ceceyuyu的个人专页

今晚屋企冇飯開，所以就決定食自己啦！悶悶哋見冇咩嘢做，所以就去咗尖沙咀行下街先，行到攰攰哋，就入咗去“麵屋武藏”食晚飯啦！之前行咗咁耐都冇見到，原來係新開㗎！咁一於就試下啦！咁我今次就叫咗一個價值79蚊嘅白武骨沾汁麵，先講下嘢食先 ：湯底：好濃，好香，一啲都唔肥膩，仲唔會好油添，不過覺得唔係好夠熱，已經凍咗啦！麵質：非常彈牙，而且煙韌可口，麵條粗身，個人非常喜歡。豚肉：軟硬度適中，但較為普通無咩驚喜。配料：本身係凍的, 但加上麵條一齊食又ok喎。當沾汁麵食完之後，其實係可以問店員加熱水落湯底度㗎，令到湯底真真正正變咗一碗湯咁飲。但好可惜店員加嘅熱水唔夠熱，令到個湯變得非常難飲，所以喜歡食濃味嘅你，都係唔好加熱水比較好啦！總結：拉麵值得一試，以價錢來就算是合理，各方面都算是不錯。…查看更多

又到咗無所事事嘅日子啦！今次去咗樂富行街街，行到肚餓。一個人都唔知食咩好添？所以就盲中中，中咗入去食烏冬啦。今次我就叫咗一個大嘅冷烏冬同埋明太子飯糰。如果想要蔥的話可以自己攞的, 鍾意幾多攞幾多, 唔鍾意的話又可以唔落, 幾好架!講番食物方面冷烏冬質地煙韌，有咬口，但唯獨是冷烏冬嘅湯底，實在太少啦。而明太子飯糰嘅明太子唔會太鹹，味道啱啱好 ，飯亦都好綿，但放得耐咗紫菜就唔脆啦。總結一個人快食快走，淨烏冬的價錢都算貴，但味道算是不錯。…查看更多

放工後 ，同同事去咗掃貨，點知一掃掃得太夜啦！都唔知邊度仲有餐廳未收，突然心血來潮 諗起“星林居”應該會開到好夜㗎喎？所以就去咗食啦！店內每將枱會有一張點菜紙，只要你剔番你想食嘅配菜就ok㗎喇。而我今次就叫咗豬大腸豬皮小鍋米線。 本身叫咗豬紅㗎，點知太夜啦, 豬紅已經賣曬冇計啦。湯底都可以自己選擇辣度及酸度。而配料有：青蔥，芫茜，芽菜，酸菜及肉碎。唔鍾意食的話，可以隨時走咗去㗎。先評論食物方面：豬大腸：好腍好入味 。豬皮：爽口好趣入面。米線：煮得過火左，腍哂，夾起時已經散開哂，口感一般。總結：好似無以前咁好食啦，同埋CP值不高，一碗米線要成50幾60蚊都算貴，飲埋野唔止，勝在開到好夜啦。…查看更多

又到咗食lunch時間啦! 今次同同事去咗美孚人氣No.1的滄浪亭食晏。其實嚟滄浪亭食飯 有好多規矩要遵守㗎：1. 如果見到好多人喺門口排隊嘅時候，無論你有幾多個人都好，你都只要跟住條隊咁排就ok㗎喇，千祈唔好問店員，因為佢唔會寫飛㗎。2.店員未必係香港人，但你唔需要理會佢，照講返廣東話就ok㗎喇。3.坐低後睇啱同店員講落單，之後就可以講出你需要嘅食物，因為佢唔會過嚟落單㗎。4.找數時，唔可以分開找數架。5.最後一點就係店員脾氣好差，如果你忍唔到佢哋嘅脾氣，就已經可以唔使食啦。因為你由排隊到點餐再到畀錢全部都係受氣位嚟㗎。服務態度差??? 點解仲咁多人食，無計啦。因為好多人都話好食嗎！咁好食就要忍下㗎啦！講番食物方面先, 因為而家係夏天, 所以就會有冷麵! 而我今次叫咗一個軟排冷麵, 而咩係軟排呢? 其實就係豬軟骨嚟嘅。先評論食物方面先：豬軟骨炆得好腍好入味，肉質入口即溶，而軟骨位非常爽口。 再配上冷麵加麻醬非常好味， 而青瓜令到成個冷麵唔會好肥膩，正。總結係味道方面係ok的, 但較為濃味。想食又忍到嘅你就嚟挑戰啦~…查看更多

