\r\n材料全由泰國空運抵港，仲唔算地道？廚師一來就弄好了幾道撚手小菜，「酸辣蝦湯（冬陰公湯）」（$55）是這裏的招牌湯，用大蝦、海鮮等熬製，味道鮮中帶甜，卻又辣得令人冒汗，兩者配合得天衣無縫。\r\n

\r\n第一眼見到蝶蝦就聯想起鮮蝦刺身，接著看到塊大蒜頭，立時心生恐懼，正當擔心會否「蒜」到作嘔時，老闆娘就示範食法：先將隻蝦用匙羹承起，再淋上用5 種秘方調製的酸辣汁，然後老闆娘就遞到面前，我只好「就範」。怎料蒜塊並不刺鼻，反能帶出蝦的鮮味，再配合酸酸辣辣的汁水刺激味雷；蝦肉爽口，甚至比一般日本料理的刺身更新鮮，自認食家的您一定要試！\r\n接著再來「咖喱炒肉蟹（羔蟹）」（時價）及\r\n「泰式辣椒蒜蓉炒青口」（$45），汁料全是秘方調製，兩者雖然同屬咖喱，但味道卻截然不同。「咖喱炒肉蟹」的咖喱汁是用「黃咖喱」，再配合多重香料混成，味道辣中帶甜（不過都幾辣），感覺微妙；羔蟹又肥又大，與甜咖喱一齊炒，辣味滲透蟹羔肉……這裏的海鮮堪稱得上妙絕！\r\n「泰式辣椒蒜蓉炒青口」的咖喱汁卻是酸酸辣辣的老闆娘說這裏的咖喱調方多不勝數，\r\n（一言難盡，總之款款都別樹一格），將調好的咖喱汁與青口及蒜蓉辣椒絲一齊炒，香濃惹味，隻隻青口都肥大肉厚，份量十足。仲有招牌菜老虎笑、紅燒雞絲翅等都值得一試。\r\n

\r\n其實「金麥泰」不單味道出眾，就連款客之道亦相當友善，老闆娘和藹可親，有好多老朋友都指定要幫襯：「唏，好多街坊由細幫襯到大，我睇住地結婚移民，個個返來都探我，要食番老口味喎！」\r\n

\r\n大家知道「金麥泰」幾咁老字號受歡迎啦！