ming9581的個人專頁

創作割烹Stella，位於the ONE 三樓，門口不太起眼，但原來內裡別有洞天。開房式廚房，可以見證廚師專業地將食材烹調為美食的過程，亦是店名割烹之意。裝修整潔，燈光柔和，寧靜而有氣氛。Welcome Drink 入口清甜而不嗆。這晚試的是5 Courses Tasting Menu，先試了前菜。鯖魚刺身配青蘋果啫喱大閘蟹膏紅蝦刺身配果醬意大利菜著重使用新鮮食材，配以簡單的烹調。三款前菜都能食出食材的鮮度，調味簡單而襯托到食材的原味，能夠充份打開味蕾，為之後的主菜準備。接著是主菜。和牛舌酢漬姬菇牛舌厚切成方粒，表面香脆，但入口鬆化，而酢漬姬菇的酸味可以中和和牛的肥膩。鮮鮑魚浅蜊富山米意大利飯鮑魚新鮮有咬口而不韌，有陣陣醬油香。以日本富山米煮成的意大利飯，的確是日意Fusion，口感比傳統意大利飯軟綿。面頭的鮑魚肝醬香濃鮮味，為免味道太過突出，廚師在醬加入了紫蘇葉，加上一抹清新，令整個意大利飯更平衡。日本A5和牛配味噌大根其實A5和牛充滿油脂，過低的熟度會食起來會整口油，非常肥膩。欣賞這裡的和牛煎至五成至七成熟之間，迫走一定油脂，反而更能食到牛肉的甜味，而不失奶香大根就以高湯烹煮，十分鮮甜，味增醬和外面的芝士提昇了味道的層次。栗子吉士批作結的甜品，味道比平常的甜品較輕盈，整個吃下也不怕負擔，能夠品嚐到蛋香和栗子的味道。餐廳環境及食物質素都令人滿意，聽侍者表示餐廳會定期換菜式，有機會會再來試試。…查看更多

六點幾黎到旺角搵食，見呢間串燒好評多，黎到望入去環境乾淨企理，有位就即刻試！每枱頭頂都吊住一個裝飾，原來係紙巾，抽出黎好方便，但一影相就成日見到佢個影😆串燒係由店員喺廚房燒好拎出黎，用個保溫爐熱住。餐廳通風應該幾好，完全冇油煙味，因為我地食完要上堂，唔怕左右隔離都知你岩岩食完串燒😂呢個好加分👍燒粟米（$18）：呢個好有驚喜👍有燒過既香口，又唔會乾，好重牛油味既沙律醬，配搭埋辣椒粉，非常好味，必食推介👍烤生蠔（$38/2）：燒得岩岩好，新鮮蠔肉仲係漲卜卜，有鮮味烤茄子（$42）：燒得岩岩好，蔥蒜落得重手，正！粗涼面（$45）：呢個撈面配料豐富，青瓜絲，蛋絲，紅蘿蔔絲同醬料，有少少辣，好惹味！飯桶點都要有啲carb先滿足😂👍豬手（$32）：大大隻，仲提供埋手套，貼心錫紙卜卜蜆（$56）：爆汁蜆肉大隻鮮甜，乾淨冇沙，食完個勁想個底有粉絲，索哂啲湯應該會好正😆串燒火侯控制得好就食肉，控制得唔好就會變食炭，選擇唔算太多，但勝在每樣食物都燒得幾好，而且價錢貼地，環境又企理，值得推介👍…查看更多

身為壽司迷，困左喺屋企咁耐都要得閒食吓日本野獎勵下自己，話身心健康好緊要。"良鮨壽司"聽左排都未試，距離屋企又唔算遠，咁今次就去試下佢既壽司。睇餐牌見有樣好特別既「時令飛機魚壽司拼盤」聽落好吸引，即刻唔理咁多點左，再加左個至愛既帆立貝刺身(6片)過下口癮。聽個名，飛機魚應該係指日本空運黎既魚，呢個拼盤有4種魚，其中有池魚王、 金目鯛等，仲有一件係火炙，唔太認到最後2款。食得出真係好新鮮，唔會有腥味，口感極佳。上面加左少許蔥花同蘿蔔蓉提味，為魚生既鹹鮮味加了啲味道上既點綴。最後估唔到最驚艷既係帆立貝刺身，一碟就有成6大片，新鮮而且非常鮮甜，令我過足口癮！總括而言就係大埔既壽司店推介，屋企附近又多一間我既壽司店之選…查看更多

