Blueberrys的个人专页

當晚在屯門分店飲咗一杯牛油果椰奶，恕本人見識少，從來未飲過一杯純白色的牛油果飲品，有一種好淡好淡的牛油果香味（如果十分為滿分我會畀0.5分牛油果香味），而飲落去味道就只是一杯微甜椰奶，第一次嘗試這品牌産品完全大失所望，之後本人飲完換了另一位同事當值，我問還有什麼甜品可以推介，她就好敷衍的跟我說就只是這些，這種服務態度猶如趕客，不想阻她只好無語走了！幾天後再去另一分店試椰青，傾談中才得知牛油果奶應該不是這樣，不同分店的出品可以有這麼懸殊嗎？真心~本人很支持品牌使用天然糖健康産品，但個別分店出品卻偷工減料，強差人意。如果商家還想好好經營下去，定要加強培訓及監督出品！…查看更多

真係唔明點解咁多人話好食，仲要排咁耐隊?糯米糍皮薄但唔煙韌，花生又不夠香不夠脆。茶粿皮厚好粉唔軟轜無葉香，一點都不是家鄉茶粿的兒時質地，更莫說口味，蘿蔔、眉豆、花生、紅豆全部買了，卻沒一個餡料覺得好吃，只吃了一口就迫於浪費。缽仔糕慶幸豆粒比較多，不然也吃不到半個，但整體口感實在太差了，好粉極易斷開。根本這店與二三十年前傳統的味道相差太遠了。仲要排這麼久達半小時多，真的不知為什麼。大衆的口味竟然變成了這樣。…查看更多

去K11剪頭髮，路過此地見到剛有開心果麻薯手工泡芙，必定要即買否則對不起自己，泡芙外脆內軟很鬆化，開心果cream味濃，人氣網紅店，包裝很精緻，服務親切友善，絕對比起那些本地小店，不用貼錢買難受，值得消費，食得也開心，下次再試其他口味及產品…查看更多

屹立佐敦德興街十幾年的《好德來》老字號，等到年多終於重開了，好開心且感動，每次一得閒就要食，好怕又再又再消失…新店位置在佐敦彌敦道216-228號恆豐中心商場內（英語：Prudential Centre），地鐵E出口行一分鐘就到，打風落雨也不怕濕身了。除左〈舊愛〉小籠包及〈至愛〉排骨外，今期新愛-新店出品的“咖喱牛肉湯麵”，保存正宗老上海的風味(令我回憶起10幾年前在上海路邊吃過的小楊生煎味道)，湯帶咖喱清香而不辣，牛肉牛展肉質軟卻不柴，配上自家制的面條，滿滿的幸福感😍，全碗吃清一滴不留，卻不口乾，比起那些近百元的臺灣牛肉麵更抵吃。仲有仲有:鍋貼、黃橋燒餅、蘿蔔絲酥餅、炒膳糊……等，一個胃~唉，真係分好多次才吃得夠😂…查看更多

經常來光顧，因為特別超愛吃泰式粉麵，也甚愛這店口味，無論尖沙咀或旺角也是經常去吃。可惜…試過幾次點了燒雞扒，只有7成熟，雖然侍應最後也跟進再煮，但肉質已不同了。所以這次點了燒豬頸肉，可惜也是不全熟的，逐要求店員更換，可惜再次換來的也是不全熟，唯有放棄這豬頸肉，又浪費食物了!懇請店主可否正視這問題(已經發生數次)，吃了不全熟的豬肉及雞肉會影響健康，也會導致衛生問題。這店是本人喜愛的食店，不希望再發生同類事件了。…查看更多

品嘗了難以忘懷的玫瑰香精糖水咖啡後，在中伏店附近無意發現了一間有內涵的麵包店，總算是點心理補償吧麵包質感實在，外層內軟，還散發著麵粉香，不如其它店的空氣麵包沒有靈魂。當然價錢亦反映出來，不過個人覺得物有所值！希望多點這些麵包店生存下來。…查看更多

