麻辣派對 (金百利廣場)

餐廳嘅裝修好似卡拉OK咁，黑得嚟隱約見到啲花花嘅裝飾，真係有”麻辣派對”嘅氣氛！➡️ 水煮剝皮魚 ($294)麻辣湯底非常豐富，成碗野都係辣椒，食落好開胃好好味。雖然剝皮魚冇骨同幾有魚味，但係個質感同平時食開嘅水煮魚有少少唔同，但下次應該會叫貴少少嘅桂花魚。➡️ 口水雞 ($68)份量適中，雞肉好嫩滑無比，個人認為可以再辣啲。➡️ 凍蜜語水果茶 ($38)幾大杯，飲落好清甜，解辣一流！最後竟然仲有甜品送，係桂花冰粉，細細地，而且好清甜，唔錯。麻辣派對地址📍: 銅鑼灣記利佐治街1號金百利廣場4樓R1號舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️…查看更多

上次食過尖沙咀麻辣派對覺得性價比幾高，今次又黎左銅鑼灣食下  黄燜豬手鍋 今次見到豬手鍋好似幾吸引就試下，點知佢整得仲好食過水煮魚 ＄168有好大鍋，好多件豬手，性價比已經值得一讚先 個湯底好濃郁，因為驚辣，所以叫左 bb辣，所以味道偏甜少少，好啱我口味，其實呢個鍋送飯都真係幾唔錯 豬手處理得都好好，平時出面食好驚見到成隻都係毛，但呢個食咁多隻都係得少量係見到有少許毛，算係幾唔錯 再講佢煲得好夠淋同入味，咬落去啖啖膠原蛋白☺️女人真係要食黎補充下  川香豬軟骨酸辣水晶粉 呢個其實上次都有叫，但冇配豬軟骨，今次配埋又層次升華左＄48係銅鑼灣都食到咁大一碗麵，我都真係佩服，豬軟骨都比得唔手軟，大大件，三四舊，啖啖肉，唔會柴👍🏻除左豬軟骨仲有肉燥，肉燥係調左味，配埋水晶粉食好正，水晶粉都做得好煙煙靭靭又入味，如果係呢頭翻工，放lunch叫個黎食都幾好☺️  口水雞 呢個我都好中意，但性價比就同上面兩個淨少少，佢係好食但份量唔係好多 雞肉真係好嫩滑，因為口水雞係川菜，佢口味都真係偏重同辣少少，調味加左芝麻香蔥，十分惹味  奶茶 呢個黎到有少少嚇親，勁大個杯，仲有做到d層次,有d意料之外，佢口味係有少少似泰式奶茶既味道，偏甜一點又係啱哂我口味😊  甜品 我幾中意呢度會送甜品比我地食，今次係桂花冰粉，本身以為係桂花糕，但食落口感好彈牙，好得意，又幾好食，細細份用黎清清喉嚨都唔錯👍🏻  食咁多野都係人均166，我會話呢間餐廳都係性價比取勝質量都好高，環境又好特別好令，總結黎講會再Encore 🖐 …查看更多

第一次泥試食里間麻辣野，想係銅鑼灣食辣野就一眼見到個大招牌一入門口已經聞到香嘖嘖麻辣鍋味待應非常溫柔體貼嘩餐廳佈置好有氣氛🌹高級品味每道菜仲有得揀辣程度同走辣都得🙂唔食辣既朋友都唔洗怕😁點左新出豬手、口水雞同 薯粉最基本薯粉質感幼細嫩滑而且唔油有料到～出面食開都覺得好肥好油豬手（BB辣）建議叫小辣😂味道唔錯意想不到好大份🖐🏽配料都好味口水雞肉質嫩滑 都係個句 叫小辣味覺享受😘大辣就係剌激五官環境味道都可以比到你價錢物超所值 多人泥食就可以叫多d款奶茶好大杯好飲…查看更多

又黎啦，依家差唔多兩星期就黎食一次 因為真係好好食，每次同我黎食既朋友，都會再返黎食。今次試左新野! 口水雞!# 雲南酸菜米線 # ***** * 6/10唔算得別好食，酸菜唔係爽口脆嗰一種，而米線亦唔夠煙un，唔夠口感，但係叫左BB辣佢真係無乜辣，係好事 (因為其他食物叫左小辣)。花生夠脆係可取之處。# 水晶粉 # ***** * 6/10個湯底同個雲南酸菜米線既差不多，無乜太大分別，水晶粉即係紅薯粉，都係唔夠煙un，煮得可能太熟。無甚特別。# 口水雞 # ***** *** 7/10口水雞好嫩滑，係雞肶位，好香，小辣其實唔太辣，好味。如果口水雞上面加啲炸花生仲正。下次都係會嗌返我地最鍾意既鴨舌同埋生腸! 話唔定過兩星期又黎食啦!…查看更多

