板神鉄板燒日本料理 (駿業街)

➿ 愛吃的露比 @loveatingrubi💨<快啲bookmark！抵食高質鉄板焼>#露比覓食觀塘 #露比吃料理 #露比吃日料今日介紹呢間真係我私心收藏！原因: 平、好食、食得飽、環境靚、服務態度友善！之前食teppanyaki閒閒地都千幾蚊p.p.，呢間竟然一千頭就2個人食到捧腹😱❣️食物方面有龍蝦有鮑魚有sashimi完全冇hea你，食足2個鐘❣️🌟 桜🌸席前鉄板焼二人前 $1080 (7.5/10)我哋好幸運被安排到由功架十足嘅Mark 師傅負責我哋呢餐😆席間不斷欣賞到師傅炫技😎手法純熟得黎又好細心，會問我哋口味❤️前菜 明太子、沙律🥗個明太子真係好好味！爽脆鮮甜係口中一咬爆發，帶微微辛口又拌入略酸甜醬汁，非常開胃，我更愛稍微蘸點豉油，鮮味更出😛沙律菜入口清爽，咬落嗦嗦聲，仲有車厘茄、粟米及紅腰豆加添口感變化，並拌入輕盈微酸的醬汁，整體而言係一道好有個性嘅沙律。刺身５点🍣左起👉🏻帶子、赤身、春魚👉🏻日本牙帶魚、螢光魷魚整體新鮮度非常高！尤其赤身、春魚，鮮味無比，得一塊真係唔夠喉呀！🤣可以唔使蘸豉油，落少許山葵提升層次就很可以了😍銀鱈魚🐟吃得嘖嘖稱奇的一道菜，因為呢個cod fish實在太太太太嫩滑啦🥺😭💓💓💓睇圖感受下🥳份量仲好多，每人有一大條，食到好滿足活南非鮑魚一上枱見到鮑魚仲係郁緊架🤯🤯極新鮮唔係講笑呢😱食材新鮮加上師傅嘅功架冇得輸呀真係🤫想睇師傅片就去我ig睇啦🤣之後就係set送嘅活龍蝦🦞龍蝦頭會先拎去煲麵豉湯，冇浪費到架！個sauce真係勁好食，係用龍蝦膏+牛油+自家製龍蝦汁整成，濃味到就嚟上天堂呀‼️😭💓龍蝦肉肉質彈牙，又係食得出好新鮮，每一口都係幸福啊🥺❤️美國牛肉薄燒我request左多葱‼️多葱‼️多葱‼️🤪葱黨主席🤪🤘🏻我呢塊係3成熟，食落肉味香濃又嫩🥺入面爆葱個口感真係好正，重點係葱再多都唔會搶左肉個味🤤仲有伴碟炸蒜勁好食⋯⋯請問餐廳出售嗎🥴勁濃味應該獨子蒜黎QQ炒飯炒飯真係好睇到師傅手勢！欣賞完Mark師傅先煎香雞蛋，再落飯兜勻，隨後落和牛肉碎、葱、紅蘿蔔、洋蔥，再澆上適量醬汁，翻炒幾回，純熟而悅目😚teppanyaki最優秀之處莫過於此——大飽眼福又大飽口福🥰食落更加驚喜，飯粒炒到乾身軟硬適中，調味恰好，食材配搭得宜，無論口感抑或是味道層次都十分豐富，不愛吃飯的露比也吃了半碗之多😳真的推薦，簡單的食材，不平凡的味道煮野菜上枱時溫熱啱啱好可以即食，有解膩感覺☺️跟住去到呢個時候就轉左做另一款茶，細心呢～吸物龍蝦頭拎去煲嘅麵豉湯登場啦！🤣飲落去冇乜龍蝦味不過好好飲。。。秒速清曬🤪🤪甜品3.6牛乳奶凍配小豆紅豆好甜❤️ 3.6牛乳味濃，奶凍偏軟身，入口即化～經常鉄板焼癮起嘅露比表示會想再去食，平平地之選🤩真心唔差！！-📍 板神鐵板燒日本料理地址: 觀塘駿業街43號地下-…查看更多

