\r\n《無知的羊扒》\r\n\r\n無知的羊扒, 還在慶幸自己擁有天生麗質, 嬌嫩欲滴的身段,坐在主家席的先生, 正一口一口的啃着 她的骨頭, 再一口一口的淺嚐紅酒, 露出頰意的笑容。\r\n\r\n\r\n
\r\n《例牌紅湯》\r\n\r\n前菜編\r\n\r\n言歸正傳, 田螺, 龍蝦沙律及生蠔都是魚與熊掌之選, 無奈生蠔早已沽清; 而KC 三小花又不在坐, 沉鬱的氣氛隨着 悶熱的空氣在空中跌宕, 幸好自把自為姑姑為紅酒博士美色所迷,開瓶費變成隻眼開隻眼閉, 唉!靚仔橫行! (KC......快D 番黎啦)\r\n\r\n
\r\nI just call to say I can't turn up.\r\n\r\n就在與會眾人的念力之下, 筆者手電驀然響起,KC 終於從遠方傳來惡耗.....天意難測, 人心更難測! KC之後, 風箏兄亦因上山( 道風山) 學法而將一眾食友置之不理(筆者留待甜品編再另續)。\r\n\r\n
\r\n《薯蓉焗田螺/ 龍蝦沙律》\r\n\r\n說得太遠,田螺跟龍蝦沙律再遲的話,會選無可選,速要: 薯蓉焗田螺: 明顯地將田螺肉釀入殼中, 但好入味, 薯蓉亦過咸, 算係幾好。\r\n\r\n龍蝦沙律: 得好少龍蝦, 可能太多人要的關係掛! Mark Six Killer 同我都唔「咁」(敢) 食咁多,由於「眼細肚窄」坐係我倆中間,筆者為保矜持,只好粗糙一試。\r\n\r\n
\r\n主菜編\r\n\r\n一個難得的聚會, 無奈有人失踪, 而且是三位,筆者同與會中人, 無不感到欷歔失望。\r\n\r\n呆望空椅,握腕長嘆! KC, Ray, Busybee 你地去左邊,快d 番黎呀! ( 此處待續)\r\n\r\n正所謂攪攪震,無幫趁,筆者一行9 男女,一早便佔據大堂一角, 闍弱的燈光, 冷氣似若還無,但仍不損各位興致,筆者眾裏尋她,,喚來一位長髮輕飄,笑靨如花的侍應姑姑過來,在她的面上,我實在看不到半點離愁別緒,在她強力兼自把自為的推薦下,十菜兩甜品,粗略大定如下:\r\n\r\n
\r\n《西冷牛扒/ 醬爆蝦》\r\n\r\n1)醬爆蝦: 原本要兩碟,但太受歡迎,只得一碟,不過非常惹味同配料出色,蝦可能係雪貨,唔夠彈牙,但某兔仔牙小姐可以邊食邊搖,仲要一路係度哼小調,好神奇。\r\n\r\n
\r\n《德國咸豬手》\r\n\r\n2)德國咸豬手: 全場一致讚好,黑椒汁好香,送飯一流,豬手好淋,眼睛亮晶晶姐姐好兇狠,一刀捅落去支解,而白雪公主姐姐不顧儀態,誓要找出稀有的豬手皮,可想而知有幾好味。\r\n\r\n3)西冷牛扒x 2: 原先紅酒博士要求五成熟,但自把自為姑姑一口咬定六成好d,結果上檯係七成熟,口感一般,同出面茶餐廳差不多。\r\n\r\n4)羊扒x 2 : 好嫩,筆者覺得有少少羶, 但仲好味。\r\n\r\n5)芝士焗龍蝦墨汁麵X 2 : 完全唔得, 龍蝦肉「霉」, 墨汁麵一般,所以唔係好受歡迎。\r\n\r\n
\r\n《銀雪魚》\r\n\r\n6)銀雪魚x 2: 魚好香,肉質好滑而且厚肉,跟飯d飯都幾好食,用雞蛋炒過,不過硬左d 。\r\n\r\n甜品編\r\n\r\n「夕陽無限好,只是近黃昏」, 曲終人散的一刻, 就用甜品代替美酒,讓笑聲當作回憶~~~~!\r\n\r\n
\r\n
\r\n
\r\n《火焰雪山》\r\n\r\n火焰雪山x 2 : 由自把自為姑姑發板,朱古力加檸檬,只得兩舊,真係唔夠食,(紅酒博士仲特登留起餐後雪糕,但可惜已經溶到變奶昔)蛋白發得勁大,上檯前用火燒過,有D香口,但始終雪糕不足,'眼細肚窄'好似食唔到雪糕,不過D雞蛋白都好滑.而碟底有少許酒味,好香。\r\n\r\n
\r\n《梳乎里》\r\n\r\n梳乎里x 2: 好得意,筆者第一次食,可惜唔愛好甜品,如果唔係會食多D,又係朱古力同檸檬味,都幾「漏」o下。\r\n\r\n
\r\n《咖啡或茶》\r\n\r\n轉眼間,只剩下寥寥數檯食客,仍依依不捨,而風箏兄亦從山上飄然而至,匆匆拍過三數照片,已經燈火渺然,告別的一刻,是大家的回憶, 亦是新的開始! \r\n\r\n\r\n文: 美食焚化爐 攝影: MM1970 編輯: Ray\r\n