Jenhotl的个人专页

今日一個人行過，突然想試下，叫左個醉雞麵。之前一直係銘X山西果間的醉雞麵擁躉，但有一次係佢某分店食完覺得佢水準參差之後就再無食過。呢間個醉雞夠酒味，不會過咸，肉質都叫滑嫩。隻蛋個溏心做得幾靚，不過就未入酒味，扣少少分啦。另外個麵佢削得比較幼薄，所以比較淋，牙齒無咁好嘅食客應該會好鐘意。😂整體份量都好夠，唔算平但都叫對得起個價錢。Ps. 凍檸茶少甜都仲係好甜，怕甜的朋友可能叫走甜會好啲。總體而言係幾好，我都會俾4.5分。😂…查看更多

買左個藍莓紫薯寵物蛋糕(2寸)俾朋友的阿拉斯加豉哥。拎到果陣都已經覺得好真材實料，因為2寸蛋糕都好重磅下。幸好豉哥表示十分欣賞😂原本朋友諗住留一半聽日先俾豉哥食，但敵不過佢期待的眼神，於是乎最後都係被秒速清碟😂呢款蛋糕已得豉哥認證👌🏻…查看更多

下午時間回家途中有少少餓，見到新鋪開張不久，決定試下。叫左個伯爵茶奶酥吐司，寒冷天氣下熱辣辣又香又脆，極速食完，所以張相就淨返「國王的吐司」，唔好意思🤣杯白桃梳打正常發揮，甜度不過份。途中有客人黎買榛子咖啡，仲要係特登搭地鐵黎買果種，我諗下次要試下先得😂…查看更多

真係好好食，今日睇返啲相先發現未寫紀錄。基本黎講，所有燒雞都係juicy好香好滑。雞頸好厚肉，雞翼皮脆多汁，雞腿滑滑香甜，總之就係正。雞腎好爽脆。而雞肝暫時係我心中最好的雞肝，火喉剛剛好，食落仲係軟滑，唔會鞋，好好👍🏻牛舌必叫，都係脆口多汁，要趁熱食😋燒雞肉棒係我最愛串燒物之一。少少軟骨有點咬口，又有少少紫蘇調味，所有野剛剛好。燒白鱔好食。但要比較的話，舊馬友更正。皮脆油香肉滑，諗起又想book枱😂炸白子係是日特別之物。好滑，炸皮薄脆唔油膩，趁仲係季節就好去食🤭果日有燒蠔同聖子，個人偏好個蠔多啲，都係好好食。燒乳鴿脾都好好，本身隻脾好肥美，燒完個皮脆卜卜，都值得一試。最後黎碗雞湯，一餐完美結束😌…查看更多

公司附近新開的餐廳，今日一試。玉子燒早晨全餐好豐富。沙律醬可揀醋或芝麻醬。我揀了醋，天氣熱啱啱好開胃。玉子燒幾好食，食完滿足😍炸南瓜餅有驚喜，平時不熱衷炸物的我，都成個食完。下次會再試其他食物🤭…查看更多

之前有場sake pairing係度搞，試過覺得幾好食，於是乎決定再黎。玉子燒，正常發揮。酒盗芝士，好咸香，好啱做佐酒小食。但酒盗嘅咸香唔係個個都鐘意，同行三人得我一人欣賞😂燒牛舌大讚！係令我回頭嘅其中一個原因。燒魚扣幾得意🤭免治雞肉丸依然係我最愛。呢個好大舊又juicy，正。醉雞卷雖無唔多似會係居酒屋出現嘅野，但又真係好好食，好夠味好香。燒雞肝都做得好好，唔會乾，燒得剛剛好。燒雞腎都好正。呢個有豬雜同豬軟骨，全部都好入味，超正。仲有叫左個燒白鱔同燒雞脾菇都好好食，唔記得影。總括嚟講，呢度串燒有質素，煮物有驚喜，價錢都算合理，可以encore 🤭…查看更多

早上食brunch，人不太多，坐得很舒服。叫了all day breakfast (佢個名太長看唔記得)。每一樣都好好味，尤其個煙肉，佢係較厚身，唔會乾真真咁。這個是紅棗香梨千層酥，fusion得好好，很討喜。前面的是黃金牛奶，香料和牛奶很夾。這裡所有奶類都可以選全脂或脫脂，或者加幾蚊轉燕麥奶，很不錯。後面那個是腐乳芝士蛋糕，很濃的腐乳味，本人很喜歡，但同行的朋友表示不能接受🤣整體面言，我覺得值得再去。見到旁邊的三文魚Bennedict好似好好味，下次試😆…查看更多