周末約左同女朋友食飯，偶然見到呢間LAB EAT既招牌，上網查下風評不錯於是就試下啦。餐廳裝修幾有情調，氣氛寧靜，幾岩同朋友傾下偈。岩岩出左糧就食得豐富少少，叫左冷盤，前菜，主食，主菜仲有甜品。以下係我覺得幾值得推薦既菜式:冷盤生蠔是日生蠔有兩款，一大一細。細d款蠔，鮮味非常，一入口味蕾會感受大量海水衝擊，鮮味瞬間佔據了整個口腔，輕易打開胃口，為之後既菜式做好準備。至於另一款蠔，肉厚肥美，海水味較淡，味道清甜，帶點回甘。雖然餐廳都有提供雞尾汁和檸檬汁，但建議大家唔洗落，因為d蠔好新鮮，都係品嚐原汁原味最好。海膽黑松露意粉海膽份量驚人，毫不吝嗇，入口非常滿足。海膽鮮甜細滑，與煮得很creamy黑松露汁很配搭，口感豐盈。意粉軟硬適中，扁身更易掛汁。呢個意粉好飽肚，性價比一流。甜品Cappuccino Gelato無諗到呢個甜品會以一個咁精緻既方式表現，就好似一個小花園咁。雪糕有奶香又唔會太甜，上面層泡沫就令佢更似一杯Cappuccino。蛋白餅，草莓乾就香脆可口。最特別係小盆栽原來係食得既，薄荷葉係植物，泥土係芝麻，盆係朱古力，玩味十足!睇返menu，仲有好多特別既菜式，有機會一定再返黎試。…查看更多

最近轉工，搵到工就同fd一齊食餐好慶祝。朋友係佐敦放工於是約左喺圓方等，行經呢間聽過好耐一直都未有機會試既天天海南雞，決定會一會佢，結果幾有驚喜。餐廳幾寬敞舒適，裝修以至MENU都好有心機設計，牆上既漫畫有一種親切感打開餐牌同想像中既好唔同，除左招牌既海南雞外，有好多別有特色既精緻小菜選擇。好彩經理主動向我地介紹幾樣菜式，否則花多眼亂之下，落單都可能要幾個字。叫左個辣子金玉做前菜，炸蒜和辣椒配上粟米，香辣甜味道很平衡，食完一件接一件，很開胃。 接住黎係高質黑毛豬叉燒，肉質的確比普通叉燒好，成舊叉燒肥瘦適中，唔會一忽肥騰騰一忽就乾爭爭，而個蜜汁甜度非常討好，最特別係叉燒上碟會用蘋果木作少許煙燻，為叉燒添上獨特既香氣，很值一試。招牌海南雞就係穩陣之選，嫩滑多汁，同喺新加坡食既一樣，除左蒜蓉辣醬，最正既係黑醬油，撈飯一流。鍾意食雞味濃啲既職員就話可以試下文昌雞。最後加點左呢個女士精選，性價比極高。花膠又多，海蔘又厚，仲有勁多羊肚菌做個底味，味道濃郁。最欣賞係瓦煲底下會keep住有小火座熱，唔怕花膠海參凍左而變腥。食左咁多野都好夠飽，但見呢到飲品選擇好多，就試左杯豆花恐龍，即係豆腐花碎加上美祿粉，出奇地好飲，加上大大杯，非常推薦！雖然餐廳招牌係海南雞，但其他菜式都做得好出色，創意味道兼備，有機會再黎試下。…查看更多

同女朋友嚟D2睇戲（又係勁抵）前，先食個快既晚餐，於是簡左1樓呢間友利x勿當。久聞呢到既漢堡包唔錯，一試果然值得推薦。我地叫左一個二人餐，有兩個包，一份薯條，兩個飲品，兩份小食。包要左Big Gap同豬柳強，名字很有趣，相比真麥記，呢到麵包鬆軟，肉又煎得岩岩好唔會乾，配大量芝士生菜，質素好幾十倍，但價錢都係差唔多，無得輸。薯條粗身香脆，唔會放一陣就淋；小食炸燒賣同脆香雞翼，正正常常啦。飲品加八蚊有特飲，都幾多選擇，全部自家製。總括而言，食物質素一流又唔貴，食過一次唔使再食m記。…查看更多

