東京米芝蓮一星壽喜燒名店抵港 最平$488食A5 黑毛和牛西冷+靚海景
2019-12-03

和牛迷想食正宗壽喜燒,而家唔使飛鄉下都有得食喇~壽喜燒名店日山自1928 年於東京成立,仲連續九年獲得米芝蓮一星級榮耀,最近日山正式進駐尖沙咀,食材均空運到港,希望帶到最傳統正宗嘅日式壽喜燒體驗畀食客。


裝潢以傳統日式大宅為設計靈感,有一條以石頭舖成嘅竹徑小路,另一面更坐擁維港景色,邊嘆和牛又有靚景睇,好chill啊~


餐廳主要供應壽喜燒及涮涮鍋套餐,講到明壽喜燒名店又點可以唔食壽喜燒呢~分別供應$488、$688及$988三個價位嘅壽喜燒套餐,當中以$688嘅「日山.竹」套餐最為抵食,包括前菜、沙律、壽司、溫野菜、野菜盛、A5 黑毛和牛西冷兩片、飯或烏冬及甜品,而且仲有由日本嚟嘅員工親自為食客烹煮。


前菜和牛筋煮凍,以和牛清湯凝固成膠凍,配埋爽口嫩滑嘅和牛牛筋,口感似啫喱,有和牛脂香。而薄燒和牛卷同樣油脂豐富,食埋個大蝦沙律仲開胃添~


A5黑毛和牛壽司三點盛,加上海膽及三文魚子更鮮味,而灸燒過嘅和牛嘅香氣更突出。


更多【新店直擊】:
1. 東京米芝蓮拉麵店金色不如帰抵港!必試超鮮味貝汁醬油湯底+100%北海道產小麥拉麵
2. 美國過江龍Gelato店登陸 逾廿款口味+甜品 推介招牌開心果Gelato
3. 惹味娘惹喇沙湯+香濃泰式椰子雞湯 跑馬地新開東南亞風味火鍋店


到主角壽喜燒!先用牛脂起鍋,放入野菜如日本大蔥、洋蔥、冬菇及豆腐煎香,再依次加入壽喜燒醬汁及水調味,壽喜燒湯汁由「日山」 東京廚師親自熬製完成再空運來港,入口濃郁,甜味恰到好處。


之後就可以放入重點A5 黑毛和牛西冷啦!和牛花紋有如大理石,油花好靚,吸收晒壽喜燒醬汁,第一片要點日本生蛋連大蔥食,和牛入口即溶,油脂爆發。而第二片就會連埋其他蔬菜盛於小碗中享用,所有材料都吸收晒醬汁,送飯食一流!


如果口味較清淡嘅開飯仔們,可以選擇涮涮鍋套餐。不同之處只在於湯底,由壽喜燒醬汁換成昆布木魚湯,有兩款醬汁分別係日山芝麻醬及酸汁,點肉食又係另一番滋味!


日山

地址: 尖沙咀廣東道3-27號海港城海運大廈3樓OTE302號舖







文、相、片: Yanica


關鍵字
日本
東京
米芝蓮
壽喜燒
過江龍
尖沙咀
和牛
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
1天前
【2019聖誕】早鳥優惠! 聖誕自助餐推介
3天前
【2019聖誕】年尾叉電 聖誕下午茶集合推介
2019-11-19
秋風起!5間大閘蟹放題食店集合
2019-11-19
【2019聖誕】約會之選 聖誕市集推介
6天前