位置銅鑼灣sogo對面 金百利 4樓金百利出名多野食 經朋友介紹4樓有間食辣野 相當唔錯既鋪頭決定午餐去試一試佢一入去 風格較特別 四周環境較黑暗每枱有一枝大射燈 光線都足夠食物款式都幾多 水煮、粉麵、干鍋、小食、午餐仲有套餐 較抵食有餐飲 仲有甜品送今次叫既系：口水雞、回鍋肉炒椰菜、酸辣水晶粉 中辣辣度比出面餐廳較辣兩味餸 味道都好唔錯 好重口味個人都幾喜歡意外地 原來仲有甜品送是日甜品 紅豆沙 少甜 自家煲員工禮貌都幾好 值得一讚…查看更多

我一向比較少去食辣野的，但今次聽了朋友的推介去了銅鑼灣站上面一間叫做麻辣派對既食肆試一下食辣野既滋味，令我對辣既觀感有所不同了。去到打開了餐牌，正如剛才所說，佢是主打辣野為主，所以就叫了個水煮魚同口水雞了!酸菜江團魚配以水晶粉送到上枱時我比佢嚇一嚇，有全圍份量咁大，個碗直徑目測超過一尺。味道方面酸酸辣辣的，水晶粉很入味，魚很大份很多肉，同埋非常新鮮同鮮味。怕辣既人相信都會一樣咁鍾意食的。口水雞配以白飯口水雞辣辣地加少少香口，食得出有口感有雞味，用來送飯亦一流，份量亦不少，比左一隻肶加一隻翼我地，推介!凍檸茶/凍檸樂大大杯野飲同來解辣就最啱了，檸樂用左原罐可樂加大大杯冰底，至cool之選!最後仲有甜品送tim,加分!等我下次帶多啲人來試多幾款野先!…查看更多

年多前來過，剛巧今晚朋友想食辣刺激刺激，於是亳不猶疑帶她來試試這間型格川菜！餐廳以卡座為主，以小屏風作隔間，私人空間感頓增。朋友非常喜愛這裏的環境，場內燈光昏暗，浪漫有情調， 牆邊掛滿壁畫及一些精緻擺設，不知道還以為是西餐廳呢 !先order一杯啤酒預備解解辣。必食這裏的招牌菜水煮魚，有四種口味任君選擇，而魚的種類也有三款，我們選了"麻辣味桂花魚"$288。水煮魚是舖滿紅彤彤的紅辣椒， 感覺刺激 , 配上精美瓷盆，更具特色。 紅紅的辣椒辣味十足, 桂花魚魚肉嫩滑，鮮味無比！底層是滑口薯粉及大豆牙菜，份量也不少呢！惹味小食"口水雞" $68 ~ 雞肉嫩滑無比，辣味適中，令人難以抗拒， 不宵一刻，已給我們吃過清光。黑醋秋葵 $48 ~ 辣辣爽口的秋葵，風味獨特，令人回味！麻婆豆腐$63 ~ 充滿傳統四川風味，豆腐香滑，但出奇地不是太辣，可能味蕾已習慣了辣味吧！水準可以保持一樣咁高實在難得，加上服務細心殷勤，值得一讚！…查看更多

今晚帶家人到銅鑼灣 ”麻辣派對”這餐廳佈滿了花花，七彩繽紛、浪漫氣氛，但四處飄來不是花香，而麻辣香氣。水煮魚（桂花魚）麻辣水煮桂花魚＂，桂花魚鮮香味又有質感，還保留一塊一塊的，咁先至係水煮魚，麻辣湯底配料有豐富材料，大豆牙菜、木薯粉、香蔥...等精華。口水雞 （小辣）口水雞 (細) ，但份量一點也不少，雞肉滑不留口，雞皮爽口惹味。下次可以挑戰中辣！😅乾煸四季豆炒四季豆夠曬鍋氣，尤其是配料肉粒，香辣味道超爽！正川味麻婆豆腐好戲在後頭，每次必吃的麻婆豆腐，以飯送食，天作之合， 一吃就是二大碗飯！👍🏻豆腐軟滑，川味香濃。最愛中的最愛當然不少得的 啤酒🍻辣味食品，最佳朋友，必定是冰凍啤酒。…查看更多