和同事過黎食lunch，叫左兩個小食，三個飯。價錢實惠但製作認真，味道非常好，如果住附近應該會日日食涼拌青瓜，爽脆新鮮，醬汁開胃青咖哩牛腩飯，咖哩香甜帶辣勁，食得辣會鍾意，牛腩炆到好淋蜜糖雞排飯，雞排煎得岩岩好，外脆內滑洋蔥豬排煎蛋飯，味道也很不錯芝士薯波，也就是圓形薯餅包著滿滿芝士，很飽肚呢…查看更多

慶祝好友加人工，就搵間靚餐廳食餐好既有人提議想食北京填鴨，就無意中搵到呢間位於海港城既高級中菜環境整潔明亮，安靜，座位有cushion，坐得舒服窗邊位有無敵海景，訂位時要留意服務侍應會細心解釋各種菜式，主動換碗碟，見我地食唔完隻豬手又會幫我地打包，態度友善前菜涼拌馬蹄粒馬蹄大粒飽滿，爽甜無渣麻辣海蜇頭海蜇有咬口而不韌，辣度適中，能喚醒味蕾主菜烤鴨三食主角烤鴨登場，會有師傅即場切鴨，由侍應細心解說三種食法第一食係鴨胸皮，亦即脂肪，但烤得香酥而不油膩，點上藍莓醬和爆炸糖，感覺新穎第二食係鴨胸肉，鴨肉嫩滑，配芥末醬，酸中帶辛，味道不錯第三係係傳統填片皮鴨食法，以麵皮包上鴨腿肉和各式配料，特別之處以山渣條作配料，都係以酸味中和油膩度，口感平衡水煮桂花魚超級大盤，魚肉無刺嫩滑，配料甚多，辣度夠，但麻度略嫌不足避風塘豬手豬手都係好大份，以避風塘方式炮製，充滿大排檔風味，香口而不鞋，如配上啤酒風味更佳，最後食唔晒要打包金銀蛋萵荀太多肉類，需要蔬菜中和，不過不失花膠櫻花蝦海味蒸飯開籠後香氣四逸，滿滿櫻花蝦鋪滿飯上，再飽都食得落甜品杏仁豆腐杏味濃郁，口感彈牙，比起豆腐更似啫喱總結環境氣氛好，食物有水準亦有特色，雖然價錢略高，但偶以豪一次都值得既…查看更多

夜晚係天后呢頭開完會，見有d肚餓，就上網搵下附近有乜好食。見幾多人講呢間簡越，價錢都幾抵就黎試下啦。時間六點幾，比較少人。裝修簡約但乾淨。餐廳雖小，但野食選擇都好多，傳統既牛肉河，香矛豬排飯，甚至特別d既牛油軟殼蟹都一應俱全。叫左個蝦頭膏酸辣海鮮檬粉，湯底有蝦味，酸酸地夠醒胃，唔係好夠辣味，但臺面有辣醬同其他調味料可以自己調味。海鮮出乎意料地多，有三隻海蝦，青口同蟹柳各二，好抵食。餐飲半價叫左杯凍青檸梳打，檸底加一罐梳打，夠 裝到兩杯，又係好抵飲，消暑亦一流。晚餐埋單都係$61，價錢低，食物質素又ok，值得推薦。…查看更多

有日經過翠怡，行行下見好多人排隊，估唔到係大埔都有呢種日式牛排店。呢日夜晚就專登去試下啦。8點半黎到，要排陣隊。價錢一目了然，同之前食過既混亂steak一樣，都係按重量收費，食幾多比幾多，非常均真，而且價錢非常抵，最貴既西冷都係$49/100g，仲平過超市。點左份牛柳。牛柳厚身，肉質韌度剛剛好，沒有根或粗鞋的絲，亦沒有多餘的脂肪。吃到一半想加入變化時可嚐嚐蒜片，刺激一下味蕾。試左洋蔥汁比西式醬汁清甜解膩，整塊牛扒吃完也不會感到油膩。意外的是，味噌湯與牛扒都幾夾，可能是日式醬汁的關係。仲有提供鹽同黑椒，不過都本身醬汁都濃味，所以都唔需要再調味。總結黎講，百幾蚊食到呢質素同份量，係非常之抵食，以後晚飯又多個好去處。…查看更多

