bbgube的个人专页

咖啡、酒，都係我喜愛嘅，如果兩樣加埋一齊真係不得了，喺中環蘇豪區有間獲獎無數嘅cafe，最近以白蘭樹下為主題，多款cocktail、主食、甜品，全部都加入咗呢款氈酒，如果你都係呢個牌子嘅愛好者，記得叫你試吓🥃 Egg Tart Cocktail打卡一流😍Brandy、Whiskey組合，一上枱店員會再用火槍燒一燒面層，燒到有啲焦糖感，入口香滑🍹Thence’s Hope由VOSP、Cynar溝成，再加埋芒果汁、蘋果汁、檸檬汁，成個感覺都好fresh🍝白蘭樹下氈酒蟹肉意粉面層鋪滿蟹肉，未入口聞落已經好香酒味，意粉亦十分彈牙，仲有少少柑橘味，所以成個感覺都唔太油膩🥩UCR咖啡香料牛腹肉呢個係我好期待嘅主菜，用咗獨家咖啡香料調味嘅牛腹肉，入口好嫩，少少煙燻過嘅味道，底層嘅火箭菜吸收晒牛肉嘅油脂香味…查看更多

.#哈比四圍食 #銅鑼灣 #銅鑼灣美食 今次同大家介紹呢間位於銅鑼灣登龍街嘅手工小菜，每款小菜都靚靚上枱，而且每款食菜都係老闆親自挑選，必對係唔靚唔賣，除咗有美食，仲有好靚嘅維港夜景，好彩嘅話仲有靚歌聽🥰🦐雕王醉鄉蝦大大隻大頭蝦，酒味香濃但入口好鮮甜，每隻蝦頭都好爆膏，真係可以encore呢個前菜🦆雙剁椒鳳凰鴿呢個手工菜好精緻，將乳鴿去骨，再切片排返靚靚，肉質仍然保持鮮嫩🐚撈汁雙弄好驚喜嘅小菜，花甲+花螺 超新鮮，醬汁嘅味道調配得好好，甜甜地辣辣地，但係又好開胃🥢濃湯花膠稻庭烏冬嘩😳大大嚿花膠咁上枱，湯底係白雪雪嘅香湯雞湯，真係忍唔住飲哂啲湯🍚 鮑魚撈飯如果同屋企人嚟食，每人一客都唔過份，好濃郁嘅鮑魚汁撈飯，鮑魚大大隻又好入味又淋…查看更多

我又捐窿捐罅搵好嘢食啦😁今次嚟到深水埗，當然搵啲小店試吓啦，我就呢間嘅火焰和風叉燒吸引咗，車仔麵喎，竟然有啲咁正嘅餸?!四餸麵都只係$58，我就貪心啲咩都想試吓所以就叫多幾個餸，咖哩玻璃魷魚好好食，爽口得嚟又有香濃咖喱味，感覺有啲似街邊車仔檔食到嘅味，豬紅 真係食車仔麵必點，滷得好入味 而且唔會一夾就散，重點推介 70度慢煮火焰和風叉燒，肥瘦分明，食落唔會好有罪惡感，仲有陣陣嘅焦香味仲有啲即炸小食，$26 六粒炸雲吞，每粒都大大粒又足料，呢個價錢真係好抵食…查看更多

講到旺角打冷檔 標記樂園 應該係地標之一，以前細個返part time 收工後，一定會跟班同事去食宵夜，呢間打冷檔都開業好多年了😆呢度上菜夠快又夠鑊氣，而且好多都係大大碟一班人食叫多幾支啤酒就啱哂😎韭菜豬紅同滷水鵝片都係打冷必點，豬紅夠入味唔會一夾就散，滷水鵝片最正係啖啖肉，例牌size都只係$80😉潮州烏頭，原本想食大眼雞貪佢冇乜骨，可惜賣晒，不過烏頭都唔差，夠鮮而且冇泥味豉椒炒蜆，大大碟又夠地道風味蒜蓉粉絲蒸蝦，夠哂惹味送飯一流…查看更多