今日7個人黎到呢間麻辣派對，開個迷你派對🎉 重點係我地7個都唔算係好食得辣嘅人，仲要有一個朋友係一丁點辣都唔食得嘅！咁點算好？黎呢間麻辣派對可以食到咩？🤔🤔呢個大家就有所不知啦 呢間野好嘅地方係所有野都可以選不辣 而辣就有唔同辣度選擇 例如 BB 辣，小辣，中辣等等。。。。所以無辣不歡嘅人黎得，有辣不歡嘅人都黎得！不錯不錯睇睇店內環境，好有係深圳食探* 果d餐廳嘅感覺d 燈光呀 設計都幾似table setting 就係咁簡簡單單呢幾杯係水果茶 我地仲叫咗幾杯檸檬C.... !? （冇影）先講唔辣嘅 有2碟，就係炆豬手同埋津白牛腩呢2碟都係好好拌飯的！汁味道好好，而且牛腩超級「林」而豬手都好有果種骨膠原嘅感覺！但呢2個嘅汁味道較相似。到辣嘅菜啦！我地全部都叫小辣因為有朋友喉嚨痛而且我講過我地唔係好食得辣唔好睇佢咁多辣椒其實都唔算好辣 想讚嘅係佢個魚 勁滑又冇骨而且都算爽口 ！！口水雞正D雞夠哂嫩夠入味麻辣牛展，都係好「林」麻辣牛肚 夠爽口！總捨其實每一個麻辣菜都係差不多味道 就係有果種香料。。。拌飯的確一流！而且呢間價錢合理，味道都算正宗！超適合好麻辣嘅人黎食！推推推…查看更多

銅鑼灣收工，肚餓想食消夜，想簡簡單單食碗酸辣粉，同事建議去麻辣派對，好，就去食碗酸辣粉。點知，我錯了，點解裝修可以靚到甘誇張真的是派對，可以開派對。浪漫的燈光，鮮豔的花球，空間感十足的卡位，絕對唔係食碗酸辣粉甘簡單連個餐牌設計都甘靚，價錢呢？只是普通茶餐廳收費，仲想點？都係那句，打開餐牌樣樣都想食，但是胃只一個熱辣辣上菜，山城回鍋肉色，香，味俱全，甘有鑊氣，點可以唔送飯，快快叫了每人一碗靚仔（白飯）唔好以為川菜只可以食辣，餐廳非常貼心，由走辣，BB辣，小中大辣，任君選擇，我們所有菜式都叫了小辣，因為嚐辣味之餘，也可以食到食物本身的味道講返這個回鍋肉，好有水準，還有碎蛋一齊炒，小辣岩岩好，回鍋肉半肥瘦，好正本身好鍾意食秋葵，呢個涼菜好好味，蒜味加上黑醋味好夾，涼菜都可以送飯我最愛的口水雞，食川菜必點，這碟口水雞，雞肉嫩滑，花生脆口，好香好香，那個汁真係回味至極一定要叫碗酸辣粉，餐牌寫上這是最好食的水晶粉🤔反而我覺得一般，可能食完之前那幾樣重口味，這碗小辣酸辣粉變得平平冇奇，酸度不夠，湯底比較遜色，水晶粉是不錯，爽滑而不易斷。我們將水晶粉沾上口水雞汁再食好正啦（太重口味了我們🤦🏻‍♀️）店員見你食到差不多，就主動送上這個桂花糖水，食完重口味的東西，再食清涼的桂花糖水不錯👌貼心整體來說好正，平靚正，要介紹多點朋友黎食☺️…查看更多

川菜的精妙之處，要愛吃辣之人才能夠明白。講起食川菜，今日特地來到銅鑼灣最近很有人氣的「麻辣派對」。位於金百利樓上的麻辣派對，單是吃飯時間等電梯上去已等了15分鐘，7點多到達餐廳已近乎全滿！最有特色的是餐廳用上很多彩色皺紙做點綴，燈光調得昏暗，用西餐廳感覺去食中國川菜，這種反差很有趣menu選擇眾多，用筆下單後交給侍應即可。口水雞是我每次食川菜必點，這個size是例牌，剛好夠兩個人份量。調味上夠麻夠辣，紅油比例剛好，又香又辣！雞肉尚算嫩滑沒有碎骨，送飯良伴！再來一個香辣炒田雞海蝦，盤子大得驚人，鋪滿一大盤辣椒，正合我意搜索下先試田雞，田雞腿嫩滑無比，肉質厚實，用上乾辣椒算是比較入門的辣度。開胃而不會辣得流眼淚。海蝦則大約有8大隻，每隻又大隻又新鮮！油泡後離殼問題並不嚴重。蝦肉好彈牙！好味最後點少得乾煸四季豆？四季豆炸過後外皮稍脆，但內𥚃仍保持水份！廚師果然有料到令人吃不停口的一道菜！最後侍應會送上每人一杯解辣的桂花蜜冰粉，桂花清甜，冰粉似啫喱，小小一杯讓我吃了3大杯！侍應們都很親切友善…查看更多

