haysonhayson的个人专页

喺門口望入去已經覺得好似去咗啲非洲部落咁，好靚，我諗夜晚嚟一定好正啲水有啲生果味道，跟住後尾望下佢個水樽，見到裏面有橙青瓜同埋薄荷葉，好有心機叫咗杯Earl grey lemongrass ice tea，個杯超靚好似去咗民族餐廳咁，仲有朵花係上邊添😄飲落去嘅味道，有淡淡的檸檬草味道，甜甜地得來好Fresh ，配上Earl grey茶味清新 ,如果當係凍檸茶嘅話佢係我飲過最好飲嘅凍檸茶😍蟹肉沙律🌟🌟🌟🌟🌟上邊有新鮮牛油果，跟住鋪咗有芒果粒同埋蕃茄粒，芒果係好似青芒果咁，有咬口，又唔會太甜太淋，蕃茄唔酸又清新，最正係啖啖蟹肉，仲食到淡淡的海水味。有一種味蕾嘅衝擊跟住叫咗個意式香辣藍青口🌟🌟🌟🌟🌟藍青口清洗得好乾淨，但仍然好重海水味，每隻都脹卜卜，咬落去會爆汁。加上佢個辣汁真係好正，唔會太辣又有少少蕃茄蓉嘅味道仲加咗香草，係鹹鹹酸酸，但係唔會令你覺得抗拒，反而想不停食。再將麵包趁熱沾上醬汁，又係開胃😋蕃茄仔係用有機蕃茄仔，有紅皮同黃色皮嗰隻，咬落去唔會話好淋最開心係每一隻青口都係開口㗎，可以全部食晒，因為出邊通常都會有一兩隻係唔開口😜聽住佢嘅民族歌曲，炎炎的夏日，喺室內涼住冷氣飲住野飲。好似有種平行世界的感覺，所以放假就真係要好好感受下寧靜嘅舒適！…查看更多

去灣仔睇完中醫，順便醫肚🤰🏼。發現喺銅鑼灣登龍街開咗間冰室。叫Rockycafe💪🏻洛奇冰室，俾佢個大隻佬logo吸引咗入去😜餐牌唔係淨係食中式小菜，連鐵板都有，仲有啲特色小食，鹹蛋黃雞翼嗰啲🤤叫咗個我最鍾意嘅，沙嗲🐮肥牛粉絲煲🍲🌟🌟🌟🌟🌟$86，仲有老火湯送🥣份量多到我唔使食飯😆，肥牛絕對唔會過咗火，唔會比沙嗲味搶晒牛肉嘅味道😋沙嗲汁亦都好出色、夠香濃😍粉絲索晒啲汁超好食😘中式湯係海底椰煲豬肉，完全唔係味精湯，好清甜好足料，好想飲多碗😋🥘鐵板西冷配芝士腸$98🌟🌟🌟🌟🌟估唔到薄西冷原來咁好食🤭，我以為食緊豬扒，一啲都唔會靭，亦都唔會過火位。一咬就咬得開😜芝士腸係用咗熱狗腸，超正呀有食過韓式熱狗嘅人就知！！另外我哋叫咗個避風塘茄子🍆$88🌟🌟🌟🌟🌟其實佢啲份量全部都咁多，係咪真係諗住比大隻佬食？🤣茄子炸得外脆內軟🤤，仍然保留茄子嘅汁，咬落去唔會覺得乾身，配埋避風塘嘅配料👍🏻，又唔會好似魚香茄子咁油，果然係一個唔錯嘅菜式🤟🏻夏天最緊要就係飲番杯凍野，叫咗杯鹹檸七，同埋一杯凍檸賓。唔使多介紹，透心涼👏🏻👏🏻估唔到附送嘅甜品竟然係紅豆沙！師傅煲得好有心機😎，肯定佢有落陳皮，好香，紅豆煲到夠綿。如果係冰室來講我已經覺得絕對值回票價！…查看更多

