低調到喺窗邊玻璃先可以見到店名 Kenny Café 一三食
大概經過呢間咖啡廳嘅人都會有疑問：佢店名係咩？佢從來都冇敞亮嘅招牌話俾路人聽佢叫咩名，你只有挨埋去落地玻璃度，先會見到「Kenny」字型嘅燈牌，驚覺:「啊，原來係Kenny Café。」成個咖啡廳嘅感覺都好似佢個外觀咁，淡淡然，非常低調。店內嘅裝飾帶工業風格，想傾計有店員陪你傾，亦有書、雜誌可以睇，就咁靜靜坐一個下午都唔會有人打擾，慢節奏到似係想同呢個急速嘅時代作小小嘅無聲抗議咁。
Photos by MeganH 店內賣嘅都係啲咖啡廳小食。佢啲Tiramisù上面嘅可可粉好香，底下係綿密香濃嘅咖啡，充滿奶香口感。老闆仲鍾意自己調製特飲，好似呢杯熱巧克力橘子咖啡就好特別，帶有好香嘅橘子味，鋪喺上層經烤過嘅糖粒形成一層薄薄的糖片，再加上點點嘅可可粉，飲落又有奶味，又有咖啡味。
入口都搵唔到？ Upper Life 咖哩.咖啡.上層人生
Photos by 豬扒飽nini 位於台中某商場二樓，你只可以喺通往二樓的樓梯口處睇到一個細細燈箱的Upper Life 咖哩.咖啡.上層人生，佢係一個淨係俾熟客同細心嘅饕客們前往嘅秘密基地，型男老闆都話：『我們是一間找不到的店，連招牌都不做』，帥氣的讓自己的店每天歸零，讓真心想來的客人們自己上門，從不攬客。」型到呢！
Photos by 豬扒飽nini地獄烤雞腿排咖哩搭配飯，雞腿皮酥肉嫩烤得恰到好處，咖啡廳嘅飯都可以做得咁好確係一大驚喜。檸檬塔酸酸甜甜咁，味道清新，配上店內嘅琥珀檸檬咖啡係絕妙。
太像住宅！燈光暗到好難發現裡面別有洞天係餐酒館 Little green 小綠
位於台灣美術館附近嘅小綠餐酒館好低調，因為佢位於高級住宅區內，而且燈光昏暗，冇醒目招牌，唔留意仲以為只係一般住宅。然而，餐酒館入面嘅氣氛一流，喺昏黃的燈光下一邊品茗、飲酒、用餐，一邊聽著爵士樂，搭配朋友間嘅談笑聲，格外溫馨。
Photos by 銀菁夢餐酒館主打西餐，客人可以根套餐咁叫。香煎鮭魚搭扇貝佐蝦香蘆筍奶油醬汁係主菜之一，鮭魚肉質扎實好食，扇貝新鮮，最妙嘅係蝦香蘆筍奶油醬汁，濃郁嘅蝦味令海鮮更添美味。另外，德國豬腳佐蔬菜棒塔塔醬都係招牌之一，豬腳份量十足，搭配嘅酸菜亦炒得美味。
巷仔嘅無招牌餐廳，得本地人先識點去嘅名店 李西餐廳
Photos by ~Eva~係一間位於桃園巷仔入面嘅餐廳，明明連招牌都冇但經常大排長龍，宜家已經交俾第二代經營。店內佈置主打素色，掛著幾盞吊燈，雖然地方唔大，但亦畀人種舒適靜謐嘅感覺。
Photos by megumeow 雖然話就係食堂，但賣嘅就係西餐，就係估佢唔到。主餐西班牙海鮮飯鮮味十足，除咗海鮮應記一功外，番紅花、薑黃、蕃茄同羅勒等配料亦提升成個飯嘅味道。另外，佢個Brownie配手工香草雪糕都被食家評為必食，Brownie烤到酥熱，配上濃厚奶油味嘅雪糕，名副其實係「冰火二重奏啊」！
隨時接收最新資訊
讚好OpenRice專頁！
關鍵字
台灣
隱世小店
咖啡廳
文青
西餐
複製到剪貼簿