好似好耐無食過放題，所以星期日同女朋友黎左銅鑼灣呢間極尚大瀛喜食午市放題，食既野同晚市一樣，但價錢平好多，188加1。一坐低職員就比左張QR code我地，原來係電子落單，好處除左環保，仲可以check住叫左咩野食，咁就唔怕漏單或叫多左。出去行個圈，都有唔少熟食，但都係留返個肚好d。午市除左平，仲有一個好處，就係上菜快。行個圈返黎，刺身就到左喇。三文魚好肥美，油甘魚，八爪魚，北寄貝都非常新鮮，略點醬油已經很好味。牛舌燒得稍為乾左點，但調味岩岩好，唔係死鹹。芝士鰻魚玉子燒，配搭又幾夾。香蔥鵝肝帶子，鵝肝再大舊點就好，帶子都新鮮。蒜辣炒生蠔，避風塘炒魷魚鬚，惹味配啤酒一流。三文魚子/海膽手卷，魚子卜卜脆，海膽鮮甜無腥味。最後食到咁上下，出去拎雪糕食，好多選擇。試左本地生產既海鹽味雪糕，鹹既雪糕，幾特別。第一次食午市放題，價錢平，又可以食足3個鐘，非常抵食，下次會帶多d朋友再encore。…查看更多

好耐無黎食阿元，估唔到星期六晚一樣座無虛席 ，要排陣隊先入得。兩個人食叫了四個菜。魯肉飯，肥豬肉鋪滿成碗飯，油香豐富 但好易食膩，餐廳都知道呢個情況，加左塊黃瓜解膩。香菇肉羮麵，個湯以香菇做底味道濃郁，但調味剛好，唔會太鹹。甜不辣拼盤，有辣同原味，新鮮炸起不油膩，煙韌可口，但如果有d酸酸地既醬汁就更好。蚵仔煎，都幾大份，多蚵仔。總結而言，味道都維持水準，但係無左蛋餅確係可惜。…查看更多

是日同女朋友行完PMQ，亂打亂撞就黎左呢間餐廳食晚餐。裝修簡潔有情調，可能時候尚早未有太多人，環境都幾清靜。餐包外脆內軟，可以配牛油或者點醋食。洋蔥湯原盅上，熱辣辣，足料洋蔥，味道唔錯。點左半份燒豬肋骨，但份量都好多。肉燒得岩岩好 鮮嫩有肉汁，食落又無油膩感。而薯條厚切鮮炸，非常飽肚。呢到環境唔錯，食物性價比高，會再返黎試下其他菜式。…查看更多

是日約左朋友食午餐 就試下呢間新開既慢煮屋朋友早到先黎攞位同落單 但野食到左我都未到店員就非常主動提議幫我罩住個飯 等佢無咁快變涼 當我上到黎餐廳 又主動幫我換過個熱湯同前菜服務態度無得彈 叫左個薑汁醬燒豚肉飯 醬汁味道ok 珍珠米撈埋隻溫泉蛋同紫菜碎 食落好開胃 但豬肉可能切得太薄 燒得太乾 影響口感 至於個湯就太淡 以呢個價錢黎講 其實可以再做好d 畢竟餐廳都係開張無耐 可以繼續努力…查看更多

友人介紹龍門棧新派點心精緻又有特色，放假就黎試試午餐。位置介乎銅鑼灣灣仔地鐵站之間，不過都唔難搵。環境整潔，無過份奢華既裝修，亦無一般酒樓既喧鬧，可安心享受食物和茗茶。點心選擇不多不少，有新派亦有傳統。除左點心，仲有其他菜式可選擇。茶既選擇都唔少，最欣賞係每種茶既簡介，為入門者如我提供指引。點了壺西湖龍井，清香帶甘而不苦澀。點心未至，有合桃酥作小食，香脆可口不油膩。點了三個點心，打頭陣既係百花蒜香海膽春捲。一客有四件，海膽鮮甜，春卷炸得脆，加上彈牙鮮蝦，三種不同口感，配搭不錯。而西式的擺放方式，令整個點心更為精緻。第二個點心係魚子醬香煎粢飯，一份三件。糯米飯邊煎至飯焦，形成外脆內煙韌，加上臘味粒，本來已經非常好食，但再加上充滿咸香既魚子醬，更有風味。第三個點心係長腳蟹肉小籠包，比較傳統既做法，但皮薄餡靚，蟹肉滲佈湯汁，味道都唔錯。除了食物，侍應及經理既態度都值得一讚，友善又主動。總結來說，呢到點心雖然價錢不大眾化，但味道同創意都十足，偶爾享受一次都無妨。…查看更多