SukiChoi2433的个人专页

一直聽講呢間阿根廷牛扒店好出名，終於的起心肝去試。開放式廚房好有氣氛，睇住廚師喺火爐前烤牛，跳動嘅火焰係迷人嘅風景，不過空氣中瀰漫嘅油煙，確實為呢場盛宴添咗份真實感。今次試咗：・ 澳洲21日乾式熟成黑毛安格斯 (Medium Rare) - 炭燒香氣到位，但牛味偏淡，肉質有咬口，青醬嘅味道搶咗鏡・ 香煎三文魚 - 稍稍過火，配菜反而更出色・ 牛油青菜 - 蒜片同芝麻炒得好香，牛油味濃得嚟層次好豐富。・ Mac & Cheese - 全晚高潮！芝士濃到黏脷，面層麵包糠烤到脆脆的，邪惡到極點・ 鴨油薯條 - 香脆，充滿蒜香好惹味，但唔太食到鴨油特色主菜冇預期中驚艷，最好味反而係個邪惡Side dishes－Mac & Cheese。如果你同我一樣係芝士控，呢度嘅side dishes可能比牛扒更值得你來。#hkfoodies #香港美食 #hkfoodieblogger #hkfood #hkfoodshare #foodie #central #steakhousehk #steakhouses #argentinsteak…查看更多

裝修簡約燈光柔和，不過夏天嚟冷氣有啲唔夠🥵前菜三小碟有驚喜！尤其係酸甜白泡菜，同平時食開嘅辣泡菜好唔同，幾清新～辣辣魷魚同醃白蘿蔔都開胃😋🥑 Grilled Shrimps & Avocado Salad牛油果creamy，蝦肉爽彈，沙律醋輕輕帶酸，整體幾清爽～🦐 Seafood Pancake新派做法，粉漿薄身，口感偏軟唔脆，但海鮮料都算足～🧀 Spicy Stir-fried Chicken with Cheese鐵板熱辣辣上枱，睇住芝士慢慢熔係幾治癒～點雞食味道不過不失，辣度溫和，芝士唔算好濃。總結： 中規中矩嘅一餐，適合想試吓新派韓式嘅你，但唔好期望太高～😉食物Food: 3/5環境Ambience: 3/5服務Service: 3.5/5回頭率Return: 3/5…查看更多

海港城既特色台灣料理- CHECK IN TAIPEI 開左間係元朗Yoho 喇！ 之前跟友人去過尖沙咀店食過，覺得好好味，所以身為新界人嘅我當然要支持一下元朗店啦！今日星期六，還沒到12點（開門時間）已經有很多人排隊。今次我係一個人，所以很快就位喇！元朗店和尖沙咀店都是以莫蘭廸色調為主，但元朗店就比較開放式設計，天花掛上漸變布為裝飾，整個氣氛更加causal 。Scan QR code 睇menu, 今次我點左個招牌牛肉麵同鳳梨苦瓜汁。招牌牛肉麵（配手工刀削麵）麵一到，我當然要試下個湯先啦。湯底有濃郁既藥材味和牛肉香味，再配上碗邊既辣牛油，令整個湯底更有層次。牛展肉質軟淋，百頁豆腐滿滿豆香，蟲草炸得半脆，刀削麵彈牙而且索曬牛湯，呢個配搭真係好好味！鳯梨苦瓜汁台灣出名鳯梨和苦瓜，所以我就叫左呢杯果汁。呢杯果汁係新鮮榨的，杯底還有一些鳯梨碎。不太苦，甜甜的，很解渴。吃完濃濃牛肉麵來杯清新果汁真不錯。Encore: 10/10下次會再約多啲朋友黎食，可以試更多唔同菜式 😁…查看更多