叫左兩個$1980天。海鮮和牛二人套餐點知個和牛炒飯變左煙肉炒飯我認我地食嘅時候傾計太開心冇留 比左錢臨走望下外面嘅menu先知嬲嬲地想要個交代 點知就出事喇 以下係我地同經理對話嘅重點，事關我地當刻太豬，唔識反應，後黎有再打去問，經理表示：1. 係廚師嘅問題，我代佢講聲唔好意思，但係廚師落左場，一係等佢返黎叫佢炒返比你地食啦（其實我地食完成餐飯，已經飽哂，又唔係住附近，點樣樣等呢？所以我有意思叫佢退錢啦，所以問下個差價）2. 個煙肉炒飯同個和牛炒飯差唔多價錢（我理解唔到，但佢咁樣解釋）3. 價錢差唔多係因為個和牛炒飯嘅和牛 係用厚切和牛個邊切出黎嘅肥膏炒嘅 （哦，原來唔係和牛肉炒飯，係和牛肥膏炒飯，同menu嘅意思完全唔一樣。再者open rice上面其他人嘅和牛炒飯唔少肉架啵，經理又話）4. 其實個邊都有少少肉嘅（問題又黎喇：咁我地塊和牛比你地切完D肉出黎，仲有冇menu 所寫嘅100g呢，經理又咁講)5. 我地師傅切嘅時候一定塊塊都有100g，你需要嘅，我地都可以你個磅你磅下自從經理話咁唔合理地叫我地食左一餐之後再等個廚師返黎整返個和牛炒飯，我地已經覺得態度好差，依家仲要咁威威話拎個磅出黎，然後仲好意思叫我地下次再幫襯，比個九折你。我心諗，我地一共比左差唔多五千蚊嘅lunch，你拎D咁嘅服務態度出黎，點做經理呀，經理我真係嬲到癲。我話：咁你叫我地下次幫襯返你 你係咪都要拎返D誠意呢 今次嘅事我地都未解決 我地真係好難再幫襯 不如你俾返即時嘅補償我地 例如 免我地加一啦👩🏻‍💼經理：其實都可以嘅，不過要親身過黎我：但係外面可以直接退返落張卡㗎啵👩🏻‍💼：我地呢度唔得㗎（五千蚊lunch嘅服務質素）算啦，咁有得退好過冇，打完場嘅時候，經理又有新玩法👩🏻‍💼：其實我當時都係特登唔食飯出黎處理（我地當時三點幾，傾左大約只有十分鐘時間，而佢地晚市嘅六點）同埋都係廚師嘅唔小心.........(Sorry 對於經理嘅A字膊行為，我又有少少comment)我：其實你可唔可以停一停聽我講（事關我地嘅對話期間，佢淨係自己不斷講，唔聽人講，可能係個人特色）我覺得你做為一個manager 應該係代表你地餐廳，唔係有問題就瀨D同事，咁樣只係會影響我對你地餐廳嘅形象， Anyways，我地陣間會黎結果拎賠償嘅時候，已經見唔返經理M小姐。:)…查看更多

