瑤柱蟹肉翅，帶長輩來絕對要點，感覺高貴又滿足，味道亦算可以🌟壽司卷物之選普通的不作介紹，個人覺得較高質的壽司有黑松露赤蝦壽司、黑松露油甘魚壽司、鵝肝拌帶子壽司及火炙芥辣味牛肉壽司，味道全都屬不錯，選了貴價套餐當然要點些好一點的食材吧手卷有三款，但首推味道鮮甜的蟹膏蟹肉手卷，還有就是令人滿足的海膽手卷最後卷物就推介香芒吉列蝦卷及芝士軟殼蟹卷，卷物是要夾住一些炸物口感才會更佳🌟小食之選其實都是大路的小食，包括芝麻雞翼、吉列炸蠔、一口芝士、榴槤炸彈、相思雙皮奶，個人覺得味道最好是外脆內軟的相思雙皮奶，而太太則喜歡榴槤炸彈多一點還有黄金燒扇貝及避風塘炒尤魚鬚也是可以一試的，味道算是不差天婦羅也炸得不錯，其中虎蝦有肉感，而溫室南瓜很鮮甜🌟飲品之選話說有清酒及幾種品牌的啤酒任飲，當然也少不了各式罐裝及紙包裝飲品，更有熱的提供，可以照顧不同的客人🌟甜品之選由於太飽，我們只試過香脆的爆谷，而沒有拿蛋糕及雪糕等。最後點了每人限定一個的Haagen-Dazs或Movenpick雪糕，作最完美的收尾🍽滿屋日本料理(荃灣) 📬地址： 荃灣眾安街55號大鴻輝(荃灣)中心10樓…查看更多

上次黎過大鴻輝打邊爐先知全棟都係餐廳～今日就再黎呢度搵食，見到呢間放題好多人所以又試下🤣-食物種類好多，由刺身、壽司、卷物、軍艦、熱食、炸物樣樣都有真係估唔到有咁多嘢揀，除咗寫紙仔之外，出面仲有D甜品同海鮮自助拎飲品都係屬於自助形式，擺滿幾個櫃，啤酒清酒梅酒都有～～～一黎就緊係試下刺身象拔蚌好爽口，帶子夠哂鮮甜👍🏻👍🏻同媽媽兩個人食都翻兜咗次-壽司既選擇真係好多每件都整得好精緻，細細件飯大大件魚生咁就唔洗驚食飯食飽咗～呢個牛仔粒⋯我忍唔住叫左兩碟🤣🤣真係好好食，又有少少肥膏，好香牛味！鱈魚又忍唔住前後夾埋食咗三件好滑口👍🏻👍🏻甜品可以dryers/movenpick 2選1幾飽都好，都要食埋個雪糕    …查看更多

今日同朋友去荃灣慶生，揀咗呢間滿屋食放題， 好彩我哋預早訂咗位如果唔係都要等， 一入到佢見到有好多餐前小食，中華沙律，日式海螺，沙律，同小朋友都喜歡食的薯格等。 出去見到飲品都好齊全，算係幾多嘢飲，而且佢亦仲有日式嘅清酒sake及梅酒 ，wow應有盡有。刺身我地叫左有甜蝦、大赤蝦、北海道帶子刺身、吞拿魚、 希靈魚、油甘魚! 其實所有刺身我都好鍾意食同埋你可以見到刺身都幾新鮮， 新鮮程度絕對可以媲美其他日式料理餐廳或者壽司店。 因為以我見解呢度有足夠人留所以可以確保食物嘅新鮮程度。 仲有佢啲帶子真係幾大粒我覺得仲好過酒店嗰啲炭燒鰻魚壽司炭燒鰻魚真係yummy, 鰻魚燒到恰到好處又有炭燒味，所以其實叫呢個鰻魚都幾抵食。燒紐西蘭羊鞍呢個係特別推介。因為你就算出去街叫個燒羊架都幾貴，同埋佢呢個燒羊鞍肉質軟熟多肉汁。我哋都叫左好多天婦羅例如虎蝦天婦羅龍躉天婦羅、南瓜天婦羅… 其實佢個天婦羅，我覺得每一樣都炸得幾好，同埋唔算多油，而我最愛嘅始終都係海蝦天婦羅， 因為我覺得呢度啲海蝦有佢嘅鮮味就算用你整天婦羅佢個海蝦味都仲喺度。辣酒煮蜆:呢個辣酒煮蜆我覺得都幾辣，但係辣得嚟又恰到好處，同埋啲蜆肉都ok起碼冇沙同埋真係每一隻都有蜆肉， 蜆肉亦都滲透咗辣味同少少酒味，非常唔錯。最後其實我哋order咗好多嘢 ， 仲有雪糕送。畫上完美句號。…查看更多