適逢家人生日，搵吓新餐廳試吓先 。家人要求要食牛扒，咁好啦！就搵左呢間位於中環（大館對面）新開既阿根廷扒房 La parilla steakhouse。餐廳裝潢充滿情調，鄉村風浪漫設計配上紅磚牆和木傢俬，在柔和燈光下感覺好舒適和溫暖，十分適合來慶祝特別日子或友人/家庭聚會。呢度menu 全是阿根廷菜，而且選擇挺多的。除了牛肉外，也有海鮮和其他肉類擇。我地4個人，叫左2個前菜（Beef Steak Tartar 和Provoleta Al Horno）、2個主菜（Carne des Res Platter －2人份和PanRoast Monkfish Fillet ）、2種配菜 （Cajun Sweet Potato Fries和Creamed Spanish） 、最後當然唔少得甜品Homemade Churros 。叫好野食，侍應就遞上餐前麪包比我地。呢個香草蒜香麪包，面層脆內𥚃濕潤軟軟的，沾上黑醋和橄欖油，好味。Beef Steak Tartar 這個牛扒他他是將牛扒細切而成，口感一粒粒有咬口，配上魚子醬、香草和秘製醬汁（酸酸的）。吃既時候將牛肉粒撈埋醬汁，再放係熱烘烘蒜茸包上，口感不錯。肉味不算十分重，但酸酸的好清新開胃。Provoleta Al Horno 烘Provoleta cheese，我最愛。呢個芝士味道濃厚、焦香，配上酵母酸種麪包，每口都充滿著邪惡而美味。記得呢個要快食，一凍左就會變得又咸又硬。PanRoast Monkfish Fillet 雖然呢間係扒房，但呢個煎石頭魚柳真係超級好味，魚皮煎得香脆可口，肉質鮮嫩多汁，再加點檸檬汁，完全無魚腥味。配菜有啲蕃茄青瓜粒，令整個菜更多層次。Carne des Res Platter 最期待既牛扒黎喇！呢個牛肉拼盤有3個牛既不同部位(Rump, filets 同Skirts)。阿根廷牛肉是碳烤處理，可以完全鎖住牛肉的肉汁 ，做到肉質鮮嫩(無血水)，充滿濃濃牛肉油香而帶點碳香味，令人回味無窮。3個部位肉質口感各有不同，肉香亦都由淡至濃。雖然餐廳食牛扒會跟配6個唔同醬汁，但個人覺得唔點醬汁都已經好好味。Cajun Sweet Potato Fries甜薯條炸得很香脆，沾上Cajun 粉，滋味濃郁，甜甜而不辛辣。Creamed Spanish 滿滿蒜香的白汁菠菜，好吃，但有點膩。Homemade Churros 最後當然要食呢度既Churros 啦！適逢家人生日，店員幫我地係甜品度寫上 Happy Birthday。呢個Churros 外脆內軟，不會太甜而又有著淡淡肉桂味，yummy! 完美地為這餐畫上句號。Encore 指數：9/10 （下次想試 Wagyu Skirts) …查看更多

上水都有間好味泰國船麵喇！前幾日係上水唔知食咩好就睇下 Openrice 上水有咩新餐廳，在眾多選擇下和友人決定試吓呢間泰船。店舖細細，餐牌簡單，店員禮貌招呼。食到一半有2個泰國客人，先發現原來大㕑和侍應係泰國人，識講泰文。我和友人叫了一個豬頸肉紙米卷、泰式豬手冬陰功米粉、牛肉船麵、青檸梳打、鹹檸七和 椰汁西米糕(外賣)。豬頸肉紙米卷 (賣相好好，但外賣盒裝住，好有泰國外賣店風情 ）豬頸肉暖暖的，配上新鮮生菜、紅蘿蔔和青瓜，再沾上甜酸醬，好開胃。泰式豬手冬陰功米粉豬手和冬陰功米粉是分開上的。豬手已經炆到好淋，個皮滿滿骨膠原，好好味。冬陰功湯底不錯，不會太辣。米粉吸曬冬陰功湯好滋味。牛肉船麵船麵有兩種揀牛肉和豬肉，我就擇左牛肉。一嚟到先試一啖湯底，湯底甜甜又濃郁。侍應話加啲船麵醬食會仲好味，船麵醬酸酸微微辣，加左之後湯底更加有層次感，濃而不膩，更開胃，真係好好味，可以下次再encore。仲有泰式肉丸同炸豬皮🤤🤤🤤椰汁西米糕因為食到太飽，最後呢個甜品就打包返屋企食。平時食呢個甜品通常都會好甜，但呢間小店整嘅係唔太甜，仲要好足料，有齊芋頭粟米。好味：❤️❤️❤️❤️❤️環境：💙💙性價比：💛💛💛💛💛…查看更多

