享受微醺週末!居酒屋新風潮!(1)
2019-05-03
星期一至五係辦公室坐到攰一攰,放工天色已暗,週未難免會想去喝杯Relex下。雖然話香港講喝講食嘅地方唔算少,但對愛去日本旅遊嘅港人嘅講居酒屋始終有一股難以言喻嘅治癒力!週末最啱約一班好友一齊喝一口清爽過癮嘅清酒,配上爐頭傳來嘅炭香,週末一解心口個股工作帶嚟嘅悶氣啦!快啲send個短訊比好友:「一齊去喝一杯啦!」

一藏酒場 (灣仔)      
一藏酒場位於灣仔築地‧山貴水產市場,係一間主打日本清酒嘅居酒屋,配以傳統日本酒肴-海鮮燒物,帶你進入仿如置身於日本嘅味覺之旅。酒場設計高貴典雅,場內所有清酒全部由日本直送!將真正地道嘅日式酒場體驗引入香港! 係三五知己吹水乾杯嘅好去處之地!

(人氣) 鬼地獄海鮮湯烏冬
世界上辣椒嘅辣度以「史高維爾辣度單位」嚟衡量辣椒素嘅濃度,世界上最辣嘅辣椒美國「卡羅萊納死神」辣椒有220萬度,而鬼地獄海鮮湯烏冬則有100萬度!(唔好睇少碗烏冬好似唔紅咁⋯⋯) 輕則淚水狂飆,重則火燒心!想試又怕辣嘅朋友仔不妨先試小辣或者走辣版本!

店長指定清酒Tasting Set
一set三杯50ml季節限定嘅日本清酒,美酒師會為每個客人精選適合嘅清酒,為女士推介較為輕盈易入口嘅、為男士及有preference客人推介較濃烈及特別嘅清酒,務求切合每個客人需要,飲過如果鍾意,仲可以一盒盒180ml咁散買走!

(期間限定) 德島県香魚爐端燒定食
用上被譽為日本最後清流-四國德島縣四萬十川嘅香魚,香魚肉質鮮嫩多汁,簡單咁抹上少少鹽巴烤,已經香味四溢!餸飯一流!

(期間限定) 愛媛県鯛魚配極鮮魚湯泡飯

以「魚之王樣」真鯛煮成,魚湯乳白色,賞味指數極高,米飯王者日本新潟米配上每日新鮮熬制熱辣辣嘅魚湯,簡單得嚟清甜十足!一吃就上癮!

(期間限定) 沖繩阿古豚角煮定食定食
以沖繩「夢幻之豬」阿古豬整成,降霜肉脂肪十分甘甜,入口即溶,肥而不膩!搭配流心溫泉蛋好夾!豚角仲有唔同程度嘅油份供容人選擇,非常貼心! 


申子居酒屋 (旺角)
申子居酒屋位於競爭激烈嘅旺角黑布街,所以老闆唸咗唔少Gimmic主意吸引客人,既讓客人用水晶板、岩石板DIY燒肉,又有自製甜品,更提供外賣餐點同Cocktail,打破一貫居酒屋格局!主廚更曾到訪大阪老字號居酒屋學藝一個月,至今師傅仲會每月都港視察,對食材處理同食物品質極為執着!所以菜式都堅持用新鮮日本直送材料,部分菜式更是自家研製,係旺角難得有姿勢又有實際嘅居酒屋! 鐘意食日本菜嘅朋友不妨試試!

吉列千層芝士豚肉 (三重芝士)
獨門自創吉列千層芝士豚肉,特別挑選日本栗飼豚腩肉,豚肉肥瘦適中。豬腩肉捲八層,加入芝士蘸粉炸,質感外脆內軟,芝士味濃,更有拉絲效果,配埋沙律醬同豬扒汁一齊食,酸酸甜甜非常開胃! 

蓬鬆中玉子
蛋包圍住玉子同芝士,切開有流心蛋汁流出,超滑超香! 配埋沙律醬、燒汁同蔥花進食蛋味更突出,味道更日式!

廣島蠔鍋
選用廣島蠔,而且份量十足,蠔肉飽滿,湯底濃稠無味精,入口鮮甜美味又多汁!

申子卷 
自家研製嘅招牌卷物之一,以鮮炸魚皮做餡料,入口香脆可口,配上三文魚、吞拿魚、油甘魚, 柔軟中有爽脆感,口感相當特別!

黑松露雞肉芝士雜炊
雞肉同新款芝士混合炊成嘅白飯,入口有芝士香,配上面頭嘅黑松露醬,入口有微微嘅黑松露香氣,仲一啲都不膩,正呀!



桻之燒 (筲箕灣)  
一間位於東大街嘅Fusion居酒屋燒烤小店 ,食材講究新鮮,店內主打串燒同海鮮,以即燒活海鮮、創意串燒作主打。每日下午會派專員到去筲箕灣魚市場買當日最靚嘅本地野生游水海鮮,海鮮迷預訂想食嘅海鮮!店內更有超過三十款日本酒,讓食客可以邊喝酒邊吃燒烤,每星期仲會提供約十五款清酒供食客散叫(300ml),款式每星期轉換,人少少想飲翻杯都無有怕啦!!


招牌汁燒鮮蠔飯糰 

新鮮熱騰騰即叫即燒嘅飯糰加咗大廚自家調製嘅惹味日式醬汁,配上日本廣島蠔,味道鮮甜帶米香!有紫菜包著飯團一同咀嚼,加埋少少沙律醬,味道更昇華! 

至尊太白農場鮮醉鴿皇
店內自家屠宰不超過25天嘅惠州新鮮無激素嘅乳鴿,用肉眼,老雞,加肉桂香葉等,熬超過5小時攤涷去油,再配上適量玫瑰露酒及稽山源紹興十年陳釀花雕浸最少一整天入味,才上餐桌。難怪酒味出眾,肉質彈牙,嫩滑入味,仲配有鹽焗新鮮鴿內臟,值得一試!

全港首創鹽燒馬友一夜干
店主從漁民手上買入約12両嘅原條鮮馬友,再用日本海鹽醃一夜,令原本魚油味重嘅馬友收乾水分,肉質變得結實,然後簡單地燒香,做到鹹香惹味,味到鮮香,魚味香濃,難怪咁多客人都淨係食剩魚頭魚尾啦!

名物の鮮雞皮手打蝦膠卷
自家製工序複雜嘅手工菜式,用上足兩隻嘅新鮮雞腿皮,去油脂肥膏後包上手打蝦膠及墨魚膠。燒香咗嘅雞皮將雞油逼落蝦膠同墨魚膠入邊,香味四溢!雞皮嘅香脆同蝦膠嘅鮮甜彈牙互相完美配合,口感一流!

酒漬鮮雞肝
雞白酒漬成嘅日本新鮮雞肝,食當每一啖都有鵝肝嘅質感,入口即融,有淡淡果香味,餸酒一流!

心動不如行動!有興趣就快啲約埋三五知己去嘆下美食啦!快啲bookmark定啦!


*以上圖片只供參考,所有食品以實物為準. 食品供應因餐廳而異
關鍵字
居酒屋
旺角
芝士
清酒
日本
辣椒
美食
海鮮
定食
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
本地搵食有著數!OpenRice x 旅發局 合推 5折餐飲券+餐飲禮遇
2020-09-21
悠閒早晨 3間英、澳、日Brunch推介
2020-09-21
滋味到家!新鮮海野海鮮+逾200款蔬果肉類 食材直送上門網站推介2.0
2020-10-08
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12