Pancake賣相一般，味道不過不失，松軟度不夠，cream不夠香滑，相比尖沙咀銅鑼灣那幾間名氣的、日本過江龍、常排長龍的……仍有仍有很大很大的進步空間！在九龍城沒有選擇的情況下就只有將就，價位屬中上，但服務質素、出品次序丶控制等卻與消費不配，叫了set，先上飲品，再上意粉，剛上完意粉就即上pancake ，但又建議客人3分鐘內品嘗pancake，那應該先吃一半意粉，然後吃pancake 跟住再吃回意粉嗎???完全忽略客人感受，也對食品欠熱誠！另外一記~玫瑰鮮奶咖啡是上抬時已放糖，但甜度超高(比茶餐廳的甜3-4倍)，欠咖啡味更只有玫瑰糖精味(與大陸內地售賣的玫瑰餅很相似)，跟服務員反映過甜，結果回覆是不能更換的這兒的服務態度實在太個性太自我，以後也不敢恭維了!…查看更多

經過幾次，每次都見好多人排隊，所以無緣試食；恰巧今日3:30無咩人就試了。55元一碗面在中午飯點時候不算貴，可惜沒有下午茶時段優惠，所以絕不能叫平或抵食! 羊肉片2:8肥瘦,有點羊味(有人叫so味)，味道及質地可以，幼麵質感幾似上海麵，湯底胡椒味不重也不香，整體而言不過不失，沒有特別出色。不通麵的份量可不少，絕對夠一般男士食得飽。不能說成中伏，不過……如果想食粉麵在這附近幾條街，確實有好多選擇呢! 個人覺得唔值得要排隊~~…查看更多

經過亞士厘道找飯食才發現有間我至愛的韓燒新店,望望全店無人,正考慮是否試試之際,就有位能操國語及韓語的便服男人出來招呼我們,心想可能是新年初五及6點半時間尚早,所以未無食客,應該不會太差吧?就這間吧!我們點了牛肉套餐,即是牛併盤:有4款~雪花牛肉.牛脷.牛肋骨.還有1款....忘記了,反正都只是樣貌不同,因全部也是無味道的!而前菜亦只有3款,沒其他選擇,慶幸有我喜愛的泡菜,惜全部味道沒甚出色,一般超市買到的比他還要好味很多!牛肉套餐內的4款食品並未解凍夠, 經過我們燒烤後,吃著的只是一件件無醃過而又無肉汁的物體我們決定不敢再叫其他食物,只好點了2碗白飯希望食飽就算,可惜連2碗白飯也不合格,白飯上枱時竟然是凍冰冰的雖然已向店員要求,可惜再拿來也是同樣的,我們只好用自己方法加熱....平心而論以這個食物質素及價錢,在尖沙咀可找到比他優秀的韓燒食店多的是(我食開的也有2間)，只怪我們不想行及排隊!…查看更多

早幾日再約同事黎食lunch, 因為實在太掛住佢地嘅拖羅刺身....今次食番同一個set lunch, 但食物質數下降左幾級, 某d刺身唔夠新鮮, 亦縮左水! 特別係本人至愛嘅拖羅, 無色澤、毫無鮮魚味道, 又勁多筋；帆立貝及牡丹蝦亦縮細左2個碼!!!上次似日本築地級數, 今次連和花亭、北海道都及不上! 下次.......唔知有冇下次 …查看更多

近排工作太忙, 好耐無寫食評......每星期總會到這裡食野, 因實在太掛念呢度嘅食物味道......今次約多幾個friend黎開餐, 可以點多d野食喇 小籠包: 每次必食item鍋貼: 又係必食item口水雞: 肉質嫩滑,香麻少辣嘅傳统風味,內地都食唔到醬鴿: 濃濃嘅上海醬汁風味,預訂item上海粗炒: 麵條值得一讚,彈牙爽口,可惜每日只限量供應炸排骨: 坦白講好食又抵食過日式吉列豬扒水煮魚片: 辣味唔會蓋過厚切魚片嘅鮮味酸辣雲吞: 鍾意佢地雲吞夠多菜,又有酸辣湯飲,抵食推介紅燒肉百頁結: 腐皮撈埋d汁餸銀絲卷或飯一流,豬肉無雪味,肥瘦適中銀芽鱔糊: 鱔糊夠新鮮銀絲卷: 食到一條條師傅嘅手工紫薯水晶團: 本人至愛! 睇住由淡紫色漸變深紫色,好靚嘅外表,真係唔係好捨得食落地肚^^ 淡淡桂花香,又不會太甜, 好清嘅甜品 (等我遲d補幅番相先)好完滿又好飽的一餐晚飯 …查看更多