觀塘區近期不斷翻新，四周圍都開左好多間高級既餐廳。雖然有啲開左係工業區附近，但可能租金平啲所以成本可以放返落食物度。前晚約左朋友係佢公司附近食飯，搵左呢間叫【板神】既日本餐廳。門口望落去間餐廳感覺好高檔，行埋去睇下個餐牌價錢又okay喎，於是就入左去餐廳既裝修100%日式料理風格，簡樸整潔，沒有多餘既裝飾，俾人一種井井有條、一塵不染既感覺。餐廳分兩款座位：鐵板燒房、壽司Bar枱。朋友想食鐵板燒，一坐低侍應已經幫我地將大褸掛在旁邊的企身衣架上，避免沾到油煙，十分貼心鐵板燒既食物選擇有很多，套餐有平有貴。比較抵食既有2人套餐$800~$900左右，平均每人唔洗$500。以呢個級數既餐廳，有齊專人廚師同侍應招待，一啲都唔算貴。我同朋友就揀左個貴少少既活龍蝦A5和牛套餐點好餐後侍應好快就上左個前菜同沙律。沙律酸酸地十分開胃。食到差唔多既時候今晚既主角就黎啦~有請【活龍蝦】當廚師拎隻龍蝦海鮮盤上黎果下好震撼，隻龍蝦好大隻，仲要超生猛~廚師放隻龍蝦上鐵板度煎果陣隻龍蝦仲郁緊好快成間房都充滿著煎海鮮既香味。廚師將龍蝦膏煎香後淋在龍蝦肉上面，睇到我地流晒口水龍蝦肉質彈牙結實。廚師冇落太多的調味料烹調，保留了龍蝦原有的鮮味，除左好香濃既龍蝦膏味之外仲有淡淡的海水味。另一道主菜係香煎銀鱈魚。廚師對火候控制得非常好，熟度剛好，魚肉鮮味十足，肉質嫩滑有層次，絕非普通雪藏魚級數，舊魚其實都唔細，但我仲想食多幾舊跟住跟食A5宮崎和牛燒薄卷。和牛肉質和脂肪比例適中，雪花分布均衡。廚師先煎香蔥花和蒜片後，再用和牛片卷起，口感非常特別。食到呢度其實我已經有七八成飽。跟著廚師開始煮和牛炒飯。望住每粒飯係鐵板上彈下彈下，加上青蔥、雞蛋、和牛粒、紅椒等配料，再用上珍珠米炒，賣相一流。炒飯好香口，而且飯粒分明，鹹度適中，唔覺唔覺就食晒成碗話就食緊炒飯果陣侍應突然送上龍蝦頭湯，原來佢地將頭先隻龍蝦頭餚湯，物盡其用將咁大個龍蝦頭餚成一碗咁細既湯，可想而知碗湯會有幾鮮味~最後廚師私人整左塊好好食既焦糖烘麵包俾我地試，餐牌冇既。唔好睇少塊麵包好似好普通，但係要整到脆卜卜又唔燶，其實係一件好花心機既事。由我地食炒飯廚師開始烘，到我地食完差唔多要十幾分鐘先烘好。最後最後食埋餐牌上既雪糕甜品結尾，非常滿足值得一讚既係廚師同侍應既服務態度非常好，真係俾到食客一種被專人服侍既感覺下次會約屋企人再encore！…查看更多

難得可以放下兩隻小魔怪同老婆去撐枱腳，食返餐好嘢！觀塘呢間板神鐵板燒，真係唔試唔知咁抵食，鐵板燒竟然可以低至四、五百蚊有交易？仲有鮑魚送？不過應承老婆食好嘢，所以我哋揀左個$2280的二人餐，享受一下！店內有幾間房，私隱度高，我們被安排坐進其中一間，師傅招呼緊同房的其他客人時，我哋先食個沙律，有個生菜、紅腰豆、紅蘿蔔絲等，加上醋汁都好開胃，另外仲有個前菜係兩塊青瓜加個魚醬，幾特別。跟住店員已經將我哋今晚嘅食材端上爐邊，睇落好新鮮，好正啊！個餐本身可以揀龍蝦或者鮑魚，我哋揀咗前者，隻龍蝦係我地面前仲郁郁下啲觸鬚，真係新鮮活龍蝦呢！師傅將龍蝦放上鐵板燒熟，看着牠由綠色變橙色，師傅再以純熟的手勢起肉，然後把龍蝦殼拿去煲湯，而龍蝦膏都不會浪費，加小小汁煮完連龍蝦肉一起吃，肉質彈牙，啲膏好香好味，非常欣賞。接下來就是銀雪魚，魚皮煎得香脆，魚油夠香，肉質細嫩，令人齒頰留香。第三個重頭戲就是鵝肝，非常大塊，香氣十足，咬落仍然有肉汁成功鎖住，配以麵包減少油膩感，相當出色。然後就有A5日本宮崎和牛薄燒，師傅把薄切和牛兩面快速烘熟，同時炒乾蒜片和蔥花，最後用和牛把蒜片蔥花包好並用麵包上碟，食落相當香口，但略嫌蒜蓋過了牛味，和牛相當腍，一咬即開。按照餐牌，下一道菜應該是炒時令野菜，但卻見師傅已經在炒飯了，細問店員才知道原來野菜就是剛才跟龍蝦和銀鱈魚一起上碟了，又係喎！炒飯ready的同時，店員也從廚房拿出兩碗龍蝦湯來，每款還有半邊龍蝦頭呢，估不到還有很多肉可以吃，龍蝦湯都幾鮮味！至於和牛炒飯就用上和牛粒，加上蔥花、蘿蔔粒、蛋絲等一起吵，賣相吸引，而且份量相當夠，味道都很不錯！一餐豐富嘅晚餐當然要有甜品來作個圓滿的結束，師傅把麵包放在鐵板上，麵包原來還烘有「板神」二字呢！加糖慢燒變又脆又甜的多士！配上雪糕實在太好味了！在雪糕嘅器皿更是雪凍的，以免雪糕快速溶掉，可謂見微知著，加上店員不時自動加熱茶，連洗手間裏面嘅設備都好充足，漱口水都有啊！服務實在值得加分！…查看更多