星期日同朋友仔去咗銅鑼灣行街，行行下因為天氣太熱啦，所以呢～我哋就去咗附近嘅“茶湯會”買嘢飲啦。🙋其實款式來說都算多, 令我同朋友仔都花多眼亂呀, 咁今次我就選擇珍珠奶茶啦, 因為我好怕甜, 所以都係叫少甜比較好, 而珍珠奶茶的價值為$19。而等候嘅時間都唔算太耐嘅, 大約5分鐘左右到就有得攞啦。😃先評論珍珠奶茶先:茶底方面: 茶味夠香濃, 奶味好夠, 唯獨是好甜, 其實我已經叫咗小甜, 但都覺得好甜。珍珠方面: 珍珠煙靭, 有咬口, 唔會太甜。而價錢亦算合理, 路過熱熱地, 買杯飲下就正啦。😄…查看更多

又到左食Lunch時間, 見天氣好好, 就決定出街食啦。 今次就去由韓國老闆經營的小店"韓盛朗"食午飯啦。店內的座位不算多, 大約可容納40人左右， 而每枱都會附上熱茶。 今次我必須推介價值$68的L8.炆牛肋骨套餐, 每次我都必食, 實在太味美了。 順帶一提, 因為老闆是韓國人, 還有部分職員都不會說廣東話, 所以落單時都必須講英文。順利點餐後, 店員會送上三色前菜, 分別有: 波菜, 甜薯, 泡菜。 前菜的味道:波菜: 味道較淡 但有蒜香味 好食甜薯: 甜度適中 黏口 好味泡菜: 味道較酸 帶點辣 但食飯好開胃主菜炆牛肋骨終於到了, 因為套餐的關係, 所以會附上白飯一碗。 而炆牛肋骨的配料有: 牛助骨, 蔥, 冬菇, 白蘿蔔, 紅蘿蔔。 先評論食物方面:牛肋骨炆得好腍, 非常入味, 雖然骨比較大舊, 但可能是炆得岩岩好的關係, 每次總是骨和肉好容易就可以分離,食的時間當相方便。 而配料方面的蔥, 冬菇, 白蘿蔔和紅蘿蔔令肉汁帶鮮味, 非常香濃, 送飯一流。 配料亦非常入味, 令到白紅蘿蔔們都好腍, 整個蘿蔔都充滿哂肉汁, 好香好正。 總結:午飯時間無得訂位, 先到先得, 需收取加一服務費, 點餐時需要講英文。 而食物方面, 有用心機去處理食物, 炆得好香又入味, 值得一試, 推介推介。…查看更多

放左工後, 心思思想食日式飯糰。 於是, 就去左鑽石山荷里活廣場新開無耐的"華御結"。飯糰的選擇非常多, 而且是使用日本米的。 還有每月限定的, 保證百食不厭。飯糰雪櫃衛生好好, 可放心食用。 而且貨源充足, 定時會再添新的飯糰, 做法非常正確, 抵讚。除了飯糰外, 還有一點日式便當/輕食/手卷/自家製濃湯, 而且仲可以配套餐的。而我今次買左個價值$38的套餐A(包括兩個飯糰加一碗細自家製濃湯)。 而飯糰的口味, 我選擇了"辛口明太子"和5月限定的"山葵蠑螺"; 自家製濃湯都有兩個口味選擇, 就是"和風豆乳骨膠原雞湯(白湯)"和"野菜蕃茄濃湯(紅湯)", 而我選擇了紅湯。先評論食物方面:飯糰的日本米綿綿好香好易入口, 而紫菜非常脆。辛口明太子口味: 明太子好香好濃 有點辣 感覺與在日本時食的飯糰口味相同。山葵蠑螺口味: 蠑螺爽口 味道較濃 山葵令飯糰再添一點香味。野菜蕃茄濃湯: 配料多 味道好濃好香。總結: 飯糰有日本的感覺, 紫菜好脆, 這方面抵讚, 口味選擇非常多, 價錢亦適中, 輕食首選。 而自家製濃湯好濃好香, 配料又多, 極為推介。 …查看更多