疫情放緩，心思思又想食放題，荃灣不嬲多選擇，但我地都係鍾情滿屋，因為呢度既壽司多款揀又好味😋新出既有火灸雙重芝士三文魚卷、意大利黑醋雙重芝士鰻魚卷🍣黑松露吞拿魚醬油漬壽司，燒香左既芝士鋪係壽司卷既面上真係好吸引🥰黎到我亦一定叫最鍾意食既香芒軟殼蟹卷，勁開胃，仲有忌廉芝士鰻魚玉子燒🐟芝士龍蝦沙律軍艦🦞黑松露赤蝦壽司🦐蟹膏皇帝蟹腳壽司🦀 壽司款式又多又定期更新，最緊要好食😍佢個鹽燒牛舌 加埋檸檬汁真係無得輸😋鹽燒雞軟骨太好味我朋友都食左幾串先夠喉！壽司好食刺身都唔會有問題，估唔到呢度既煮物好得！新出既有瑤柱蟹肉海皇粥同竹笙瑤柱蟹肉翅，蟹同蜆勁多，鮮味足！御品飽汁燴花膠，花膠大件、好淋好入味。甜品仲有燕窩燉蛋，認真估佢唔到！黑松露芝士雞翼（無骨啖啖肉）同炸香芋球，我都極力推薦。雪糕每人可揀一款Haagen Dazs/movenpick/dreyers,仲有甜品同雪條，雪米滋任食，覺得單調仲有爆谷🙊…查看更多

放題一向是港人最愛，這晚就來到荃灣的滿屋日本料理任飲任食2小時。餐廳面積廣闊，座位排得頗寬敞。晚市除了特定時段外，還可自選2小時放題，價錢為每位$248至$268。放題紙上的所有食物都是任點任食，款式包羅萬有，刺身、壽司、串燒、鍋物、天婦羅無一掛漏。可能是即叫即製的關係，所以等候出菜需時較久，幸好漏單情況亦不算嚴重。除了即切的新鮮刺身之外，壽司款式應有盡有，而且配搭甚有創意，例如火炙雙重芝士三文魚卷、意大利黑醋雙重芝士鰻魚卷、明太子沙律醬燒三文魚壽司等等...天婦羅可選虎蝦、溫室南瓜、秋葵、有機茄子及有機蕃薯仔，入口酥酥脆脆。炸物同樣都是剛剛炸起，熱辣辣又脆卜卜，款式包括貓山皇榴槤炸彈、芝麻雞翼、台灣鹽酥炸雞、炸芝心香芋丸、自家製吉列蠔及芝士年糕。燒紐西蘭羊鞍燒得略帶微微焦香，羶味不過重。鐵板安格斯牛仔骨微辣惹味，內裡保留肉汁。西京比目魚可說是全晚心水推介，肉質豐腴雪白，配上甘甜的西京燒醬汁，更能突出白身魚的爽甜鮮味。鹽燒鯖花魚僅灑鹽的單純調味，反襯出鯖魚的肉質鮮美，最能表達食材的原始味道。捧捧海苔雞肉混合雞肉和雞軟骨，因此咬下去可以感受到雞軟骨特有的韌度，讓口感更有嚼勁。黃金燒帆立貝舖滿澎湃芝士，令帆立貝更芝味無窮。黑松露汁蘑菇芝士釀雞翼已經去骨，一咬開即爆出流心芝士。個人尤其喜歡燒有機菠蘿，蒸發了生果中的水分，令酸甜天然果香更加突出。香辣蜜桃炒蝦球酸酸辣辣，蝦肉渾圓飽滿。自助區有數款炸物小食，包括炸薯角、葡撻和麥樂雞。一口一個的葡撻外皮層次分明，中間燉蛋口感軟滑。甜品凍櫃內有蛋糕、奶凍等，另外還有新鮮生果。雪糕有Movenpick、Haagen-Dazs、Dreyer’s可選，每人只限一杯。飲品都是自取，海量款式尤其壯觀。…查看更多