尋日去開灣仔做野, 14:00食晏時間諗住周圍實無位, 就去左呢座新商廈揾野食, 熱熱地就揀左食日本魚生......入到去竟然得一張枱有客, 見地方座位寬落, 刺身 set lunch 最貴都係$108, 就博一博啦!我同同事每人各點了一客$108 刺身定食.... 前菜有3款: 凍豆腐................. okay,合格蓮藕冷盤............. 其實本人唔食蓮藕, 但辣辣地幾好味, 食左少少茶碗蒸.................. 即係中式蒸水蛋 味道恰到好處, 清清地幾滑主菜:刺身一盤.............. 種類約有8款, 如海胆、牡丹蝦、拖羅、葱碎拖羅、赤貝、帆立貝、三文魚, 厚薄適中, 新鮮程度可與日本相比 麵豉湯.................. okay la, 唔會太重味精1碗飯.................... okay la, 都食左半碗 ^^甜品:芝麻雪糕一球..... okay la, 但對本人黎講甜左d埋單時先發現依家有85折, $210 有找, 抵食抵食 !!!已約好同事下星期再黎食過 …查看更多

專登等2點半後才去,貪佢tea set細份量,可以食多幾款1.蜆肉磨姑意粉:汁太稀冇乜味道,蜆肉亦冇味,幸好冇沙,意粉唔夠爽,似港式荼餐廳2.芝麻醬法式小多士:麻麻地,夾餅好食好多3.招牌熱咖啡:唯一冇變之味道食過4間分店,始終都係尖沙咀新世界店最有水準…查看更多

已經有兩、三年冇黎食過,再次惠顧亦再次失望!1.招牌雲吞麵:雲吞味道ok,但有點煮得過耐；麵身太淋不彈牙,而且上湯都幾味精,渴了都幾口渴: 2.蠔油蝦子芥蘭:比較有水準,芥蘭爽口唔苦,但蝦子我覺得澳門香D同好食D,一碟$30比雲吞麵仲要貴,當然有要求!3.可口可樂:夠凍,因為太口渴局住飲以呢個價錢係灣仔區揾野食,未免太不值,本人比較喜歡中環麥奀多D!…查看更多

今晚我地專登黎呢間新開嘅小籠包店試食!菜式: chopstick:1.芥茉螺片:原來唔辣架,螺片咬落好爽,有D似食象拔蚌,味道幾清新,2.油泡羅氏蝦:蝦身脹卜卜幾香口、蝦頭好野味,最緊要食完唔口渴3.小籠包:肉質幾新鮮,皮薄,最緊要夠湯汁,不得不提碟醋好正4.鍋貼:好耐未試過有湯汁漏出來,皮脆得黎唔硬,証明唔係番煎5.酸辣湯:以為已經失傳左,終於比我揾番嘅味道(唔係出面醋+豆辨醬果隻味)6.排骨湯麵:排骨(即豬扒)有肉汁、炸得好鬆脆,味道調得好好7.香茜皮旦魚片煨麵:魚片同湯底好鮮甜8.豆沙鍋餅:皮外層好脆、內層軟身煙靱,豆沙質地幾幼細唔會太甜9.高力流沙球:炸得好恰當,外層好鬆,流沙好香,又係唔會太甜10.豆漿:有豆味、少甜,啱我口味好耐未試過食得咁滿足,好開心呀! (肯定又要做多D yoga la )見到隔籬枱嘅桂花杞子糕及紅豆沙糕好鬼靚,但實在飽到食唔落,等我下次試下先!希望佢地可以keep住D水準,等我多一個飯堂........…查看更多