星期日無所事事, 所以就上網睇一睇屋企附近有無車仔麵鋪, 點知一望原本寶琳新都城中心有一家, 於是立即去試一試先。店舖位置不太明顯, 被電梯擋住了, 所以我們找了一會兒都找到。順利入座後, 值得一提的是店舖以機器代替人手入單, 令準確度更高。但是全店都是以八達通方式付款, 如果八達通無錢的話都有點兒尷尬。而我今次就叫左一碗"豬紅 牛肚 咖哩魷魚 粗麵 加咖哩汁"。 先評論下食物方面:豬紅: 非常入味 好香 好滑 牛肚: 尚算爽口 唔會太韌 份量少咖哩魷魚: 不夠爽口 份量少總結: 全店機器化入單非常方便, 但記得八達通一定要有錢。 而食物方面, 味道令人滿意, 食物亦新鮮, 但份量方面實在過份少, 所以不算太抵食。…查看更多

太好了, 又來到打工仔最開心的Happy Friday啦~所以和同事們食好嘢啦 今次我們選擇了美孚只開業半年多的日本餐廳"賀喜"由於午飯時間都較為人多, 建議先訂座較方便今次我選擇了價值$85"F餐-挪威三文魚海鮮魚生丼", 而魚生飯的材料有:三文魚, 帶子, 甜蝦, 蟹子和玉子。 由於是套餐, 所以都會包麵豉湯以和日式蒸蛋的。先評論食物質數, 三文魚間中有筋但新鮮, 帶子鮮甜, 甜蝦肥美不腥而且大隻, 蟹子及玉子亦可口。 而麵豉湯就較為濃但好油, 味道亦一般; 日式蒸蛋非常好味, 即蒸即食, 夠熱以及蒸蛋內的材料豐富。總結: 先訂位就保證有得食, 魚生新鮮甜美, 但美中不足是三文魚間中有筋位, 而麵豉湯就太油感覺一般, 但日本蒸蛋非常好味值得一試, 價錢合理, 還有包括餐湯,主菜和蒸蛋, 而午飯時間不收加一服務費, 美孚打工們值得一試。…查看更多

Happy Friday, 同朋友仔食完飯後，諗住搵個地方傾下偈，所以就去左位於美麗華廣場的京都抹茶屋 。餐廳係自助形式，先買飛之後就會有職員送到枱上。但係職員態度麻麻，買個甜品都好似令到佢唔滿意咁，因為我地想坐入面，但係唔知餐廳原來有分枱號，所以比個職員問到口啞啞，咁邊張呀？前定後呀？係咪即係嗰張呀？ 一口氣講出黎，仲要面黑黑咁，欠左你咩？順利點餐後，我地就諗住坐職員所指的7號枱，點知 …… 個職員完全無執拾過枱，入面一共有5張枱，但4張枱都係無執拾過的 ，所以我地只可以坐返門口的二人枱啦。朋友仔就叫個京都雪糕葛軟糍$55，甜品一黎到，朋友仔就大叫貨不對版，同餐牌差咁遠的。朋友仔話味道一般，抹茶雪糕算茶味較香，唔值。而我就叫左京都京都霜淇淋甜品$45，而甜品內包括：抹茶軟雪糕，紅豆，白玉，抹茶軟糍，透明果凍，少量抹茶汁。味道方面：抹茶軟雪糕：茶味較出，而食唔到奶味。抹茶軟糍：好香茶味， 算係唯一亮點。透明果凍：靠抹茶汁先有味道，爽味。紅豆：有點甜，唔夠香。白玉：就實實地，有點黏口，唔夠彈牙。總結：比起其他同級的抹茶甜品黎講，京都抹茶屋算係麻麻，不過不失的貨色。職員服務態度又麻麻，加上甜品全無驚喜可言，全完唔值，唯一優點只係唔洗等位。…查看更多

