女生約會佳選!4至5月花果主題下午茶推介
2019-04-15

春天繁花盛放、果香飄逸,想好好享受呢個充滿生機嘅季節,同朋友食翻個浪漫下午茶就最啱啦!以下5間餐廳都推出唔同主題嘅下午茶,由日式茶、伯爵茶、鮮果到鮮花都有,帶畀大家最滋味嘅春日享受。

日式下午茶 The Farmhouse
以起源於倫敦嘅「文茶」優質日本茶葉為基礎設計嘅日式下午茶,有十款精緻日式甜點,例如抹茶松露朱古力、抹茶紅豆卷蛋、焙茶慕絲蛋糕同櫻花水信玄餅等,全部都帶有日本茶葉獨特嘅清新甘甜。


下午茶仲包括八款日式手工鹹點,例如有矜貴嘅迷你海膽蟹籽丼、鮮甜味濃嘅辣麵豉醬烤北海道螃蟹、惹味多汁嘅燒鰻魚配法式甜多士等,熱愛日本料理嘅你一定會鍾意。


文茶「邂逅抹茶」日式下午茶
日期︰即日起至5月31日 (逢星期六、日及公眾假期)
時間︰下午3時至5時半
價錢︰每位 $388(兩位用)(另收加一服務費)


花漾時光  The Lounge
呢個tea set以芬芳鮮花為靈感,提供一系列加上鮮花作點綴嘅精緻甜品,包括荔枝玫瑰慕絲蛋糕、 茉莉花茶朱古力撻、菊花慕絲桂花啫喱、櫻花水信玄餅、多款花果茶等。各款甜品同花茶嘅花香都非常突出,令人感覺放鬆寫意。



鹹點就有鵝肝慕絲伴牛油麵包配無花果醬、藍紋芝士配意大利風乾火腿、西芹及脆果仁、煙燻三文魚伴法式酸忌廉及三文魚籽等,款款用料高貴。週末限定仲會有波士頓龍蝦酥盒、和牛漢堡包同阿拉斯加蟹肉卷。


食客同時可以參加押花繪畫工作坊,一邊細味下午茶,一邊享受藝文時光。


花漾下午茶
日期:即日起至6月30日
時間:下午2時30分至5時30分
價錢:星期五每位$218,兩位用$416;星期六、日及公眾假期每位$298,兩位用$538 (另收加一服務費)


繁花香氣 Sky Lounge
同法國護膚及香氛品牌嬌蘭合作打造嘅香檳下午茶,每款鹹甜點都揉合咗嬌蘭Mon Guerlain Bloom of Rose EDT 繁花淡香氛嘅全新香調,包括口感鬆脆嘅椰香薰衣草棒、幼滑扎實嘅紅桑子雲呢拿球、玫瑰意式奶凍、嬌蘭蜜蜂馬卡龍同檸檬柚子撻。


而鹹點就有鵝肝配無花果醬、鴨肉法包、藍花蟹三文治、煙三文魚千層酥等,配搭美味高貴,好適合鍾意享受嘅女生們。


每位食客仲會獲得嬌蘭護膚品套裝一份(價值HKD722),畀你以最佳面貌迎接春日。


法國嬌蘭【BLOOM OF ROSE】香檳下午茶
日期:即日起至5月31日
時間:星期一至五下午3時至6時;星期六、日及公眾假期下午2時至6時
價錢:每位HKD338 (另收加一服務費)


微熱山丘聯乘 GREEN
熱愛鳳梨酥嘅你一定有聽過呢款台灣必買手信:微熱山丘鳳梨酥。而家唔單止有得食鳳梨酥,仲有用台灣土鳳梨整嘅各式甜品!呢個Tea Set同微熱山丘合作,推出鳳梨主題下午茶,選用天然食材、無人工添加。
甜點柑橘鳳梨法式小圓餅賣相可愛,流心鳳梨芒果椰子杯流心效果誘人,熱情果鳳梨果凍夠清新。茶點亦有以鳳梨入饌,好似鳳梨蜜糖火腿串等。飲品更加有多款清爽嘅雞尾酒,甚至鳳梨啤酒選擇!


微熱山丘鳳梨主題下午茶
日期:5月1日至6月30日
時間:星期一至五下午3時半至5時半;星期六下午3時至5時;星期日及公眾假期下午5時至7時
價錢:每位$288;兩位$546 (另收加一服務費)


伯爵茶香 CLUB ALBERGUE 1601
食tea當然要嘆靚茶!呢個tea set同著名英國紅茶品牌 Twinings 川寧合作,設計多款以伯爵茶為主題嘅美點。下午茶特色茶點包括迷你川寧伯爵茶泡芙法式馬卡龍、自家製香濃朱古力蛋糕、川寧伯爵茶芝士餅、川寧伯爵茶吉士千層酥、蟹肉黑魚子酥盒等。另外仲提供川寧伯爵茶1壺,畀你邊嘆靚茶,邊享受茶香濃郁嘅美點,好好放鬆身心。 



川寧伯爵英式下午茶
日期:即日起至5月底
價錢:2位$288(另收加一服務費)


文:Kenna
相:Cathy、Kenna
片:Cathy、Kenna、Kar


關鍵字
下午茶
酒店
抹茶
鳳梨酥
玫瑰
茉莉
櫻花
伯爵茶
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
1天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
牛大人火鍋姊妹店!旺角新開台式燒肉吃到飽 任食澳洲 M5 和牛、SRF極黑牛霜降牛肉眼
2020-10-19
【即睇10月生日】酒店半價放題 Tiffany & Co.旗艦店導賞
2020-10-06
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12