書卷子的個人專頁

我喜歡石頭飯等韓食，所以間中都會到韓食家，貪其價錢合理，味道ok。今次應該是第二或第三次來這間分店，但很失望。叫了一客辣豬肉石頭飯，不但不夠辣，而且覺得帶甜。我請服務員多給辣醬，証實是辣醬本身不夠辣而帶甜，跟以往不同。另外叫了一客豆腐海鮮辣湯，服務員問要不要少辣，我說不要。這個味道跟以往一樣算ok。只是最後叫的牛肉年糕湯麵，應該看起來像辛辣麵那種紅色湯底才對，但送來的時間一點都看不出是辣的。點餐的時間那位服務員也有問要不要少辣，當時也說不要，那應該是正常的辣才對。我們再問上菜的服務員，這一個麵是不是辣的，我說我們下單時沒說走辣，他想了一下說應該已經是辣的，問我們是不是要加辣。我們先自己試味，發覺完全不辣，於是再叫了服務員替我們加辣，結果另一位服務員說給我們辣粉，但其實是一些辣椒碎，不太易倒出來，所以加完也不辣。最後我把麵夾到另一個小碗再加豆腐海鮮辣湯來吃。味道其實也ok，而且服務也好，只是這次完全不是我期望的口味。如果大家怕辣的可以來一試。…查看更多

前幾日先嚟過一次，因為覺得好好味，所以帶埋屋企人嚟開餐~ 我地7個大人，叫咗：- 花雕蛋白蒸蟹- 蒜蓉粉絲蒸扇貝- 蒸立魚- 薑蔥焗生蠔- 豉椒炒蜆- 椒鹽魷魚- 臘味煲仔飯- 蒜蓉炒菜心基本上全部海鮮都蒸煮嘅時間好啱，亦好新鮮，無論係蟹、扇貝、魚定係生蠔嘅肉質都啱啱好，好鮮味。花雕蛋白蒸蟹應該算係招牌，次次都見有人食，我今次都係encore；呢期d扇貝好大隻好正，又係代表作；桶蠔都好肥美，食落口好滑同薑蔥嘅味道又好配合；蜆比較細，炒起上嚟得番好少，不過其實order嘅時候職員已經講咗俾我地聽呢個時候d蜆係細d嘅，我地想食所以照order，其實佢味道係好嘅。椒鹽鮮魷嘅味就唔係咁夠香口。煲仔飯好足料，一打開已經好吸引~呢度嘅職員都好nice，連免費接送去地鐵站嘅司機都好好人。環境幾特別，我地坐近門口室外海邊，食完沿住碼頭行入去原來好長好多檯，幾有風味。海鮮嘅價錢睇落都唔平，但煮得好食又唔收加一唔駛茶芥，最後埋單都唔係貴，7個人唔駛$1400，亦食得好飽，都算好抵食~…查看更多

諗住呢一區過咗夜晚10:30應該好難搵食，以為一定要食麥當勞，但係行過呢到仲有好多食緊。由於之前7點幾行過時都好多人等位，睇餐牌又好似ok，咁就俾次機會佢試下啦~ 兩個人唔算真係超肚餓，決定捱兩份卷物同一客天婦羅。 價錢同出面d日本嘢差唔多，但份量大好多，天婦羅除左3隻大蝦仲有好似5-6件嘢，而且無論係番薯、茄子or其他都好大片，起碼大過其他地方一倍。啱啱炸起熱辣辣，個粉都啱啱好，非常好味。另外兩份叫咗乜乜軟殼蟹卷(唔記得全名)同埋風沙三文魚卷，每份有成6件而且好大，不過最緊要都係兩款都新鮮好味。我特別欣賞風沙三文魚卷嘅「風沙」，其實係一d炸炒嘅碎放喺面，同個三文魚一齊食感覺好特別，外脆內軟嗰種，而且個炸粉唔知點解好有薯仔味，雖然個樣好次天婦羅炸粉d碎碎。因為鍾意個口感，我連天婦羅兜裡面d碎都放埋上去軟殼蟹卷上面一齊食~ 呢晚真係食得好飽，一定會再嚟食! …查看更多