好鍾意去將軍澳海濱，好似遠離都市生活。行完海濱影相hea下，都下午茶時間。但我仲未食晏😂，好鬼肚餓🤣海濱附近嗰啲餐廳都係食西式野，我好想食飯🥺，行行下發現呢度竟然有一間隱世晒好日本餐廳🍴味道仲超級驚喜👏🏻松葉蟹肉 蟹膏 蟹籽丼飯定食🍱$118🌟🌟🌟🌟🌟🦀蟹膏蟹肉分量超多，對於我呢個勁鍾意蟹膏嘅人，真係超滿足😍！每一啖都食到蟹膏蟹肉。定食仲有茶碗蒸、麵豉湯、沙律🥗同埋前菜🥒飯係醋飯嚟嘅，基本上唔使落豉油，伴上蟹膏已經夠晒味😋朋友就叫咗個🍵鰻魚茶漬飯，驚喜指數💯🌟🌟🌟🌟🌟$68超級抵食❤️‍🔥茶漬飯嘅湯夠晒熱，而且味道真係好清新，直頭可以就咁飲🤣我本來諗住試一啖，結果一試我停唔到口，食咗好多😆返上面鋪住一堆鰻魚，配上紫菜碎。鰻魚已經有照燒汁淋左係面，食落去熱辣辣，又冇骨，好肥美，🤤好難可以搵到一間鰻魚係好食同埋冇骨！真係好驚喜！仲叫咗個小食魷魚圈🌟🌟🌟🌟🌟$68我好少食到一間魷魚圈係唔靭，一咬即刻可以咬斷，炸漿又唔厚😍煮得啱啱好，好似我係食過一間係咁高質，真係冇諗過呢間竟然可以做到同樣嘅意境！🥰仲有$68竟然有成9舊！抵食到一個點！而且好食😋埋單兩個人食到飽飽！都唔使$300！走嗰陣仲見到餐廳門口座位，係可以同寵物一齊嚟，有隻狗仔喺度同主人一齊嘆緊😂…查看更多

聽同事講喺公司後面開咗一間新嘅打邊爐店，今日放咗工本來約左朋友食，點知突然對方話要OT嚟唔到，我又好想打邊爐，唯有自己去試吓😓店舖裝修好有少女心，粉紅色的裝潢，啱哂打卡🥰而且坐得好舒服，地方又夠大$328任食120分鐘⏰，食物選擇非常多。湯底今次要咗「金銀蒜蛤蜊雞鍋」🥘，可以係落餸之前飲添😍好多料，又好飲，冇乜味精，清甜，真係好似煲緊雞湯咁🤩食物方面，除咗一般冷熟食、甜品選擇之外，仲有和牛🤩、牛五花，和仲有出邊好少食到嘅封門柳🥩，藥膳鴨血，和牛腸，花膠等等😘味道係🌟🌟🌟🌟🌟竟然仲比我見到炸芫荽！🌱我真係第一次食咋！唔食芫荽嘅人都會食，完全冇咗浸草青味😜總括嚟講，今次呢一間火鍋店CP值絕對爆分，下次一定要再嚟😎…查看更多

九龍灣平日午餐時間多人多到癲😌，但係夜晚係商業區就冇乜人。唔使限時😍又可以坐得舒服🙂之前呢間餐廳通常都係週末半自助餐，原來平日係有set dinner 🥘 我哋叫咗一個「松」御膳💲358，再散叫一個北海道刺身丼🍱💲328。落單嘅時候，餐廳侍應極力推介試吓飛機貨，深海池魚刺身🐟。朋友勁想試，所以我哋都叫咗個😂爭啲眼闊肚窄前菜芥末八爪魚🐙🌟🌟🌟🌟🌟芥末味都幾沖鼻😂，但係八爪魚非常彈牙，欲罷不能🤤三色刺身🌟🌟🌟🌟🌟帆立貝鮮甜，三文魚肥美，甜蝦冇食，不過我朋友大讚👍🏻汁燒銀雪魚🌟🌟🌟🌟銀雪魚稍為有啲Overcooked, 但非常入味，總括來講都唔錯🙂雜錦天婦羅🌟🌟🌟🌟🌟🍤天婦羅漿唔會太厚，而且蝦肉彈牙💯，冬菇天婦羅有驚喜！好Juicy😙🍳鰻魚炒飯🌟🌟🌟🌟🌟鰻魚味好香，而且份量足夠，加埋鰻魚燒汁，飯粒落甜甜地，粒粒分明！👍🏻朋友成碗食晒😂🛩飛機貨池魚刺身🌟🌟🌟🌟🌟💲98就咁食有啲腥，所以佢配一個好似柚子醋嘅汁俾我哋，味道超級夾！完全將佢嗰陣腥味覆蓋，仲有清新的開胃味道🤤，眨吓眼就食晒🤭北海道刺身丼🍱🌟🌟🌟🌟🌟呢個真係不得了😱，首先竟然有拖羅，質素拍得住我去日本魚市場食嘅🤤！三文魚超級肥美，帆立貝大大隻，牡丹蝦又係勁大隻，好鮮甜😍，仲有啲海膽，分量竟然有好多！而且冇藥水味😋真係新鮮海膽先係咁！我都食咗一半，跟住再影😂因為平日嘅晚上🌃，所以放咗工之後都唔太多人，寧靜嘅環境，美味嘅美食，仲有好嘅服務。既減壓又舒適！要努力啲搵錢先可以食多啲好嘢！大家一齊加油啦😍最後兩個人食咗咁多嘢加埋$862，已經連咗加一😎值得一讚係侍應好主動加茶執碟，中間我哋用晒紙巾又主動幫我哋換👍🏻👍🏻👍🏻…查看更多

