巷·弄 (已結業)

新鋪開左一陣，見到都幾多人黎試，有機會也試了一次。座位有大檯和bar檯式，個格局同之前間拉面店差不多（其實之前間拉面都幾好食)。自己一個就坐左bar檯，好啱我呢個獨L。裝修幾舒服，小清新路線。今次叫左慢煮豬軟骨麵。小食在涼拌青瓜同鹽酥雞。涼拌青瓜不太辣，幾清新。鹽酥雞味道好好，蒜香味夠，唔會乾，但如果個面做得再脆啲就完美。麵好有口感，湯底係牛肉麵果種，好好味。蘿蔔好淋甜，豬軟骨好淋好入味，不錯。有餐飲，叫了冬瓜茶，都幾好。