yunglp0234的个人专页

去板神，睇師父即場煮野比你食先係重點！😂本身上網睇中左席前商務套餐，但去到一問原來係午市先有😭😭😭 為左個荷包冇咁肉赤就叫左個最平既鐵板燒套餐（印象中好似係$17xx 2人前🙈）前菜：用一個好精緻既日式木盒裝住，入面有3小碟，分別係： 海膽魷魚、涼瓜雪梨同黑芝麻豆腐。見到咁靚既木盒，期望值突然標高，但當食到入口既時候，只能講係不過不失，所有野唔係難食，但未去到好好食嗰個程度。海膽魷魚嘅海膽冇苦味，但亦唔係好鮮甜。涼瓜雪梨同黑芝麻豆腐味道正常，係想像到既味道，未算驚喜。沙津：沙津菜新鮮，醬汁連沙津菜食，入口清爽🥗刺身：刺身有赤身、間白同油甘魚。值得一讚嘅係3塊刺身會連一大塊碎冰一齊上，保持肉質口感。海鮮：海鮮分別有蝦、銀鱈魚同鮑魚。蝦好新鮮，上枱既時候仲會見到佢d 觸鬚係度郁緊。銀鱈魚好滑，入口即化，鮑魚亦都好爽好彈👍👍肉：該套餐只係包美國牛肉薄燒。大廚會將大量蔥花放係牛肉入面然後捲起，食落油脂豐富但唔會覺得油膩😋😋。 不過肉既份量唔多，即使師父已經將捲起既牛肉薄片切為3細份，但食完仍覺空虛。炒飯：炒飯冇咩調味，食落好淡口，不過都見到d 飯炒到粒粒分明，係肉眼嘅享受。🌝甜品：本身想試下人人都讚好嘅焦糖多士，但好可惜今次遇唔到。🥺今次嘅甜品係tiramisu，入面既cream口感細膩，面頭既朱古力粉都夠濃郁😋😋，為今次既晚餐畫上左完美既句號評分：環境：🌕🌕🌕🌕🌕服務：🌕🌕🌕🌕🌑食物：🌕🌕🌕🌑🌑抵食：🌕🌕🌑🌑🌑…查看更多

🍽： 蟹膏蛋治; 鰻魚蛋治; 伯爵奶茶食評：蟹膏蛋治 $58蟹膏蛋治上面鋪滿蟹籽同飯素，嫩滑嘅雞蛋包住三文治，睇見個賣相已經流曬口水🤤🤤。切開個蛋治，入面有一條珍寶級蟹棒同埋滿滿嘅蟹膏。蟹棒鹹鮮味十足，蛋治份量亦都好足，絕無偷工減料，可惜三文治偏淋，蛋味偏淡，扣左少少分數🤏鰻魚蛋治 $40鰻魚蛋治入面既鰻魚幾有驚喜，個醬汁好有日式既味道，鰻魚好香仲帶有少少既煙熏味，唔錯唔錯👍👍 同蟹膏蛋治一樣，份量足夠但蛋同三文治個邊就差咁少少🙈🙈伯爵奶茶（少甜）跟餐加$20飲落去好香既伯爵茶味，奶茶好滑，飲落好舒服🤤🤤。茶同奶既比例岩岩好，飲完之後仲feel 到伯爵茶嘅香味係口入面迴盪。A Day覺得伯爵奶茶係今餐嘅mvp🤤🤤🤤評分：環境：🌕🌕🌕🌑🌑服務：🌕🌕🌕🌕🌑食物：🌕🌕🌕🌑🌑抵食：🌕🌕🌕🌑🌑…查看更多

位於尖咀嘅婆婆珈琲屋，一入去見到店鋪裝修得好靚，鋪頭採用日式木系做主調，再加上枱上會放有小清新既花💐做擺設，打卡影相一流。🍽：四品料理，北海道牛乳芒果千層蛋糕食評：四品料理 $108四品料理可以簡三個冷菜加一個熱菜或者兩個冷菜兩個熱菜。飯團方面，A Day 叫左五目飯團，由於想食多d 熱野，就叫左兩個冷菜同兩個熱菜。冷菜分別係醬酒糖心蛋同馬鈴薯沙律，而熱菜就叫咗婆婆咖喱同蒲燒鰻魚。五目飯團🍙：上網search 過五目飯團就係雜錦飯嘅意思，入面應該就加左牛蒡同紅蘿蔔絲，食落有少少既甜味，但整個飯團味道頗淡亦食唔到任何米香。醬酒糖心蛋🥚：賣相非常討好，蛋黃橙紅，中間會有少少軟心效果。食落有少少酒香，但醬汁味唔重，感覺唔係好入味，普通拉麵鋪既糖心蛋會好食好多。🤓薯仔沙津：好普通既薯仔沙津，可能為左擺到一個靚靚嘅圓形造型，所以口感都非常紮實，但都冇左綿密嘅口感🥺婆婆咖喱：入面有雞肉，薯仔同蘿蔔，食材比得都好足👍👍但可惜雞肉冇咩味道🤭🤭。咖喱嘅味道甜甜地，係好熟悉，自己屋企都可以用日式咖喱磚整到既味道🤭🤭蒲燒鰻魚：醬汁入味，口感軟身，正常水平。甜品：北海道牛乳芒果千層蛋糕 $52🥭甜品叫左芒果千層蛋糕。值得一讚嘅係甜品唔會好甜，中間嘅cream 夠細滑，面頭既醬汁都有好多芒果茸，食落味道唔錯👍👍總結：以個係一個打卡好靚嘅地方😊環境：🌕🌕🌕🌕🌑服務：🌕🌕🌗🌑🌑食物：🌕🌑🌑🌑🌑抵食：🌕🌑🌑🌑🌑…查看更多

灣仔渣哥最近出左特別通告，要告別港島店了，營業期至到聽日11月9號。🍽：黑牛黑麵 $55食評：黑沙爹鮮牛肉公仔麵🐂沙爹醬係自家製的，食得出同坊間茶記既分別。沙嗲微辣而且食到有少少花生粒粒，牛肉口感唔錯，淋得黎有咬口，牛味適中。公仔麵比較滑口，麵質煮到岩岩好，唔會過淋。丹麥多士，煎雙蛋🍳：丹麥多士酥脆，煎雙蛋有少許流心，火腿夠鹹香，整體水準不俗。環境：🌕🌕🌕🌕🌑服務：🌕🌕🌕🌗🌑食物：🌕🌕🌕🌕🌑抵食：🌕🌕🌕🌕🌑…查看更多