每次行過深水埗都一定會到囍囍買大墨魚食，今次都唔例外。照舊地買左一串價值$9的大墨魚，墨魚口感一流 :) ，好爽脆，好入味，鹵水汁、甜醬、芥辣所有醬汁都好夠味好正。不過唔好的就係加左價同埋墨魚細左。…查看更多

行完街路過爭鮮迴轉壽司，就有一種抵擋不住的誘惑，於是就自動波行左入餐廳食宵夜了。而餐廳有用餐時間限制的，每次40分鐘，如果趕時間的客人都可以考慮一下啦。還有餐廳的每碟壽司或前菜都是劃一收費，碟碟$8，認真抵食。一坐底就立刻攞左兩碟前菜食住先，就係辣味螺肉和芝麻八爪魚，前菜口感有咬口，好爽脆。之後壽司和軍艦都好好，夠新鮮，帶子壽司的帶子好厚身，沒有黏口的感覺。而軍艦方面黃金花枝以及海膽花枝都非常入味，口感非常爽脆，好正。三文魚籽軍艦的三文魚籽粒粒都好晶瑩，食落口完全無腥味。總結：CP值高，壽司碟碟$8，真係好抵。不過盡量避開人多的時間來光顧，因為真係會大排長龍架。…查看更多

又到左星期五啦， 所以一班同事又一齊去左食貴野，今次同事們就選擇左Wolf Den Cafe。餐廳內環境不錯，店內座位大約有20個左右，唔算太大。我就叫左個價值$98的All day breakfast，包括有：牛油厚多士、薯格、 黑松露炒蛋、 煙肉 、 火腿 、 茄汁豆 、 蘑菇、香腸。仲會附上餐飲一杯。先評價下個All Day Breakfast先。牛油厚多士： 凍左硬左，只食到牛油的味道。黑松露炒蛋：算係All Day Breakfast的亮點，味道岩岩好，好香，不過又係凍左。茄汁豆：係罐頭攞出黎的，無咩特別。薯格：好味好脆。蘑菇：完全係白烚蘑菇，好淡，又係凍左。番茄：好多汁，靠黑胡椒和香草調味。香腸：無咩驚喜，麻麻地。煙肉：好油，同埋只得一塊。火腿：又係好油同埋唔香，完全無火腿的香味。而餐飲Latte都係麻麻，聞到個時覺得都幾香咖啡味，點知一飲落口，味道帶酸，所以整體麻麻。總結：食物和飲品方面麻麻，最差就係食物全部都凍哂，所以食落口總是覺得不好吃。同埋價錢不值，$98可以有好多更好的選擇，所以無下次。…查看更多

今次我和同事們一行10人，一齊去左新開無耐的元氣壽司食Lunch，因為人多的關係，我地就要分兩枱前後坐啦。開始點菜啦，因為今個月有優惠，而我地今日的優惠係三文魚$10碟，所以同事們豪不猶疑地一口氣叫左5碟三文魚，一人一碟唔洗爭。之後再叫左大家都喜愛食的帆立貝壽司、北寄貝沙律軍艦、軍艦三味、炸墨魚咀小食等等……壽司方面：好新鮮。三文魚都算厚身。而帆立貝好鮮味，完全沒有口的感覺。軍艦方面：圍邊的紫菜好脆，北寄貝沙律好味好香，蟹籽好晶瑩好脆。小食方面：炸墨魚咀炸得好香 又唔會太多油，非常香脆可口。…查看更多

晚餐時間，同朋友為左唔洗等位，於是就搵左就近的丼丼屋食晚飯。我叫左個價值$118北海道四色丼，北海道四色丼的食材包括有：三文魚、帶子、牡丹蝦、蟹籽。之後仲可以加$15轉為套餐架(包括有:麵豉湯、沙律、小食)。其實北海道四色丼的買相不錯，但係味道麻麻，食材不太新鮮。牡丹蝦好大隻，但係牡丹蝦和蟹籽食落口都覺得好腥，而帶子就有點而黏口，三文魚算係肥美，唔夠新鮮。…查看更多