和老公補祝情人節，專程嚟觀塘呢間板神食鐵板燒，鋪頭位置近海邊，由地鐵站行過嚟幾分鐘時間。一入去先招呼我哋喺壽司吧度坐低，然後比Menu我哋揀，鐵板燒同廚師發板都有幾個選擇，低至$880 /二人起，難得可以兩口子出來慶祝，決定食個好少少嘅，點了鐵板二人前$2200 /二人（另加一）。跟住店員就帶我地入房坐，鐵板前面有大概八個位，已經有兩位客人用膳中，我哋就乖乖坐好等食啦。先食前菜沙律，一邊食一邊睇師傅表演，佢先將我哋點嘅龍蝦放上鐵板燒，雖然見着一隻生嘅龍蝦被燒熟是帶點殘忍的。師傅幾下手腳已經可以起肉，龍蝦殼就攞入廚房熬湯。龍蝦膏加上用龍蝦頭熬出嚟嘅汁一齊炒，最後連買龍蝦肉同蔬菜一起品嚐，鮮甜無比，肉質爽嫩彈牙，可以選擇點岩鹽和黑椒，但原汁原味也很好吃。第二道菜是銀鱈魚，分量有差不多一隻手掌的大小，魚皮煎得香脆，魚肉滑嫩，魚油甘香，非常可口。第三道菜是鵝肝，厚切之餘仲要相當大件，師傅將佢慢慢咁煎熟，同時烘一塊麵包墊住索油，每人可以有兩件鵝肝多士，香噴噴，口感一流。第四道菜是A5日本宮崎和牛薄燒，好大張「被」呀！在鐵板上快速燒好，師傅加上大量乾蒜和蔥花，用牛肉卷着然後放上麵包上給我們，由於我唔鍾意蒜和蔥嘅味道， 所以我食嘅時候其實撥開晒，和牛肉質嫩滑，牛味十足，好味。:)第五道菜是和牛炒飯，用上蛋、和牛粒、蔥花、洋蔥和紅蘿蔔粒等一起炒飯，一大碗夠晒飽肚，味道也不錯。呢個時候店員就端上了兩碗湯，差點兒忘記這個龍蝦殼熬的湯，味道濃郁有點似麵豉湯，而龍蝦頭還有很多龍蝦肉，於是我花了很多時間去慢慢吃呢！最後就是甜品，師傅用麵包加上砂糖，再燒成焦糖多士，另外加上兩球雪糕！冷與熱的混合感覺，太正了！店員仲比我地每人揀兩款味，所以我和老公夾埋可以試哂紅豆、咖啡、芋頭、牛奶四個味道，全部都好味，我就比較喜歡紅豆和咖啡兩個味！師傅話唔夠麵包可以加添不過已經好飽了。要讚一讚呢度嘅服務，店員好細心，經常為你加茶，甚至見你杯茶凍哂，直接換過一杯新嘅熱茶俾你，又有熱毛巾遞上，很窩心呢！…查看更多

