\r\n今次是突擊採訪，坐下連Menu都未打開侍應小姐就已送來一客四件的三文魚刺身，一問之下原來是逢星期一至五無論任何惠顧都會送，開心到雙眼凸一凸。然後看清楚Menu，驚喜竟又再出現……\r\n
\r\n先嚐「雜錦天婦羅」。薄薄一層脆脆天婦羅，炸得金黃香脆，該是新鮮即炸，有矮瓜、青椒、大蝦、薯餅等，咬落卜卜脆，口感一流。然後再食刺身拼盤，竟然……\r\n鮮味竟然與其他迴轉壽司店有過之而無不及，甚至可比美中級的日本料理。塊塊刺身都份量十足，絕不縮水，而且肉質鮮嫩，光澤晶瑩，尤其甘海老有彈性又不霉，八爪魚豐滿大舊，簡直回味無窮！\r\n
\r\n
\r\n碟蟹子沙律亦十分爽口，份量亦有多冇少，連頭盤都無偷工減料，可見「金川」的確貨真價實。\r\n然後再食日式炒類，今次選了炒麵，同樣大大碟，配料有燒雞柳、冬菇、椰菜、紅蘿蔔絲等，炒好後灑上紫菜碎及芝麻，上檯時已香噴噴，入口味道濃郁，再喝兩口麵豉湯，個肚已經飽到脹卜卜。\r\n
\r\n
\r\n飽一頓，執清檯面，最後侍應小姐再送上兩客綠茶雪糕，食完之後真係飽到唔郁得。成個份量不少，兩個人都未必食得清光，$188仲要冇加一，乎復何求？\r\n
\r\n嚴正聲明：今次絕對是小記扮食客突擊拍照，食物絕無刻意「執正」之嫌