.#哈比四圍食 #尖沙咀美食 #尖沙咀飲茶前排成日同媽媽喺the one又夾公仔又打卡影相😆某日，我哋喺the one樓上邊欣賞海景邊嘆茶，叉夠電又落去繼續行街夾公仔😎呢間酒樓喺商場嘅18樓，坐擁270度維多利亞海景，整間酒樓裝修都好華麗，大廳位置亦有大型水晶燈、大型舞台，難怪呢度係婚宴必選之一。胡椒濃雞湯灌湯餃胡椒湯底辣辣地秋冬天飲就好暖胃，湯底好鮮甜，係香濃雞骨嘅精華，灌湯餃藥都好足料蠔皇原隻10頭鮑魚酥原隻鮑魚上好啱大家 #相機食先 😎鮑魚炆得好好入味得嚟又唔會冇咗鮑魚本身嘅口感星海蝦餃王睇相都見到佢個皮有幾薄，入面應該有兩隻爽滑大蝦陳皮山竹牛肉好香陳皮同埋芫荽嘅味道，牛肉球蒸得啱啱好點心即叫即蒸，保證熱辣辣上枱，好多款點心都係巧手又精緻，好睇又好食😋📍星海．譽宴 (尖沙咀)尖沙咀彌敦道100號The ONE 18樓…查看更多

.#哈比四圍食 #觀塘 #觀塘美食 #台灣美食 觀塘返工人士個胃應該好幸福，四圍都係滿滿嘅正嘢，呢日lunch就試吓朋友介紹話好好味嘅台灣嘢，一上到去好彩仲有位，行遲一些就已排五隊了，勁誇張啊🐔 起司雞扒便當一睇相就知又吸引又邪惡嘅東東了😆脆炸雞扒面層加上雙色熱溶芝士，加埋油脂滿滿嘅滷肉飯，雖然邪惡但你會不知不覺咁食哂，嗰吓感覺係好滿足😌🐮 牛肉蔥油拌麵平時食湯麵多，今次揀咗拌麵試吓，一上枱就聞到好香嘅蔥油味，個調味恰到好處又好惹味，麵質有咬口之餘又好掛汁，絕對冇浪費到啲精華🐽 虎咬豬(刈包)藏不住嘅大大嚿五花腩，夾住香蔥同酸菜，軟綿綿嘅刈包，不用儀態地一口咬落去，好好味😋➡️ 日月堂 (觀塘)觀塘興業街14號永興工業大廈4樓C2室…查看更多

.將軍澳海旁又有新餐廳啦😍仲要係東南亞美食㖭啊😍即刻帶埋寶貝女🐶走去試試佢先，餐廳面積都好大，而且裝修得好有氣氛，仲設有開放式廚房，可以俾大家欣賞到師傅製作的過程，而當晚我就選擇坐外面位置欣賞將軍澳嘅夜景馬來西亞特色雜錦沙嗲串平時會係牛肉羊肉雞肉各兩串，但係今日我就特別order咗唔要羊肉，每串燒得好有火候，香濃嘅沙嗲醬入邊有粒粒嘅花生，所以配串燒食就更加香口海南雞飯餐廳特別選用三黃雞，肉質會更加肥美，而且雞胸位置都係特別嫩滑，特別要讚賞嘅係佢哋呢度嘅雞油飯係會加埋炸過嘅薑蔥蒜一齊煲，所以呢度嘅雞油飯係會更加香更加好味新加坡喇沙米線一放上枱已經聞到好香嘅喇沙湯底味，香香辣辣咁，又好開胃，入面除咗米線仲有魚片、豆卜、芽菜、五至六隻海蝦，份量都好足料📍 makan makan (將軍澳)將軍澳澳南海岸唐俊街23號MONTEREY Place 地下G01號舖…查看更多

.#哈比四圍食 #港島美食 #壽司外賣 #壽司直送 #🍣對自己好啲唔一定係月頭嘅，月尾更加應該要對自己好啲😚返工做到dry dry哋，叫啲好嘢慰勞下自己😚喺外賣平台見到呢間 @higasasushi 好似唔錯咁，就一於try try佢揀咗個二人份量嘅三文魚吞拿魚盛$295，又有手握壽司又有吞拿魚卷又有軍艦，仲有兩款刺身，呢個價錢都唔算太貴，仲揀咗支幾得意嘅日本氣泡茶，外型有啲似香檳，但係飲落去係有氣嘅綠茶，感覺都幾得意➡️ @higasasushi…查看更多