今日做嘢做到三點半都未得閒食午餐😪餓扁了，好多餐廳都落場休息了，好彩仲有間拉麵鋪開緊🍜侍應態度好，一入去已經招呼坐低，仲送上茶同紙巾。紙巾好得意，係佢地自己嘅🍵綠茶好香，好似綠茶雪糕嘅香🤤叫左個極上芝士🦀蟹黃沾麵🍜見到糖心蛋已經流口水🤤，叉燒個樣都好Juicy😍，蟹黃湯超級濃郁，而且送上嚟嗰陣滾熱辣❤️🦀蟹肉份量絕對冇偷工減料，大大粒😍最鍾意將啲麵夾落去沾湯，每一條都可以吸收到湯汁😎，蟹湯濃到好似龍蝦湯咁，滿滿的蟹膏香氣😋，麵比較粗身，而且彈牙😁，沾麵就係要呢一種先好食🤩食咗幾啖，侍應突然送上呢個蟹蓋，先記得原來仲有個蟹蓋😜，見到啲蟹子嘅份量完全好似唔駛錢咁😂，配埋芝士🧀完全係天堂級美食⭐️⭐️⭐️⭐️⭐️份量實在太多我一個人食唔晒，我諗下一次可以搵多個朋友一齊嚟share，再叫啲小食咁🤤…查看更多

放工同朋友去食飯，去左荃灣，經過見到呢間西餐廳好似幾吸引，又坐得舒服，就坐低試下。6點左右，人未算多，越夜越多人。一打開menu,以為食Fine Dining😱，好彩佢價錢都好正常😎雖然有套餐，但我哋決定散🍞餐包有驚喜！😍係黑松露牛油醬，好香而且包有3款，全部都好新鮮焗起好鬆軟😋仲有一款脆脆薄薄，配上黑松露牛油醬超配搭❤️V8經典蟹餅沙律🥗$148⭐️⭐️⭐️⭐️⭐️黑醋汁沙律，酸酸甜甜又清新😍蟹餅炸得鬆脆而不厚醬，啖啖蟹肉，蟹肉濃郁😋，又唔會覺得太熱氣黑松露威靈頓牛柳$328⭐️⭐️⭐️⭐️⭐️呢個賣相好吸引！❤️係將個麵包包著牛柳再焗😋，一切開，牛肉仲係粉紅色不會overcooked,我同朋友都哇一聲😂，賣相真係令人垂涎三尺🤤牛肉不會靭，而且麵包係酥皮嘅感覺😍，完全唔會覺得漏同埋飽👍🏻，同埋大佬係個薯餅！超。級。好。食，令我諗起瑞士嗰隻薯餅😁，唔會太乾身，係有種濕濕地，但係好重薯仔味！好鍾意呢隻薯餅❤️不過配菜嗰個小椰菜好苦😂最後，唔係好夠喉，叫埋個 龍蝦汁椰菜花燴意大利飯配龍蝦尾🦞$228 ⭐️⭐️⭐️⭐️龍蝦汁煮出嚟嘅意大利飯真係特別入味😋，我本身都好鍾意龍蝦湯，呢個就好似用龍蝦湯煮咗香濃嘅飯出嚟！飯嘅量都幾多👍🏻但係我哋兩個都忍唔住係咁食😋好快食晒，椰菜花切到細細粒，唔會有浸草青味！龍蝦尾正常貨色，彈牙。其實餐廳都真係好多食物選擇，好難揀，餐廳職員仲推薦，龍蝦湯,水牛乳芝士拼盤.手打雙重芝士PIZZA，不過兩個人得兩個肚，下次嚟我會再食其他試吓😋食咗咁多嘢都係七百零蚊，但有fine dining 的質素，都算係超所值啦❤️…查看更多

