【West口west臉eat好west】紅磡篇 5間紅磡地膽推介餐廳
2017-07-14

我忍咗好耐啦,roar!!! 早喺地鐵通車,班友仔突然發現原來紅磡多嘢食到呢,本爺喺度住咗十幾年先叫食過夜粥!老實講,講兩個星期都未必夠,今次揀住五間同大家分享先,當中更會出現首個香港篇🍜🍜🍜🍜🍜AMAZING推介!另外幾間私人心水,留返喺系列篇再開心些牙,有好幾間有好大機會喺系列篇奪冠添。所以,紅磡真係一地都係真.高手。

1. 紅磡雞蛋仔

地鐵通車而衍生嘅報導,炒熱咗幾間紅磡人先識嘅小店,紅磡雞蛋仔係其中之一。講真,我真係有無搞錯咗出嚟,心諗,出面嗰啲小編畀盡咪又試過兩三次,甚至乎只係道聽塗說。由細食到大嗰個都未講,你哋就喺度阿之阿jor。

紅磡雞蛋仔之三大絶殺,一,鴛鴦格仔餅。其實雞蛋仔亦都有鴛鴦,都幾好嘅,但我會選擇同邪惡掛鉤嘅格仔餅。亮點在於佢哋用吉百利朱古力漿嚟做佢哋嘅朱古力製品,唔係咩高檔嘢但夠曬authentic。二,芒果班戟。呢度芒果真係例甜又多到一路食一路想跌出嚟,配沙律醬同厚滑熱班戟,又一道出面食唔到嘅平民簡單美食。三,普通奶油班戟,我成日都嗌呢款,講真佢哋塊班戟真係佢哋嘅招牌。老闆一路整會問你要唔要咩,總之就咩都話要,方為人上人!最後你會發現,煉奶砂糖牛油花生醬喺齊曬入面,由班戟嘅熱力一同迫發出嚟,say no more。

🉐RamenGorRating -- 🍜🍜🍜 SHOULD try

2. 竹家

可能係門面太唔起眼嘅關係,我問十個黃埔人,十個都唔知黃埔有間日本人開嘅家庭式串燒店,更加唔會知原來黃埔有間串燒店連續多年上米記榜。正當你如夢初醒時,我已經去到唔去啦lol !價位係中環價,唔平。但質素有勝於坊間好多不知所謂又食水深嘅串燒店。加上小店cozy嘅環境幾有feel,亦都代表唔訂位好易一位難求。店家有幾道絶殺,一,玉子燒,有條件問鼎全港甜滑之最。二,雞頸肉同雞皮,兩項都唔易做得出色,嚟呢度食就無錯。三,酒盗芝士,佐酒恩物,飲番兩杯必點。

🉐RamenGorRating -- 🍜🍜🍜 SHOULD try

3. 生記茶餐廳

本爺愛低調,生日不嬲唔鍾意大搞。你無估錯,我生日選擇咗呢度慶生。話之佢茶記,生日食comfort food才是王道。冬天不吃生記,更是枉過。

<羔蟹粥>
香港食過最出色羔蟹粥,中國名粥的上湯水蟹粥亦未能匹敵。綿綿粥底充滿蟹油香。話明羔蟹正確食法當然係將羔混入一少羹粥。簡直係進食高潮,唔係講笑。

<蠔仔蒸粉卷>
基本上我嚟有三寶係必叫,呢樣係其中一寶。大量多汁蠔仔+煙韌水昌粉卷+豉油+芫荽呢個combination絕對amazing! (留意芫荽絕不可缺)雖然粉卷包得未夠好,但我咁愛你,呢啲算得係咩。

<擂沙湯丸>
無你,呢餐飯就唔圓滿。最正宗嘅擂沙湯丸莫過於此,皮滑餡滿,再沾滿黃豆粉,好好好好食。

今次叫咗呢三碟餸加一碟炒菜,埋單係$250。雖然生記喺我心入面嘅重量並非用價錢來衡量,但係你屈埋性價比,無得唔amazing啦。

🉐RamenGorRating -- 🍜🍜🍜🍜🍜 AMAZING

4. LE café

Curry carbonara is not for the weak! 地膽先識嘅café & restaurant,主打口感優質嘅意粉。 而呢個咖哩卡邦尼,請自問係重口味人先好試,否則又濃又傑可以為你帶嚟一個災難。但換言之,亦都可以令濃味怪直呼過癮!正確食法係一路食一路喪落芝士粉,千祈唔好手軟落佢半枝就是對。咖哩同忌廉汁混在一起,又無違和感喎。另外,店家將粟米打成粟米蓉,做成香甜粟米湯,口感驚喜十足!絶對係必點!

🉐RamenGorRating -- 🍜🍜 CAN try

5. 滄浪亭

本爺性格,做咩都好著重details,食嘢如是。當然去茶記就求其一餐無所謂啦。但係當我feel到你有料到,我可以雞蛋裡挑骨頭極picky。呢間滄浪亭,恨鐵不成鋼。點解咁講?以下內容極度坦白,全為真實報導,大家唔需要擔心我係打手。

<嫩雞煨麵>
湯底比坊間既多一陣奶香,本應可躋身我試過嘅嫩雞煨麵top3,然後問題嚟啦。配角嘅雞粒,外面過到骨,但內心卻是冰冷的。完美組織,open layup,MISSED,ruined咗整碗麵了。

<糖醋排骨>
炸得好好,醬汁更是神,帶有生楂酸梅的酸甜,外層部分做得真心outstanding。其實件排骨甚至唔需要得分,已經夠贏波。但偏偏佢就係有種太過份嘅「梅」,係外層點都掩飾不了。哎,咁都有得輸。

<雞絲粉皮>
經過埋呢役,我更加肯定,大廚姨姨係比較隨性。今次出事位,係用嚟浸粉皮嘅水,幾乎半碗喺我隻碗度出現。可以唔係呢啲細位嗎?

通常呢啲case都唔會得到我嘅下一次,你哋都唔會有機會見到佢喺度出現。但我又真係好少見到如此高水準同低級錯誤同時出現。結果我之後畀多咗幾次機會佢,唔係我住得近+心軟畀同情分,你都無得redeem yourself。

又愛又恨的滄浪亭,終於都畀你報仇成功,於紅磡篇贏得一席。介紹返贏波嘅starting lineup!

<菜肉雲吞水餃> 👍
<紅燒軟排>👍👍👍
<蔥油開洋拌麵>👍👍

🉐RamenGorRating -- 🍜 Optional


※上述內容純屬作者個人意見,不代表本網立場。※


關鍵字
West口west臉eat好west
拉麵哥
專欄
紅磡
黃埔
拉麵哥SoulJase
笑臉迎人大把,西面型人買少見少。所以不論唱歌食飯寫作訪問,塊面都又chok又西。一齊west口west臉eat好west。
餐廳資料
更多
收起
本月熱門
【隨時更新】零食速報 每周新款零食、酒品點評
6天前
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
【特約分享】超抵外賣陪你抗疫 即睇將軍澳飲食地圖!
2020-03-10
【隨時更新】最後倒數!即將結業的老字號及人氣小店
1天前
2月份好評餐廳十強
2020-03-05