今日假期又去了荃灣大鴻輝搵食，今次就去左 10樓 滿屋日本料理食放題。價錢 $198 加一。12點食到3點。放題就家家差不多，不過這家就有 吞拿魚刺身(大目吞拿魚)，其他地方比較少見。 劍魚腩，夠肥美。其他刺身都夠新鮮的。壽司方面就有 黑松露吞拿魚醬油漬壽司。手巻方面，海胆手巻，甘蝦松葉蟹膏手巻必點。羊架燒得剛剛好，夠淋，值得一試。天婦羅蝦都好新鮮，炸得超好吃。食得多凍野整個瑤柱蟹肉海皇粥。仲有驚喜溫泉蛋飲品方面，基本汽水都有，最特別是有多款酒類飲品，我就試了有汽蜜桃酒，很好喝。最後甜品每人有一個 哈緊大雪糕，不過我喜歡Movenpick 多點。…查看更多

今晚同朋友去食放題，放題既好處係美食、甜品、飲品任你選擇，仲要好抵食 食放題當然唔少得叫🦐刺身、🍣壽司啦，又新鮮又厚身，仲鮮甜好味😋，包你食完一件又食一件。🦐大量既刺身：空運大目吞拿魚、劍魚腩、北海道角螺、北海道帶子刺身、大赤蝦、北寄貝、油金魚🍣壽司：火灸和牛壽司(必食)、火灸香蔥左口魚邊壽司、京蔥三文魚腩壽司、黑松露吞拿魚醬油漬壽司、黑松露赤蝦壽司、蟹膏皇帝蟹腳壽司、海苔帆立貝伴吞拿魚茸(推介)、海膽帆立貝、火山大爆發(新)、秘醬厚燒玉子壽司(推介)美味小食:🔴御品鮑汁燴花膠~個鮑汁又濃，花膠仲又冧又滑，骨膠原又健康又好味🟠竹笙瑤柱蟹肉翅~香濃瑤柱味，好味到不得了🟡燕窩燉蛋~凍食既香滑燉蛋，啱哂女士🟢燒有機菠蘿~又甜又多汁🔵黃金燒帆立貝~燒到金黃色，大粒又鮮味🟣香辣蜜桃炒蝦球~又辣又甜，爽口蝦球🟤黑松露炒什菌🍨甜品：Haagen Dazs 比利是朱古力及Movenpick 士多啤梨🍻另外仲有自選區供你選擇：沙律、甜品、海鮮、自助飲品📍 @滿屋日本料理 (荃灣)荃灣眾安街55號大鴻輝(荃灣)中心10樓…查看更多

大鴻輝一如既往咁多人排隊搭𨋢，10樓滿屋入到都有啲人等緊，好彩有book位好快就入得。放題點餐紙有A-N 14款，另外有入座時一人一張雪糕紙，可揀一款H/D/M l既雪糕。坐低第一步做既就係叫刺身同靚壽司 🤣 芝士鰻魚同左口魚都好好食，我暖尾仲Encall左左口壽司四件添 😋 刺身方面都幾新鮮，唔會雪到冰晒，放題黎講水準唔錯，甜蝦仲好大隻！特別想講下佢地入左啲台灣製既飲品，果罐珍奶係我中學回憶 😂 個可可超香濃，唔甜，好厚既朱古力好正，果然係73% dark。炸物特別想講天婦羅同炸蠔都好香唔厚粉。HDM緊係揀H啦！是日味道有個日日唔同，就叫左mango raspberry。包羅萬有星期一至三都係248位，性價比都幾好。…查看更多

