茶湯會 (利園山道) (已結業)

星期日同朋友仔去咗銅鑼灣行街，行行下因為天氣太熱啦，所以呢～我哋就去咗附近嘅“茶湯會”買嘢飲啦。🙋其實款式來說都算多, 令我同朋友仔都花多眼亂呀, 咁今次我就選擇珍珠奶茶啦, 因為我好怕甜, 所以都係叫少甜比較好, 而珍珠奶茶的價值為$19。而等候嘅時間都唔算太耐嘅, 大約5分鐘左右到就有得攞啦。😃先評論珍珠奶茶先:茶底方面: 茶味夠香濃, 奶味好夠, 唯獨是好甜, 其實我已經叫咗小甜, 但都覺得好甜。珍珠方面: 珍珠煙靭, 有咬口, 唔會太甜。而價錢亦算合理, 路過熱熱地, 買杯飲下就正啦。😄