受疫情影響 都好耐無同朋友出街食飯今日就約埋好姊妹去食好野 調劑下板神離地鐵站大概十分鐘路程 揸車嘅都可以泊附近啲街嘅交通嚟講算幾方便有唔同嘅餐選擇 鐵板刺身或者兩樣都有都得價錢每人由$580-$1140都有 豐儉由人筆者今次同朋友就揀咗$2280兩人用嘅鐵板燒套餐✨前菜&沙律前菜係3款漬物 酸酸地幾開胃沙律個醬汁係醋再加咗啲芥末 幾清新開胃筆者最鍾意佢有紅腰豆haha食完前菜就入正題喇喺開始燒之前 師傅會俾你睇下啲材料先嘅真係見到都流晒口水喇✨活龍蝦龍蝦肉鮮甜爽口彈牙 燒到剛熟就即刻上枱再加埋用蝦膏整嘅汁好夾好好味✨銀鱈魚魚肉嫩滑 魚皮燒到卜卜脆加埋個燒汁一流阿✨鵝肝鵝肝嚟講呢就唔駛點多講都係熟悉嘅鵝肝味 充滿油香嘅✨A5日本宮崎和牛薄燒啲牛嘅油脂好靚 未燒已經好期待啦燒之前師傅會問個牛肉熟度嘅筆者呢個係三成熟牛肉中間夾住蒜片同蔥 減輕肥膩感之餘又唔會蓋到牛肉嘅油香味同肉味 好食😋✨和牛炒飯和牛量都唔少 睇住師傅即場炒然後炒到粒粒分明 都真係一種享受✨龍蝦麵豉湯濃郁嘅麵豉湯再加埋淡淡嘅蝦膏味令到普通嘅麵豉湯帶點不一樣✨日式甜點焦糖多士 - 又甜又脆卜卜嘅多士大概都無人抗拒到㗎喇綠茶蕨餅同紅豆和菓子唔算好甜 煙煙韌韌咁都唔錯除咗呢個甜品之外都仲有杯雪糕嘅整體嚟講 板神環境服務同野食都幾高質推薦大家想食好啲嗰陣可以嚟試下😉不過提提大家 筆者閒日去都幾多日嘅唔想等嘅記住book定位喇…查看更多

再次來到觀塘覓食 朋友說有家不錯的鐵板燒他帶了我去這家餐廳用膳 享受一下日本料理來到餐廳 店員為我們安排入座 我感到有點凍貼心店員為我送上暖水 再安排另一位置給我們環境挻日式風格 坐在吧枱位置挻賞心悅目呢又可以看到廚師做菜 又可以即時食到剛做好的🌟前菜:時令沙律 先來食個健康食物打打底隔油份吧🌟活龍蝦:店員說用了新鮮屠宰的活龍蝦以保持品質🤤🤤另外龍蝦的蝦膏會用在烹調龍蝦肉的時候配上秋葵來食增加咬感挻不錯耶 很滿足🌟銀鱈魚:銀鱈魚我食得多 但用鐵板整的就第一次食了外皮煎到脆卜卜 肉質不會太韌挻香口🙈🙈🌟A5日本宮崎和牛薄燒:薄燒捲着了蔥和炸蒜 宮崎和牛煮完食落好腍身而且是入口即溶🤤🤤 沒有油膩感 牛香味挻重🌟和牛炒飯:和牛做飯不是常吃 但飯式不會硬身 粒粒分明挻不錯的口感 因為我很怕食油膩的炒飯🤔這個挻好的味道 可以再來一碗也可以haha🌟湯:店員說用了龍蝦殼來做這個麵豉湯 感覺很鮮味而且很暖胃耶 這個天氣最合適來一碗熱湯💕店員的服務真好中途還會幫我們換上熱茶🍵很細心耶 照顧到客人所需 挻不錯的服務態度…查看更多

平時喺觀塘返工，竟然唔知道駿業街嗰度有間隱世日本鐵板燒餐廳！平時booking好full，喺今個星期五終於訂到枱試試🤓 叫左份活龍蝦嘅一人前套餐✨ 🌟時令沙律🥗 仲忍唔住叫左份刺身拼盤😆 🌟刺身 (拖羅，尾長鯛，帶子，鯖魚)拖羅入口即溶，未試過咁正嘅拖羅 🌟膏炒龍蝦肉🍤食材都係即劏，用翻龍蝦本身嘅膏去炒，難怪肉質可以又實又鮮😆 🌟香煎銀鱈魚同樣肉質好實，但令我意想不到嘅係銀鱈魚竟然有好豐富嘅魚油，師傅更加將魚皮分開煎得好脆🧐 魚柳食落外脆內軟，口腔充滿魚油但完全冇油膩感！師傅烹調手法同食材嘅新鮮真係好出色👍🏻✨ 🌟日本A5宮崎和牛薄燒🥓和牛牛味香而不騷🤤因為本身脂肪較多，烹調後肉質比較淋身，配搭香蔥同炸蒜，真係絕配。(餐廳仲好細心，會用麵包吸走多餘油份) 🌟和牛炒飯飯粒炒得粒粒分明，炒嘅時候仲會見到飯粒係鐵板上跳彈😆雖然師傅落左醬油，但味道岩岩好，色香味俱全 🌟龍蝦殼煮味噌湯龍蝦殼會用黎煮味噌湯，食材每部分都唔會浪費！ 我地可以邊食嘢邊欣賞師傅烹調過程，店員亦好有耐性咁同我解釋食材來源。多得佢，我就黎變成一個專業食家😎 總括而言，裝修地道，食材超新鮮，完全冇油煙味，俾我感覺我置身於日本👍🏻✨未試過咁好嘅鐵板燒料理🍽…查看更多