得知屯門市廣場有一個新food court 就去看看。Food court 裝修很有格調，而且美食選擇多 。最後我選擇了一間叫Burga 的店舖，這是一間中西合璧的漢堡包店，有肉餅burger 、軟殻蟹burger 、蝦醬炸雞…… 十分有特色。但最吸引到我的是這店竟然有素食burger- So Burger。很多外間素burger 也會用未來肉，這間竟然是全蔬菜做內餡，這真的令我立即心心眼，更是素食者一大喜訊。So burger 是紅色麵包（用紅菜頭汁做包？！），餡料有牛油果醬、蕃茄、炒蘑菇和生菜。所有蔬菜都是吃得出的新鮮，口感豐富，賣相一流。另加配套餐的薯條配黑松露醬，這個醬滿滿黑松露味道，不是那種名不副實的。下次再去會試一下其他特別漢堡😊…查看更多

珍珠奶茶風氣大吹下，土瓜灣區近月開了多間台式飲料店，當中包括擁有多間分店的「茶理史」。此店出名有眾多茗茶選擇，包括：烏龍、東方美人、菊花⋯⋯等；配料就有腐竹、地瓜小芋圓、白玉珍珠及雲頂。這次試了玄香白玉奶茶(少甜少冰)，茶味偏淡，奶粉水奶香，白玉煙韌彈牙有咬口(有點微酸)，甜度達到要求的少甜。整體而言，雖然不是我的愛好，但選擇總算有創意(將傳統茗茶配合台灣大熱小芋圓或白珍珠，不再只有黑珍珠)，而味道方面可再下點功夫加加油。…查看更多

香港近排開了很多主打養顏花膠雞湯的店舖，有的配上素翅或麵線。這間位於銅鑼灣糖街的印尼小店就主打無味精超香濃花膠雞湯粉皮，地道印尼美食，讓你尤如到了印尼。絕無味精花膠雞湯粉皮花膠雞湯是店主每日新鮮製造，用上多隻鮮雞熬製而成。客人可自由配選滑雞、烤魚、烤雞或巴東牛肉。粉皮好像未切條的河粉般，吸收了雞湯，一大片的入囗更為滋味。女士最愛的花膠也有二、三塊，是吃得到的骨膠原。這碗滑雞花膠雞湯粉皮份量十足 (男生也會吃得飽)，雞肉嫩滑，配上乾蔥 炸蒜更添香味。喜歡香口的客人可選配炸雞件，雞件外脆內軟，十分可口。(怕熱氣就不建議食呢個):)印尼必點串燒這裡的印尼串燒也充滿驚喜，不只有平常的牛、雞選擇，也有豆卜、菇菌、白鱔…等等，完全滿足到肉食或素食的客人。沙嗲醬味道濃厚，香甜中帶有微辣，還有淡淡花生味，十分可口。這碟是沙嗲豆卜，白鱔及牛肉 (串燒一份至少要叫三串，每種叫一串試試，完全滿足貪吃的我) 豆卜燒得香脆、白鱔多脆內軟充滿肉汁、牛肉味濃郁，配上特色沙嗲真的停不了口。…查看更多

正宗台灣紅燒牛肉麵這間位於九龍城法院大樓的康𤋮冰室小食店其貌不揚、沒有大大的招牌，但沿著指示走進二樓飯堂範圍就會見到這間小店。店主是個台灣人，主打當然是台灣紅燒牛肉麵及手工餃子麵。聽說店主特意在台灣找師傅學煮這個麵。湯底香濃滋味，有著蕃茄香又不失牛湯味及蘿蔔甜味，絕無味精，原汁原味。麵底是店主自家製手作麵條，每日人手新鮮搓製，Q彈有咬口。（記得早啲黎食，每日賣完就無）紅燒牛肉半肥瘦，肉質嫩軟，充滿肉香。小店簡單整潔，掛上小小餐牌。這碗台灣牛肉麵雖然沒有華麗碗碟襯托，但賣相依舊吸引。四大舊牛肉、兩大棵清甜小唐菜、完全入味的白蘿蔔配上手打麵及正宗牛肉麵上湯，份量豐富，齒頰留香。跟餐配一包紙包飲品。…查看更多