.#哈比四圍食 #啟徳 #九龍城美食 #airside至從啟徳airside開咗之後，好多時假期我都會帶埋🐶一齊嚟呢度行街食飯，呢度真係開多咗好多餐廳，今次就嚟到空中花園食晚餐，就算冬天都唔怕太凍，因為餐廳有提供暖爐，所以都好舒服，食吓食吓不知不覺就坐咗2個鐘😆🐷 燒烤豬肋骨 $178(半份)你唔好睇小呢半份吖，每條豬肋骨都好多肉㗎，淋得嚟又唔乾，佢嘅燒烤醬酸酸辣辣又好開胃會令人想繼續食🍕 意大利辣香腸pizza $165OMG！呢個pizza勁香吖🤤真係忍唔住，熱辣辣出晒煙都要食咗先，餅底係薄薄的脆脆的，辣肉腸嘅份量都好多，再加埋芝士嘅鹹鹹香香味，又係等唔到口🍝 SPAGHETTI PESTO CHICKEN慢煮雞胸肉配青醬意粉，食落仲有好香嘅蒜蓉味，重口味愛好者必試之一📍 BELLAVISTA (九龍城)九龍城啟德協調道2號AIRSIDE 6樓L605號舖…查看更多

#哈比四圍食 #旺角美食 #日本菜 #長板燒 又係星期五食好啲啦😆睇戲前喺附近搵咗間環境唔錯嘅日本餐廳，好彩嗰日早少少到都仲可以Walk in，遲一步食飯時間就要等位了，呢間餐廳有刺身、壽司、天婦羅、串燒，食物嘅種類都十分之多選擇呢度啲串燒都好吸引同埋好特別，我哋都揀咗幾串嚟試吓豚肉泡菜卷一入口就爆汁，酸酸辣辣好開胃豚肉蒜心卷呢個賣相好吸引，一串有兩粒，平時好少會食到蒜心，燒完出嚟都仲係好Juicy燒牛舌牛舌厚度適中，外層爽內裏嫩滑必點嘅燒雞皮係經過低溫風乾，然後再燒嘅雞片，食落真係好似薯片咁脆卜卜，呢個絕對要encore，一串真係唔夠喉另外重點推介天婦羅，佢唔會好厚粉，而且我哋揀咗海膽、帶子、日本蠔，全部都係好鮮甜嘅，虎蝦大大隻肉質又爽，仲有滿滿嘅蝦膏➡️ 長阪燒 (旺角)旺角砵蘭街189號2樓…查看更多

同屋企人慶祝生日，諗住揀間私房菜，食啲高質啲嘅菜式，喺落order嘅時候嗰個阿姐都幾好笑，問佢今日有咩菜，佢就問返我哋想食咩菜，我哋去答完佢，佢又話冇嗰種菜，然後再問佢不如直接話俾我哋聽今日廚房有咩菜我哋再揀，然後佢話唔知🤣🤣🤣佢終於走咗出去問，終於都完成咗落order，滿心期待呢間私房菜嘅菜式，點知一嚟到嘅前菜威士忌糖心蛋，懷疑佢係已經變壞咗，因為識落有浸酸熟味，好似係你口入邊發酵緊咁然後就叫咗花膠雞湯，冇諗過私房菜嘅服務竟然差過樓下茶餐廳，嗰個樓面姐姐竟然就咁將成盆糖水擺上枱，然後要我哋自己拎😅真係食過幾次先放菜呢間真係第一次咁嘅服務質素招牌玫瑰酒豉油雞，係好香酒味，但係食落去淨係一啲味都冇😅雪裡尋龍蝦，係幾打卡嘅，但味道一般同埋房間入邊電視機又冇得睇，成晚淨係聽住隔籬勁大聲講粗口係成晚不停講粗口(隔籬枱只係同我哋隔咗一塊板)真係好影響成餐飯🥲真係影完啲相都費事出post 😒…查看更多

