農曆新年快到，唔少人都會食吓啲賀年菜攞吓好意頭，日本人都有呢個習俗！日本民間傳說，食指定水產有趨吉避凶作用，The Japan Food Product Overseas Promotion Center（JFOODO）副總監小野村拓志先生教路，以下三款日本人常吃嘅魚生富有特殊意義，過年食就最啱，食完保證風生水起、年年有餘，凡事都如魚得水呀！

出人頭地 油甘魚

油甘魚屬於一種「出世魚」，即成長至唔同階段有唔同名稱。油甘魚有幸運及成功之含意，象徵步步高升，打工仔想升職、學生哥學業進步就要食喇！呢種魚營養價值高，含豐富EPA、DHA，冬天魚味特別濃厚，用作刺身、壽司都合適。

生意興隆 鯛魚

鯛魚為日本相當重要嘅魚王，相傳代表豐收之神「七福神」惠比須，左手執一條鯛魚，而且日文發音吉利，因此傳統上經常食用鯛魚慶祝節慶及喜宴祭禮，有幸運之意思。現時冬天最合時令，油脂細密，做生意嘅商家特別要食鯛魚，食完發大財！

一帆風順 帆立貝

扇貝於古時屬於貴重高級食材，於日文中為「帆立」，因為外型同帆船相似，游泳姿態似足帆船乘風破浪，食帆立貝有順風滿帆嘅好意頭！貝柱肉味道鮮甜，食完事事順利。

資料由客戶提供