臨近聖誕，放題都加咗價，今日要$288加一，不過唔知係唔係聖誕期間所以嘢食款式多咗，有好多嘢食，每樣食一件都食唔晒😂唯有下次再戰！自助區有得拎海鮮冷盤，有青口、翡翠螺、蝦，仲有一啲都唔Hea嘅沙律吧，唔係普通沙律菜，係中華沙律、螺肉、蟹籽都有！海鮮冷盤都好新鮮，啲肉好彈牙，有鮮味，拍得住酒店質素。仲有啲炸物、中式料理、爆谷都有，嘢飲方面除咗汽水之外仲有柑橘蜜，梅酒，清酒。爆谷竟然係好味既，不過放題梗係唔可以食太多😌梅酒OK，清酒有消毒藥水味，柑桔蜜都係唔錯嘅熱飲選擇之一壽司刺身都係有水準嘅！食材都新鮮，炙燒嘅壽司都係即刻整嘅👍🏻壽司方面，推介山葵八爪魚壽司、左口魚邊、蒜香三文魚壽司，仲有大路嘅三文魚、三文魚腩、帶子都好新鮮。唔建議食海膽吞拿魚壽司同埋鵝肝帶子壽司，海膽同埋鵝肝都係勁細粒，如果想食海膽同鵝肝就。。。可以略過，可能叫海膽手卷會好啲，不過我已經食咗好多舊飯所以就食唔落啦🤣燒羊架肥膏唔多，燒得香脆肉嫩，有一小部份較韌不過可以接受燒牛舌又係好正，調味啱啱好，牛舌爽脆仲有必食燒雞軟骨同菠蘿出面有雪糕櫃可以攞雪糕不過只限某種牌子，但係每人可以叫一杯Häagen-Dazs或者movenpick，Häagen-Dazs仲有焦糖脆餅味，正呀👍🏻 …查看更多

每天的辛勞過後💻，沒有甚麼比吃一頓好的來得更治癒🥰。還好公司附近有一個食店集中地📍，要覓食實在是太容易了😆，今晚的目標是日式放題🇯🇵！晚市時間🌝，店內早已坐滿了食客們😲，還好餐廳有夠大的✨，完全不會有擁擠感😌。店內設有自助前菜區🐚，在等待食物的途中不妨來看看有沒有合口味的😉。當然也要去自助飲品區逛逛了🥤，當中啤酒也是任飲的🍺！🔹刺身類🔪這個當然是必點啦🌟！牡丹蝦🦐、三文魚🐟、赤貝🐚等應有盡有🤩，絕對有你所喜歡的👍🏽！🔹壽司類🍣點了和牛🐮、鰻魚🌊、左口魚群邊🐠等等，鰻魚的份量比想像中更大😳，完全不覺得是放題的選項✨。🔹手卷類🙌🏽這個人妻只點了芥末八爪魚🐙，一口吃下有點嗆鼻的🤧，感覺超級爽🤪！🔹熟食類🔥芝麻雞翼皮脆肉嫩🐣；牛舌口感爽脆👅；燒羊架油脂比例也頗好🐑，給我再來一客雞翼🎉！🔹甜品🍮每人包括了一客杯裝雪糕🍨，人妻🐷當然是選香濃的比利時朱古力了🍫！💭總結鮮美的刺身絕對是放題的一大賣點😍，不過難得熟食方面也不遜色🎊，加上任飲的選項中更包括了黑啤🍻，整體絕對是物有所值喔👏🏽~…查看更多