.環境寬敞，燈光昏暗，整體比人好放鬆嘅cafe，啱晒同幾個同事忙完一日嚟食個飯，傾吓八卦嘢，鬆一鬆🐔 風乾香草蜜糖燒三黃雞（半隻）叫呢個要留意返製作需時，因為佢係即叫即做😁但係絕對係值得等待，雞皮烤得好脆，一撕開雞髀位你會見到滿瀉嘅肉汁，肉質嫩滑烤得啱啱好🦐 海王櫻花珍寶巨蝦配龍蝦忌廉汁手工闊條麵睇片都見到隻蝦好似前臂咁大隻，外層鋪滿櫻花蝦，炸到金黃香脆，但係大個蝦頭入邊仲有香濃嘅蝦膏，手工闊條麵麵質彈牙，掛滿哂龍蝦汁🐔芝士蘑菇釀雞翼係我最鍾意嘅小食之一，烤雞翼好香，食嘅時候要小心，因為入邊真係好多芝士仲熱辣辣添🥰🧋髒髒黑糖珍珠鮮奶絕對係呢間Cafe嘅signature飲品，賣相吸引又邪惡，面層香濃嘅朱古力粉，幼滑嘅牛奶，香濃黑糖嘅珍珠，全部加埋都好夾，雖然係邪惡但真係好難抵擋得住😝➡️ 茶聊 (旺角)旺角砵蘭街189號1樓…查看更多

聽講最近鰂魚涌有間食牛舌嘅小店質素媲美日本嗰間，離太古站距離3分鐘左右，前排去開附近一於就揀佢做晚餐，嗰晚7點幾餐廳門口超爆多人，等咗大約30分鐘終於有位，餐廳鋪面唔算太大，所以座位都有限，但好彩上菜都好快☺️🐮 極味厚切牛舌定食 $158呢個set絕對係必點，厚厚嘅牛舌，外層燒得焦香，內裡肉質仍然係粉嫩，食落又爽又嫩，一啲都唔靭，仲有一小碟咖喱牛舌，咖喱汁好香撈飯一流，定食仲包埋麵豉湯、沙律、茶碗蒸，仲可以優惠價加購三文魚刺生/炸雞，加$38仲可以升級至三文魚籽飯😋📍 秋嵐日本料理 (鰂魚涌)鰂魚涌英皇道1010-1056號東匯坊地庫072號舖…查看更多

.再食都係咁正嘅燒肉店，餐廳坐低寬敞，枱與枱之間唔會好迫，又有獨立VIP房一大班人又飲又食點傾都得，通風系統又做得好好，食完成餐飯都唔會好大陣燒肉味🐮 和牛壽喜燒呢個真係真係每枱必叫咁濟，店員會喺你面前火燒和牛，燒好後加埋蛋黃、黑松露醬，連白飯一齊入口，真係OMG，入口即化，牛味又香又滑，真係好想再叫多碟吖！🐮 原條手切牛舌師傅刀功好好切到條牛舌好靚，店員亦會幫手燒，手勢都燒得好好帶少少焦香，肉質超嫩🐮 和牛三角腩呢個部位真係好好食，我就鐘意燒到5-6成熟，入口即溶🐮 和牛牛頸脊價錢唔貴，油花都好靚又平均另外，食燒肉一定要飲啤酒咁先更加爽，而家sapporo 生啤$48 買一送一，抵吖！📍 驚安燒肉商店 (尖沙咀)尖沙咀金馬倫道48號中國保險大廈3樓C號舖…查看更多

呢間位於銅鑼灣Times Square附近爆紅嘅壽喜燒，連下午茶時間都要排隊，我都排吓先😆大約10分鐘左右就有位，餐廳裝修好新淨，座位亦都舒適，因為我連早餐都未食嘅關係，所以好快就決定order和牛肉眼切片大盛，同行嘅朋友就揀咗特選肩胛大盛，另外店員話打卡送多碟40g和牛赤身/生啤一杯😎每份套餐都有前菜(蒜蓉青瓜、獅子狗魚蛋)、蘭王雞蛋🥚、蔬菜拼盤、讚岐烏冬或者白飯，我嗰份和牛肉眼油花分布得好均勻，賣相10分吸引，而且餐廳每個座位都有一份壽喜燒嘅步驟比客人參考，肉眼部位只需要幾秒就可以食得，真係入口即刻溶化嘅感覺，質感嫩滑肉味濃郁，配埋香濃嘅蛋汁，真係有種幸福嘅感覺😌之後就可以加昆布汁，配埋新鮮嘅蔬菜，可以一解和牛嘅油膩，再食埋個烏冬，真係好滿足📍壽喜・關西 (銅鑼灣)銅鑼灣耀華街16號地舖…查看更多