估唔到係工廈區都有高質日本料理☺️而且環境都幾似去左日本咁服務態度不錯 員工會詳細講解食材嘅來源！➖➖➖1️⃣A5日本宮崎和牛薄燒(2卷)入味卷住蔥同炸蒜牛香味重、煮得夠腍身同入味 入口即溶但唔會好膩➖➖➖2️⃣刺身拼盆拖羅肉質肥美、鮮嫩 仲有尾長鯛、活帶子+ 紫菜蓉 、鯖魚夠新鮮、鮮味十足➖➖➖3️⃣麵豉湯用左龍蝦殻而蝦膏就會係烹調龍蝦嗰陣用仍然有龍蝦嘅鮮味 唔會過咸 味道剛好➖➖➖4️⃣和牛炒飯粒粒分明 蛋同蔥都證明到師傅刀法👍🏻👍🏻👍🏻🌟➖➖➖分數:9/10 ➖➖➖📍板神鐵板燒日本料理…查看更多

今晚去觀塘吃晚飯，想不到觀塘變天後，不少新住宅落成後，有這麼高檔的餐廳進駐。餐廳門口感覺很莊嚴，餐廳環境寧靜，選擇很多，可以吃壽司或鐵板燒，也提供不少套餐，我點了一份鐵板一人前。⭐️時令沙律首先是一小碟沙律菜，入口清爽新鮮。⭐️活龍蝦龍蝦肉已經一早煮好剝殼，啖啖肉，配搭龍蝦汁，好惹味。⭐️銀鱈魚兩塊銀鱈魚幾厚身，吃起來有魚的鮮味。⭐️A5日本宮崎和牛薄燒和牛我最愛，可以配鹽，但我覺得本身味道已經好夠。和牛薄燒肉汁豐沛，包著香蔥，香蔥好香，加上蒜片和麵包片，好飽。⭐️和牛炒飯炒得好香，細細碗，其實很多，不過和牛切得太細，其實不是很吃得出和牛的味道。⭐️湯龍蝦湯入口香淡，龍蝦味道突出，味道很好。⭐️甜品吃完甜品就完美，和菓子很精緻，很可愛。想不到還有雲尼拿雪糕，哈哈！…查看更多

個人認為，觀塘的餐廳雖多，但類型比較單一，跟主要做工商廈生意有關。見觀塘竟然有日式鐵板燒餐廳，立即要來試試。餐廳離地鐵站約10-15分鐘的路程，門面裝潢典雅，經過玄關進入餐廳，裡面有幾個用餐區域，坐在板前用餐，欣賞廚師的手藝。有幾種餐牌，可以單點菜式，也可以點廚師發板鐵板餐或壽司廚師發板。⭐️鐵板一人前$880不過我們坐的位置只看到壽司師傅的手藝，鐵板燒的過程我們是看不到的。▫️時令沙律有車厘茄和沙律菜，吃起來清爽開胃。之後端上一碟漬物，有青瓜、白蘿蔔等。▫️活龍蝦龍蝦肉飽滿，口感偏軟腍些，全靠龍蝦汁調味，要不然味道會淡一點。▫️銀雪魚銀雪魚很好吃，整整厚厚一片，雪白的魚肉入口香軟，吃得出魚的鮮甜。▫️A5日本宮崎和牛薄燒薄薄的牛肉包捲著青蔥和蒜片，牛肉的味道都給香蔥和蒜片搶去，有點美中不足，加上一片烤麵包，把牛汁也吃進去。▫️和牛炒飯這碗飯我頗喜歡，飯粒比較濕潤，我喜歡比較濕潤的炒飯。加入蔥粒、牛肉粒調味，味道惹味。▫️湯龍蝦湯入口香淡，暖一暖肚。▫️甜品甜品是日本年糕和菓子，日本年糕吃起來比蕨餅更韌一點，紮實一點。還有芝麻雪糕，結束這頓飯。…查看更多