今次同屋企人黎左荃灣既美食大廈——大鴻輝商業中心，喺諗緊食咩好時口痕痕想食日本野，就上左去滿屋食放題。本身都食過幾次呢間滿屋同第二度既滿屋，我發現唔同地區既滿屋menu都有少少唔同，但都幾多種類揀。一坐底，事不宜遲，點個刺身先！魚類新鮮油脂亦夠，擺入口時好滿足～其他刺身都好鮮甜！其實滿屋一大特色就係佢有個自助吧台俾你出去拎野食，我次次都會拎佢啲凍蜆同薯格，都好好食！壽司方面都唔錯，最搞笑都係佢既創意壽司。有一塊紫菜包住帶子同吞拿魚蓉，好新奇！燒鰻魚皮香微脆，好食！焗帶子沙律醬酸酸甜甜開胃，有啲蔬菜喺入面更有口感！燒物方面燒菠蘿簡直係我至愛！呢度啲菠蘿好甜，好正！好啦，黎到我一開頭講既野。呢間滿屋係冇炸蠔的，而我食過佢其他分店有。但有芝士竹輪同香芋波波已經令我好滿足😍最後黎到最需要推介既野，就係海膽手卷！！好鮮甜完全冇腥味😋我狂咁嗌黎食！！！最後黎個朱古力雪糕做一個完美既結束。大家黎食既話一定要食海膽手卷海膽手卷海膽手卷知道無？…查看更多

滿屋放題係我最常幫襯嘅餐廳之一，而其中荃灣分店我認為當中最好，食物方面保持到一定水準，服務方面環境寬敞座得舒適，漏單問題唔算嚴重，菜色亦定期更改飲品方面自助形式，清酒,啤酒,氣水,果汁應有盡有，只是清酒得熱，夏天都係飲冰涼啤酒為佳(啤酒仲要係麒麟啤酒)辣酒煮花螺以放題嚟講算唔錯以前嘅刺身壽司有呑拿魚，但最近取消咗滿屋壽司份量適中，睇唔出係放題貨色新菜色，味道濃郁海鮮亦都唔差，放題中算高質特飲紫貝天葵，每次嚟都會點羊架,燒生蠔, 番薯仔,燒波羅等燒物中最鍾意就係羊架，肉嫩多汁沙律前菜中有一個海葡萄沙律，海葡萄係沖繩特產，香港好少有不過而家改咗做海葡萄海鮮沙律感覺差咗無以前咁好總結食物,環境,服務,價錢都好滿意，放題嚟講好高水準…查看更多

常常吃放題，卻沒有想到遇上一間零挑剔的放題！首先想說空間感。吃放題，最常遇到「坐得唔舒服」、「好迫」的問題但這間放題的座位都很舒適，檯與檯之間都有空間走廊也夠闊，外出拿飲品或食物都不會很辛苦，而且內裡很光猛，給人一種乾淨的感覺至於食物嘛，這裡食物選擇非常多，必然吃到捧著肚子走，而且沒有誇張，這裡食物質素也是非常高看這前菜、小食，根本就是酒店的排場還有新鮮魚生，這些不是在「剔剔紙」上可以選的，客人可行去食物亭直接叫師傅當場切魚生即場切的魚生，品質超高水準居然在放題吃到藍鮨吞拿魚，超厚切，正刺身當然也新鮮，赤蝦刺身隻隻肥美彈牙又鮮甜，我吃了最少十隻壽司也是我必吃的，因為我有「飯癮」飲品選擇很多，應有盡應，想喝什麼都會找到若嫌飲品太普通，這裡也有獨特又美美的特飲驚喜是有蛇羹！先生二話不說點了一碗來吃，太驚喜呢！正合冬天啊！甜品當然有雪糕，但也有很多雪條可選擇，大腳八是兒時回憶啊！甜品櫃的選揀超多，適合有甜品胃的朋友再戰吃到超飽，沒想到貪得意要了一杯爆谷吃，卻如此驚喜初時先生說「爆谷真係好好味」時，我還說他誇張！但沒料到我吃了一顆後，真的感到「好好味」呀！是舊式戲院的爆谷味道，超夠味，跟現在戲院淡淡不夠脆的爆谷無得比！這一餐，我跟先生食得超開心，除了吃到超出預料的食物外，也沒想到食物水準及選擇如酒店般多采多姿！最後，值得一讚的是，這間放題的服務超好，不是其中一個員工好，而是全部員工都很好，勤快有禮又有笑容，令人吃得很愉快，也不掃興！絕對值得再來的一間放題！…查看更多