甜甜der朱古力聖誕
2015-11-24
要過一個時weet時weet嘅聖誕節,唔使一定要有個情人嘅,有香滑嘅朱古力食一樣可以甜到入心,555555。

溶在心的甜 Häagen-Dazs

朱古力加雪糕一直都係一眾囡囡嘅至愛,Häagen-Dazs新出嘅幾款多層雪糕蛋糕,唔止溶在口,直情係溶埋佢哋……個心呀!「濃情酒意」仿懷舊古董紅酒盒嘅設計,喺面層灑上牛奶朱古力片,中層係比利時朱古力加酒漬紅莓同曲奇呍呢嗱雪糕,最底嗰層就係杏仁脆底,很想吃吧?

「愛情守護神」就係由黑朱古力脆皮包住黑朱古力杏仁雪糕,再加朱古力碎同焦糖杏仁,再再再配埋呍呢嗱雪糕同開心果脆底,聽到都覺得巧開心呀!仲有一款係白朱古力脆皮搭士多啤梨、比利時朱古力雪糕搭原味海綿蛋糕,極具口感。



留得住的甜 Crabtree & Evelyn

要過一個英式聖誕其實唔難,Crabtree & Evelyn 同往年一樣,都會推出一系列嘅英式牛油曲奇,傳統之中又帶有少少新鮮感。牛油味重就理所當然啦,之但係又點少得聖誕節最佳拍檔:朱古力呢?黑朱古力榛子曲奇同今年新味海鹽焦糖朱古力曲奇絕對係不二之選,視乎你想要少少甜定多多甜啦。個英式禮罐咁靚,送禮又得體,食完留嚟自用一樣咁正正子。


電話: 2264 4848

追得到的甜 Jean-Paul Hévin

聖誕節就是要追星吧?我指法國朱古力大師Jean-Paul Hévin製嘅聖誕限定法式杏仁餅星星呀!呢粒星星係用巴西嘅可可豆造㗎,加埋低糖嘅杏仁餅、混入埋咖啡同香料,嗯,甜得嚟又唔會太濃。仲有今年全新推出嘅聖誕夾心朱古力「電光火石」,同樣夾雜住甘甘der嘅咖啡同甜甜der朱古力,又甘又甜,係愛嘅味道呀!呢份愛,喺尖沙咀海港城特設嘅專賣店度就可以搵到喇,仲有其他多款口味嘅朱古力㗎。


電話:2735-3268

滿滿的都是甜 倚窗閣(九龍酒店)

朱古力點止甜品咁簡單?今年聖誕,朱古力將會喺九龍酒店倚窗閣老是常出現,連主菜都會食得到。「焦糖黑朱古力咖啡煎鴨肝」用上微苦嘅72% Valrhona黑朱古力配比利時鴨肝,口味同口感完美融合。另外,「朱古力燒烤醬慢煮極黑豬腩肉」就以各式蔬菜連同豬腩肉一齊慢煮,再加入栗子、百里香、意大利黑醋,同埋重點:黑朱古力,絕對係朱古力控必試之選!喺餐廳嘅自助餐桌上,同時都可以搵到其他甜品系,例如薑餅人呀、波板糖呀、手杖糖呀等等經典糖果元素喺各式嘅食物入面,實行成餐由頭甜到落尾。


電話:2734 3803

無孔不入的甜 尚廚(香港九龍東皇冠假日酒店)

一入香港九龍東皇冠假日酒店嘅酒店,就會見到一棵8呎高、以金、銀、白作主色調嘅巨型朱古力波波聖誕樹,每粒朱古力波波直徑有成5吋,總共有350粒呀。然後再入埋去尚廚餐廳食埋由法國CHOCOLATERIE DE L’OPÉRA、瑞士經典百年朱古力FREY、新加坡殿堂朱古力Aalst Chocolate三大朱古力品牌攜手合作製嘅朱古力系甜食:烤羊肉朱古力曲奇配百里香汁、Opera32%焦糖白朱古力慕斯蛋糕、Aalst 34%法式牛奶朱古力忌廉杯配香茅果凍、Frey72%純黑朱古力慕斯蛋糕配威廉梨,嗰份甜絕對係由外甜到入內再甜返到外呀,嗚呀!


電話:3983 0688

下午茶的甜 Woobar(W酒店)

邊個話聖誕大餐得夜晚先有得食?開飯仔話你聽,輕輕咁歎個下午茶都得!朱古力甜品嚟講,W酒店嘅Woobar有款「覆盆子棒」介紹返,廚師將朱古力筒同奧利奧脆餅,仲有覆盆子配埋一齊,再將個筒反轉再反轉,夠晒新鮮感。至於由朱古力慕斯、朱古力同埋朱古力珠組成嘅脆皮朱古力木頭蛋糕,一啖咬落去,嗯,好有朱古力味呀,仲係有幾種層次嗰隻~係吸引嘅。


電話:3717 2299

隨時接收最新資訊
讚好OpenRice專頁!

關鍵字
聖誕
朱古力
甜蜜
酒店
甜品
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
【開飯熱店入圍名單巡禮】盡享酒店的五星餐飲體驗
2017-03-08
好姊妹high tea之選 Benefit少女粉紅下午茶
2017-03-28
黃埔新酒店自助餐 必食即製分子雪糕
2017-05-11
初夏清新之選 酒店芒果主題下午茶
2017-05-19
【開飯熱店入圍名單巡禮】渡過美好的小食甜點時光
2017-02-27
香港春季限定士多啤梨甜品
2017-03-08
餐廳資料
更多
收起
本月熱門
【2019聖誕】早鳥優惠! 聖誕自助餐推介
2天前
【2019聖誕】年尾叉電 聖誕下午茶集合推介
2019-11-19
秋風起!5間大閘蟹放題食店集合
2019-11-19
【2019聖誕】約會之選 聖誕市集推介
5天前
【知‧味20年專訪】九龍塘美式意菜餐廳 經典菜式廿年不變 份量激多最啱分享
2019-11-25