上星期元朗新店開張嗰日去咗幫趁，因為新店開張全線一星期裡面都食$100送$100，得到6張$50現金券，唔用好似好嘥，出開尖咁又冇咩特別嘢想食，所以唔算特別鍾意食都嚟咗呢到。宵夜時段入嚟要$128一位，任飲仲要加$15，其實我覺得相對其他任食打邊爐唔係平，咁質數應該要好d。其實我地幾個人都唔鍾意濃味湯底，但佢嘅清湯底一樣好濃好鹹。d食物款式好似多過元朗少少，但第一round已經冇蝦，第二round想要粟米都冇，但冇又唔會有人話你聽，同人講冇嚟到佢先話冇晒。不過最大問題係d食物質素好麻麻，差過上星期元朗。d肥牛肥羊平時卷得好靚咁攞過嚟，但今日呢間係卷咗但一「pat」咁撻喺碟到，個樣好唔新鮮好似放咗好耐，我上次食食到尾淨係到嗰d出咗水就係咁樣，唔計個樣味道亦麻麻地。脆肉鯇唔得，上次元朗都覺得係脆嘅，呢間嗰d煮一下已經爛。其實食物幾本上普通，冇咩特別。全場好似唔夠人做野，我地張檯好入，搵親waiter都舉手舉足幾分鐘先有人見到。先係搵人俾豉油，我地3個人但第一個waiter只係俾兩碟豉油，以為佢冇手攞分兩次，但最後冇再返嚟，要再搵第二個阿姐。後其搵人加水，因為唔鍾意加湯咁鹹，但叫做幾次都冇加，個鍋滾到得番好少水好鹹都未加到水，我地向同一個阿姐講第二次要加水，佢轉身走去搵水嘅時候我聽到佢同其他同事講唔見咗水壺水。埋單先慘，我地11點叫埋單，因為揸車唔想超時泊車，所以等咗5分鐘未埋到單就搵人去攞車先。我見幫我埋單嘅女經理攞住4本薄埋單，諗住其中一本係我地嘅，點知4本都唔係，唔知點解好似遲過我地埋單嘅都埋到單都未到我地，我地張檯d嘢反而已經俾人收晒。埋單唔知點解個個都攪好耐，見佢每個位起碼講3分鐘。最後見佢4本埋完掉頭走，我地已經足足等到11:20，於是自己走去收銀搵單，啱啱將單喺另一個經理嗰度，喺counter又要等碌卡，個counter好混亂，好似有waiter收咗個客現金券唔見咗，仲之d單攪到好亂。最後再攪咗起碼5分鐘先走得，好彩預早埋單同攞車。雖然食完又送番200蚊coupon，不過我應該唔會再幫趁。…查看更多

我唔係成日寫食評，因為冇乜時間。通常我寫親一係超好食，一係超難食。尋日情人節同男友食完西餐，之後諗住食碗中式糖水。尖咀區好似冇咩糖水舖，搵搵下見到大良八記諗住老字號實冇走雞啦。佢個新裝修+新餐牌勁似許留山，冇晒特式，呢個其實都冇所謂。我叫咗腐竹雞蛋糖水，男友叫咗杏仁糊，再加個燒賣。嗰碟8蚊6粒嘅燒賣，絕對係我食過最難食嘅! d燒賣咬落一舊粉，咩質咁都冇，味又冇，我地覺得係返蒸咗n咁多次發晒水咁嘅款，同埋佢連燒賣應有嘅黃色皮都冇，只係有少少好淡嘅黃色喺表面，我覺得真係蒸/煮得太耐太濕爛咗塊皮，d淡黃色係之前塊皮甩落去咁! 我食咗一粒已經唔想食。糖水嘅味道係ok，但我個腐竹雞蛋糖水一片腐竹都搵唔到，因為煲到完全爛晒，爛到好似d粉咁細。平時去邊到食都唔會咁，通常都會一片片指甲咁嘅size。白果得半粒，隻蛋ok，但係其實我個位上一手又係食完腐竹雞蛋糖水但食剩隻蛋，我叫佢煮d嘅煮食咁，我真係又d擔心我隻蛋係上一手嗰碗嚟嘅!今次大良八記真係超唔掂，直頭令我想blacklist晒佢所有分店! 呢間分店咁嘅質素都仲有咁多客，我覺得只係因為位置方便，附近少糖水舖同埋大良八記個招牌! 佢唔改善我覺得佢好快會bye bye!…查看更多

以前友人住喺呢度附近，成日夜收工跟住嚟呢度食嘢，因為覺得抵食又好食，所以帶我嚟食。呢度已經變成我地嘅食堂之一，最近就算去旺角，要諗晚飯食乜，我地都會專登行過嚟食。呢度主力食粉麵，不過我次次都係食碟頭飯，最愛佢嘅鮮茄雞扒飯同牛腩飯，大大碟又好味都係$20多d，套餐加$5有嘢飲。最開心係佢地叫飯會有紫菜湯送，有時我以為冇但食食下佢又會攞過嚟。廿幾蚊有飯又湯宜家真係好難搵~ 我上次嚟大約係一個月前，嗰晚食到10點鐘，竟然有兩個小朋友嚟食西多士，好攪笑~…查看更多

