親試網購日本蟹舗 宅在家都食到松葉蟹宴
2016-11-28

等到頸都長先嚟到蟹季,點知太湖大閘蟹出事,唔食大閘蟹有咩另類選擇?小編最近就經一間日本網上蟹店的港版網站訂蟹,蟹種有北海道帝王蟹、北海道毛蟹、松葉蟹等選擇,今次小試牛刀訂咗個海鮮組合速遞上門,喺屋企un住腳就可以食到日式蟹宴!


左圖:官方圖片 右圖:實測


實測大比併

海鮮組合包括:原隻松葉蟹、紅松葉蟹肩腳肉、蟹肉兩包、蟹肉奶油可麗餅、北海道帶子刺身、超特大廣島蠔、北海道醬油漬三文魚子。

實測:由低溫宅急便送貨,大型紙盒包裝得好穩妥,收貨時也沒有融雪滴水的尷尬情況,所有海鮮可放入雪櫃冰格,食用前放保鮮格解涷,翌日就可以進食了。




左圖:官方Facebook圖片 右圖:實測


松葉蟹超鮮甜

網店資源頗豐富,有蟹源產地資料(如左上圖),松葉蟹在阿拉斯加捕獲上岸後就立即煮熟及急凍。解凍後,許多松葉蟹汁留在密封包裝內,拆開蟹蓋及煎開蟹腳時蟹汁頻頻流出,蟹汁超級鮮甜!



左圖:蟹蓋的蟹膏份量正常。 右圖:剪開蟹腹原來超多膏!


蟹腹爆膏啊

開餐第一步當然是品嚐邪惡的蟹膏吧,小小的蟹腹,切開後是滿滿的蟹膏,驚喜!蟹膏鮮味十足,個別位置的蟹膏水份含量偏高,估計是解凍過後所致。




左圖:蟹腳的肉質雪白,蟹肉絲絲分明,鹹味比蟹腹的重。
右圖:懶人恩物

紅松葉蟹肩腳肉預先經過「懶人化」處理,剪掉部份蟹殼,怕麻煩的蟹迷可以用蟹匙輕易吃到蟹肉,或者拿住蟹腳輕輕扭斷蟹殼就可以拉出蟹肉,這裡不得不讚日本人的細心。紅松葉蟹的肉比原隻松葉蟹厚,建議解凍的時間較長。



左圖:懶人食蟹最高境界,滿足!

右圖:蟹肉的味道偏鹹,肉質尚可。


之前我們另外安排了試食比會員,睇下佢地有咩意見:


小白可口兒:

打開盒子,就看到一頓豐盛的蟹宴,其中還有兩盒蟹肉,真使我喜出望外。我煮了個麵線,蟹肉鋪滿上面,變成蟹肉麵線,蟹肉鮮美,味道剛好。蟹凍後的帶子也很新鮮,沒雪味,加上芥末、醬油更美味。最美味是生蠔,肉厚帶點creamy,入口順滑,一口滿足。松葉蟹雖然不算大,也很容易拆開,肉質較結實和鮮甜。蟹餅其實不用翻熱2分鐘,因太淋軟了,但裏面蟹肉很多,值得一讚。但松葉蟹腳有點鹹鮮味,吃後要喝水。總的來說,味道佳,十分超值,感謝這次試食會。

Kevin Chan:

特意找天晚餐分便處理了蟹丼蟹肉餅海鮮豪華迷你組合 (七種),盒子很重手下,打開紙盒時已經覺得設計很精美,內裏還給了我驚喜,盒子細細竟然可以有咁多野食起入面~ 每件海鮮也獨立包裝而食物保持鮮度及品質可見一班,因為本人較喜歡食家常菜,所以打算用蒸的煮法盡量保持食物鮮味及質感~本人用了蒜蓉粉絲清蒸,只加了少許油鹽來調味,蒸出來的廣島蠔及沒太大收縮,單看已經感覺很香甜。蠔味香濃與蒜蓉香很配合,汁肉嫩滑,鮮甜美味,蠔身脆口,一個人一定可以食到十幾隻,正! 帶子也很配蒜香,size算中上,一共有九粒,汁肉香嫩,鮮甜嘅~松葉蟹完全沒有雪味,肉質好鮮甜,老實比去四、五星大酒店食buffet還要好,雖然蟹比較細隻,但份量已經求四人享用了~蟹蓋內還有豐富肉汁,很鮮啊!我就是喜歡點D醋食,特別鮮甜,而且醋還會使蟹的鮮味提升,無窮滋未,胃口也廣大了幾倍~紅松葉蟹肉質一般,份量頗多,肉汁比原隻松葉蟹差了些,鮮甜度也是,感覺一般,可能係先食左原隻先有了比較,一讚係開左殼方便進食~蟹肉奶油可樂餅外皮很脆口,外脆內軟,餅內滿滿蟹肉,鮮甜有咬口,好香奶油味,味道真的很配合,意外還有粟米及甘筍粒,感覺很平衡,多吃也不膩,真是可以encall再encall幾舊!總體來說,這個組合真的很好味,無論在包裝送貨(真空獨立包裝),直至到達客人手中也可保持食物新鮮的服務品質,比市面日式超市單在這點中食品質素已經高出幾班,勝價比高~


總結:海鮮的真空包裝,即使是解凍後密封內的蟹汁亦不會流出,小編認為原隻松葉蟹較出色,鮮味突出,紅松葉蟹肩腳肉則適合怕煩不愛拆蟹殼的人。這個組合共有7款海鮮美食,試食優惠價$398,論性價比相當高,買滿$700免費送貨,落單時要注意了。


更多資訊 請按此



關鍵字
帝王蟹
毛蟹
松葉蟹
帶子刺身
三文魚子
日本海鮮
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
米芝蓮一星拉麵登陸銅鑼灣 必試松露鮮味湯底(有片)
2017-05-18
【便利店尋寶】限量版蝦子杯麵試食報告
2017-05-19
端午糭動員 新潮口味逐隻數
2017-05-18
初夏清新之選 酒店芒果主題下午茶
2017-05-19
【優秀開飯熱店大賞 2017】至尊大獎衛冕者 突破傳統漢堡界限
2017-05-19
OpenRice Best Restaurant Awards 2017 - Prestigious Awards Winner Burgeroom Again!
2017-05-19
本月熱門
兩位台灣媽媽返嚟啦!吃什麼中環新店直擊(有片)
2018-08-25
8月份好評餐廳十強
2018-09-06
逐gram計錢! Meter主理日式鐵板熟成牛扒
2018-08-21
4cm厚班戟+招牌刨冰抵港!京都人氣甜品銅鑼灣店直擊(有片)
2018-09-12
日本人氣大阪燒登陸旺角!席前炮製足料大阪燒+廣島燒(有片)
2018-08-30