想食燒肉，網上搵到呢間，的確有驚喜。入口難搵少少，要問人先知。叫左個二人套餐，有前菜如下，蟹肉沙律，中間果個係茶碗蒸，和牛海膽卷。全部好好食。仲有刺身同湯，但唔記影。二人餐有好多款肉，各有千秋，全部都好好食。前面果碟係厚切牛舌，好正😍 二人餐已經好夠食，我哋食完飽到不得了😂唯一覺得要改善係佢上得太快，前菜未食完就上晒啲菜式，食唔切吖😆最後送左粒維記雪粒磁，隨機味道，我抽中左我最喜歡的芒果味。多謝😂…查看更多

純粹見到傳單新開張，又想食酸辣野，決定一試。小店應該新開，午市人流不多。坐得好舒服。叫左個套餐，有湯，小食，主菜同甜品。湯料見到有茶樹菇，圓肉，雞，豬肉，好清甜好香，好啱作為中女的我。小食揀左口水雞，麻香多，小小辣，我怕辣就剛好。叫左酸菜魚，小辣。魚好滑好香，酸味來之酸菜，不會死酸，小辣又剛剛好。魚湯用黎撈飯剛剛好呀。不過我不愛大豆芽，下次要叫走豆芽🤣套餐有甜品，係四川小食冰粉。有少少花生碎，配桂花黑糖，小小甜幾得意。另外佢杯茶好香，唔知用咩茶葉呢😆總體黎講都幾抵食，希望小店在逆市中撐得住啦💪🏻…查看更多

土地問題，疫情下搵個地方可以坐下溫書都好難。有緣經過上黎，安靜地坐下讀書真係好舒服。小店有心做咖啡，每樣都有講解。杯expresso tonic好飲，waffle 都幾好食，推薦。…查看更多

叫了鮮蠔粥，58元份量正堂，有4隻蠔。蠔味道不錯，但是感覺上蠔是曬過的，好彩未到蠔豉的感覺，否則的話平時只食鮮蠔唔愛蠔豉的我就真係食唔到。粥底還可，有豬肉碎和花生。只是我不愛花生，浪費了。如果你唔食芫茜，咁就唔好叫呢個。因為佢芫茜應該一齊同粥煮左陣，唔係係粥面可以好易分得開。不愛芫茜的我，食得有點痛苦。…查看更多

尋找下午茶，31元餐有靚湯有5隻羊肉餃。個湯真係好足料，飲完唔會口湯，真係無味精架😂羊肉餃好好味，皮薄餡靚，食完先發覺唔記得影相😂佢有生餃子賣，於是買左一打芝士餃返屋企煎做晚餐，都好正！…查看更多

新鋪開左一陣，見到都幾多人黎試，有機會也試了一次。座位有大檯和bar檯式，個格局同之前間拉面店差不多（其實之前間拉面都幾好食)。自己一個就坐左bar檯，好啱我呢個獨L。裝修幾舒服，小清新路線。今次叫左慢煮豬軟骨麵。小食在涼拌青瓜同鹽酥雞。涼拌青瓜不太辣，幾清新。鹽酥雞味道好好，蒜香味夠，唔會乾，但如果個面做得再脆啲就完美。麵好有口感，湯底係牛肉麵果種，好好味。蘿蔔好淋甜，豬軟骨好淋好入味，不錯。有餐飲，叫了冬瓜茶，都幾好。…查看更多

一向都幾鐘意係海港城食飯，因為會有海景。呢間環境很好，仲有少量戶外位，不過冬天都係室內好。今次試左美人鍋，個湯好濃。無水果陣店員係加湯俾你唔係加清水，真係有誠意。個梳乎厘玉子燒真係好香好滑，仲識震騰騰架！個卷就一般。整體來講中上。…查看更多

放工去食。本來以為早餐未必夠飽，但上到黎個份量真係好夠。(唔記得咗呢個all day breakfast 既名)個包好好食，烤得啱啱好，香脆。個薯蓉好香，有薯粒果隻，好正。以為青豆醬會好怪，但其實甜甜地幾好味，可以用黎搽包。個蛋一流！豬肉煎得好香，腸仔好好食。唯獨係個煙內燶左少少。食完超飽。紫薯latte同green tea latte都有拉花。如果睇唔出綠茶果杯拉左咩，就睇下標題，真係估佢唔到。…查看更多