大阪人氣天然Shokupan專門店登陸尖沙咀 鬆軟Shokupan +15款手工製果醬
2020-12-21

大阪人氣名店SAKImato Bakery 嵜本高級Shokupan專門店登陸咗香港啦,聽日開始營業。兩款經典口味,「極美」,同「極生」都可以堂食或外賣,仲有15款日本直送手工果醬選擇!專門店內嘅設備、原材料同製作過程私都跟足日本,呢段時間雖然飛唔到過去,但都仲可以食到最地道嘅日本味道呀。

 極美 :法國傳統牛油、開心果、榛果風味、紅寶石玫瑰紅桑子

兩款經典口味,極美同極生,前者係無蛋奶配方,以北美小麥製作,口感柔軟得嚟,更能食得到小麥嘅香味同微甜;而後者則以小麥為主,加埋北海道牛奶、牛油同蜂蜜,選用中種同湯種製法,經過18個鐘低溫發酵,shokupan入口鬆軟順滑。

專門店特製研發嘅手工果醬,融合咗各種生果同日式食材,今次就帶咗其中15款口味嚟香港。3個系列包括用真‧水果同香料配搭嘅水果果醬、以淡路島牛奶同北海道鮮忌廉為主,再加入煉奶同砂糖而製成嘅牛奶果醬,同以日式傳統甜點為靈感嘅日式果醬系列。

 水果果醬:紅寶石玫瑰紅桑子、藍寶石藍莓、石榴石草莓、托帕石柑橘、電氣石檸檬

 牛奶果醬:牛奶煉乳、伯爵奶茶、榛果風味、開心果、冧酒葡萄、歐培拉

 日式果醬:琥珀黄豆粉、黑芝麻珍珠、翡翠抹茶、紅豆珊瑚

專門店內可以堂食到28mm style嘅獨立單片裝,仲可以同時自選3款果醬同1款牛油(北海道牛油或法國傳統牛油)。

 極生:北海道牛油、冧酒葡萄、黑芝麻珍珠、托帕石柑橘

Shokupan組合以木盤盛載,仲有九宮格印,打卡一流。客人仲可以透過透明玻璃窗睇到Shokupan嘅製作過程,大約每隔個半鐘,就會有新一批嘅Shokupan新鮮出爐。外層微脆,內裡鬆軟,建議大家可以就咁食一格仔原味,然後先至搽上果醬,慢僈享受。外賣嘅話則可以揀2款口味。

特別推介開心果醬同埋黑芝麻珍珠口味,淡淡嘅開心果仁香氣飄逸,味道微甜,係日本人氣五強之選;而黑芝麻珍珠則香甜濃郁。

另外仲有多款咖啡、茶類飲品,亦有3款香港限定嘅特飲,包括喺陣陣清甜嘅士多啤梨香中,滲出咖啡甘香嘅士多啤梨LATTE,同真材實料,有成層紅桑子果醬嘅紅桑子梳打,酸甜清爽。

想淨係買走Shokupan都可以,有1斤或28mm嘅Shokupan size選擇,每日朝早喺門巿拎籌預訂,再按指定時間去拎貨就可以。不過舖頭可能會因應實際情況而調整限制每位客人可預訂嘅數量。而喺開幕嘅頭3日,消費滿指定金額,即可獲贈限量版SAKImoto果醬刀禮盒呢~ (每日名額50位)

SAKImoto bakery 嵜本 高級Shokupan專門店
地址:尖沙咀廣東道3-27號海港城港威商場3樓3208號舖


文:Kar
相、片:Tom Li

關鍵字
尖沙咀
日本菜
麵包
過江龍
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
1天前
日本吉列牛排店京都勝牛進駐銅鑼灣 黃金六十秒炸法 推介京都勝牛三味套餐
2021-02-18
楚撚記新line!荃灣新開餃子店 必試黑松露什菌餃+香煎潮汕韭菜粿
2021-02-10
食肉獸必收藏!牛年到 五間品牛餐廳介紹返
2021-02-11
2021打卡大熱!精選全港10間Pantone色系小店
2021-02-26