好耐冇食過鐵板燒，估唔到原來觀塘呢個位有鐵板燒食！😆首先就係時令沙律，沙律菜都非常新鮮，加埋酸酸甜甜嘅醬汁好開胃🌟跟住就梗係到主菜龍蝦出場，龍蝦嘅膏會用返嚟作烹調龍蝦之用，而龍蝦殼亦都會保留用嚟煲湯，一啲都唔浪費，龍蝦肉鮮味彈牙！🍤🍤🌟跟住就到銀鱈魚，我食魚嘅時候好怕食皮，但師傅悉心地將魚皮煎到香脆，冇咗嗰陣魚腥味，咁樣食真係幾特別🌟之後就到A5宮崎和牛薄燒，首先係將蔥炒香左，再用和牛片包住嚟食，加埋炸蒜真係好香，牛味好香但又唔會覺得油膩，因為底下有塊麵包給左多餘嘅油份🙈🌟跟住就係和牛炒飯，飯粒炒到金黃色，粒粒分明，唔會黐埋一舊舊。蛋花同蔥都切得好平均好幼細，師傅嘅刀工真係好犀利！係食嘅時候店員都會好詳細解釋每一道菜嘅製作，令大家更加清楚自己食緊啲乜，服務周到，真係唔錯！👍🏻👍🏻👍🏻…查看更多

鐵板燒定omakase❓兩樣我都like❗️👍🏻竟然俾我發現到觀塘有好正嘅日本料理呀地方比較隱蔽 私隱度好高 鋪頭唔算好大 有兩間房適合一大班朋友開party食好野😝當晚我同朋友去 見到兩間房都俾人包晒 好生意👍🏻因為鐵板燒同omakase 都想食呀 所以每人嗌左一個套餐🧡 神 $1280/ppl先分享omakase套餐先 師傅見我哋係兩個人share所以都幫我地分左一半 非常好啊👏🏻沙律 蟹肉蟹子沙律配上柚子汁 酸酸甜甜開開胃刺身六款 有天使蝦、帶子、左口魚、鯖魚、鰹魚、池魚- 左口魚嘅食法好特別 整到一卷卷裏面包着梅子醬 味道清新- 池魚加左薑蒜 再配蓮芋 口感特別- 鰹魚 輕輕燒過個面 再配多一片超薄嘅炸蒜片 有入口即溶嘅感覺海膽丼 用咗北海道嘅海膽 分量唔算多但係非常鮮甜👍🏻壽司五件 石雕魚、牡丹蝦、間八、赤身、拖羅- 牡丹蝦加上特製蝦粉 將鮮味昇華- 拖羅 肥味無筋 入口即溶呀手卷 蔥花拖羅蓉手卷師傅問我哋想食咩手卷 諗唔到所以都係等返師傅發板😂師傅為我地炮製左蔥花拖羅蓉手卷果然無推介錯 好味道呀😍🧡 鐵板一人前 $880/ppl鐵板燒嘅部份又係勁豐富嘅活龍蝦 肉質爽口味道鮮甜 加埋用龍蝦膏炮製嘅膏醬 係滿足嘅味道呀！銀雪魚 肉質嫩滑 正A5日本宮崎和牛薄燒 呢個實在太正啦牛肉味道濃郁 再加埋炸過嘅蒜頭同埋蔥 味道層次更加豐富 好想再食多啲🙈和牛炒飯 炒飯粒粒分明 仲有和牛粒 油份滋潤左成個炒飯最後仲食咗雪糕做甜品呢餐無論鐵板燒定係師傅發板同樣出色 值得推介呀👍🏻🍽 板神鐵板燒日本料理🔎 觀塘駿業街43號地下…查看更多