放工約左朋友食飯，佢話想食海南雞，行過一棟大廈見到個水牌好大個，俾佢吸引咗入去試下😊裝修非常簡單我同朋友各自叫咗一個，水門雞飯🍚同埋一個滷水豬手飯🐖，每個都係$36，超級平，我哋再配埋小食甜品同埋嘢飲🧃天氣太熱我哋叫咗🍊柑桔蜜，好正呀冇冰但係雪凍凍出嚟❄️水門雞飯，雞肉好嫩滑，隻雞應該好後生😂配埋佢個酸辣汁，好開胃😋，個飯係油飯嚟嘅😎滷水豬手飯，豬手好入味炆得夠淋，而且份量都幾多，食極都有。最驚喜係佢隻雞蛋🥚，竟然係糖心蛋青木瓜沙律，因為我唔係好食得辣，所以我覺得有啲辣🥵，有埋花生🥜喺裏面超正😋，酸酸辣辣又有脆脆嘅咬口。最後當然唔少得甜品🍮芒果🥭糯米飯勁用心😍芒果糯米飯除咗有紫米之外仲有白糯米，你鍾意食甜味嘅色白色嘅糯米，如果鍾意又唔係香味嘅話就可以食埋紫色糯米果一邊。今時今日食個晚餐$60左右，有甜品，有埋嘢飲，真係超值…查看更多

食晏晝，喺旺角已經食到唔知食乜好😩經過彌敦道見到水牌，有間深宵食堂。即刻諗起以前一套戲深夜食堂😂佢話開11:30即刻衝入去試吓，因為好多餐廳都係開12點🤣11點幾去到真係冇乜人，到我走嗰陣就真係爆爆地😄，而且餐廳喺3樓，又大玻璃窗望出去感覺唔錯😌午市價錢非常抵，依家食個茶餐廳都差唔多價錢🥲食好少少🤏見到佢有個和牛海膽丼都係$98，睇個名已經吸引咗我😍黎到完全冇失望海膽冇偷工減料！😍😍😍仲有沙律送😘個沙律的芝麻汁好清新開胃🤩睇吓佢個海膽，好正🤤🤤和牛雖然未去到入口即溶，但係一啲都唔會靭，佢唔係煮到熟曬，所以咬落去啱啱好😎而且牛肉味都幾香濃，配埋生雞蛋黃撈暈，真係好開胃！😋海膽真係有幾大舊，冇數過有幾多舊，但係好似有成五六舊？😊冇藥水味！鮮甜😋同埋飯嘅量真係好多，用左照燒汁，甜甜地。但佢嘅和牛同埋海膽真係令我好驚喜😍😍，$100蚊內性價比高🤩下次要帶埋啲同事嚟食😄…查看更多

無論夏天冬天，我都係咁鍾意打邊爐😍而且出去食真係平過自己整好多！今次食呢個$279 澳洲產特上長期穀飼牛放題套餐 💖可以任食90分鐘仲有波子汽水飲🤟🏻🤪門口有得玩遊戲，玩完仲有獎品拎😆套餐包括有澳洲嘅穀飼牛同埋沖繩豚今次叫咗個鰹魚清湯唔夠可以隨時再添加出邊仲可以攞大量嘅配菜小食晚上8:00全部爆曬除咗波子汽水仲有其他飲品包括啤酒都係飲飲仲有其他章魚小丸子、炸雞、爆谷，同埋自己整嘅棉花糖做甜品選擇花多眼亂😋牛肉方面可能因為係穀飼牛，所以一啲都唔會肥到爆炸，同普通出邊食嘅肥牛唔同！肉嘅質感會多啲😍我鍾意呢啲豚肉方面都幾有驚喜，因為佢嘅肥瘦比例好均勻，我覺得仲滑過牛肉🤪牛舌係最好食嘅！切得夠薄！但係牛肉味超濃！而且好有咬口！牛舌係大力推薦！🌟🌟🌟🌟🌟兩個人埋單$600左右，食到飽飽好滿足！…查看更多

豉油街開左新店，冇咁多人排隊，即刻襯下午去試下😍點知都係坐無虛席😂服務很好，至少一叫落單會有人應🤣我叫左紅燒牛筋牛肉麵，份量超足！😋牛肉好入味，牛筋淋到唔洗咬架🤪我勁鐘意😍而麵的質感唔會太軟，有少少咬口，但唔係硬。湯味有濃濃的牛味🥰$69絕對超值朋友叫左鹽酥雞便當🍱喜出望外😍鹽酥雞係我食過最好食的鹽酥雞！粉醬唔厚，雞肉超嫩滑，肉汁充裕。令人好驚艷！🤩肉燥令我諗起度小月，都好食😋佢個前菜，個齋好入味😚另外叫左兩個小食，跟餐，滷豬耳👂🏻又係勁好食！滷水汁一流，耳仔用左最嫩的位置，冇乜軟骨，令人一啖接一啖。最最最驚喜係台式炸大腸！未食過呢隻，個皮炸到超脆，又薄！腸好肥美，冇臭味，不用點汁已經好好食💋飲品叫左芝士奶蓋烏龍茶，比出面的冇咁咸😍，烏龍茶味超濃🥰埋單229食到飽飽又好味，值回票價😋…查看更多