今次是第二次來這裡去晚飯，上一次大約是兩、三個月前路過，看見蒸飯很抵食，於是跟兩名友人一起試試。一吃之下不得了，我們選了蒸肉餅、冬菰滑雞和烏頭，全部都非常好味，還送大大碗例湯，埋單好像才$100左右，超抵，吃過快餐也不只這價錢。說回今次，昨天因為有事前往佐敦，事後馬上想起再來這裡吃晚飯。今次老闆還推介了煲仔飯，因為我很喜歡吃煲仔飯，餐牌上有我最愛的田雞煲仔飯，而且是紅棗杞子田雞飯，好像很吸引，於是決定一試。其實我本身並不寄予厚望，因為這幾年吃過不少煲仔飯，我最喜歡的是西環坤記，大埔陳漢記也不錯。這兩間都是出名的煲仔飯專家，每次去吃都要等位半小時而上，坤記更要預早book位。這裡既然主力做蒸飯，又不是出名吃煲仔飯，所以我估計只會是普普通通。怎料又令我喜出望外，飯本身而很好味，我只是加了很少豉油而覺得很正。田雞超滑，平時我媽說大隻的田雞肉很「鞋」，但這裡又大又滑，煮之前應該有調過味，但不會蓋過田雞肉本身的鮮甜。杞子紅棗也大大粒，整個配搭很特別。老闆煮煲仔飯的時候，鄰座的客人說要多飯焦，老闆說他們的煲仔飯一定有飯焦。而我吃的時候，老闆教我要先吃上面的飯再吃裡面，因為裡面的飯再焗一下會更好味。朋友今次也是冬菰肉餅飯，也很正，肉餅很滑，味道很香。平時不愛吃肉餅等煲仔飯的我也忍不住吃了好幾口~ 另外我們叫了油菜，腩汁很濃，菜也新鮮，例湯也很好。兩個人$85埋單，很抵，不過最緊要還是好味~因為覺得這裡很藉得推介，所以決定寫食評。想不到我給100分的食店竟然只有-1分，所以馬上要把我的評價讓其他人參考。不過來過兩次，大部份的客人都很街坊，有不少大叔，所以也較少人寫這裡的食評。另外還要讚一下服務，因為是家庭經營的，老闆和老闆娘都很友善。他們的兒子就是蒸食送的廚師，他時間控制得很好，因此食物都蒸得啱啱好~ …查看更多

呢間湘菜館d嘢真係好好味，而且係超抵~ 我食咗兩次，每次都係兩個人食三個菜式，飲埋汽水叫埋白飯都係七十幾蚊。介紹下我食過嘅嘢啦：- 雙椒魚頭(CNY28)：好大嘅魚頭，一邊放紅椒一邊黃椒嚟蒸，兩面嘅味道各有不同，但一樣咁好味~ d底下有粉絲，索咗d汁好好味~ 好辣，超正! 就係佢令我再嚟幫趁! 食兩次都一樣咁得!- 蒜蓉油墨菜(CNY12)：超平，好大碟，最緊要係d菜有種鮮甜味，係我成世人食過最好味嘅油墨菜! 食都超飽都忍唔住要清晒佢!另外仲食過農家小炒肉同炒豬潤都好味，d豬潤好稔，唔會炒都乾晒~佢地壺茶好香茱莉花味，仲想講埋佢碟花生都炒得好味過人! d職員都好好，佢見我地淨係食花生唔食碟酸蘿蔔(?)，問我地要唔要換埋做花生!呢間小菜館雖然唔係豪華嘅食店，不過乾淨企理，食得舒服~ 我仲會再幫趁!…查看更多