從前觀塘區給人的印象是一個舊工業區，但隨著不少新式的商業大廈落成後，隨之而來的有不少高級食肆進駐。這間日式餐廳，相信是區內罕的日式鉄板燒餐廳。店外簡約的和風木系風格，再經一條簡潔的走廊步入餐廳內，先看見一個精緻的吧檯，然後就會看見三個的用餐區，每個用餐區可以坐八人，當關上敞門後，就成為一間私隱度極高的區域，最適合一大顆人一起輕鬆用餐。鉄板一人前 （$500/Lunch)時令沙律/前菜👍👍👍👍用了時令的沙律菜、粟米和車厘茄，這個時令沙律正好為之後的鉄板燒作餐前的準備。鮮嫩的蟹肉和卜卜脆的蟹籽配海帶，佐以開胃的醋汁，成為一個健康又清新的前菜。刺身三點👍👍👍👍👍刺身三款包括北海道帶子、油甘魚和吞拿魚赤身，味道由淡至濃，厚切的赤身口感實在。車海老👍👍👍👍👍Jumbo sized 的大海蝦，肉質肥厚結實，口感彈滑爽脆，蝦味濃郁。放在鉄板上煎至粉橙色，香氣四溢，蝦頭的蝦膏最為豐腴，絶對不能錯過。南非鮑魚👍👍👍👍👍鮮活的南非鮑魚，鮑魚昧濃，厚肉爽身，無論口感或味道皆十足，切片後的鮑片只需點一些粉紅岩鹽，已經能夠突顯其新鮮的味道。美國特級牛柳👍👍👍👍👍這是厚切的美國特級牛柳配香蒜片，師傅先會問客人想吃幾成熟，我們要五成熟。看見牛柳煎至肉心嫩紅，入口 juicy 又嫩滑，配合香脆的蒜片更添美味。和牛炒飯👍👍👍👍👍用了免治和牛粒炒飯，配以香蔥、洋蔥粒，飯粒在鉄板上炒至粒粒分明，加上雞蛋包裹著每粒飯，真是色香味俱全的一碗炒飯。吸物👍👍👍👍👍這碗是梅清湯，湯內有一粒梅子、一片紫蘇葉和大蔥絲。打開碗蓋，濃濃的紫蘇香氣已撲鼻而來，隨之而來是淡淡的梅香，味道很清香，亦可以解膩。甜品👍👍👍👍甜品是綠茶雪糕，與日式料理最夾。焦糖多士👍👍👍👍👍師傅最後還特別為我們泡製一份焦糖多士，見到師傅在多士上撒上黃糖，然後把多士煎至金黃香脆，帶點邪惡的多士令我吃完一口接一口。咖啡👍👍👍👍吃罷整個鉄板套餐，來一杯香濃的熱咖啡作一個完美的總結。門面內在環境餐牌…查看更多

在觀塘附近工作或居住的朋友，你們有口福了！在觀塘工業區內新開了一間鉄板燒的餐廳，那麼就不用長途拔涉出去搵食了。餐廳裝修十分講究，從外觀至內面的環境，都令人覺得置身在日本。今天在中午來到，看見門外餐牌有壽司定食，和食定食，鉄板燒定食，鉄板一人前等等，價錢由$200 至 $500，各款定食均包括主食、沙律、前菜、湯、咖啡。鉄板一人前 $500/午市套餐 前菜前菜是海帶、蟹肉和蟹子，酸酸地的醬汁很開胃，很清爽，味道很配合。時令沙律沙律的材料主要是什菜，粟米，紅蘿蔔，蕃茄仔，各款蔬菜也很新鮮。刺身三點三款刺身有帶子，油甘魚和赤身，刺身很新鮮，厚切亦增加口感，擺盤也很美觀。車海老大大隻的車海老，起碼有八至九吋長，蝦肉切成三小段，肉質超爽，蝦頭超多蝦膏，真係食到舔舔脷。南非鮑魚隻鮑魚超級新鮮，放在鉄板上，還看見牠在郁，証明是十分新鮮。鮑魚味道鮮甜又不靭，切成薄片更方便一啖一片。肉眼薄燒薄切的牛肉在鉄板輕輕焦香，包著葱花和香蒜，然後放在多士上索去多餘的油份，肉眼片夾著煎香的葱蒜，香味更突出。和牛炒飯這個炒飯用了日本和牛粒一起炒就更加增添貴氣，味道就當然更美味啦！湯這個是梅清湯，第一次飲梅湯，有少少鹹酸的味道，另外湯內有一塊紫蘇葉，令香氣很強烈。甜品甜品是雪糕，這個是芝麻味，每啖都可以吃到芝麻的口感。咖啡最後還有一杯咖啡作完結，豐富的鉄板套餐真是一個大滿足。…查看更多