今日，我相約重慶來的朋友外出晚膳。為了迎合重慶朋友的口味，當然要吃麻辣! 由於我們下班都較晚，所以要到交通方便的地區晚膳。在港島“搵食”，一定要到銅鑼灣吧!正當我們在煩惱選什麼餐廳時，從銅鑼灣D3出口面向金百利商場抬頭一看，就看到了麻辣派對的招牌了，決定一試!餐廳裝潢雅麗，配上麻辣風味的食物，很創新。每枱也放了一瓶魔鬼辣椒粉，我和朋友讀到瓶上的忠告，沒膽量試，但感覺玩味十足。口水雞: 這一道菜是我每次吃麻辣必點的。秘製醬汁酸辣麻味都有，再加上濃濃的麻油味，很香。雞件啖啖肉，沒有多餘的皮下脂肪，肉質非常嫩滑。雞肉都吸收了醬汁，每一口都感嚐到酸辣麻，很醒胃。酸辣土豆絲: 這一道菜是眾多道菜中辣味最重的。土豆絲每條厚薄長短一致，師傅刀功可見一斑。口感爽脆。酸辣水晶粉: 這一道酸辣粉酸味較麻辣味重，是我很喜歡的酸中帶微甜陳醋味。水晶粉的烹調時間恰到好處， 質感沒有太硬，仍有水晶分應有的煙韌。大大碗的，足夠兩人使用。酸菜味型江團: 這一道酸菜魚是整晚的主角。酸度十足， 略帶微辣。盆中除了啖啖魚的鯰魚，還有大量芽菜、鹹酸菜、 蒟蒻 和水晶粉。很滋味。冰雪檸檬C飲: 這道飲品以檸檬、青檸和紅茶調製，味道酸酸甜甜，能解辣。桂花糕: 餐廳很貼心為每位食客送上一道甜品。這道糕點有淡淡的桂花香味，微甜，清新。很適合吃最麻辣後滋潤一下喉嚨。…查看更多

身為一個不能吃辣的人，我這天居然走進了分明是以辣為主打的「麻辣派對」晚膳，實在是詭異至極，就像店內牆上的這張海報。雖說有辣唔食、罪大惡極，但古語有云：「我不入地獄，誰入地獄」，人家說要吃辣，但我認為就算係一條底褲一張廁紙佢嘅作用，更何況只是在辣店吃不辣的食物如此簡單的事呢？麻辣派對來自香港以北的某強國，雖位於銅鑼灣金百利廣場上，但仍需轉乘寫字樓電梯才能到達，但大概是已略有名氣，裡面的食客眾多。所謂不辣不辣還須辣，為了擺脫工作苦悶，先叫了一客小辣的生腸開開胃。說到底也是一間有自己店鋪的食店，生腸的口感與街上買到的截然不同，爽滑得來十分易入口，微辣的口感令我胃口大增，成功為之後的美食作好準備。再來一道口水雞作為前菜。作為四川菜的招牌食品，這裡的口水雞讓人咬一口便覺得口水源源不絕地在口腔裡翻滾。菜式吃起來有點不算太重的麻辣口感，而且雞肉十分香嫩，色香味俱全，五星！接下來是今天的主菜 - 紅燒排骨小麵。這道還人誤會是台灣菜的麵食光看圖便知道其用料非常豐富，大半碟的花生、葱花鋪滿了特大容量的大碗裡頭，加上鮮嫩入口即溶的紅燒排骨，吃起來非常滋味。排骨的份量非常多，雖體積較小，但也十分好吃。看Openrice的食評，得知這餐廳的水果茶也是招牌推介。綜觀全場，大部分的食客也都點了這一大瓶水果茶。茶的確十分鮮甜，用賣相特別的長匙攪抖幾下，水果味更濃。加上沉殿在最底的多種水果，實在值得一試！最後還貼心地送了一小杯桂花糕，想必是為了讓吃辣的食客清新一下喉嚨，實在十分貼心！…查看更多