香港嘅夏天似乎仲未肯走，不過咁咪多個理由畀自己嘆多杯Froyo囉。呢間由西班牙嚟嘅健康Froyo品牌先後喺旺角豉油街同銅鑼灣邊寧頓街開咗兩間分店，最近就嚟到銅鑼灣時代廣場開旗艦店，地點更就腳。而且每杯Froyo都係低脂高鈣，食都食得開心啲。

llaollao(讀音：yaoyao)嚟自西班牙，係歐洲排名第一嘅Froyo(Frozen yogurt乳酪雪糕)品牌。乳酪雪糕選用脫脂牛奶即叫即製，而嚟到香港亦有就返港人口味調校過配方，食到奶味得嚟酸味又啱啱好。最抵讃嘅係雖然用咗脫脂牛奶，但Froyo食落口感亦算柔滑，完全食唔到冰粒。

最吸睛嘅一定係佢地嘅Sanum七層芭菲，顧名思義一杯足足有七層，裡面包括Froyo、三款每日鮮切水果、兩款脆脆同一款滋味醬料，配搭可以自己任揀，小心選擇恐懼症發作！

脆脆當中比較特別嘅有同樣嚟自西班牙嘅Lotus焦糖餅乾，同最Colourful嘅Lacasitos朱古力彩豆，而甜得嚟又有咬口嘅果麥朱古力亦相當受歡迎。醬料方面亦有Lotus焦糖餅乾醬、食到粒粒榛子嘅榛子白朱古力醬同酸酸甜甜嘅芒果醬等選擇。

細食嘅女士如果想食得再Light啲嘅話，亦可以試佢地嘅Tubs乳酪杯，一樣有齊Froyo同配料，無論係配朱古力醬定新鮮水果都係唔少Fans嘅心頭好。

畀多個理由你試佢地嘅Froyo喇，世界衛生組織建議成人每日攝取1000毫克嘅鈣質，而佢地一杯大杯裝嘅乳酪就足夠從中攝取建議標準嘅55%！有Froyo嘆，有得相機食先，仲可以補充鈣質，仲唔係一次過滿足曬三個願望？