上星期五同朋友慶祝生日，因為朋友鍾意食日本嘢，所以就上openrice搵間日式放題食餐好。見呢一間評價唔錯，位置放便，價錢都ok，就打電話嚟訂位。聽電話嘅小姐幾有禮貌，態度唔錯。不過問價錢之後發覺已經冇咗openrice寫嘅7:30前入席嘅優惠，只係得番8:00前埋單9折同埋9:30後宵夜價$128。我地7:25到，環境我覺得幾ok，坐得舒服。一開始佢已經講明限2個鐘，我地亦有心理準備，於是一開始就係咁tick嘢食。而且因為有好幾個食評都話有漏單情況，我地真係一d都唔客氣係咁tick。結果全晚都冇漏單，嘢食都嚟得好快。有個friend仲唔小心tick咗3個牛肉鍋，因為佢見我地tick刺身係tick幾多件，又以為份量唔多，結果連埋另一個friend tick嘅一客，嚟咗4個牛肉鍋! 我地6個人放到成檯都係，所以不斷係咁食!講番食物本身，種類都ok，刺身真係好新鮮，不過唔算好多款，之前其他網友提過有鮮帶子，但係冇得tick喎。另外網友話有清酒煮蜆，但宜家得番牛油炒蜆。我覺得味道ok，主要係胡椒味，但我d friend覺得怪。串燒同其他燒物都好味，牛肉鍋都ok。蟹粥都幾足料，有好多蟹，不過味道普通，我d friend話值頭係唔好食。雪糕有4個味，我食咗綠茶，非常正~ 如果唔係太飽，我都真係想試晒佢。服務方面，有個男manager好有禮貌，非常好。我d friend話女嘅waitress就麻麻地，因為佢地咗路口上菜位，所以我都唔係好知。不過最後上雪糕嗰個女仔就真係態度唔得。我地6個人坐窗口卡位，張檯當時放滿嘢未收得，佢放低頭兩個我已經係pass入去俾裡面嘅朋友，但係佢繼續遞過嚟仲要好惡咁話「傳入去啦」，我唔記得佢有冇加唔該係前面，但佢d語氣真係好差，連我平時咩都冇所謂嘅人都覺得佢差，我隔離幫手傳緊個friend都話打個突。最後夠鐘前3個字左右，有個女waitress同我地講要準備埋單同交檯，同埋advice我地盡量食埋檯上嘅食物。當時檯上兩個鍋剩番少少津白、3件卷物、半碗蟹粥、幾條跟本冇人叫過幾多春魚等等。我都唔想浪費食物，所以我好飽都再食咗少少，不過我個friend好唔滿意個waitress咁講，因為佢覺得d嘢整得唔好食，冇理由迫個客食晒佢。不過我覺得佢都係建議啫，冇迫我地一定要食晒，亦唔係食淨要加錢。所以呢d說話算唔算唔禮貌就見人見智喇~6個人食成千蚊都幾貴，不過話晒係任食任飲汽水啤酒雪糕，$168加一呢個價錢食到好味嘢日本嘢都算係咁。其實間餐廳唔算大，但呢晚竟然坐唔滿，都幾srurprise。可能因為星期五大家第二日唔駛返工，所以夜d先嚟食宵夜。我地走嘢時候門口有好多人等緊。走嘅時候先留意佢地寫住生日正日嚟食、有5個人以上又有訂位會有蛋糕。不過我個friend其實唔係嗰日birthday，所以都係冇得送。…查看更多

前一個星期五晚同朋友食。本來係去女人街口海壽司，但去到發覺冇，貼張紙叫人呢度，於是就試下，因為我地想食日本但唔鍾意坐迴轉位或者太迫地方。7點幾上到即刻有位，3個人住迴轉卡位，都ok。成個環境唔錯，唔會好似地舖食店咁迫，裝飾都唔差。好多款壽司都ok，天婦羅炸得幾好，但最特出係佢個清酒煮蜆。我食過好多間日本料理清酒煮蜆，第一次咁大隻蜆咁新鮮，仲要只係$30，非常抵食!我覺得呢度價錢算唔貴，我非常之想再食~! 我地有discount coupon，但3個人都係食$250左右。我見有人還呢度service好差，但我呢次覺得好ok喎，d人好有禮貌，好過好多地方。我見有人話杯麥茶好難飲，其實人人口味唔同。我完全唔飲coffee，仲好怕d味。我飲佢d麥茶都覺得有少少coffee味，但我覺得ok，都幾好飲，我朋友仲話好好飲添! 我地個位係自己沖茶，有茶包放度，我仲想提議打包幾個番屋企沖添!…查看更多

其實已經係幾個月前事，我自己都唔記得食咩，但就記得d好一般，我個friend直頭覺得難食。晚原本唔係呢度，係去隔離街間蒲公英食定食，點知摺。晚係星期五，間間都勁多人。呢間都full，但就冇對面咁多人，於是就揀呢度。點知d咁麻麻，坐得又迫。最慘係佢唔夠人手，成間舖幾十檯3個侍應，我地坐死角成日叫唔到佢。叫到佢想落order，佢又做手勢唔過，原來得一個人識廣東話，落order要等個得閒，真係等到我地...試一次都真係幾後悔!…查看更多

