無論同摯愛談心，抑或與閨密聚會，享用精緻嘅五星級酒店下午茶絕對係高質之選。好似尖沙咀呢間酒店全新嘅「季節限定‧午後敘享下午茶」由資深法籍主廚設計，9款配合夏日口味嘅清新鹹甜點，色彩充滿層次感，令人食慾大增。店內深綠色主調、皮製梳化等時尚高雅嘅設計，環境舒適寫意。而家使用OpenRice預付訂座服務，可以提前book位同時預訂呢份下午茶，方便快捷。

季節限定．午後敘享二人下午茶[已連服務費]（按此預付訂座）

法籍糕餅主廚Baptiste Villefranque 16歲入行，曾於多個甜品比賽獲獎，並於歐洲各國著名餐廳任職，技藝精湛。佢嘅甜品以推廣新糕餅概念為宗旨，不斷為大家帶嚟新鮮感，而今次全新夏日口味嘅下午茶，每日於11:45至18:30之間供應。

鮮味鹹點 

4款鹹點為批、撻同特製三文治，雖然係鹹點，但選料依然帶出清新感覺。百里香香菌批選用多款菇菌，食落微鹹又juicy，比較濕潤易入口。火腿瑞士芝士番茄三文治則以番茄製作橙色麵包，夾上慢煮火腿同芝士，鹹度適中。

左：百里香香菌批｜右：火腿、瑞士芝士、番茄三文治

煙三文魚青瓜三文治加入青瓜製成綠色嘅麵包；另外蟹肉香蔥撻將微辣嘅蛋黃醬同蟹肉拌勻，提味之餘唔會蓋過蟹肉嘅鮮味。

前：蟹肉香蔥撻｜後：煙三文魚青瓜三文治

花果香氣甜點 

甜點以水果同花香為題，色彩奪目。芒果慕絲配桂花啫喱口感鬆軟綿密，慕絲內藏芒果醬，入口酸酸甜甜好醒胃；檸檬紫蘇餅則配上士多啤梨鮮果同果醬，兩款再以食用花花瓣作點綴，簡潔美觀。

左：芒果慕絲配桂花啫喱｜右：檸檬紫蘇餅

由可愛半島門僮熊捧住嘅馬卡龍，分別為芒果茉莉同雲呢拿味，清香微甜，軟硬度啱啱好。而半島門僮帽子造型盒內藏招牌英式烘鬆餅，原味同提子味都大大個，香軟濕潤，配埋軟滑嘅Clotted Cream同士多啤梨果醬都唔會過甜。

半島門僮熊、門僮帽子造型盒盛載馬卡龍、英式烘鬆餅

以金箔同朱古力點綴嘅自家製軟雪糕，選用北海道牛奶製作，牛奶味濃厚且質感幼滑。

自家製軟雪糕

飲品有各種口味嘅咖啡、茶飲同升級季節限定飲品（每杯加$38起，提供榛子朱古力配軟雪糕、荔枝玫瑰香檳等款式），其中推介招牌名茶Peninsula Blend，混合大吉嶺、阿薩姆等茶葉，味道輕盈清香，口感幼滑。

Peninsula Blend設有零售包裝，可以買返屋企慢慢嘆

半圓形廂座闊落舒適

半島精品店與咖啡廳  
地址：尖沙咀梳士巴利道22號半島酒店商場地庫7-9號舖