聞說荃灣愉景新城早排出現咗一架超萌巴士，可以邊坐車邊食burger，今日經過終於有機會一試！
此店乃別府集團旗下，睇見其裝修，就知道定位同商場一樣，專攻親子。店門有兩架巴士車頭坐鎮，內裡亦都放滿巴士items如巴士模型、巴士牆紙、巴士海報等，五顏六色，非常吸睛，天花仲裝有扶手，小朋友大愛！
主打嘅漢堡包，標榜用手搓麵粉製作，除咗招牌安格斯牛肉漢堡，仲有其他選擇如炸魚、雞扒等。其餘食物有All Day Breakfast、焗薯、捲餅、沙律、意粉同酥皮湯等等。
特飲比較有特色，除咗造型突出嘅鮮檸奇冰、粉紅救冰，仲有加咗3.6牛乳系列嘅朱古力可可、阿華田等。甜品可試用上MOVENPICK雪糕的鮮果雪糕窩夫、夢幻雪糕香蕉船。
文：fi/Gareth
隨時接收最新資訊
讚好OpenRice專頁！