星期日晚在旺角覓食，由於想食日本菜，於是決定來這間新店試試。接近9時來到，不用等位，但只有BAR檯。今次主要不是想吃壽司，但我們剛好坐在魚生櫃面前，好像很新鮮的樣子，很吸引。於是點了魚生飯($25)、黑芝麻軟殼蟹卷4件($20)。另外再叫了滑蛋咖哩豬扒飯($42)和燒三文魚頭($25)。個人覺得全部都很抵好味! 魚生飯夠新鮮，細細碗不會吃一碗就吃不下其他東西。黑芝麻軟殼蟹卷不錯，雖然黑芝麻比相片少。滑蛋咖哩豬扒飯的咖哩比外面吃的甜一點，整體OK。三文魚頭很滑，全部骨頭給我吃光光!由於這次試食很滿意，隔幾天我就帶了幾個朋友來再吃。今次吃壽司為主，款式不太記得了，因此不是我選。吃了幾款較貴的壽司，包括帕爾馬芝士壽司，PIZZA壽司。因為我不吃芝士，所以沒有吃，不過朋友的反應一般。叫了個$65的魚生刺身，但份量很少，而且朋友想劍魚很腥，大家都不喜歡。另外有客燒吞拿魚沙律，看起來好像生牛肉，吃起來也有點怪怪，還是整片魚生好吃。熟食方面叫了一客清酒煮蜆，蜆很細但數目不少。最好是清酒的份量比較濃，其他地方吃到的通常很淡，這個要濃幾倍，$25算幾抵。朋友們最後吃了個芝士雪糕的甜品。一個脆看粉皮包著芝士，朋友說幾好。我則吃了紅豆和黑芝麻雪糕球，也不過不失啦~這裡服務也很不錯，侍應都很有禮貌。環境也舒適，幾個朋友食飯傾計都幾好。…查看更多

昨晚行至書展至9:30pm左右，十分肚餓，隨意選了灣仔行人天橋附近最就腳的茶餐廳醫肚。男友選了晚餐，我則叫滑蛋叉燒飯。男友說晚餐的味道不錯，我的也很足料，味道ok。不過最意外的是這裡的服務態度。雖然是茶餐廳，但職員很有禮貌，很友善，也很積極和熱心，很難得。將來有機會也會在來吃。…查看更多

星期三晚去完科學館已9時多，十分肚餓，於是到KFC醫肚，因為方便又有coupon。我間中都會吃KFC，因為也喜歡吃它的磨菇飯，巴辣香雞翼，辣雞及薯塊。可惜這間KFC的食物實在太難吃!首先，9點後竟然已經沒有任何飽賣，結果只能食雞。唔辣的雞很久沒吃，但一點昔日那種"11種香料秘製而成的感覺"都吃不出，很普通，不好吃。辣雞兩件都是雞胸，非常"鞋"口，"鞋"到令人吃不下。最失望是那個磨菇飯，我每次都會吃，但未吃個這麼差的。飯一舊舊一par par，咬下去表面有點乾，裡面則像漿糊一樣，很難吃，醬汁的感覺也太濃。我第一次吃不完一碗磨菇飯，因為根本吃不下。薯塊的味道一般，不過好像不熱，涼得很快，不好吃。整餐最好的食物竟然是汽水，真離譜!奉勸各位不要去這間，特別是夜晚!很不新鮮!…查看更多

想找間舒適的日本餐廳跟人慶祝生日，看了很多餐廳的食評都好壞參半，結果選了在好好味網站有coupon的匠日本料理。我們一行7人比安排在一個房間裡面，如果想好好傾計，這是過不錯的環境。但房間又似乎太獨立，不像外面可看到壽司師傅。裝修太簡潔，只有灰黑色的四堵牆。叫侍應也不方便。單看餐牌覺得價錢很貴。我們點了: - 特選壽司13件(非常好，魚生都非常新鮮) - 軟殼蟹卷(4件) (普通) - 炸蝦卷(4件) (普通) - 清酒煮蜆(好大隻好新鮮，但薑蔥味遠超清酒味) - 椒鹽油甘魚頭(普通) - 鐵板炒麵(好，不過很遲上) - 雜錦天婦羅(普通) - 三文魚味噌鍋(普通) - 免費(coupon) 油甘魚刺身5片(非常好，非常新鮮)整體來說，熟食的味道比較普通，跟味道其他食店差不多，食材新鮮但不抵食。魚生刺身則非常好，而且世界杯其間有八折。雖然都不便宜，但比熟食抵食。服務ok，不過進來的時候沒有給茶，反而問我們要不要叫飲品。之後我們問有沒有茶才給我們。埋單7人$666，比想像中平了很多，大概是因為壽司八折的關係。不算吃得太飽，但也ok。…查看更多