（圖：米芝蓮）

第三屆《米芝蓮指南新加坡2018》啱啱揭曉，一共有39間餐廳分別獲得一星或二星殊榮，三星餐廳今年從缺！名單整體驚喜唔大，有五間新餐廳突圍而出，首次得到一星，亦有去年一星嘅餐廳成功晉升為二星。
 

首屆及第二屆唯一得到三星肯定嘅Joël Robuchon已經結業，同時未有新餐廳得到三星，因此今年三星餐廳從缺。

新加坡星級餐廳 三星（料理非凡，值得專程用餐）：
-
 

五間二星餐廳當中，有四間係維持二星評價。主打日本時尚菜式，供應廚師發辦嘅Waku Ghin就由去年嘅一星躍升為二星。有趣嘅係2018年亞洲50最佳餐廳名單中，Waku Ghin嘅排名反而由20名微跌至23名，唔知係咪代表米芝蓮評審同亞洲50最佳餐廳評審意見唔同呢？

Waku Ghin（圖：餐廳官網）

新加坡星級餐廳 二星（廚藝高明，值得繞道就餐）：

一星餐廳新增至34間！五間新餐廳各有特色，江南春現任總廚林漢添師傅，之前主理嘅澳門帝影樓亦成功喺2017至2018年得到港澳米芝蓮嘅一星肯定，兩間餐廳都兼顧粵菜傳統及創新意念。鮨來村提供江戶前風格嘅廚師發辦日本料理，全部選用日本新鮮時令食材。Ma Cuisine係今年2月新開張嘅法國餐廳，主打法國經典菜式，具有豐富藏酒以供饕客共享美酒佳餚。

江南春（圖：餐廳官網）

鮨來村（圖：餐廳官網）

Ma Cuisine（圖：餐廳Facebook）

最後Burnt Ends同Nouri同樣屬於新加坡餐飲家盧立平旗下集團，亦一樣有半開放式廚房。前者主廚Dave Pynt獲頒2017年亞洲50最佳餐廳嘅「主廚推薦獎」，主打澳洲燒烤；後者主廚Ivan Brehm曾任職於The Fat Duck、Per Se等米芝蓮三星餐廳，供應特色創新菜，實力同樣不容忽視。

Burnt Ends（圖：餐廳官網）

Nouri（圖：餐廳Facebook）

新加坡星級餐廳 一星（同類中特別優秀的餐館）：