小李車仔麵

我又捐窿捐罅搵好嘢食啦😁今次嚟到深水埗，當然搵啲小店試吓啦，我就呢間嘅火焰和風叉燒吸引咗，車仔麵喎，竟然有啲咁正嘅餸?!
四餸麵都只係$58，我就貪心啲咩都想試吓所以就叫多幾個餸，咖哩玻璃魷魚好好食，爽口得嚟又有香濃咖喱味，感覺有啲似街邊車仔檔食到嘅味，豬紅 真係食車仔麵必點，滷得好入味 而且唔會一夾就散，重點推介 70度慢煮火焰和風叉燒，肥瘦分明，食落唔會好有罪惡感，仲有陣陣嘅焦香味
仲有啲即炸小食，$26 六粒炸雲吞，每粒都大大粒又足料，呢個價錢真係好抵食