之前同事介紹咗一間食午餐話好抵，一直都未得閒去試。今日咁岩做完嘢有時間，2:00嘅時候冇乜人，於是就試咗呢一間煲底晏晝食鮑魚真係好奢侈，但價錢又唔貴！所以就試咗呢一個醉愛鮑魚😍全部都係凍食，而且唔知點解仲有埋醉蝦，蝦好入味，入口全部都係花雕酒嘅味道😜好正。已經幫你剝殼，蝦肉都算新鮮。最估唔到係鮑魚有成3隻！仲幫你去晒內臟切好晒😍鮑魚冇蝦咁重嘅酒味，但係新鮮彈牙。送飯一流😚青瓜雲耳令人更加開胃😊，配上健康嘅菜飯，仲有一碗好好飲嘅藥膳雞腳湯。最後以龍眼冰作為總結，真係好滿足好驚喜！服務亦都非常之好！😙埋單加一都係$87！食到飽飽！又抵又好食😋一定會再回頭🥰…查看更多

今晚經過西營盤，以為呢間係食印度菜，點知原來係食泰菜😋晚上時間人不多，便留在堂食店員全部都係講英文😜，套餐價錢十分便宜👏🏻同朋友一齊叫咗一個海南雞飯餐😙同埋一個香草烤雞飯餐😍。套餐包了例湯，例湯是雞腳湯沒有什麼特別。餐廳還有麵餐，下次可以一試😜海南雞飯🌟🌟🌟🌟🌟雞超級嫩滑新鮮❤️，配上泰式醬，酸酸辣辣，份外惹味😛。飲品方面配上青檸梳打，炎炎夏日下的一個絕配！香草烤雞飯🌟🌟🌟🌟🌟雞的嫩滑程度十分驚喜😳，但吃下去不像泰式，像印度式的香料味道😎雞扒肉汁鮮嫩！很難得在外吃到這樣的質素😍$58是超值了…查看更多

好鍾意食pancake今次搵到呢間係荃灣的HOIHOI Pancake 店😍叫左個Macadamia Cream Pancake🥞 🌟🌟🌟🌟好好食，沈上滿滿的夏威夷果仁，配上特製的Macadamia cream 😋😋超正又唔漏。班戟唔似一般，一陣風嗰啲，係似厚身版M記班戟，但唔乾😍好香再另外叫一個紫薯梳乎厘班戟🌟🌟🌟喜歡紫薯的人有福了！超級重紫薯味😜係紫薯蓉鋪滿成個頂。食左半個，好漏😂😂但係好食既❤️飲品叫咗香桃茶同草莓沙冰🍓草莓沙冰好好好好飲！消暑又賣相美💖仲甜甜地，好sweet😘…查看更多

同閨密去Fine Dining🥂可以好好談心又可以享受美食💖靚人靚餐廳🍴雞尾酒蝦。慢煮八爪魚⭐️⭐️⭐️⭐️蝦肉大大隻而爽口，有雞尾酒嘅味道😋個八爪魚就剁碎左落啲蕃茄度😆好清新香煎北海道帶子黑松露意大利飯⭐️⭐️⭐️⭐️⭐️強烈推薦一定要食🤩松露忌廉汁好香😋每一啖都係松露嘅味道，好正。飯煮得好好，有咬口🍚，佢仲要係個帶子，超級好食，新鮮冇雪藏味😍煮得啱啱好！香煎鱸魚配薯蓉⭐️⭐️⭐️⭐️⭐️廚師簡直將條魚起死回生‼️鱸魚其實好難整得好食，條魚佢整到好滑，仲要唔腥，我真係唔知佢點做到😳，我好想叫個廚師出嚟頌讚佢！簡直係米芝蓮代表嘅感覺！Mojito🍹糖漿另上，味道真係幾清新，我同閨蜜都幾鍾意🥰Rose Heavens Garden🍸唔知點解有種涼茶嘅感覺😂但係我幾鍾意呢一種Aftertaste😝同埋佢上嚟嘅時候有個波波，好靚😍…查看更多